تجهيزي لفرحي ....مفيد لكل عروسة مصرية

أزيكوا يا بنات

أخباركوم أيه

معلش غيبت عليكوا شوية

vetdody
ربنا يسعدك إن شاء الله
ويرضي باباكي عنك ويكون فرحك جميل بإذن الله

أنا عملت خطوبتي في دار البنك الأهلي زي ما قولت لرورة في الموضوع الي قالتلك عليه

القاعة الكبيرة اللي بتاخد من 200 لـ 400 جميلة أوي والدار نفسها نظيفة

حولي تستغني عن الحاجات اللي ملهاش لازمة أوي علشان تقليلي الألف جنيه

مثلاً بدل كاميرتين فيديو كاميرا واحدة كفاية أوي
الصور الفوتوغرافية خليها فيلمين أو لو عندك حد في العيلة عنده كاميرا حلوة وبيصور كويس ممكن تكتفي بفيلم فوتوغرافي واحد
بس متلغيش اصور الفوتوغرافية علشان بتكون أحسن من الفيديو
التورتة 3 أدوار كفاية
ممكن تختاري كوشة مش غالية أوي
وممكن كمان الزفة تكون برده مش جامدة
أنا عن نفسي مبحبش الزفة

ممكن زفة التورتة تلغيها

بس اللي ممكن يفرق في السعر هو العدد
يعني حاولي تعزمي اللي يهموكي أوي مش لازم تعزمي البلد كلها

عندي فكرة
أعزمي العدد اللي إنتي عايزه في كتب الكتاب والفرح إعزمي الناس اللي مينفعشي متتعزمشي
وطبعا صحابك أنتي والعريس لازم تعزميهم علشان هما اللي هيخلوا الفرح ليه طعم

وعندي فكرة تانية
كتب الكتاب لو هتعمليه في قاعة زي مشيخة الأزهر مثلاً
بيكون فيه إيجار للقاعة + الشكولاته + حاجة صاقعة مثلاً الحاجات دي ممكن تعمل 500 أو 600
ممكن توفري الفلوس دي عن طريق أنك تكتبي الكتاب في قاعة الفرح وتحطي ال 500 جنيه دول على ميزانية الفرح
وبتبقى شيك أوي ومش تقليدية

بس لازم تركزي في إمتحاناتك علشان لما يجي الفرح إن شاء الله تكوني مستعدة نفسياً
ومتقلقيش نفسك أوي كده
لازم بيحصل شد وجذب في كل جوازة
أنا مش عايزة أقولك في خطوبتي أيه اللي كان بيحصل لغاية قبلها بيومين مكونتش عارفة أعزم الناس ولا لأ
وربنا يوفقك إن شاء الله

رورة حبيبتي
عاملة أيه وبتعملي أيه دلوقتي
أنا مش عايزة أعمل فرح أنا عايزة أكتب الكتاب و أسافر بره
بس إبتدوا يلعبولي في دماغي
وقلقانة إني أرجع أندم وقت لا ينفع الندم


إدعولي أنا كمان

حبيبتي vetdody

والله انا حسة بيكي جدا.. لأني فعلا كنت زيك بالظبط .. بس الحمدلله ربنا وفقنا واستقريت

لكن الي انتي بتعمليه دة مينفعش .. القلق وعدم حلك في الامتحان كل دة ولا هيقدم ولا هيأخر حاجة في الموضوع
والي عيزه ربنا هيكون، سلمي امرك لله وان شاء الله ربنا ييسرلك امورك وانا عيوني ليكي ولو احتجتي اي حاجة انا تحت امرك واوعي تترددي في الطلب

بصي .. حاولي تختصري فأي حاجة عشان انا اعرف انه بيبأة عرض وانتي الي بتختاري .. حاولي تختصري بأي شكل عشان الألف الزيادة دي وربنا معاكي

وانا شايفة ان المركبات مش غالية ولا حاجة يابنتي

انتي لو اخترتي تأجير القاعة 900 ودي أكبر وأحلا قاعة اصلا+ كوشة 700 + تورتة 3 ادور 150 جنيه + زفة عادية بــ400 + دي جي 500 مع تصوير الفيديو مش فاكرة بكام اعتقد 300 واتصوري صور الفرح برة
واخترتي هاي تي الي هو مثلا بـــ 20 جنيه x 250 فرد..+ الخدمة اعتقد 12%

هيبأة بالظبط.. 8000 جنيه ، وممكن كمان تشيلي اي حاجة منه

يابنتي اختاري من العرض الي عندك.. انا معايا العروض كلها وانتي بتختاري الي انتي عيزاه..

استحالة تبأة دار ضباط المركبات بالعروض الي بقولك عليها دي اكتر من 8000 جنيه

أو اعمليه في حمام السباحة بيشيل حوالي 400 فرد واختاري الهاي تي اللي هو بـــ16 جنيه الفرد. وحمام السباحة سعره ارخص من القاعة..

هم اكيد ادوكي العروض في المركبات .. قوليلي وانا اختار معاكي ونحاول نجمعها سوا ونخليها 8000 .. اوك ياجميل

مستنية ردك

رورة حبيبتي
عاملة أيه وبتعملي أيه دلوقتي
أنا مش عايزة أعمل فرح أنا عايزة أكتب الكتاب و أسافر بره
بس إبتدوا يلعبولي في دماغي
وقلقانة إني أرجع أندم وقت لا ينفع الندم


إدعولي أنا كمان



اذيك انتي ياتايتو.. بجد وحشاني جدا

فكرتك جميلة جدا وعجبتني .. انك تكتبي الكتاب وتسافري...

وكفاية اوي ان اول حياتك مش هتبتديها وربنا غضبان عنك في فرح واغاني ورقص وكلام فاضي
وانا لومش ورايا اهلي كنت عملت زيك

وبعدين يابنتي احسن حاجة انك توفري فلوس الفرح دي وتتفسحي بيها انتي وجوزك

بجد فكرة رائعة .. وسدئيني مش هتندمي ابدا.. بس بردو خلي ليلة كتب كتابك مميزة وحلوة وصوريها فيديو وكدة واعمليها زي الفرح بالظبط.. او عالأقل ليلة الحنة

انا كمان ناوية ان شاء الله اخلي ليلة كتب الكتاب مع الحنة..


انا بأة مبعملش حاجة خالص

بالنسبة للريجيم اتعاملت مع اخصائية تغذية وكتبتلي علا نظام حلو هتابعة ان شاء الله من اول الاسبوع الجي.. وربنا ييسر .. وهتابع في جيم ايروبكس وهمشي ساعة كل يوم.. كفاية صح؟؟

انتي بأة عملتي ايه

تايتو بقولك ايه

نسيت اسألك

تعرفي فين موضوع مصراوية الي كانت عملاه بتسأل فيه عن فرقة بتعمل حنة؟؟ لأني مش لأياه خالص

وفي حاجة كمان.. تعرفي محمد الصغير بياخد كام عالصبغة الشعر الطويل..

او لو عندك اي حد تاني تعرفيه بيعمل صبغة حلوة قوليلي فين وبكام وكدة

بصى يا ستى انا اخترت فى المركبات الحاجات دى

الهاى تى هو قالى اقل حاجه اللى بى 16 اضربيهم فى 250 واجمعى 12 فى الميه الخدمه شوفى هيديكى كام اصل انا الصراحه مش شاطره فى الحساب



ايجار قاعه نفرتيتى كان700 جنيه



الزفه كانت 125



التورته 120



الفيلم التصوير واحد 80



الكوشه 1000 وده حاجه رخمه جدا لانى الراجل قالى لازم الكوشه دى مع القاعات الكبيره



الفيديو 500



الدى جى 500




شو التورته 150



ليز ودخان 300

شاشع عرض 200



صيانه واضاءه 150


الاكل ينزل على الترابيزه 500 ودى انا مش عارفه ليه انا هعمل هاى تى مش بوفيه


شوفى كل ده هتلاقى عمل مبلغ وقدره


واوعى تنسى تردى عليه

عايزه اسال سؤال وياريت تايتو ترد عليه انا هعمل هاى تى فى فرحى بس انا عايزه اققلل الحاجات اللى موجوده فى الطبق


فى حاجات كتيره اوى فى الطبق فى شربات


سوفت درينك
ساندويتش دندى
ساندويتش روزبيف
بوله سلطه مشكله
قطعه جاتوه
تورته مشكله
بيتى فور
باتون ساليه
ساليزون
قالب انجليش كيك
بسبوسه وكنافه



ممكن اقول المسؤل عن القاعه انه يشيلى حاجات من الطبق


تفتكر يرضه ولا لئه




يارب يرضه حد يقولى

ادعولى كلكم انه يرضه
اصل انا مش عارفه حالتى ايه لو مرضاش

رورة الأمورة

أنا دورت على موضوع مصراوية ومش لاقياه
بس لما أروح الشغل بكره هدورلك عليه تاني علشان النت هناك أسرع كتير

أنا كمان بفكر أعمل حنة و أجيب ستونة و أعمل حاجات حلوة مع أني مبحبش الحنة :cool2:
أو ممكن صحابي ييجوا ونرقص ونهيص من غير حنة

موضوع الصبغة بأه معرفشي فيه حاجة خالص
علشان أنا شعري أسود غامق لدرجة أن في ناس بيفتكروني صبغاه أسود وبحبه كده
كمان علشان لما أتجوز يشوفه على طبيعته وبعدين نصبغ ونقص ونعمل كل حاجة
أنا عندي تليفون السنتر بتاع محمد الصغير اللي في الزمالك لوعايزه أبعتهولك على الخاص
ولو قوانين المنتدى تسمح ممكن نحطه على العام علشان البنات تستفيد
بس أنا أعرف أنه غالي أوي

vetdody

شو التورته بتاعهم مش جامد ممكن تستغني عنه



ليز ودخان ملهوش لازمة


شاشع عرض 200 مش مهمة اللي عايز يشوف كويس يقوم ويوقف جنب العروسة

بوصي يا سيتي هما مبيخدوش الفلوس علطول أنتي بتحجزي ب 500 جنيه والباقي قبل الفرح بإسبوعين

فممكن أنتي تحاولي في الفترة تدي تضغطي مصاريفك وتحوشي شوية
وتأجلي الكماليات اللي في الجهاز أو الحاجات اللي ممكن تشتريها بعد الجواز
وتحطي الفلوس دي على ميزانية والدك قدام منشف دماغه أوي كدا

وربنا يوفقك إن شاء الله

أما موضوع يشيل أصناف من الطبق
أتصلي بيهم وأسأليهم ومتستسلميش بسهولة

ودوري على حد قريبك أو معرفة يكون شغال في البنك الأهلي ممكن يعملولوه تخفيض لو حجز بأسمه
ممكن بس أنا مش متأكدة

رورة حبيبتي هي الوحيدة اللي سألت عليا
علشان كده هرد عليها هيا بس
وبقية البنات يبصوا الناحية التانية :cool2:

أنا إبتديت أقلق و أخاف ومتنرفزة (6)

بعمل حمام الزيت لشعري وبحط ورق السدر
لكن التساقط فظيع لدرجة أن صحباتي لما شافوا شعري قالولي هو خف أوي كده ليه مع أنه أصلاً خفيف ومش ناقص
:cry:


ربنا يستر بأه

مرحتش للدكتورة:ss:

ومرحتش الجيم:sad:

وبدل معمل ريجيم باكل فطير و مكرونة وحلويات وشوكلاتات وشوية وهاكل دراع اللي جنبي:qaq:

أول مقولت هعمل رجيم جتلي حالة طفاسة فظيعة :o

يا بنات بصوا بقى

أنا محتاجة مساعدة

إن شاء الله مش هعمل فرح

بس عايزة أعمل كتب كتاب حلو

و إن شاء الله هلبس فيه فستان الفرح وهلبس الحجاب بإذن الله

بس أنا مبحبس الربطة السبانش
نفسي في ربطة حلو وجميلة بس متكونشي قديمة تكون جديدة ومش تقليدية وشيك
أنا فكرت ألبس برنيطة كبيرة أوي زي بتاعة الأفلام الأجنبي

بس مش عارفة تبقى كويسة ولا لأ
ممكن تدوني إقتراحات ولو عنكوا صورة ربطات طرح حلوة وجديدة تبعتوهالي

وكمان عايزة أسألكوا عن قاعات كتب الكتاب
هل في حاجة غير مشيخة الأزهر ؟
و ياترى الأسعار أيه

أفيدوني و إدعولي علشان أنا قلقانة أوي ولسه مخلصتش الجهاز

انا عايزه اسالكم مش كان فيه موضوع غير ده؟ ولا انا اتلخبطت ولا ايه؟

حبيبتي vetdody


مبلغ وقدره ايه يابنتي .. انا جمعت كل الفيلم دة لئيته بالظبط 8685 جنيه

ولو شيلتي شاشة العرض وشو التورته زي ما تايتو قالت ولأني بصراحة شايفة انه ملهوش لازمة

هيطلعلك 8335 يعني مش كتير ولا حاجة.. يعني زيادة حوالي 335 جنيه بس

اعتقد ان الـــ335 لو حاولتي تحوشيهم شوية .. هتجمعيهم.. والله يابنتي هتدبريهم ان شاء الله متخافيش

وبعدين اكيد قالولك انهم بيخدو تأمين 1000 جنيه بتاخدوه تاني بعد الفرح.. يعني المبلغ هيبأة 9338

بس قوليلي لو المبلغ دة بعد متشيلي شاشة العرض وشو التورتة 8338 جنيه .. هيمشي الحال ولا ايه ؟؟؟

ابقي طمنيني .. وانا شايفة انك تتوكلي علا الله وتحجزيها وتحاولي تخلي باباكي يوافق عال300 جنيه الزيادة دول .. شوفي هتعملي ايه وقوليلي .. اوك

G(G اذيك ياجميل .. ايه اخبارك

هو فعلا كان في موضوع تاني .. بس دة الجزء التاني بتاعه.. ويلا بأة متحرمناش من مشاركاتك

تايتو اذيك .. وحشاني

أنا إبتديت أقلق و أخاف ومتنرفزة

بعمل حمام الزيت لشعري وبحط ورق السدر
لكن التساقط فظيع لدرجة أن صحباتي لما شافوا شعري قالولي هو خف أوي كده ليه مع أنه أصلاً خفيف ومش ناقص



ربنا يستر بأه

مرحتش للدكتورة

ومرحتش الجيم

وبدل معمل ريجيم باكل فطير و مكرونة وحلويات وشوكلاتات وشوية وهاكل دراع اللي جنبي

أول مقولت هعمل رجيم جتلي حالة طفاسة فظيعة


هههههههههههههههههههههههه .. زيي بالظبط.... بس انا ناوية ان شاء الله اتابع بجد المرة دي من يوم السبت .. لأني بدأت مع اخصائية الغذاء عزبة وادتني نظام غذائي كويس والله والمستعان

بالنسبة لشعري .. انا مش فاكرة بصراحة اخر مرة غسلته كانت امتة .. هههههههههههه.. والله عمال يبرم ويأنزج لحد ما بأة عامل زي ديل الكلب


بس يلا بجد نشجع بعض ونبدأ الاسبوع الجي .. يابنتي دحنا خلاص دخلنا عالصيف ومفاضلش غير شهرين تلاتة عالفرح









يا بنات بصوا بقى

أنا محتاجة مساعدة

إن شاء الله مش هعمل فرح

بس عايزة أعمل كتب كتاب حلو

و إن شاء الله هلبس فيه فستان الفرح وهلبس الحجاب بإذن الله

بس أنا مبحبس الربطة السبانش
نفسي في ربطة حلو وجميلة بس متكونشي قديمة تكون جديدة ومش تقليدية وشيك
أنا فكرت ألبس برنيطة كبيرة أوي زي بتاعة الأفلام الأجنبي

بس مش عارفة تبقى كويسة ولا لأ
ممكن تدوني إقتراحات ولو عنكوا صورة ربطات طرح حلوة وجديدة تبعتوهالي



بصي ياتايتو .. انا مشكلتي زي مشكلتك بالظبط وبجد كان نفسي اساعدك.. وانا جبت من الآخر وهقلع الحجاب.. لسة مش متأكدة .. عرفة ليه .. لأني نازلة ابل فرحي بأسبوعين وناوية بإذن الله تعالى أأجر الفستان.. فلو لئيت أصلا فستان في الوقت دة مش محجوز يبأة كويس .. ما بالك بأة بربطة حجاب كويسة وفستان محجبات كويس و... إلخ

بالنسبة للبرنيطة .. انا مش معاكي فيها ابدا ابدا ابدا.. حسة ان الكل هيتريأ عليكي .. هههههههههههههههههههههههههه

حاولي تبئي بسيطة ومش غريبة علا اد متقدري .. عيزاكي تبئي زي الملايكة .. ومفيش مانع من الاختلاف والتميز .. بس مش للدرجة دي يا تايتو... بصي .. هحاول اشوفلك صرفة في اللي انتي عيزاه وافكرلك شوية وافكر لنفسي بالمرة




وكمان عايزة أسألكوا عن قاعات كتب الكتاب
هل في حاجة غير مشيخة الأزهر ؟
و ياترى الأسعار أيه


بالنسبة لدار الإفتاء .. هل هي مشيخة الأزهر برده ولا ايه.. واسمع كمان عن مسجد النور في العباسية .. بس اعتقد كله ميعديش الــ500 جنيه كان نفسي افيدك..

بالنسبة بأة للحنة .. وكتب الكتاب .. عندي أفكار رائعة وناوية اعملها ان شاء الله

بصي الحنة هاتي ستونا او اي واحدة تانية زيها .. وخليها ترسملك وترسم للبنات.. خليها تعملك حاجات بسيطة عالصدر وعالبطن .. يعني حاجات متبنش إلا لجوزك بس .. وتبأة بسيطة اوي وصغيرة .. وكمان ممكن تهيصي مع صحابك وترقصو زي منتو عيزين .. وتوزعي عليهم حنة في اكياس صغيرة. وتعملي تربيزة الحنة بتاعتك وتحطي فوسطها شموع صغيرة كدة في كاسات.. هتبأة حلوة جدا. جربيها

وحاولي تجيبي أكياس صغيرة اوي في كتب الكتاب زي اكياس الهدايا او اعمليها انتي بنفسك لو تقدري . هاتي قماش خيش مش غالي .. ولمي شوية بنات صحابك وقطعوه وخيطوه واعملوه علا هيئة اكياس صغيرة للهدايا.. وطرزوه مثلا من أدام بترتر او خرز بطريقة شيك .. وهاتي خيط تخين دهبي .. وتحطي فيها مصاحف صغيرة اوي مع حبة شوكولاتة او اتنين .. مع كتيب صغير اسلامي عن الزواج في الإسلام مثلا.. وتقفلي الكيس الصغير بالرباط الدهبي دة وتوزعيه في صينية شيك كدة علا الناس.. فكرة ظريفة جدا ومش مكلفة .. وسدئيني هتبأة فكرة حلوة اوي ربنا هيباركلك فيها زواجك




أفيدوني و إدعولي علشان أنا قلقانة أوي ولسه مخلصتش الجهاز

ومين سمعك ياحبيبتي

بس انا لو شفتيني وانا بشتري جهازي هتلائيني بنط زي الأرنب وبعدي حاجات كتير اوي أكني مش واخدة بالي

لأن بصراحة الفلوس مقصرة اوي

انا خلصت الكريمات والبرفانات وحاجة الشعر وبصراحة انتقمت فيها جامد وجبت حاجات كتير جدا من اول المرطبات والمجموعات الكاملة لحد المنظفات والأقنعة.. الحمدلله انتقمت فيها .. حتى الفوط الصحية ومعجون وفرشة الأسنان جبتها..÷ههههههههههه

بالنسبة للبس الشتوي .. خلصته ..

بالنسبة لقمصان النوم وملابس النوم خلصتها..
عندي 27 قميص .. منهم طقم الصباحية..
وعندي بيجامتين حمالات ساتان نوم
وعندي 2 حمالات وشورت قطن....

كفاية كدة نوم ولا ايه؟؟

الصيفي مجبتش فيه غير 3 بيجامات برامودا ونص كم .. دول قلت اقعد بيهم مع صحابي وجوزي واخواته وقرايبه البنات
وهجيب عليهم مثلا 2 تانيين
وعيزة اجيب 3 فساتين قطن للأعاد بردو..
و3 جلابيات كدة بردو صيفي للأعاد..

كفاية كدة ولا ايه؟؟

الاستقبال الصيفي .. مجبتش إلا عباية ستان وحدة .. وانا كان عندي اتنين من الأول بس أدام .. بس مش اوي يعني يمشو استقبال
قلت هجيب عليهم واحدة كمان

بالنسبة للبيجامات الساتان الاستقبال .. عندي 3

الاستقبال كدة كفاية ولا ايه؟؟؟

المهم انا كدة ناقصني بس لبس الخروج .. وقلت مش هكتر بردو
وناقصني الماكياج
وناقصني الكام حاجة فلبس البيت الي قلتلك عليهم دول


ويادوب هعرف اجيبهم في الشهرين اللي ناقصني دول.. ايه رأيك

بصى يا جميل انا لما روحت انا وخطيبى كان فيه شاب كده قاعد ودخلناله


وخطيبى طلب منه نشوف القاعات الكبيره الاول وروحنا وشوفناها


وبعد لما رجعنا قولت لخطيبى خليه يحسب الحاجات اللى احنا عايزنها


الراجل والله كان رخم معانا اوى كان بيكلم صحبه ومش مدينا اى اهتماما


يعنى كان سامح بيمليه الحاجات وهو مش مركز


فلما قلت لخطيبى الراجل حسبلينا حسبت الفرح غلط امبارح فى التليفون


قالى لئه القاعه دى مش عاجبنى قولتله بس القاعه حلوه قالى الراجل المسئول فيه ميشجعش


ومش بيخد ويدى زى الباقى



والصراحه خطيبى ضابط وانتى عارفه الضبات لما بيديقه من حد خلاص بتقفل معهم




طيب بصى يا روره فكرى معايا افردى انا معرفتش اعمل فى قاعه البنك الاهلى يبقه الحل المركبات


طيب اقول خطيبى ايه بالرغم ان الراجل فعلا كان مش مدى الموضوع اى اهتمام


ده خطيبى بيقوله ايه السرفسه اللى على التربيزات دى لان الصراحه انا مشفتهاش اللى فى الدار دى


مش يفهمه لئه قالو كل دار واسلوبها


الصراحه الراجل مستفز ومش هعرف اقنع خطيبى ان احنا نروح الدار دى تانى

بصي يا vetdody


الأول كانت المشكلة في الفلوس .. دلوقت المشكلة في خطيبك

هقولك علا حاجة .. اكتر حاجة ممكن تأثر في الراجل العياط .. هههههههههههههههه

عيطيله شوية .. واتكلمي بصعبانية .. وقوليله طب انا دلوقت اعمل ايه بس .. انا تعبت ومحلتش حاجة في الامتحان..
انا الي بدورلكو بنفسي وشايلة الهم كله.. اعمل ايه بس .. كله دة عشان الراجل مستفز.. قوليله يعني هو احنا هنشحت منه!! احنا هندفعله فلوس .. وخينا نروح تاني ونتعاقد ولو اتكلم هنشتكيه للمسئول عن العلاقات العامة في الدار او المسئول عنه

ولو موافقش قوليله خلاص شفلي انت حل ... انا عملت الي عليا ومش عاجب.. اعمل ايه تاني ؟؟

ومتكلمهوش بأسلوب مستفز او تحدي .. كلميه بأسلوب كله رقة ونعومة وعيطي يابنتي .. العياط بيجيب فايدة سدئيني

ولو بردو مرضيش .. اسأليه لو تعمله فيه بس مش لازم هو يروح يتعاقد . قوليله هتروحي انتي وباباكي مثلا..

علا فكرة عيزة اقولك علا حاجة بالنسبة للهاي تي والبوفيه

انتي ممكن تتعاقدي علا حجز القاعة والزفة والتورتة والديجي والليزر والدخان والتصوير.

وبالنسبة للهاي تي هاتيه انتي من برة والدار بتاخد رسم بس .. يعني اسأليهم علا كدة ..

مثلا لو هتعزمي 250 فرد معنى كدة انه هيبأة في عدد 25 تربيزة .. كل تربيزة عليها 10 كراسي .. يبأة كدة المجموع 10 كراسي x 25 تربيزة بـــ250 فرد ..

يبأة كدة انتي عيزة هاي تي لــــ25 تربيزة ..

جميل

روحي لحلواني كويس في القاهرة وانا انصحك بالعبد .. فوق الوصف انا جبت منه في قراءة فاتحتي

تعاقدي معاه علا 25 تورتة و 250 قطعة جاتوه و250 قطعة باتيه بالجبنة و باتون سيليه
وبالنسبة للأكل روحي لأي فرن محترم وتعاقدي معاه مثلا علا 500 ساندوتش .. منهم 250 ساندوتش جبنة رومي .. و 250 اي نوع لحوم

يبأة كدة علا كل تربيزة هيتحط بالظبط.. تورتة واحدة + 20 ساندوتش + باتون سيليه + 10 حتت جاتوه + 10 قطع باتيه بالجبنة
ودة طبعا علا حسب العشرة الي هيقعدو علا كل تربيزة
يعني معنى كدة كل واحد هياخد (2 ساندويتش + قطعة تورتة + قطعة جاتوه + باتون سيليه + قطعة باتيه)

طبعا لما تجمعيه كدة من برة هيبأة اقل كتييييير

بعدين روحي لأي سوبر ماركت وهاتي منه 25 زجاجة مياه معدنية كبيرة على كل تربيزة هتتحط واحدة
و 250 زجاجة بيبسي .. يعني هيتحط علا كل تربيزة 10 زجاجات علا حسب العشرة الي أعدين

انا هحاول اجمعهم معاكي بردو ..
لو نقول قطعة الجاتو بــ2 جنيه
قطعة الباتيه بــ2 جنيه
يبأة المجموع 4 جنيه للجاتوه والباتيه نضربهم في 250 فرد يبأة المجموع .. 1000 جنيه

طيب نيجي للتورتة لو قلنا مثلا سعر التورتة 40 جنيه.. مجموع 10 تورتة في 40 يبأة المجموع 400 جنيه

نيجي للباتون سيليه .. دة بيبأة رخيص يعني مش هيكمل 200 جنيه

بالنسبة للساندوتشات لو قلنا ساندوتشات محترمة وكبيرة وجبنة رومي مثلا مع لحمة باردة
لو قلنا الساندوتش بـــ2 جنيه للجبنة الرومي .. و 4 للحمة الباردة
يبأة المجموع 6 جنيه للاتنين
نضرب 6 في 250 فرد يبأة الناتج.. 1500 جنيه

المياه المعدنية لو الزجاجة بــ2 جنيه وجبتي 25 يبأة 2 في 25 بـــ50 جنيه

البيبسي اعتقد الزجاجة الي انتو بتسموها في مصر صاروخ بـــ 2 جنيه .. مش فاكرة بكام
المهم 2 في 250 فرد بـــ500 جنيه

يبأة مجموع كل حاجة كدة

الجاتوه + الباتيه = 1000 جنيه
10 تورتة = 400 جنيه
الباتون سيليه = 200 جنيه
الساندوتشات (2 ساندوتش لكل فرد)= 1500 جنيه
البيبسي والمياه المعدنية = 550 جنيه

يبأة مجموعهم كلهم حوالي 3650 جنيه

لو شلتي مثلا الباتون سيليه والتورتة
يبأة وفرتي 600 جنيه ويبأة المجموع 3000 جنيه

ويبأة كدة الفرد الواحد أخد (2 ساندوتش + قطعة جاتوه + قطعة باتيه + زجاجة بيبسي) والمياه المعدنية بتتوزع عالعشر أفراد

وكدة يبأة 100 % ياجميل


بصي انا حسبتلك بالظبط وبالتفصيل الممل كمان... لو جبتي الأكل من برة وحجزتي في دار ضباط المركبات 3000 في 12% خدمة + 500 جنيه عشان الأكل يتحط عالترابيزات يبأة المجموع كله 3860 جنيه .. قولي 4000 جنيه عشان لو اخدو رسم دخول الأكل..

ولو حسبتي بأة دار ضباط المركبات سعر الهاي تي الي عندهم بــ16 جنيه في 250 فرد + 500 جنيه لما الاكل يتحط عالترابيزات يبأة المجموع 4980 جنيه

يعني وفرتي علا نفسك 1000 جنيه

ونفس الطريقة احسبيها علا دار ضيافة البنك الأهلي..

بس رتبي امورك الاول

اتصلي بدار ضباط المركبات ودار ضيافة البنك الاهلي .. واسأليهم هياخدو كام بالظبط رسم دخول اكل من برة .. + 12% خدمة + 500 عشان الأكل لما يتحط عالترابيزات

تاني حاجة ..روحي العبد واسأليه هياخد كام لو اشتريتي منهم 250 قطعة جاتوه + 250 قطعة باتيه. واسأليهم التوصيل هيبأة ازاي ولازم يبأة في المعاد وهل هم بينسقو مع الدار ولا ايه .. وكل الحاجات دي

تالت حاجة .. روحي للفرن بنفسك .. واسأليه عالساندوتشات لو ساندوتشات كبيرة جبنة رومي + لحمة باردة 250 يبأة المجموع كام

وطبعا مش تسألي عالأسعار وتسكتي .. لأ طبعا.. العبد بيوريكي عينة للباتيه والجاتوه الي هيديهولك.. دة غير انك لازم تفاصلي فكل حاجة

بعدين انزلي اسألي في السوبر ماركت على زجاجات المية لو جبتي 25 كبار بكام
وزجاجات البيبسي .. الصندوق فيه اد ايه .. وبكام..

وهكذا..

انزلي بنفسك واسألي.. واحسبيها كويس .. وشوفي كله هيتكلف كام.. وقوليلي وانا هساعدك في الحساب لو عيزة
بس اكتبيلي كل حاجة بالتفصيل..


يلا ياجميل اسيبك دلوقت

انا مش عارفه اقولك ايه يا روره ده انتى الوحيده اللى واقفه جانبى وبتفكررى

يا رب يخليكى ليه يا رب وتتحققى كل اللى نفسك فيه


بجد انا كنت غارقنه وانتم اللى انقذتونى



يا ريت الاكل يكون من بره بس انا معتقدش انهم يرضو على العموم انا عتصل واسال

ويارب يوفقوا فعلا على كلامك هتوفر معايا كتير


انا مش عارفه اقولك ايه على تعبك معايا

الف الف شكررررررررررررررررررررررررررررررررررررررررررررررررا

انا هتصل وارد عليكى


هو انا لما احب ابعتليك رساله خاصه اعمل ايه