تجهيزي لفرحي ....مفيد لكل عروسة مصرية

ازيكوا يا بنات وحشتوووووووووووني كتير انا متشكره اوي على الترحيب الرائع ده

يا بنات انا كنت عايزه اعرف الاقي فين فساتين سواريه لكتب كتابي عشان هو كمان شهر و ياريت لو حد عنده صور لفساتين يبعتهالي

رورة

بصي ياستي

عرفت لك خبر حلو لفرحك
واحدة حبيبتي ع النت عملت فرحها في دار المدفعية قاعة كليوباترا 200 فرد واتكلف كله 8000 جنيه

خلي ماما تسال لك عليها واعتقد ممكن تكون احسن من دار البنك االاهلي

شوفي ولو عايزا تساليها علي حاجة عيوني يا جميل


نحب نخدم عرايس عروس



مصراوية حبيبتي ميرسي اوي ياجميل ، وكمان tyto انا بجد بجد تعبتكو معايا جدا


والخبر اللي عيزة انا كمان افرحكو بيه ان اخويا نزل امبارح دورلي على قاعات ودارات كتير وفي الآخر قاللي انا ارشحلك دار الأسلحة والذخيرة تحفففففففففة والفرح يوصل من 18 الى 20 الف
وبعدين دار المخابرات في المعادي من 13 لحد 15 الف

والاسعار دي 300 فرد

وبصراحة مش عجباني خالص،،،، مهما كانت حلوة، صحيح هي ليلة واحدة ولازم افرح بس انا شايفة انه قمة التبذير اننا ندفع 20000 في ساعتين !!!

بصراحة انا شفت البافن بتاع دار ضباط المركبات وعجبني موووووووووووووووووووووووووووت
والاسعار من سنتين ولو غليت اكيد هتغلى حاجة بسيطة والسعر لـــ250 فرد 13000 شامل التالي

اوبن بوفيه شامل المقبلات والاطباق الساخنة والسلاطات والخبز الفرنسي والمياه الغازية والمياه المعدنية، اوزي (خروف صغير)

شربات الفرح + التورتة 5 ادوار + شو التورتة
الزفة (فنون) + زفة المشاعل
محمل ملكي للعروسة اللي هو بيبأة واحد لابس ملابس تشريفة علا عربية ملكي حنطور بتاخد العروسة من الاستوديو حتى الزفة
اقواس وورود وشموع علا السلم وصحبة العروس
الكوشة
تصوير فيديو (ميكسر)+ نسخة اضافية
36 صورة للعريس والعروسة مع المعازيم
صور الزفاف (اعتقد 10 صور كبار)
تأجير القاعة (الف ليلة) ودي اكبر قاعة لحد 400 فرد
الديجي والساوند

وعلا فكرة انا هنا اخترت كلللل حاجة في البافن يعني في حاجات ممكن الغيها زي المحمل الملكي ، صور المعازيم، اخترت احسن كوشة، الاقواس والورود والشموع، الأوزي ..

والسعر دة بييجي ازاي، كل الحاجات اللي ذكرتها فوق باستثناء البوفيه والأوزي وشربات الفرح بيتحسب كل حاجة لوحدها
وتقريبا كل الحاجات دي بتبأة لو جمعناها 5000، وبعدين نيجي للبوفيه سعر الفرد للبوفيه مع الشربات مع المياه المعدنية والغازية 25 جنيه، وبالنسبة للأوزي سعره لوحده حوالي 600 جنيه.

ايه رأيكم يابنات ؟؟ والله انا شايفة دة بصراحة مناسب جدا جدا وشامل كل حاجة وهيبأة فرح تحفففففففة

يا رب إن شاء الله تكون حلوة و تفرحي بيها
و تعملي فرح حلو أوي أوي أوي

حمدالله على سلامتك حبيبتي تاني انا كمان فرحى قرب اوى بس انا بقي الحمد لله كملت فرش اوضة النوم كله و المطبخ و شوية حاجات و رافيع كدة و شوية لانجيري بس لسة عايزة اشترى تانى و انشالله ناوية انزل اجيب شوية هدوم شتوى بما اننا في الشتا يعنى بس انا محتارة انا بحب جدا البس بنطلونات في الشتا و مش بحب الجيبات اوى يعنى بس متهيالي كدة لازم اجيب جيبات صح؟
ياريت نرد علي بعض و نساعد بعض علشان نبقي احلي عرايس يعينى و الف مبروك ليكوا كلكم
و يا ريت اللي يعرف قاعه حلوة يكون سعرها كويس متهاود يعنى انا مش عايزة اعمل فرح كبير اوى يقولي عليها على طووووووووووووووووووووووووووووووووووووووول

مبروك ليكي يا مصراوية إنتي ورورة وكويس الواحد يكون وراه ناس خبرة يعتمد عليهم لما ييجي يتجوز

ألف مبروك مصراوية

ألف مبروك رورة

حبيبتي نجلاء طلعت اهلا بيكي معانا والله يبارك فيكي وعقبالك يااااااارب

وان شاء الله انا في الخدمة ولو عيزة اي حاجة تحت امرك

حبيبتي

lovely_rosa80


اهلا بيكي معانا ././

بصي ياحبيبتي .. بالنسبة للبس الشتوي انا مش عرفة انتي تقصدي لبس الخروج ولا لبس البيت

بالنسبة للبس البيت انا قلت مش هكتر فيه .. لأني هبأة لوحدي مع جوزي ان شاء الله لأننا مسافرين وقلت هبأة انا وهو بس فمكترتش من لبس الاستقبال، يعني جبت جلابية واحدة بس قطيفة لو جالي حد.. وجبت اللبس الشتوي كله مقاس او اتنين اكبر .. لأني عملت حساب انه هيبأة بعد سنة .. ويمكن ان شاء الله هيبأة فيه حمل، فقلت هينفعني جدا .. وجبت حاجة واحدة بس علا مقاسي بالظبط

انا جبت ياستي:

1- جلابية استقبال قطيفة لونها نبيتي شيك جدا
2- جلابية تانية شتوي .. تنفع استقبال وأعاد عادي
3- بيجاما شتوي حلوة اوي، ودي جبتها غالية شوية
4- لكلوك شتوي، اللي هو شبشب مقفول زي الشوز يعني بس للبيت.. جبته لونه بيج وفرو عشان يليق علا كل الألوان
5- جبت روب شتوي قطن بس مش عجبني ، فقررت ان شاء الله اجيب عليه روب قطيفة.

ولسة ان شاء الله ناوية اجيب كمان بيجامتين من اللي هم فيهم خطين من الجنب (السبورت) وهجيب كمان جلابية هي طالعة جديد كدة ، بتبأة مقفولة كلها من ادام بزراير او سوستة وممكن كمان تنفع روب

بس دي الحاجات الشتوي، بالنسبة للبس الخروج حاولي تشوفي ايه اللي بيليق عليكي وتجيبيه واللي بترتاحي فيه، وحاولي تجيبي بس جيبة واحدة مثلا، بتبأة شيك جدا مع الهاف بوت طبعا الكلام دة لو قصيرة، بس حاولي تقللي من اللبس الشتوي بقدر الإمكان عشان الجسم بيتغير

وانا من رأيي تجيبي مثلا 2 جاكيت لونين مختلفين ومنهم طبعا اللون الاسود عشان هيليق علا كل حاجة، وهاتي هاف بوت او بووت مقاس الرجل مش بيتغير، وممكن بأة تجيبي قماش بنطلونات تبئي تفصليها ساعتها علا حسب مقاسك لما تتجوزي، سدئيني هيبأة احسن كتير من انك تشتري جاهز وبعدين مقاسك يتغير، هاتي قماش اسود وبني وبيج وكدة ، ولما تيجي ساعتها ان شاء الله هتفصلي بأة علا ذوقك دة طبعا لو حظك كويس في التفصيل.

واي سؤال احنا كلنا تحت امرك ياجميل

يا بنات
أزيككككككككككككككككوووووووووووووووااااااااااااااااااااا

أمولة إنتي فينننننن
رورة أخبارك أيه

كل البنات الأمرات وحشتوني

بصوا يا بنات أنا بقى هاحكيلكوا أخر أخباري في الجهاز
بس تردوا عليا
متسبونيش أكلم نفس

إ‘تفقنا
عايزة حماس ونشاط زي البنات الشاطرين إيمان وبرايد وهالة وعودة

أول حاجة جبتها يا بنات كانت
1- الحلل و الصواني
علشان إنتوا عارفين إني خيبة في المطبخ فقولت أبتدي بيه

بصوا اللي أنا عرفته أن طقم الحلل أو الصواني 3 أنواع

ألمونيوم
إستانلستيل
تيفال

الألمونيوم بقى حاجة قديمة دلوقتي بس أنا ماما كانت جايبهولي طقم 8 حلل بمقاساتهم وطقم صواني 3 صواني
في أطقم 5 صواني و في أطقم 5 حلل

الأستانليس
بيلسع الأكل بس المصانع حسنوا وعملوا نوع بقاعدة عريضة علشان تحمي الأكل وميتحرقش
الحلل في أطقم من الصين أو تركيا 5 حلل بتكون في حدود 500 أو 600 وفي طقم زهران 8 حلل ب 1200, الصواني مش عارفة

التيفال
الأكل مبيلزقش
بس بيقولوا أنو بيتجرح بسرعة و ده بيكون مضرة أوي بالصحة
في طبعاً حاجات الصين وفي زهران وفي إيطالي

أنا عن نفسي بحب زهران علشان الحلل عليها ضمان 10 سنين
بصوا بقى عملت أيه
روحت معرض زهران اللي في المعادي (علشان أنا سكنة هناك)

لقيت الحلل الإستانليس بتتباع بالقطعة
جيبت أول 5 مقاسات 16و18و20و22و24
وجيبت الطاسات تيفال 3 مقاسات واحدة كبيرة و 2 متوسطين
وجبت الطبق بتاع البيض وقالب كيك برده تيفال

اللبانة جبتها ستانليس بس قالوللي لأ التيفال أحسن في اللبن

مجبتش كازرولة ولا حلة ضغط ,إن شاء الله في الأوكازيون هجيبهم
بس في ناس قاليتلي لازم أجيب حلة للرز تيفال علشان بيتلسع بسرعة

بس قولولي مفيدين أجيبهم ولا لأ
على فكرة معرض زهران في حاجات كتير حلوة بس غالي شوية
علشان كده هروح في الأوكازيون هتكون الأسعار أحسن إن شاء الله

بنات ردوا عليا وقلوللي اللي جبتوا ده مناسب ولا محتاجة حاجة تانية
مستنية ردكوا علشان أكمل

سلام علشان عندي شغل

tyto:
أول حاجة جبتها يا بنات كانت
1- الحلل و الصواني
علشان إنتوا عارفين إني خيبة في المطبخ فقولت أبتدي بيه

بصوا اللي أنا عرفته أن طقم الحلل أو الصواني 3 أنواع

ألمونيوم
إستانلستيل
تيفال

الألمونيوم بقى حاجة قديمة دلوقتي بس أنا ماما كانت جايبهولي طقم 8 حلل بمقاساتهم وطقم صواني 3 صواني
في أطقم 5 صواني و في أطقم 5 حلل

الأستانليس
بيلسع الأكل بس المصانع حسنوا وعملوا نوع بقاعدة عريضة علشان تحمي الأكل وميتحرقش
الحلل في أطقم من الصين أو تركيا 5 حلل بتكون في حدود 500 أو 600 وفي طقم زهران 8 حلل ب 1200, الصواني مش عارفة

التيفال
الأكل مبيلزقش
بس بيقولوا أنو بيتجرح بسرعة و ده بيكون مضرة أوي بالصحة
في طبعاً حاجات الصين وفي زهران وفي إيطالي

أنا عن نفسي بحب زهران علشان الحلل عليها ضمان 10 سنين
بصوا بقى عملت أيه
روحت معرض زهران اللي في المعادي (علشان أنا سكنة هناك)

لقيت الحلل الإستانليس بتتباع بالقطعة
جيبت أول 5 مقاسات 16و18و20و22و24
وجيبت الطاسات تيفال 3 مقاسات واحدة كبيرة و 2 متوسطين
وجبت الطبق بتاع البيض وقالب كيك برده تيفال

اللبانة جبتها ستانليس بس قالوللي لأ التيفال أحسن في اللبن

مجبتش كازرولة ولا حلة ضغط ,إن شاء الله في الأوكازيون هجيبهم
بس في ناس قاليتلي لازم أجيب حلة للرز تيفال علشان بيتلسع بسرعة

بس قولولي مفيدين أجيبهم ولا لأ
على فكرة معرض زهران في حاجات كتير حلوة بس غالي شوية
علشان كده هروح في الأوكازيون هتكون الأسعار أحسن إن شاء الله

بنات ردوا عليا وقلوللي اللي جبتوا ده مناسب ولا محتاجة حاجة تانية
مستنية ردكوا علشان أكمل

سلام علشان عندي شغل

حبيبتي تيتو برافو عليكي الحاجات اللي انت جبتيها دى حاجات مهمة انتى عارفة انا تقريبا جبت نفس الحاجات دى بس الصراحه انا مش جبت حله الرز لانى بعرف اعمل الرز كويس جدا و جبت اللبانه تيفال الصراحه جميله و شكلها تحفة
بس انا مش جبت الطبق بتاع البيض دة تفتكرى مهم اوى يعنى مش ينفع نعمله في الطاسة الصغيرة؟
عموما مبروك عليكى حبيبتى

Lovely_rosa80

منورة معانا يا جميل

بالنسبة لطبق البيض على حسب إستعمالك

أنا بحب أكل البيض المقلي أو العيون في نفس الطبق اللي معمول فيه
فمشمعقول أني أكل في طاسة

علشان كده جبته

أنتي لو بتفرغي البيض في طبق تاني مش هتفرق معاكي والطاسة الصغيرة هتكون كافية

والحلقة الجاية أكملكوا بقية الجهاز
علشان لازم أشتغل شوية

تاني حاجة جبتاها كانت الكاسات والكوبايات
دول بقى أشكال و أنواع كتيرة

لومينارك و pasabahce دول أرخص حاجة في السوق وحاجاتهم كويسة
بس لومينارك الكاسات مش أوي لكن الكوبايات و الأطباق جميلة
أرخص مكان هو حمام التلات بس لازم تفاصلي
شوفت طقم كاسات البياع قالي ب 45 لقيته في مول ب 28
الحمد لله أني مشترتهوش

الكوبايات : كوبايات ماء و كوبايات شاي
الكاسات : مقاسان نفس الشكل أو موديلين نفس المقاس
طبعاً 12 , كوبايات الماء ممكن ستة

مرات أخويا كانت جايبة كاسات موديلات كتير بس كلهم 6
لما كان بيرحلهوم عدد أكتر من 6
كانت بتقدم في مجموعتين من موديلين مختلفين

أخويا مكانش عاجبه وقالها لازم نجيب موديل 12

أنا شايفة أنه بيدلع

على فكرة لومينارك منزلة أطقم أطباق زجاج ألوانها جميلة أوي برتقالي ولموني ولبني و روز
وشيك أوي الطقم 25 قطعة بحوالي 450 وممكن تاخدي اللي أنتي عايزاه فرط
البياع في حمام التلات قالي ال 6 مسلطح كبير ب 140 يعني الطبق بحوالي 23
أنا شوفت الأطباق هيا هيا في معرض لومارشيه وفي محل تيوليب

عارفين بكام

مش هتصدقوا





الطبق الواحد






واحد بس









ب 60 جنيه








أنا بصراحة مكنتش بحب أروح حمام التلات والأزهر
علشان زحمة أوي و كمان مبعرفش أفاصل

بس كده من غير فصال أرخص بكتير أوي من بره

والفرق نجيب بيه حاجة تانية تفيدنا

السلام عليكم ورحمة اللة وبركاتة/
اهلا بكى اختى مصراوية ممكن نكون اصدقاء ؟

انا من مصر من مدينة بورسعيد ومقبلة على الزواج ولى اسئلة كتيرة ارجو ان تفيدينى
1-انا بشرتى دهنية وفى خطوبتى ساح المكياج وزعلت اوى انا سمعت ان فى مثبت للمكياج يرش بعدة هل هذا حقيقى وهل تعرفى ماركتة؟
2- انا سمعت كتير عن الماكيير علاء التونسى بيقولوا انة روعة بس لو جالى بورسعيد ياخذ كام؟
3- انا نفسى اجر فستان شيك ويكون مش تقليدى يعنى ابقى مثل السندريلا ممكن تقوليلى على محلات شيك؟
4- هل ممكن اجر فستان من القاهرة وانا من بورسعيد ؟
5- اهم حاجة فى اسئلتى تقوليى الاسعار..............

ارجو من كل بنات المنتدى المساعدة وخصوصا انتى يا مصراوية
ارجوكم افيدونى

اهلا بيكى معانا
بصر يا ستى بالنسبه للمثبت الميك اب بيكون عند الماكيير بس ممكن تثبتر ببودره مضغوطه
علاء التونسى بياخد تقريبا 1500 2000 ماعتقدش انو بيجى بورسعيد
الفساتين فى عندك اتيليه قرحه فى القاهره عمارات العبور تاجيره تقريبا 500 700
و يا ر يتن اكون افدتك:smile:

السلام عليكم ورحمة اللة وبركاتة/
شكرا على اهتمامك حبيبتى ......................
البودرة مش بثبت المكياج خالص عندى وانا عايزة رقم تليفون الاتيلية اللى اجرت من عندة احدى العضوات الى شاركوا فى الموضوع اللى سعرة 1350 ومن فضلك عايزة تفصيل اكثر فى العناوين

ما شاءا لله الموضوع كبر اوي اوي
وبقا جميل

ومعلش اعذروني مشغولة عنكم


بس عشان حمايا تعبان ع الاخرررررررررررر


وفرحي اتاجل :cry::cry:


ربنا يستر ويقوم بالسلامة ان شاء الله ادعو لي الله يخليكم يقوم بالسلامة احسن انا مرعوبة





والله كلكم منورين الموضوع
هحاول دلوقتي اقعد اقراه ان شاء الله


سمراء مصر

بصي يا جميل

طبعا تشرفني معرفتك وحظي انا اللي وحش اني مشغولة عنك
بس اي طلب عيوني ليكي تامري ومعلش بدخل كل فترة


بصي يا جميل

انا لفيت معظم محلات التاجير اللي ممكن الاقيها في القاهرة اللي تستاهل طبعا


وطلبي كان نفسي طلبك حاجة رقيقة وشيك حاجة تشرف وقيمة مش اي كلام

سنتر الفرحة ما عجبنيش


لقيته في اتيليه واحد اتيليه مها ادوارد

هو في مكرم عبيد في شارع متفرع

ولازم تكلميها قبلها عشان لازم تاخدي ميعاد منها اوايجارها 1350


ومش عارفا ترضي علي بورسعيد والا لا

بس اعتقد عادي توافق
عشان هي بتبقا واخدة تامين وضماناتها عادي يعني


وعلاء التونسي ممتاز بس بيخلي مكياج العيون قوي جدا عايزا

تشوفي شغله اي اغنية ل شيماء سعيد هو اللي بيعمل لها ميك اب

بس ما اعرفش يوافق يجي لك والا لا؟؟

خدي رقم تليفونه من مجلة ويدنج واتصلي اساليه عادي



وبالنسبة لمثبت المكياج اكيد في كتير واعقتد مافيش احلي من ميك اب فور ايفر بس غالية مش اقل من 200 جنيه اعتقد

وتقدري تستفيدي براي البنات في ركن المكياج اللي جربو يفيدوكي اكتر اكيد


واي طلب تاني عيوني ليكي

tyto

love rose

ربنا يارب يوفقكم ويتمم لكم بخير يارب

ويقويكم عشان التجهيز ده فعلا هدة حيل
اسالو مجرب

مصراوية حبيبتي ربنا يستر إن شاء الله و حماكي يخف

و تعملي الفرح في معاده

إنتي بتفكريني بنفسي أنا برده بقالي كتيير مخطوبة وكل شوية تحصل حاجة

ربنا يتمم لنا على خير إن شاء الله

إدعي ربنا كتير علشان يفرجها إن شاء الله



بالنسبة للكوبايات أنا جبت كتيير أوي
لقيت عندي 48 كوباية :rolleyes:
اشكال مختلفة طبعاً وفي طقم كمان عاجبني ومسكة نفسي علشان مجبهوش

الكاسات عندي 24
جبت 12 موديل واحد بس مقاسين
وجبت 12 كاس اللي هما بتوع الشمبانيا علشان شكلهم جميل
بس كبير اوي مش هيكون عملي

علشان كده لسه هجيب موديل يكون مقاسه متوسط وهجيب كه 12 إن شاء الله

بعد كده جبت الباطنية من كارفور ب 270 جنيه
ولقيتها في الغورية ب 190 :cry:

فجبت اللحاف من الغورية
في أشكال و أنواع بتتراوح من 150 لغاية 400

على فكرة في في الغورية مكان أسمه سنتر الأهرام للملابس

قاللولي عليه رخيص أوي وحاجته كويسة

هو فعلاً رخيص يعني قمصان النوم بتتراوح من 20 إلى 30 و البيجامات الستان من 25 إلى 35

بس بصراحة مش أد كده
بس ممكن تلاقوا حاجات تعجبكوا

السلام عليكم ورحمة الله وبركاته /

شكرا اختى مصراوية على اهتمامك وارجو ان نكون اصدقاء وربنا يتمملك على خير...........

لى سؤال لو سمحتى لى؟؟؟؟؟
ممكن تليفون اتيلية مها ادوارد وكمان عايدة نجيدة بس من فضلك عايزة ارقام الاتليية فقط مش الموبايل اذا كان فى استطاعتك

وتفتكرى علاء التونسى ياخذ كام اصل انا فكرت اجى القاهرة اعمل المكياج وارجع فى عربية مكيفة تفتكرى دة صح ولا اية رايك؟

افيدينى

شكرااااااااااااااااااااا