تجهيزي لفرحي ....مفيد لكل عروسة مصرية

حلو كثيررررررررررررررررررررر

حبيباتى واخواتى المشتركين بالموضوع

الصراحة اول ما قريت الموضوع الرائع حبيت اشكركم

على مجهودكم الرائع اللى فادتنى كتير

واتمنى من المشرفات انهم يثبتوا الموضوع عشان كل واحدة مصرية تدخل تستفيد

مثل م ا استفدت منكم يا قمرات

tyto ومصراوية

كلكم مش عايزة انسى حد

انا اشتريت طقم استلس وتيفال طاسات وحجيب طقم صوانى الومنيوم

وانا مثلك يا خادمة الفردوس اشتريت طفم استانلس من حمام التلات
وهو من كوريا اخذته ب420 جنيه بعد ما فاصلت معاه

وعلى فكرة نوعه حلو لان ام صديقتى مجرباه

وكمان جبت طاسة بس نوع تروفال البياع قالى احسن من نوفال ب 59 جنيه

وانا مثلك يا خادمة الفردوس اشتريت طفم استانلس من حمام التلات)
وهو من كوريا اخذته ب420 جنيه بعد ما فاصلت معاه

وعلى فكرة نوعه حلو لان ام صديقتى مجرباه

وكمان جبت طاسة بس نوع تروفال البياع قالى احسن من نوفال ب 59 جنيه

سمراء مصر




تليفون اتيلية مها ادوارد
مالهاش تليفون ده موبيل بتاعها





عايدة نجيدة
مالهاش تليفون اعرف عنوانها سهل اوي

جنب طيبة مول بالظبط هتلاقي عمارة جنب سلامة للسيارات ومكتوب علي بلكونة في اول دور اسمها

سهلة اوي



وتفتكرى علاء التونسى ياخذ كام

مش اقل من 2500 او 2000


لا طبعا غلط هتتبهدلي وخاصة لو في الصيف حرام
كتير عليكي 3 سااعات مواصلات

انتي شوفي رقمه وكلميه
يمكن يوافق ييجي لك


وانا ياقمر يشرفني نبقا اصحاب
واي سوال عيوني ليكي بس اسفة مشغولة وبدخل قليل بس عشان لو اتاخرت عليكي



تيتو

انتي الجندي المجهول في الموضوع

ولو انه مش مجهول طبعا بس انتي اللي منورة الموضوع بمشاركاتك

تسلمي علي مشاركاتك ومعلوماتك اللي كلها ممتازة ومفيدة


افيدينى

شكرااااااااااااااااااااا

مصراوية حبيبتي

لما كنت صغيرة كان لما حد بيسألني عايزة تشتغلي أيه لما تكبري
فكنت بقولهم عايزة أطلع عسكري

وأهو ربنا حقق أملي و بقيت جندي مجهول :cool2:

أخر أخبار الجهاز
أنا دلوقتي قلت أستغل فرصة الأوكازيون الشتوي
و أشتري الهدوم الشتوي للبيت والخروج

أنا بصراحة بحب اللبس الكاجول
فلو سابوني هجيب كلو جينز
و أنا فعلأ نزلت أول الأسبوع وجبت بنطلونين جينز واحد غامق وواحد فاتح
وقولت لنفسي هينفعوا صيف أو شتا

وجبت 2 جاكت جينز واحد الشكل العادي اللي لغاية الوسط
والتاني على شكل جاكت البدلة بس لغاية الجنب

أنا فرحي إن شاء الله هيكون في الصيف

قولولي بأه أجيب كام طقم شتوي للخروج
و كام واحد كاجول وكام واحد كلاسيك
لازم يبقى في جيبات ولا مش ضروري علشان الجيبات مبتكونشي حلوة عليا

وكمان أجيب كام بيجامة أنا جبت 5 في منهم واحدة واسعة أوي إدبست فيها مش هاعرف ألبسها

وكمان أنا عايزة لما أكون في بيتي أكون لبسة لبس حلو باديهات , برمودات , جيبات قصيرة
بس الكلام ده بالنسبة للصيفي , حد فيكوا عنده فكرة الشتا ممكن يتلبس فيه أيه
و خصوصاً أني أطرافي بتكون باردة جداً في الشتا

في حاجة تانية في الملابس الشتوي غير لبس الخروج و البيجامات

أنا لازم أشتغل شوية بأه يلا سلام دلوقتي

يلا عايزة نصايحكوا و المتزوجات يدونا خبراتهم

موضوع جميل ومفيد

استفدت منه كتير

اربنا يسعدكوااااااا

حبيبتي تايتو

بالنسبة للبس الخروج الشتوي حاولي متكتريش منه يماما عشان انتي هتتجوزي في الصيف ان شاء الله ومش ضامنة جسمك هيبأة عامل ازاي

متجيبيش كله ديق وعلا ادك بالظبط.. اللبس الشتوي .. كويس البنطلونين اللي انتي جبتيهم

هاتي جاكت جلد اسود.. هتحتاجيه يعني هتحتاجيه..

هاتي هاف بوت اسود وبني .. اللونين حلوين في الشتا وهيليئو علا كل حاجة حتى الجينس واعتقد مقاس الرجل مش بيتغير

هاتي قماش سادة من الأزهر .. هينفعك جدا والله.. لو بئيتي ان شاء الله حامل ولا حاجة .. هتبئي مش طايقة نفسك عشان مش هتلائي حاجة مقاسك.. ساعتها ممكن تفصلي فساتين حمل او جيبات وزي منتي عيزة


وبعدين هاتي مع كل الحاجات دي .. بدلتين كدة شيك تنزلي بيهم في الشتا.. هاتيهم مقاسك عادي وكفاية البنطلونين الجينس مع الجواكت اوي .. هاتي عليهم شنط واسبدرينات كاجوال..


لبس البيت بردو انصحك متكتريش منه لأنك بردو مش ضامنه جسمك

بالنسبالي انا

جبت جلابية استقبال شتوي .. شيك جدا اكبر مقاس واحد عشان بردو مش ضامنة جسمي .. يعني ممكن تنفعني اوي اول شهور الحمل ومن غير حمل كمان هتبأة مظبوطة علية.. يعني اقصد مرضتش اجيب حاجة تكون ماسكة علية بالظبط

جبت جلابية تانية عادية .. بردو اكبر مقاس واحد وحلوة علية احسن من اللي علا مقاسي بالظبط .. وبردو تنفعني لو تخنت شوية .. او في حمل .. ولو مفيش وفضل جسمي زي مهو بردو هتبأة حلوة .. مش اكبر مقاس يعني ابأة عملة فيها زي الهبلة

جبت كمان .. بيجاما شتوي تحففففففففة . .. وغالية ناااار.. دي عملت حساب اني البسها لو في عيد او مناسبة بيني وبين جوزي

جبت لكلوك شتوي للبيت طالع موضة اوي .. هينفع علا كل اللبس وجبته لونه بيج.. عشان يناسب كل حاجة وعشان انا كمان اطرافي بتبرد

متنسيش شرابات الخروج القطن واللي ممكن بردو تلبسيها في البيت

جبت بيجاما كمان قطن تنفع صيف وشتا لأنها بكم و3 قطع .. بنطلون وجاكت وبادي حمالات من تحت .. دي بردو تنفع اعاد ونوم ..

جبت ترينينج سيوت .. (ترنج شتوي) للأعاد في البيت .. وعلا فكرة سكي اوي لأنه ديق حبتين وسدره كله عريان بس قماشته تقيلة

ولسة عيزة اجيب ترينينج تاني عشان اخرج بيه للمشي

وجبت روب شتوي .. انا مجبتش قطيفة .. انتي بأة هاتي قطيفة هينفعك اوي وهيبأة شيك موووت للاستقبال .. وهاتي واحد قطن تقيل يتلبس كدة عالقمصان والهدوم العادية


دي الحاجات الشتوي.. ومكترتش فيها لأني هبأة مع جوزي لوحدنا في بلد غريبة ومحدش هيجلنا..

بالنسبة للبيجاما اللي جبتيها واتدبستي فيها .. انصحك تحتفظي بيها لأن اكيد اكيد هييجي وقتها


وربنا معاكي يحبيبتي

رورة حبيبتى ممكن تقوليلى جيبتى الحاجات دى منين واسعارها معلش

مبروك مصراويه عقبالنا

شكراً لك

السلام عليكم ورحمة الله وبركاته /
شكرا لكى اختى مصراوية على اهتمامك ولى سؤال من فضلك؟؟؟؟

هل اتليية مها ادوارد و عايدة نجيدة هم الافضل ولا فى احسن منهم؟؟

اصل انا احب الفخامة جدا جدا ولا احب الفستان البسيط

مرسي يا رورة يا حبيبتي على ردك الجميل لأنه فعلا مفيد


بصي أنا بعد ما قريت اللي قولتي عليه أعدت أكتب أيه اللي هكون محتاجاه
في حاجات عندي و في حاجات لأ

بس هحاول أكتبها كلها علشان البنات تستفيد

1- طقم كلاسيك شيك للخروجات الرسمية شوية
2- 2 طقم وسط ولا كلاسيك ولا كاجوال للشغل
3- طقم كاجوال
4- بنطلون أو جيبة جينز
5- جاكت جلد أسود أو بني
6- بالطو ممكن جلد بس في دلوقتي بلاطي قماش شيك أوي
7- جاكت فاتح علشان الجلد هيكون غامق فلازم يكون فيه واحد فاتح علشان التغيير
8- باديهات للبس تحت الجاكتات في صوف وفي قطن
9- هاف بوت بني و أسود أو واحد بوت طويل و التاني هاف
10- جزمة و شنطة كلاسيك بني أو أسود حسب الأطقم الكلاسيك بتاعتك
11- شنط كاجوال ألوان
13- كوتشي أو سبدرايهات
14- تريننج للمشي أو تقابلي بيه الأقارب أو الأصحاب
15- 6 بيجامات أو جلبيات (عادي وقطيفة)
16- روب قطيفة شيك
17- روب عادي
18- عباية
19-إيشاربات لو محجبة
20-إكسسوارات مناسبة لملابس الخروج وكذلك إكسسوارات للبيت


يا ريت تقولولي الحجات دي كفاية ولا كتير ولو في حاجة ملهاش لازمة أو لو في حاجة نضيفها
يا ريت تساعدوني


كنت عايزة كمان أسألكو عن المايو الشرعي رأيكوا أيه فيه

مصراوية

أيه الأخبار
قلقتينا عليكي

الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته ألف مبروك .. لقد سعدت بهذا الخبر حاجات كويسة وسهلة ممكن استخدمها للبشرة والجسم ابتدي اعمل برنامج للعناية بيهم انا فرحي فضلة حوالي4 شهور ولو تعرفي محلات كويسة في اسكندرية لفسلتين الفرح ياريت توليلي وكوافيرات كمان وميرسي جدا

bossy1585

أنا معرفشي أي حاجة في اسكنرية لكن ممكن تلاقي
في موضوع هام للبنات المصريات الجزء الأول و التاني
http://www.3roos.com/forums/showthread.php?t=61181&highlight=%C7%E1%E3%D5%D1%ED%C7%CA

http://www.3roos.com/forums/showthread.php?t=100849&highlight=%E5%C7%E3+%E1%E1%C8%E4%C7%CA+%C7%E1%E3%D5%D1%ED%C7%CA

وربنا يوفقك

رورة:
حبيبتي

lovely_rosa80


اهلا بيكي معانا ././

بصي ياحبيبتي .. بالنسبة للبس الشتوي انا مش عرفة انتي تقصدي لبس الخروج ولا لبس البيت

بالنسبة للبس البيت انا قلت مش هكتر فيه .. لأني هبأة لوحدي مع جوزي ان شاء الله لأننا مسافرين وقلت هبأة انا وهو بس فمكترتش من لبس الاستقبال، يعني جبت جلابية واحدة بس قطيفة لو جالي حد.. وجبت اللبس الشتوي كله مقاس او اتنين اكبر .. لأني عملت حساب انه هيبأة بعد سنة .. ويمكن ان شاء الله هيبأة فيه حمل، فقلت هينفعني جدا .. وجبت حاجة واحدة بس علا مقاسي بالظبط

انا جبت ياستي:

1- جلابية استقبال قطيفة لونها نبيتي شيك جدا
2- جلابية تانية شتوي .. تنفع استقبال وأعاد عادي
3- بيجاما شتوي حلوة اوي، ودي جبتها غالية شوية
4- لكلوك شتوي، اللي هو شبشب مقفول زي الشوز يعني بس للبيت.. جبته لونه بيج وفرو عشان يليق علا كل الألوان
5- جبت روب شتوي قطن بس مش عجبني ، فقررت ان شاء الله اجيب عليه روب قطيفة.

ولسة ان شاء الله ناوية اجيب كمان بيجامتين من اللي هم فيهم خطين من الجنب (السبورت) وهجيب كمان جلابية هي طالعة جديد كدة ، بتبأة مقفولة كلها من ادام بزراير او سوستة وممكن كمان تنفع روب

بس دي الحاجات الشتوي، بالنسبة للبس الخروج حاولي تشوفي ايه اللي بيليق عليكي وتجيبيه واللي بترتاحي فيه، وحاولي تجيبي بس جيبة واحدة مثلا، بتبأة شيك جدا مع الهاف بوت طبعا الكلام دة لو قصيرة، بس حاولي تقللي من اللبس الشتوي بقدر الإمكان عشان الجسم بيتغير

وانا من رأيي تجيبي مثلا 2 جاكيت لونين مختلفين ومنهم طبعا اللون الاسود عشان هيليق علا كل حاجة، وهاتي هاف بوت او بووت مقاس الرجل مش بيتغير، وممكن بأة تجيبي قماش بنطلونات تبئي تفصليها ساعتها علا حسب مقاسك لما تتجوزي، سدئيني هيبأة احسن كتير من انك تشتري جاهز وبعدين مقاسك يتغير، هاتي قماش اسود وبني وبيج وكدة ، ولما تيجي ساعتها ان شاء الله هتفصلي بأة علا ذوقك دة طبعا لو حظك كويس في التفصيل.

واي سؤال احنا كلنا تحت امرك ياجميل

ربنا يخليكي ليا يا رورة يا جميله بس تخيلي ان انا كمان ممكن اسافر مع جوزى خلاص انت عندك حق مش حكتر من الهدوم الشتوى و حشترى قماش احسن على الاقل حفصله زى منا عايزة و اسفه انى اتاخرت علي ردك بس غصب عنى
دلوقتى بقي حشترى الحاجات دى لان الصراحه مش كنت عارفة خالص و الحاجات دى كفاية اوى و بعدين ابقي اشترى اللي انا عيزاة و على حسب مقاسي بعد كدة صح الكلام ؟
ميرسي حبيبتى و ربنا يخليكي يا رب

حبيبتي سبايكي:

رورة حبيبتى ممكن تقوليلى جيبتى الحاجات دى منين واسعارها معلش


الحاجات دي جبتها من الكويت كلها وبصراحة كلها غالية :

1- جلابية الاستقبال بــ12 د.ك = 240 جنيه مصري
2- جلابية شتوي للأعاد عادية بــ2.5 د.ك = 50 جنيه مصري
3- بيجاما شتوي شيك للأعاد من BHS بــ16 د.ك = 320 جنيه مصري
4- لكلوك شتوي لونه بيج للبيت من بي إتش إس بـــ5 د.ك وبعد التخفيضات اصبح بــ2.5 يعني ابل التخفيضات = 100جنيه مصري ، بعد = 50 جنيه مصري
5- ترينينج سيوت شتوي للأعاد في البيت بــ3 د.ك يعني حوالي = 60 جنيه مصري
6- بيجاما 3 قطع قطنيه للشتاء بـــ3د.ك = 60 جنيه مصري
7- روب شتوي قطن للأعاد بـ5 د.ك = 100 جنيه مصري .. انا مجبتش استقبال .. بس الروب القطيفة الاستقبال سعره مش اقل من 10 د.ك =200 جنيه مصري، دة اقل حاجة

اتمنا يا سبايكي اكون افدتك