الرئيسية ركن العروس تجهيزات و استفسارات العروس تجهيزي لفرحي ....مفيد لكل عروسة مصرية

تجهيزي لفرحي ....مفيد لكل عروسة مصرية

مصراوية 30-11-2005 499 رد 27,178 مشاهدة
v
vetdody
عروس متألقة
08-03-2006 | 11:14 AM
هو لما حد فى المنتدى يبقه عايز يفتح موضوع جديد ازاى


اصل انا عامله اداور على ايقونه موضوع جديد ومش لاقيها
v
vetdody
عروس متألقة
08-03-2006 | 11:25 AM
بصى يا ستى انا اتصلت بالاتنين وقالولى مينفعش اجيب الاكل من بره لازم منهم
v
vetdody
عروس متألقة
08-03-2006 | 11:25 AM
بصى يا ستى انا اتصلت بالاتنين وقالولى مينفعش اجيب الاكل من بره لازم منهم
v
vetdody
عروس متألقة
08-03-2006 | 11:32 AM
انا يا ستى اتصلت بالدارين وقالولى مينفعش اجيب الاكل من بره لازم من عندهم


خالاص انا هحاول اخلر محاوله مع دار البنك الاهلى وهبقه اقولك عامله ايه


افتكرت حاجه الجدمه فى دار الركبات 10 فى الميه على اجمالى التعاقد مش على البوفيه فاهمانى

وطبعا ده اللى خاله ذاد



ربنا يسهل انا من النوع لما افكر فى حاجه ببقى مش مركزه اللى فيها


انا مروحتش الكليه النهارده علشان اشوف حل للمشكله دى


انا عارفه انها متستهلش منى كل ده


بس انا كنت بحلم احلام كتيره فى ليله فرحى دى ولاقيت نفسى عامله اتنزال
v
vetdody
عروس متألقة
08-03-2006 | 11:36 AM
وعايزه اقولك حاجه عندى هى اللى مخليه بابا مش عايز يدفع كتير مع انه كان يقدر يدفع اكتر



لئه طيب بصى انا عايزه ايميليك ممكن انا فعلا محتاجه صاحبه زيك ممكن تبعتهلى




انا مش لاقيه جانبى حد حتى ماما عليه
ر
رورة
عروس مبدعة
08-03-2006 | 11:54 AM
راجعي بريدك يا حبيبة
v
vetdody
عروس متألقة
08-03-2006 | 12:41 PM
الف شكر يا روره انا اخته خلاص
v
vetdody
عروس متألقة
08-03-2006 | 12:45 PM
هى فين tyto انا كنت عايزه اسالها حاجات بخصوص قاعه البنك الاهلى علشان هى الوحيده اللى عملت فيها



انتى فين يا تاتوووووووووووووووووووووووووووووووووووووووووووووووووووووو
ر
رورة
عروس مبدعة
08-03-2006 | 01:00 PM
انا موجودة أون لاين
v
vetdody
عروس متألقة
08-03-2006 | 02:06 PM
انا عايزه اعرف انتى عاملته اهيه فى فرحك وكنتم اد ايه وكلفك كام وكمان انتى كنتى معاهم ساعه الاتفاق ولا ايه
t
tyto
عروس متألقة
09-03-2006 | 10:38 AM
أيو يا حبيبتي أنا جيت أهو
معلش مزنوقة جامد في الشغل وبحاول أدور لرورة على الموضوع بتاع الحنة

أنا عملت خطوبتي 100 فرد في القاعة الصغيرة وكان إيجارها 400 جنيه
بس إختارت بوفيه في الوسط بس مش فاكرة أسمه أيه بس كان شكله حلو وشيك
وكان بوفيه مفتوح بس طلبنا أنا يكون في 10 أطباق ينزلوا هلى الطرابيزات علشان كبار السن

ومعملتش زفة و إختارت كوشة وسط برده
والموضوع إتكلف 6300 أنا كنت موجوده في كل حاجة ومردتش أبداً حد يعمل أي حاجة من غيري
بالنسبة للناس المتعاملين في البنك الأهلي واالي بتكتبي معاهم العقد في واحد كان متعاون
وكان في واحد بايخ أوي
وكل مرة تروحي تلاقي واحد شكل


لو عايزة أي تفاصيل قوليلي
و أنا عموما هدخل بالليل أحكيلك أكتر و أرد على رورة
علشان لازم أكمل شغل دلوقتي

سلام يا بنات
t
tyto
عروس متألقة
09-03-2006 | 10:40 AM
على فكرة G(G كانت بتسأل على الموضوع التاني
هيا قصدها موضوع عملتي أيه في شعرك وبشرتك الجزء التاني
نقلوه يا جي جي قسم تاني مش عارفة ليه
هحطلك اللينك باليل

سلام دلوقتي
B
BusyBee
عروس جديدة
09-03-2006 | 12:54 PM
تسلميييييين
l
lovely_rosa80
عروس مشاركة
09-03-2006 | 03:21 PM
حبيبتى مصراوية معلش انشغلت عنكوا شوية بس انتوا عارفين بقي التجهيز و خصوصا انى لوحدى لان خطيبى مسافر و انا اللي بعمل كل حاجة وحدى ...ادعولي
ربنا يخليكي يا قمر و يا رب يوفق كل البنات يا رب
l
lovely_rosa80
عروس مشاركة
09-03-2006 | 03:31 PM
vetdody:
انا من مصر وعايزه اعرف قاعات تخد 300 فرد وتكون فى القاهره ومتكنش با كتر من 8000 جنيه فى ولا

وكمان عايزه اعرف مكان كوافير حلو بس يكون فى القاهره وكمان محل تاجير فسلتين حلوه



حبيبتى vetdody
انا اخيرا الحمد لله حجزت و شفت قاعتين حلوين اوى بصي يا ستى اولا قاعه اسمها دار ضباط النقل البري و دى على الكورنيش بيني و بينك انا كنت خايفة منها بس لما دحلت القاعه من جواة لاقيتها جميله و وواسعه و اختارت اللي تاخد 250 فرد و تقريبا الفرح حيتكلف 8000 او يمكن اقل شوية صغيرين بس خلي بالك انا اخترت بوفيه سندوتشات و جاتوة و تورتات و الحاجات دى مش عشا يعنى و ممكن تختارى عشا بس حيبقي اغلي شوية ممكن يدخلوا في 10000
و في كمان واحدة تانية اسمها دار الجلاء و على فكرة القاعتين دول تبع القوات المسحله بس دى في مدينه نصر ميدان كدة مش عارفة اسمه اية بس لو عايزة اسااللك على العنوان بالظبط و دى تقريبا نفس السعر
عموما انا حجزت في الاولى لانها جمب بيتي و ربنا يوفقك و لو احتاجتى حاجة انا تحت امرك
لو عايزة البرموشن بتاعهم ممكن ابعتهولك
اة نسيت اقولك لو عندك حد بيشتغل في الجيش او ظابط ممكن يجبلك خصم كويس
و يا رب ربنا يوفقك يا رب
و انا تحت امرك يا قمر يا جميله انتى
n
nonynono
عروس مشاركة
09-03-2006 | 05:08 PM
هاى يا جماعه عاملين ايه محدش يعرف حاجه عن مصراويه؟والله قلقت عليها
v
vetdody
عروس متألقة
09-03-2006 | 07:48 PM
الف شكر يا تاتو انتى و lovely


بس يا lovely القاعه الاولى اللى هى على الكورنيش بعيده عن بيتى اوى لانى ساكنه فى مدينه السلام


والتانيه خطيبى راح شافه ومش عجبته وعلى فكره خطيبى ضابط بالجيش




تاتو



بقولك ايه متعرفيش اسم الراجل المعاون ده اصلا فعلا كل مره بنروح نلاقى واحد شكل




لو مش عرفه اسمه اوصفهولى


وقولى انت قصدك ايه من متعاون يعنى نازل فى الفلوس ولا ايه


اصل هما مردوش ينزلو ولا مليم معانا


بس يا ريت يا تاتو تردى عليه علطول اصل بابا وماما وخطيبى واهله رايحين يشوفوها ودولت بئه بيتلكوكولى على اى حاجه


علشان عايزنى اعمل فى نادى تانى وانا مش عاجبنى خالص



بسرعه يا تاتو
t
tyto
عروس متألقة
10-03-2006 | 04:15 PM
أنا جيت أهو

أنا مش فاكرة أسمه علشان الكلام ده من سنتسن
واحد لابس نظارة بعداسات قوية ودي أكتر حاجة مميزاه ده كان غلس أوي
والتاني بيكون موجود الصبح بس بشنب وقمحاوي شوية

محدش بينزل في الفلوس بس بتاع الصبح ده مثلاً
ذودلي في الأكل وخله في أطباق set menu من غير ما أدفع فلوس زيادة
بس فاصلي برده وخدي حد يكون شاطر معاكي
مش هيقلل السعر علشان دي حاجات ثابتة بس ممكن يعملولك تسهيلات

بس يا بنتي مدام خطيبك ظابط في الجيش إعملي الفرح في دار من بتوع الجيش علشان بيعملولهم تخفيض
ولو مش عاجبك الدار اللي هما عايزينها وهما مش عجبهم دار البنك الأهلي
خلاص شوفوا حاجة تالتة والدارات كتير أوي
ومتنشفيش دماغك ومتخديهاش مسألة عند بس في نفس الوقت متوفقيش على حاجة مش عاجباكي
وقوليلهم يا جماعة الفرح ده حلم حياتي متحرمونيش منه وتعملولي في حاجة أنا مش عاجباني وتخلوني حزينة وتعيسة في فرحي
بس أتكلمي بهدوء وخليهوم يحسوا بيكي, وممكن تتكلمي مع خطيبك بس لو مش هتقدري تتكلمي معاهم كلهم

ومتخافيش من حاجة كل جوازة لازم يبقى فيها شد وجذب وبتعدي إن شاء الله
t
tyto
عروس متألقة
10-03-2006 | 04:20 PM
على فكرة أنا مش مع رورة في موضوع الأكل من بر

علشان أنتي اللي هتتبهدلي وهيتهد حيلك

وكفاية عليكي الأمتحانات اللي أنتي نسياها دي
v
vetdody
عروس متألقة
10-03-2006 | 09:34 PM
ماشى يا تاتو

هروح وهبقى اشوف


هو مفروض ابدء ادور على فستان الفرح من امتى وامتى ابدء احجزه



وكمان الكوافير من امتى مفروض يتحجز



ولو حد يعرف مكان كوافير حلو او استديو حلو يا ريت يقولى


بس يكونو قريبين مينى اصل انا ساكنه فى مدينه السلام


وكمان ميكونش اسعارهم عاليه




فين العرايس يرودو عليه
X