تجهيزي لفرحي ....مفيد لكل عروسة مصرية

رورة حبيبتي العسولة الأمورة


حاولي تبئي بسيطة ومش غريبة علا اد متقدري .. عيزاكي تبئي زي الملايكة .. ومفيش مانع من الاختلاف والتميز .. بس مش للدرجة دي يا تايتو... بصي .. هحاول اشوفلك صرفة في اللي انتي عيزاه وافكرلك شوية وافكر لنفسي بالمرة

عندك حق يا رورة البساطة هيا اللي بتعمل شياكة بس فعلاً مش لاقية أي طريقة لربطة كويسة مع أن بيقولوا أن في ناس بتربط الإشاربات حلو أوي وساعات بشوف في الشارع ربطات جميلة بس مش عارفة بتتعمل إزاي
ومش عايزة أقلع الحجاب علشان أرضي ربنا ومبتديش بمعاصي وعلشان كمان في خطوبتي قلعته وندمت جداًَ وزعلت من نفسي


بالنسبة لدار الإفتاء .. هل هي مشيخة الأزهر برده ولا ايه.. واسمع كمان عن مسجد النور في العباسية .. بس اعتقد كله ميعديش الــ500 جنيه كان نفسي افيدك..

دار الإفتاء غير مشيخة الأزهر وهي كانت فعلاً أشيك بس مبقوش يعملوا فيها كتب كتاب خلاص
في دار الشرطة في نفس المنطقة حلوة وواسعة بس كان فيها كتب كتاب المدير بتاع خطيبي فمش عايزة أعمل فيها علشان ميبقاش تقليد

ومش عايزة أعمل كتب الكتاب في جامع زي مسجد النور أو آل رشدان
ومش عارفة أماكن تانية

عايزة قاعة شيك ومش تقليدية

بالنسبة بأة للحنة
مش عارفة ألاقي الموضوع بتاع مصراوية , معلش يا رورة أنا أسفة
بس هحاول أدور تاني

لأن بصراحة الفلوس مقصرة اوي
أنا كمان الفلوس مقصرة معايا والموضوع ده تاعبلي أعصابي ومخوفني أوي

انا خلصت الكريمات والبرفانات وحاجة الشعر وبصراحة انتقمت فيها جامد وجبت حاجات كتير جدا من اول المرطبات والمجموعات الكاملة لحد المنظفات والأقنعة.. الحمدلله انتقمت فيها .. حتى الفوط الصحية ومعجون وفرشة الأسنان جبتها..÷ههههههههههه

ممكن تقوليلي يا رورة جبتي أيه بالضبط علشان أعرف أيه اللي ناقصني

أنا لسة بجيب الحاجات دي ,أشتركت في أوريفليم وبجيب كل شهر شوية بس قريت في موضوع لمصراوية أن حاجاتهم مش مميزة

جبت من عنهده مجموعتين بارفان وشاور جيل وسبراي وكريم الجسم (جيورداني , ديفين)
وعندي بارفان إيميراج جيفلنشي و عندي كنزو
بتهيألي كفاية ولا أيه رأيكوا
وجبت كريم أساس وبودرة جيورداني كويس ولا البودرة والكريم لازم يكونوا ماركة جامدة
أقلام العين جبت أزرق و أخضر وبني
بس الأسود مش عارفة أجيب ماركة أيه
علشان أنا بحب الديب لاينر مش الأي لينر
تعرفوا ماركة كويسة تكون مبتسحش ومبتهببش

الروجات أنا بحبها فالألوان اللي تعجبني بجيبه , فيه شيني وفيه عادي وفيه مط
المط موضته خلصت لكن ممكن يتحط عليه ليب جلوس
لازم يكون في على بني وعلى روزمش كده بارده, هل في ألوان تانية لازم تكون موجودة
الأي شادو مش عارفة أجيب أيه
نفسي في علبة تكون فيها كل الألوان مطفي ولامع
على فكرة أنا معرفش أي شادو غير البودرة أيه الأنواع التانية وأيه الألوان الجديدة

أنتي أيه رأيك يا رورة أوريفليم كفاية ولا لأ وأيه الماركات الكويسة وتكون أسعارها كويسة
يعني لا تكون أي كلام ولا تكون أسعار مولعة
وتكون متوفرة في مصر




الأكسسوارات مجبتش لسه حاجة ولا حتى إشاربات تليق على الهدوم لسة ونفسيتي مخلياني مضطربة
حد يقولي أيه الأكسسوارات اللي مفروض أجيبها


بالنسبة للبس الشتوي .. خلصته ..
جبت جاكت جلد أسود وجاكت مطر أبض و جاكت كاجوال كريمي و 3 بديهات للبس تحت الجاكتات
وبدلة الجاكت تركواز و البنطلون أسود وفيه خطوط رفيعة لون الجاكت
وطقم بلوفر بينك وبنطلون بني
وبدلة جينز
و طقم بدي أورنج في بني محروق وجيبة شانيل أورنج وجبتلهم بوت طويل بني
وكفاية أوي كده خصوصاً أني جبتهم على الأد يعني لو تخنت شوية هضطر أوزعهم

بالنسبة لقمصان النوم وملابس النوم..

كفاية أوي كده يا رورة كل الناس بتقول متكتروش في الحاجات دي
لكن بيتهيألي بالنسبة للأقطان ممكن تزودي شوية خصوصاً أن الجواز في الصيف والدنيا هتبقى حر وهتحتاجي تغيري كتير
ولازم يكون عندك كمان بلوزات وبنطلونات شبه الخروج بس للبيت وتكون طبعاً مدلعة شوية


أنا كمان خلصتها وحاسة أني كترت
عندي 25 قميص نوم (طويل وقصيروبيبي دول وجلبيات- و الألوان أحمر و أسود وفوشيا وجلد نمر وبترولي وروز و أبيض. على فكرة أنا لاحظت أن معظم اللي عندي غوامق هل محتاجة أجيب فواتح ولا أخليها بعد الجواز ) (دول طبعاً صيف وشتا)
5 بيجامات شتوي
2 تريننج لمقابلة الضيوف شتوي
3 بيجامات صيفي حمالات + شورت
6 بيجامات كت + بنطلون برمودا
بيجاما ستان كت , بيجاما ستان نصف كم , بيجاما ستان بكم
وجبت 4 فساتين للبيت و 4 أطقم جيبة قصيرة + بودي كت

معنديش جلابيات صيفي خالص ولا فساتين قطن ولا أي حاجة لمقابلة الضيوف

ومش عارفة الأستقبال ممكن يكون أيه غير العبايات علشان مليش فيها
كنت عايزة أسألكوا أجيب كام طقم إستقبال للصيف
علماً أن الجواز في الصيف إن شاء الله وخطيبي كل عيلته مسافرين وكلهم بيجوا في الصيف
وكنت عايزة أعرف بيتلبس أيه في الصباحية الصبح لوكنت في البيت أو لوكنت مسافرة


أنا مش هجيب حاجة في لبس البيت تاني غير لبس الإستقبال وهركز في لبس الخروج الصيفي علشان معنديش حاجة خالص وممكن أجيب فستانين قطن بيقولوا كويسين أوي للقعاد ولا أيه رأيكوا


بالنسبة لموضوع الكوافير
في خطوبتي روحت لكوافيرة مشهورة وخدت مني 2000 جنيه بس ندمت أشد الندم
ليه بأه
علشان عملت مكياج تقيل أوي وكمان كانت مستعجلة أوي وعندها قال أيه تصوير فيلم ومعاد مع ممثلة
وبصراحة قلبتني وقلتلي كمان أنتي كده خدتي وقتك وزيادة

علشان كده قررت أروح للكوافيرة بتاعتي اللي أنا متعودة عليها وهتعملي اللي أنا عايزه من غير وجع قلب
وهتاخد 500 جنيه مثلاً


يا بنات قولولي مفروض أبتدي أدور على فستان من دلوقتي مش كده برده
تعرفوا موضوع الإيجار لأول مرة
حد جربه
وحد يعرف محلات بتتعامل بالنظام ده ؟
ولو هشتري جاهز الفستان الحلو يكون في حدود كام ؟
من مصر طبعاً


بالنسبة للحاجات الناقصة في الجهاز
مفرش السرير
الصيني
الستائر
ملابس الخروج الصيفي
جزم وشنط
إكسسوارات
بقية الماكياج
فرش للشعر وشامبو وكريمات للشعر (مش عارفة أيه الكريمات اللي هحتجها)
طقم توابل للسفرة
شرابات
طقم برنس حريمي ورجالي (على فكرة أنا عندي 4 بشكير , لازم أجيب برنس ولا كفاية البشاكير)
ملابس إستقبال الضيوف
بومبونيرة وفازة وطبق فاكهة كريستال وشموع ألوان وإكسسوار للمنزل
حلة ضغط وحلة تيفال للرز
فتاحة علب وسلة مهملات و أدوات تنظيف
بيجاما ستان وروب للعريس

لو في حاجة ملهاش لازمة قوولي ولو في حاجة ممكن تتأجل بعد الجواز قولولي برده
علشان الفلوس مقصرة معايا جامد




على فكرة أخيراً روحت للدكتورة
بالنسبة لتساقط الشعر إدتني فيتاميين قوي وغالي أوي بصراحة وقالتلي إعملي تحليل لنسبة الحديد
وقلتلي حاجة مهمة قالتلي إعملي حمامات زيت لكن حمامات كريم لأ
وسألتني على البلسم قولتلها بستعمله سعات سعات لكن مش كتيير بس هي معلقتش

بالنسبة لموضوع الحبوب اللي في ظهري وكتفي
قلتلي التقشير يكون أحسن لو كنتي جيتي قبل الفرح ب 6 شهور لكن دلوقتي مش هيلحق
بس قالتلي نعمل كريمات مكثفة قولتلها مفيش فايدة جربت كريمات كتيير
وكمان الدنيا صاعقة وظهري مش بطوله و الكريم هيلزق في الهدوم وعقدتلها الدنيا
فقلتلي خلاص خدي الكريمات أسبوعين كنوع من التحضير للتقشير
وقالتلي لو عندك حد يحطلك الكريمات يبقى الكريمات أحسن لكن لو معندكيش يبقى التقشير أحسن و إن شاء الله في حدود 3 أو 4 شهور هتكون النتيجة معقولة
فقولتلها مفيش حد يحطلي (علشان أنا دلوقتي أخواتي كلهم إتجوزوا ومفيش غير ماما وهي مش هتقدر على الكلام ده )
المهم إدتي 3 أنواع كريمات التلاتة أغلى من بعض قالتلي واحد الصبح وواحد الظهر وواحد بالليل وبعدين تحطي على ظهرك ورق فويل وتنامي
وبعد أسبوعين إن شاء الله نبتدي جلسات التقشير
جلسة كل أسبوعين

إدعولي ربنا يسهلها و تجيب نتيجة كويسة ويقدرني على المصاريف الجامدة دي اللي مكنتش عاملة حسابها




معلش هتلاقوا الكلام ملخبط شوية
بقالي 3 أيام بكتب الرد كل شوية أكتب حتة وتحصل حاجة تخليني أقوم

vetdody

لسة كنت بسأل أبتدي أدور على فستان الفرح إمتى أنا بيتهيألي مفروض نبتدي دلوقتي علشان منتزنقش أكتر ما إحنا مزنوقين

الكوافير مش مهم يكون مشهور زي ما قولت لرورة
وبصراحة أنا معرفشي حاجة في مدينة السلام
بس لفي عندك شوية ونأي كوافير يكون محله شكل شيك شوية و يكون في مكان حلو
وروحي أعملي شعرك مثلاً مرتين ومرة بديكير ومانيكير
وشوفي هتستريحي ولا لأ
لوعجبك أسأليه ياخود كام وبيعمل أيه لللعروسة و خليه يعملك بروفة للمكياج
ولو معجبكيشي شوفي واحد تاني بنفس الطريقة

وعلى فكرة إحنا فضلينا حوالي 3 شهور يعني لازم نعمل الحمام المغربي عل الأقل مرة كل شهر

و أنا بقى لازم أروح الجيم علشان عندي حالة طفاسة مش عايزة تخلص

ولو حد يعرف دكتورة تغذية في مدينة نصر أو المعادي يا ريت تقولي بسرعة علشان عايزة أنزل من 5 إلى 7 كيلو

يا بنات إحنا خلاص في العد التنازلي

يلا بأه لازم نشد حيلنا مينفعش الدلع ده

ياتري الشهور الاخيرة قبل الزواج ايه اللي عملتيه او هتعمليه ل شعرك وبشرتك وجسمك كله؟؟

ياتري الشهور الاخيرة قبل زواجك عملتي ايه لجسمك وشعرك ((2))

الموضوعين إتنقلوا ركن إستفسارات العروس

زواجي قرب ان شاء الله ..... بليز!!!!

بصي يا رورة يا حبيبتي البديهات والجيبات والبنطلونات اللي في الموضوع بتاع مصراوية ده

احل ملابس للدلع لاحلي ايام العمر .....تحفة!!!!!

لازم تجيبي من الحاجات دي
وزي ما مصراوية بتقول فعلاً الحاجات دي أهم من قمصان النوم

دخلي وشوفي موضــة هالسنـه 2006 بالصور (حصريـاً لمنتديات عـروس)

هاى tyto وكل المجودين كنت عايزه اسال عن الكريمات اللى قالتلك عليهم الدكتوره عشان الضهر و على فكره بلش حكايه التقشير دى مش كويسه خليكى على الكريمات يا ريت تردى عليا و اسم الدكتوره دى ايه و فين

محدش رد عليا كده تكسفونى

انا اصلا يا تاتو لسه مححدناش ميعاد الفرح

بس هو انشاء الله فى نصف 8 او فى اول 9


وانا كمان الكليه بتعاتى صعبه جدا وبخرج من الساعه7 الصبح ومش برجع الا الساعه 8 بليل



ومتهيالى مش هبدء انزل ادور على الفستان او الكوافير قبل شهر 7


الواحد والله مش عارف يعمل ايه


بخصوص الكوافير انا مش لاقيت كوافير حلو عندنا انا عايزه الكوافير يكون حلو وتحت محدش يعرف حد






هو انتى يا تاتو انشاء الله على كده هتتجوزى فى شهر 7 بس شكلك كده مخلصه وبتشتغلى

ربنا معاكى







امال فين روره مختفيه فين



انتى فين يا روررررررررررررررررررررررررررررررررررررررررررررررررة




وحشتنى اوى

أزيكوا يا بنات عاملين ايه انا لسه عضوة جديدة بس قريت الموضوع كله
والله انتوا كلكوا زي العسل
انا كنت عابيزة اسال tyto علي الكريمات بتاعة التقشير ديه برضه يا ريت لو تقولي اساميها و بكام
والدكتورة برده الجلسة بتاعة التقشير ديه في حدود كام برده

هتعبك معايا
وشكرا مقدما : )

هاى hobaa ازيك عامله ايه اهلا بيكى نورتى معانا

الله يخليكي يا nonynono ربنا يكرمك يارب

صباح الخير يا بنات

nonynono

hobaaa

أهلاً بيكوا نورت الموضوع

الكريمات أنا مش فاكرة إسمها أوي لما أروح هجلكوا الأسامي
هما 3 كريمات واحد الصبح ب 60 جنيه وواحد الظهر ب 75 وواحد بالليل وده بأه ب 7 جنيه بس وكلكه عارفينه أسمه clight
يعني حوالي 150 جنيه المشكلة أن الكريمات صغيرة أوي وبيتهيألي هتكمل أسبوع بالعافية

أما الجلسة ب 200 جنيه أسبوع آه و أسبوع لأ
بس في جلسات أرخص وكل واحدة حسب حالتها
أي دكتورة أمراض جلدية بيعرفوا في الموضوع ده
أنا الدكتورة بتاعتي في المعادي

vetdody

أنا بشتغل فعلا وإن شاء الله جوازي شهر 6 أو 7

يا بنتي إنتي لسه بدري أوي غلى فرحك بتحجزي من دلوقتي وتعبا أعصابك ليه أحجزي قبلها بشهرين
شهر 9 مبيبقاش زحمة في القاعات لكن 7 و 8 هما اللي زحمة

أنا فاضلي أنا ورورة 3 أو 4 شهور
ولازم نخلص الجهاز ونشوف الفيلم بتاع الفستان والفرحة
والحدوتة الكبيرة بتاعت الشعر والبشرة والريجيم

وأعصابي إبتديت تتوتر :eek:

رورة حبيبتي

رودي عليا في موضوع المكياج والكريمات وملابس الإستقبال علشان محتاجة رأيك أوي

اذيكو كلكو يابنات.. انا بعتذر للكل لأني فعلا مش هعرف ارد دلوقت خالص .. بس هرد علا تايتو مؤقتا لأني بجد مطحونة شغل ومفيش وقت اتنفس

تايتو وحشاني .. بصي بالنسبة للكريمات..

انا جبت مجموعة فازلين (الجل علبة كبيرة لاستخدام البيت - الجل علبة صغيرة عشان يبأة معايا فشنطة الخروج - لوشن الجسم للعناية الفائقة -- كريم تقوية الأظافر واليدين)

مجموعة جونسون للأطفال (صابونة جونسون للأطفال -- لوشن الجسم -- بودرة تلك للجسم -- زيت معطر للجسم)

مجموعة دوف (لوشن لشد الجسم -- سائل الاستحمام لشد الجسم مع الليفة -- صابونة دوف -- كريم دوف للجمال)

كريم مرطب جليسوليد للجسم

مجموعة برسيف كاملة من إيفون.. رائعة
مجموعة فاراوي كاملة من إيفون .. رائعة
برفان ويمين أوف إيرز من إيفون
برفان ميراج من لانكوم
برفان كروزر مع سبراي الجسم .. حلوة مووت
مجموعة كاملة للجسم مع البرفان (فراولة من البادي شوب) فوق الوصف
زيت باتشولي من البادي شوب (للإثارة الجنسية)
مممممممم.. مش فاكرة بصراحة ايه تاني

ولو عيزة نصيحة مني
بالنسبة للمرطبات هاتي(فازلين لليدين والأظافر ولوشن العناية الفائقة للجسم وعلبة جيل صغيرة)

الصابون المرطب هاتي (جونسون + دوف)

صابون التنظيف وإزالة الرؤوس السوداء هاتي (كلين آند كلير + ديتول)

زيت للجسم + بودرة تلك (جونسون)

سائل استحمام + لوشن (دوف لشد الجسم)

سائل استحمام فا

نيتروجينا كريم السنفرة للرؤوس السوداء

كريم ليل + نهار من (أولاي)

كريم وغسول منظف من (كلين آند كلير)

وهاتي بأة اي ماسك بترتاحيله للتفتيح


متنسيش تعملي حسابك في
بنس شعر
قطانة أذن
فوط صحية
معجون + فرشة أسنان
معطر فم
مشط للشعر
مبرد ومقص للأظافر والقدمين وملقاط.


وبالنسبة للأكسسوارات انا هجيب لقمصان النوم.. للبس الخروج بما إني محجبة فلو جبت هجيب اعقاد طويلة ومعها خاتم نفس الشكل.. بس
وحاولي تجيبي الاكسسوارات جامعة كذا لون عشان تليق علا كل حاجة

اكسسوارات قمصان النوم

انا هجبلي كدة 3 اعقاد + خلاخيل للقدم والزراع + حلقان كبيرة + الماظ صغير كدة بيتلزأ جنب العين وعلا الصدر وعلا الجسم...

بصي شوفي كدة الحاجات الي انا كتبتها دي وردي عليا

اوك ياجميل
وتحت امرك في اي سؤال تاني

بالنسبة لعبايات الاستقبال .. حاولي تجيبي 2 بس
دول للضيوف سواء رجالة وستات مع بعض

بالنسبة لصحابك او قرايبه البنات واهله.. هاتي بجايم قطن برامودا وفساتين قصيرة كات مع صندل بيتلف عالرجل او شبشب بكعب عالي .. بتبأة شيك مووووت..
هاتي مثلا بيجامتين + فستانين

لبس الخروج الي بيتلبس في البيت بردو هاتيلك اتنين ودول تستقبلي بيهم البنات بس سواء صحابك او قرايبه

مثلا باديهين + بنطلونين

وترينجين عاديين للأعاد الي هم بخطين من الجنب ونص كم عادي قطن


انا هعمل كدة بردو وهتستفيدي لأن كل الحاجات دي ممكن تقعدي بيها مع جوزك او مع صحابك او مع قرايبه البنات او اهله الناس المقربين وأهلك بردو

بصي ياتايتو انا حسة اني مردتش عليكي صح..

بس كتبتلك الخلاصة والمفيد.. انا عموما هحاول اقرأ الي كتبتيه تاني علا رواقة بعد الشغل.. وارد عليكي بالتفصيل انتي وبقية البنات

معلش سامحيني

رورة حبيبتي ربنا معاكي

تايتو واحشاني مووووت ومش لاقياكي أون لاين خالص يارب تكوني بخير وألف ألف مبروك يا بنوتات