تجهيزي لفرحي ....مفيد لكل عروسة مصرية

حبيبتي تايتو
الحاجات اللي هتكتبهالك دي هي الحاجات المناسبة جدا

1- طقم كلاسيك شيك للخروجات الرسمية شوية (هاتي بدلتين او بدلة وطقم جيب وبلوزة)

2- طقم وسط ولا كلاسيك ولا كاجوال للشغل (بدلة تانية لونها فاتح وخلي الغامقة للكلاسيك) وهتقدري تبدلي في الاتنين سهرة وشغل.

3- طقم كاجوال (للخروج العادي)

4- بنطلون أو جيبة جينز (بنطلون جينز احسن هيليق علا كل حاجة غير الجيبة)

5- جاكت جلد أسود أو بني ، 6- بالطو ممكن جلد بس في دلوقتي بلاطي قماش شيك أوي
بالنسبة للجواكت.. هاتي واحد اسود (جلد او قماش) ، واحد ابيض (جلد او قماش) هيليق جدا في خروج الصبح
المهم يبأة عندك لونين مختلفين منهم واحد جلد.. ولازم الاسود يبأة موجود


7- جاكت فاتح علشان الجلد هيكون غامق فلازم يكون فيه واحد فاتح علشان التغيير (زي مقلتلك هاتي الابيض وهيليق علا كل حاجة)

8- باديهات للبس تحت الجاكتات في صوف وفي قطن (مطلوب)

9- هاف بوت بني و أسود أو واحد بوت طويل و التاني هاف (مطلوب)

10- جزمة و شنطة كلاسيك بني أو أسود حسب الأطقم الكلاسيك بتاعتك (مطلوب)

11- شنط كاجوال ألوان (بردو مطلوب بس دي اكيد اصلا هتبأة موجودة مع الاطقم الصيفي ، مش كدة؟؟)


13- كوتشي أو سبدرايهات (بردو هتبأة موجودة من الصيف)

14- تريننج للمشي أو تقابلي بيه الأقارب أو الأصحاب (مطلوب جدا وبيبأة شيك جدا للأعاد)

15- 6 بيجامات أو جلبيات (عادي وقطيفة) (2 يجاما + 2 جلابية للأعاد،،،، جلابية + بيجاما استقبال قطيفة) وياريت تعملي حسابك في البيجامات والجلابيات انهم يكونو بزراير عشان تعملي حساب الحمل والرضاعة بعد كدة، مش فجأة تلائي نفسك معندكيش حاجة تنفع لما ربنا يرزقك ان شاء الله!!)

16- روب قطيفة شيك (مطلوب)

17- روب عادي (مطلوب)

18- عباية (مطلوبة جدا جدا) انا دلوقت مبأتش اعرف اعمل مشاويري الا بيها، خفيفة وجميلة وشيك جدا في اللبس

19-إيشاربات لو محجبة (هاتي واحدة بيج وواحدة سودا) هيليئو علا كل حاجة.

20-إكسسوارات مناسبة لملابس الخروج وكذلك إكسسوارات للبيت (مطلوب)

متنسيش كمان تجيبي فحاجتك (6 شرابات قطن ملونين تقال، جوانتي، شرابات فوال وفي كمان الكريستال تحففففففة، ممكن تلبسيهم كمان على القمصان والاطقم الداخلية بيبئو روعععععععععة)

شبشب شتوي للبيت او اللكلوك مش عرفة بأة نازل عندكو ولا لأ؟؟


كدة كفاية جدا اللبس الشتوي،،

بالنسبة لسؤالك:

انتي نفسك لو مقتنعة بالمايوه (الشرعي !!) مكنتيش سألتي

قوليلي بأة فايدتها ايه لو لابسة حاجة لازئة فجسمك من المية ويقولو شرعي !!

بصي انا مبقلكيش البسيه ولا متلبسهوش، بس بصراحة انا عن نفسي مكنتش بنزل المية الا بالليل ومكنش فيه فرد واحد ماشي ..كنت بنزل ببرمودا وبادي نص كم وبعمل شعري كعكة بالرغم اني محجبة، وكنت ببأة ضامنة ان مفيش حد لأننا كنا في الغردقة والناس كلها كانت بتبأة في وقت العشاء بيروحو الفندق والدنيا ليل بس كان معايا اخويا الصغير.

انما من ساعة ماتحجبت عمري بصراحة منزلت المية ادام حد بالحجاب او المايوه، مش هدحك عليكي العت الحجاب كتير ، بس كدة كنت فعلا عاصية وربنا يسامحني، انما البس مايوه لازئ علا جسمي واقول شرعي ./ اسمحيلي انا مش مقتنعة خالص ودة عندي اسمه نفاق، اوعي تسمعي كلام اللي بيقولولك حلال.. واوعي تعمليها، هتبئي كمان محل نقد من ناس كتير شيفاكي ، دة غير انك هتبئي فتنة لغيرك، هتلائي بنات كتير بتعمل زيك وتقول بردو شرعي وهم عرفين من جواهم انه حرام.

دة رأيي وانتي حرة

اتتمنى اكون افدتك وربنا معاكي يارب.

[grade="00008B FF6347 008000 4B0082"]صح مايوه شرعى ايه ملهوش لازمه اساسا لانه بيلصق على الجسم بعد الخروج من الميه وتكون جسمك مفسر جدااااا على ايه لو عايزه تنزلى بيه يكون بعد المغرب او بعد الفجر على طول والعبايات مطلوبه جدا انا جبت 3 بكم وواحده ثلث كم وكمان شبشب البيت الشتوى حبت 4 روز وابيض ونبيتى وموق ممكن يتماشوا مع كل الالوانات وربنا يفرح كل البنات[/grade]

رورة حبيبتي

أنا هسميكي المستشار الأمين

ربنا يخليك ليا علشان نصيحك المهمة ديه

خادمة الفردوس
منوارانا وياريت تفضلي معانا علطول ومتتأخريش علينا

بالنسبة للمايو الشرعي أنا عارفة أنه لا شرعي ولا حاجة هو بس مسمينه كده
أنا كنت بسأل علشان أنزل بيه الميه باليل مش الصبح

tyto

شكرا ليكى عالافادة الرائعة

واذا احتاجتى شى راسلينى

رورة حبيبتي

أنا هسميكي المستشار الأمين

ربنا يخليك ليا علشان نصيحك المهمة ديه




يارب يخليكي ياتايتو

انا تحت امرك في اي وقت ياجميل

انا من مصر وعايزه اعرف قاعات تخد 300 فرد وتكون فى القاهره ومتكنش با كتر من 8000 جنيه فى ولا

وكمان عايزه اعرف مكان كوافير حلو بس يكون فى القاهره وكمان محل تاجير فسلتين حلوه

انا عايزه اعرف عنوان دار البنك الاهلى دى وكمان لو ليها نمره تليفون يا رب يخليكم


لانى عندى مشاكل كتيره بسبب موضوع قاعه الفرح دى يا رب حد يرد عليه بسرعه

هى دار لبنك الاهلى بتاخد كام فرد


وينفع الغى البوفيه واعمل هاى تى



ارجو عايزه الرد بسرعه

طيب لو حد يعرف قاعه حلوه تاخد 250 فرد وتكون فى القاهره


ومكونش باكتر من8000 وكمان انا هعمل هاى تى مش بوفيه حد يعرف حاجه

هاى صعب انك تلاقى 250 و ب 8000 ممكن 12700سوسنستا 100 فرد و البارون 9000 100 فرد كوافير كويس مسيو عبده

دنا بقول كمان 250 فرد لاكن هما اكتر من كده


طيب محدش رد عليه ليه بخصوص قاعه البنك الاهلى

وميسو عبده اسعاره ايه

مسيو عبده 1500 ميك اب و شعر و لو هيروح الفندق 2000 خارج مصر الجديده او 2500 وسط البلد انتى فرحك امتى انا سمعت ان الاسعار حتغلى من اول شهر 5

طيب يا جماعه حد يرد عليه ويقولى عن قاعه البنك الاهلى اى حاجه

اهلا بيكي حبيبتي
vetdody


معلش والله لسة شايفة سؤالك دلوقت بس

بصي ياحبيبتي انا كانت مشكلتي نفس مشكلتك تقريبا..

انا كنت بدور زيك كدة وكان عندي 300 فرد وبردو عيزة حاجة مناسبة

وبنات كتير قالولي على قاعة البنك الأهلي دي
بس للأسف مش عرفة في أنهي موضوع
واعتقد ان اقل هاي تي فيها 20 جنيه...

بصي عشان اريحك في دار ضباط المركبات

تأجير القاعة من 700 لألف حسب عدد المدعويين

وانا هقولك عالعرض اللي ا خترته فيها لأني بجد كنت زيك بالظبط

5000 جنيه شامل (تأجير قاعة ألف ليلة وليلة + تصوير فيديو ميكسر + تورتة العروسة 5 أدوار + الدي جي + الزفة الدمياطي + شو التورتة + الكوشة وانا اخترت أغلا حاجة فيها + صور مع المعازيم 36 صورة + تقريبا 5 صور للعروسين + ورد وتول علا الكوشة والسلالم + صحبة العروسة الي هي الورد يعني اللي بتمسكه + دخان وليزر)
وفي لسة حاجات كتير كمان بس مش فاكرة
انتي ممكن تخلي المبلغ يقل عن كدة انك تحزفي اي حاجة من دول او تقللي شوية زي مثلا حجم التورتة الدور الواحد بـ50 جنيه وممكن تخليها دورين او 3 زي منتي عيزة .. الكوشة انا مختارة اكتر حاجة بــ900 جنيه .. وفي اصلا من اول 700


المهم يعني .. انا جمعته وحسبتهولك طلع 5000 جنيه
بالنسبة للهاي تي والأوبن بوفيه بالأسعار التالية

هاي تي 16 جنيه للفرد
هاي تي 20 جنيه للفرد
أوبن بوفيه 25 ج للفرد
أوبن بوفيه 30 جنيه للفرد

اضربي بأة انتي عدد المعازيم في اي عرض من الهاي تي الي عندك وشوفي هيطلع كام واجمعيهم علا الـــ5000 ج الي فوق وممكن تقللي زي منتي عيزة في العرض الي فوق

بس انا رأيي تروحي بنفسك وتسألي عشان مفيش اصلا حجوزات .. كله يبنتي محجوز

روحي وشوفي المكان والعروض بنفسك واسألي ..

اتمنى اكون افدتك

وانا واثقة انك ان شاء الله هتلائي
وعموما انا هدورلك عالموضوع بتاعي اللي هو فيه دار ضيافة البنك الأهلي وهقولك .. أوك

http://www.3roos.com/forums/showthread.php?t=152041&page=10&pp=15


شوفي الرابط دة

http://www.3roos.com/forums/showthread.php?t=152041&page=8&pp=15


وشوفي دي كمان

الف شكر يا روره انا انشاء الله هقول با با وخطيب وهروح اشوفها



بس تفتكرى انها ممكن تعمل 8000 بس انا مش هقدر ادفع اكتر من كدا



طيب بصى ناس كتيره قالولى ان قاعه البنك الاهلى رخيصه ايه رايك



انا عندى احباط بسبب الموضوع ده وكان عليه امتحان النهرده ومعرفتش احل حاجه بسبب الموضوع ده

يا ريت معلش توقفى جاببى علشان انا مش لاقيه حد واقف جانبى

وعايزه اعيط

انا روحت قاعه المركبات ولاقيتها غاليه جدا

بس لاقيت قاعه البنك الاهلى كويسه بس غاليه عن اللى معايا الف جنيه


وبابا مزرجن



احلف كل بنات المنتدى انهم يدعولى ان الله ييسررلى امرى وكل الناس اللى حوليه يوافقه عليها





وادعولى بعد الاذان مباشره انى اعمل فيها


احلفكم باغلى حاجه عندكم اوعو تنسونى

mabrooooooooooooook ya masrawya .. rabena yes3edek isa

w ama ye2arab fara7na akeed hns2alek isa :D