تجهيزي لفرحي ....مفيد لكل عروسة مصرية

[

روره حبيبتى ربنا يخليكي على المعلومات الخطيرة دى فعلا انا مش كنت انا كمان عارفه اجيب اية بس متهيالي انهم كفاية بس انا عايزة اساللك على حاجة انا فرحى في شهر 8 اوله كدة ابدء اجيب الحاجات دى من امتى ينفع من دلوقتى؟
في حاجة كمان انا اسمع ان الفازلين دة بيسمر يعنى مش كفاية الكريم؟و معلش حبيبتي تقدرى تقوليلي الزيت(باتشولي)دة بكام و اجيبه منين ؟
ممكن تردى عليا على طول لو قدرتى علشان انا نازله النهاردة اشترى حاجات اشتريهم معايا
مستنياكي

tyto
يا ريت اسامى الكريمات بالضبط لما تروحى معلش حتقل عليكى

حبيبتي رورة الأمورة العسولة

ربنا يخليكي ليا يا رب وميحرمنيش منك أبداً
ونفضل صحاب كده علطول
على فكرة أنا حماتي عندك في الكويت
يعني أنتي جارة حماتي

متشكرة أوي على ردك الجميل عليا يا حبيبتي
بالنسبة لمجموعات أيفون أنا بجيب بدلها أوريفليم
مبستريحشي نفسيا لإيفون مش عارفة ليه

دوف جميلة طبعاً و إن شاء الله هجيب المجموعة كلها

جونسون جربت الشامبو زمان مكنشي بيرغي معايا
بس الزيت أعتقد هيكون حلو

الفازلين ناس كتير بتشكر فيه
لكن معرفش موضوع الإسمرار ده

المنظف والتونر والمرطب كلين أند كلير حلو بس أيه رأيك في نيفيا فيزاج

بودي شوب مختفي من مصر وجاري البحث عنه في منطقة المهندسين
بس أنا معرفشي أي حاجة هناك , لو روحت هتوه
وبعد كده هتدورو على تيتو ضحية بودي شوب


متشكرة أوي يا رورة يا جميلة

وسبحان الله
لقيت الموضوع اللي إنتي كنتي عايزة بالصدفة البحتة
رغم أني عملت بحث عنه كذا مرة

أهو يا سيتي وأي خدمة من عنيا الأتنين

البنات المصريات عايزا فرقة عشان اعمل ليلة الحنا؟؟



nonynono
شوفي يا سيتي

أول كريم يستخدم الصبح أسمه sebium akn ده بـ 60 جنيه
التاني بعد المغرب و أسمه unitone 4 وده بـ 75 جنيه
وبليل خالص clight بـ 7 جنيه
وتحطي على ضهرك ورق فويل وتنامي

بس بصراحة أنا كتبتهملك علشان متزعليش لكن منصحشي أي بنت أنها تأخود أدوية من غير متروح للدكتور أفرضي حالتك مختلفة
ولا مثلاً الأسباب عنك حاجة تانية
ولا مثلاً محتاجة علاج أبسط من كده
أو مثلاً أقوى من ده

أنا بقولك بمنتهى الأمانة متستعمليش الحاجات دي
وروحي للدكتور

اللهم بلغت اللهم فاشهد


نوجة
وكمان نوجة
وكمـــــــــــــــــــــــــان نوجة

وحشاني أوي أوي أوي

معلشي يا حبيبتي الشغل جامد أوي

والمدير بتاعي مقيم في المكتب بتاعي ومش عارفة أفتح سكابي ولا أي حاجة

ربنا يسهل والمشروع يمشي كويس وربنا يستر علشان المشروع ده مسئوليتي
ولو مخلصشي في معاده
هبقى في مشكلة بايخة أوي

إدعولي يا بنات

تصبحوا على خير

تايتو يارب يخليكي يارب على الموقع.. بارك الله فيكي ياحبيبتي

واول مرة اعرف ان حماتك جارتي .. مش عيزاني اقولها حاجة كدة ولا كدة ولا كدة..


بصي بالنسبة لأوريفليم انا مجربتش من عندهم تقريبا إلا الماكياج... بس انا قلتلك عالحاجات الحلوة الي في إيفون..

وربنا معاكي يارب
بالنسبة للبادي شوب .. في بنت قالتلي بتشتغل هناك انهم هيفتحو قريب فرع في مصر .. معنى كدة ان مفيش اصلا


بالنسبة لنيفيا .. انا مجربتوش .. الي جربته كلين اند كلير .. ومن زمان


زيت جونسون 100% الكل بيشكر فيه .. وبيقولو بيدي نعومة مش طبيعية للجسم


حبايبي عشان الإفادة .. دة كان نص رسالتي لحبيبتي لوفلي روسا عالخاص..


بصي .. انا كنت بقسم مرتبي واقول شهر كذا هجيب مثلا الملابس القطنية .. وشهر كذا هجيب الماكياج وشهر كذا هجيب الكريمات والحاجات دي ..

بس الي انا عيزة اقولهولك اني لما لئيت الفلوس مقصرة معايا اوي كدة قلت مابدهاش... بئيت اخصص مبلغ معين اجيب فيه الحاجات دي كل شهر.. يعني اجيب هدومي كلها ولما يتبقى انشالة حتى 5 دينار انزل الجمعية واجيب بيهم اي حاجة.. استمريت عالموضوع دة حوالي 3 شهور وابلها مش ادرة اقولك كنت شايلة هم الحاجات دي اوي .. والله والله والله دلوقت ارتحت راحة .. لأن الواحد بيستريح لما حاجة زي دي بتتشال من علينا.. ابتدي من دلوقت هاتي حاجة حاجة كل شهر .. انشالة حتى صابونة.. والله هترتاحي جدا وجربي .. لأنك ساعة ماتتجوزي ساعة متجيبي حاجتك هتبأة في حاجات كتير اغلا واولى هتبئي عيزة تجيبيها.. يبأة هترقصي ساعتها عالسلالم ..ولا الي تحت شافوكي ولا الي فوق سمعوكي ..÷ههههههه.. مش بيتقال كدة بردو..

بالنسبة لفازلين .. في نزل منه جديد لوشن دة انا جبته للجسم ومعتقدش انه بيسمر .. وجبت الجيل للقدمين والكعب .. وكريم اليدين والأظافر لإيدية.. انا طول عمري بستخدم الفازلين لرجلي وبلبس شراب بعدها.. هو فساعتها صحيح بيسمر .. يعني تحسي ان رجلك لونها احمر غامق اوي .. بس بعد كدة اللون بيرجع تاني لطبيعته وبتشوفي نعومة مشفتهاش ابدا.. بس لو جبتي كريم يبأة مش لازم الفازلين .. بس انصحك عالآقل لازم تجيبي انشالة حتى علبة جيل صغيرة فازلين .. بيمنع الجفاف والتسلخات ومعتقدش ان في بيت بيخلا منه..

بالنسبة لزيت باتشولي .. انا سمعت عنه هنا في احدى المواضيع.. ورحت البادي شوب ..معتقدش انه موجود في مصر .. انا جبته مالكويت.. والزجاجة أد عقلتين الصباع بالظبط بـــ4 دينار يعني حوالي 80 جنيه مصري .. ولما شممته لخطيبي قالي ايه الأرف دة ..هههههههه.. الظاهر انه اول مابيتحط بيبأة وحش .. بس اعتقد انك بتحطي منه نقط على الهدوم الداخلية والنوم .. وبعدين بيدي بعد كدة ريحة حلوة اوي لأني شميته علا ناس كتير لئيته فعلا حلو .. إنما طبعا اول مابيتحط بيبأة وحش لأنه زيت مركز وقوي .. واعتقد ان ريحته عاملة زي ريحة الخشب شوية .. او العود الكويتي..


معلش .. معرفتش ارد عليكي غير دلوقت لأني مش بدخل النت إلا كل يوم الصبح من شغلي بس

اتمنى اني اكون أفدتك

رورة الأقمر

مش عارفة كنا هنعمل أيه من غيرك

حماتي مدرسة في الكويت بس معرفشي مكانها فين
أنتي فين في الكويت وبتشتغلي أيه


قوليللي يا رورة

هو كريم الأساس والبودرة لازم يكونوا ماركة جامدة

يعني,purjua , dior ,pupa ,forever ,evsanloran ....
حاجات كدا يعني

ولا أكتفي ببتاع أوريفليم
أنا جبته خلاص وجربته عل خد واحد حسيت أني مش حاطة حاجة رغم أنه على الأيد تأثيره كويس

أيه رأيك أجيب بوبا مثلاً ولا مش ضروري

مصراوية في موضوعها بتقول كريم أساس خفيف الصبح وتقيل باليل
في العادي أنا مبحطش أساس غير في الخروجات المهمة بس

فأنا حسة أن ملوش لازمة أجيب نوعين إذا مكنتش هستعملهم غير مرة ولا أتنين


وعل فكرة أنا جبت علبة ماكياج صغيرة علشان أخدها معايا في السفر ومخدشي 100 حاجة
هيا فيها 14 شادو و3 روج و 4 روجأجو وبودرة درجتين وقلم كحل
ممكن أخدها في شهر العسل ولا أيه رأيك

ممكن تقوليلي محتاجين أيه تاني في الماكياج
يعني الروجات كام واحد كفاية
الروج أجو جبت على بني وعلى أورنج وعل روز , جبت 5 كفاية مش كده

وأنواع الشادو أيه علشان معرفشي غير البودر

الأقلام بتاعة العين أجيب ألوان أيه , وأيه الألوان الموضة دلوقتي ؟

وأيه هو الكريم اللي بيتحط تحت الحواجب علشان يظهر مكياج العين وهل الحاجات دي في السهرات بس ولا ممكن تتحط على خفيف الصبح


أنا في العادي بحط ديب لاينر وروج وروجأجو وساعات أي شادو
بس بألي فترة مبطلة الروج والروج أجو علشان بشرتي تستريح

متعرفيش نوع ديب لاينر حلو مبيسيحش ولا بيهبب تحت العين ولما يتغسل ميعملش كورتين سود حولين العين

أنا كنت بستعمل بتاع سيبل بس غيروه وبقى وحش جداً (n)
ومش لأيا نوع كويس

وعايزة أسأل على حاجة كمان

معلش متقلة عليكي :flower:

خطيبي متعود يشوفني بالديب لاينر يعني زي الكحل

وليلة الفرح مينفعشي أنام بيه علشان لو نمت بيه هصحا الصبح أكني واخد بوكس
ومش معقولة أول يوم كده محوطش كحل وأنتي عارفة فرق الشكل من غير كحل بيكون إزاي

أعمل أيه ؟؟؟ :sad:

على فكرة يا رورة متنسيش تجيب قطن لإزالة الماكياج وكمان مزيل ماكياج :up: و أسيتون

زي ما أكون كتبالك إمتحان:o

ياربى كل دى حاجات مفروض نشتيريها



ده الواحد كده هيتخرب بيته وخصوصا انى لسه بدرس ومصروفى لوحده شى وشوايات


ربنا يرزقنا كلنا يا بنات

انا ساكنة في السالمية وبشتغل مساعدة إدارية .. وانتي




يا رورة

هو كريم الأساس والبودرة لازم يكونوا ماركة جامدة

يعني,purjua , dior ,pupa ,forever ,evsanloran ....
حاجات كدا يعني

ولا أكتفي ببتاع أوريفليم
أنا جبته خلاص وجربته عل خد واحد حسيت أني مش حاطة حاجة رغم أنه على الأيد تأثيره كويس


بصي .. انا الحاجة الوحيدة الي هجبها ماركة كويسة وجودة 100% كريم الأساس والباودر...

لأن دول الي هتيحطو عالبشرة.. اما بئيت الماركات هجبها عادي .. مش معنى كدة اني حجبها اي كلام.. لا حجبها بردو كويسة ...

وفرأيي ان كريم الاساس والبودر هم اكتر حاجة بتخلي الوش والماكياج يظهر اوي..


واعتقد مادام جربتيه علا وشك وحسيتي ان مفيش فرق .. متهيألي تجيبي اي نوع تاني يبأة كويس .. وتبيعي الي معاكي دة لأي حد مادام لسة مستعملتهوش..


بالنسبة لبوبا معرفش بصراحة ايه نظامها.. انا كنت جبت ماركة من سنتين فخطوبتي تحفة تحفة تحفة وملهاش حل بس كانت غالية شوية يعني حوالي ماية وحاجة.. وكمان البودرة من نفس الماركة رائعة .. هقولك علا اسمها لما اتأكد..

بالنسبة للماكياج انا هقولك الحاجات الي ناوية ان شاء الله اجبها..

نوع واحد كريم اساس .. نوع غالي وجيد وناوية كمان احطه ان شاء الله في الفرح
نوع واحد كريم اساس عادي للخروجات العادية

بودر علا حسب لون بشرتي بيضاء سائبة.. نوع كويس + غالي
بودر عادية لونها برونزي مش حجيبها غالية بردو
بودر فيها برونز.. يعني فيها لمعة .. بردو مش حجبها غالية

آي شادو مخمل ألوان معينة زي (الرمادي الغامق الكحلي - اللبني - الفوشيا - الأورانج - الأصفر - الذهبي - الزيتي - الأخضر الفاتح ....)
آي شادو برونزي وهجيبه نفس الالوان الي هجبها للألوان الي فوق .. لأن المخملي بيتحط الاول وبعدين بيتحط فوقيه البرونزي
او يتحط كل واحد لوحده.. او تدمجيهم سوا.....
وممكن المخمل الي هو مافيهوش لمعة تحطيه في الخروجات العادية.. والبرونزي في الخروجات السهرة وكدة

روجوجو (هجيب الفرشة الي هي فيها الروجوجو بلمعة .. دي عجباني موت.. وهجيب معاها ان شاء الله لونين تانيين مثلا روز فاتح مع روز غامق)

عيزة كمان اجيب كريم اضاءة للوجه ودة هسأل عليه في اي محل ميك اب محترم..

لمعة تحت الحواجب .. وهلائيها بردو في اي محل آي شادو .. ودة بيبأة اي شادو عادي جدا.. عيزة اجيب منه لونين ابيض وروز

الوان الروج .. عيزة اجيب الوان جلوس .. فاتحة .. مع الوان مات .... بس مش كتير يعني كفاية اوي 3 جلوس فاتح + 3 مات

هجيب ان شاء الله اقلام تحديد للشفاه بلون الشفايف .. بتبأة بردو حلوة اوي .. وكفاية اوي لونين

وهجيب قلم حواجب او بودرة حواجب بردو هسأل عليها في اي محل . وعلى فكرة كل الحاجات دي انا لسة معرفش هجبها من فين

ماسكرا إيفون للكثافة والطول.. الي هي علبتها كحلي وغطاها فضي
دي مش ممكن بتخلي رموشي راااائعة.. خطيبي بيتهبل عليها

و هجيب برونز الي هو لوحده دة .. بيترش عالشعر والوش .. دة هتلائيه في اي مكان ورخيص جدا

قلم كحل اسود + بني + كحلي + تركواز + زيتي (تقيل)
واحد آيلاينر

وعيزة اجيب الفرش الخاصة بالماكياج بتبأة مجموعة لوحدها

واحد كونسيلر..


بصي انتي ملكيش دعوة بالحاجات الي انا كتباها.. انتي شوفي ايه الي ناقصك وهاتيه .. بس انا كاتبة كل حاجةوربنا يقدرني واجيبهم


وخطيبي ناوي ان شاء الله يجبلي في كتب الكتاب علبة ميك اب كبيرة ومستوردة وشيك .. فيها اي شادو وبودر وفاونديشن وماسكرا وقلم كحل وروجوجو
دي بردو هخليها عالتسريحة تعمل منظر..

وطبعا كل الحاجات دي هاخدها وانا مسافرة .. لأني هتجوز في مصر شهرين .. وبعدين هرجع الكويت تاني عشان اقيم علا طول

بس هجيب شنطة ميك اب فاضية كبيرة .. احط فيها كل الحاجات الفردية دي عشان متتبهدلش مني في المطار...


بالنسبة للصبح .. انا مبحبش احط اي حاجة حتى ان شاء الله لما اتجوز
بحط بس ..( بغسل وشي بصابونة تنظيف كويسة .. وبعدين صابونة كريم زي دوف او نيفيا بعدين بحط سائل تجميل من أولاي بدلك بيه وشي .. وبعدين بحط بودر بسيط اوي وبشيل الزيادة بفرشة الروجوجو... وبحط ماسكرا خفيفة
لو في اجتماعات او حاجة.. بحط قلم كحل بسيط اوي من فوق وتحت حسب اللون الي لبساه.. وبحط ايشادو إضاءة او كريم اضاءة خفيف تحت الحواجب.. وبحط زبدة كاكاو او جلوس بدون اي لون فشفايفي .. مش ادرة اوصفلك بيدي رقة اد ايه.. واكيد كمان لما تتجوزي

واذا كنتي متعودة خطيبك يشوفك بالديب لاينر.. انصحك تعوديه علا غير كدة.. لأنه لو فضل علا كدة وشافك مرة من غير كحل هيحس انك تعبانة..

بصي هكتفي بهذا القدر النهردة احسن مطنشة الشغل خالص اوك.

بصوا بقي يا حبيبي انا رايي اننا نعمل حاةجة زي ليست كدة نكتب فيها الحاجات الرفيعه اللي ممكن ننساها في وسط الزحمه بتاعتنا دى اية رايكو نبتدى و لا اية ؟
يعنى مثلا زى ما تيتو كدة قالت مننساش قطن المكياج و المزيل بتاعه و الاسيتون
كمان مش ننسي البنس و طقم الضوافر القصافه و المبرد و مبرد الرجل ...
ها اية رايكم نكمل يا ريت مستنيا ردكو علي .........

اوك وانا كمان ..


- بنس الشعر والتوك والمشط
- فوط صحية.
- معجون + فرشة أسنان
- قطانة أذن
- طقم كامل للعناية بالأظافر (مبرد وكدة)
- ملقاط + إبرة + خيط.. (يكونو دايما في شنطتك.. الإبرة والخيط عشان لو حاجة اتقطعت- والملقاط انتو عارفين ليه)
- معطر فم
- نظارة شمس (اوعو تنسوها حتى لو رخيصة)
- شرابات قطن (كفاية اوي 2 او 3)
- 2 بادي كات يتلبس تحت الهدوم + 2 شورت قطن استرتش يتلبس بردو تحت الهدوم عشان التسلخات .. ههههههههههههه)
- رول أون أو سبراي تكوني بترتاحيله تحطيه فشنطتك (حجم صغير وأفضل الرول أون الكريمي لأنه لا يسبب العرق وخفيف في الصيف وانصحكم بـــرول أون ديوتي 24 تحففففففففففة من إيفون.. بجد مش ممكن.. جبت منه 2)
- عينة برفان صغيرة تكون موجودة فشنطتك (علا كدة هنمسك فإيدينا شنطة سفر .. ههههههههههههههههه)
- مطهر للمنطقة الحساسة يابنات..اوعو تنسو..

دة الي انا فكراه دلوقت... علا فكرة هحط موضوع قريب ان شاء الله هنا في ركن العروس اسمه (جهاز العروسة - مفيد وعن تجربة ) هتلائوه اليوم ان شاء الله .. لسة ببتدي فيه .. وعيزاكو كلكو تشتركو معايا فيه عشان لو نسيت حاجة.. وكمان يبأة ملف كويس نرجعله وقت منحب
ويكون نتيجة خبرتنا ان شاءا لله في التجهيز...

مستنياكو
-

يا ريت تحطهولنا يا حبيبي علشان كلنا نفتكر و مش نلاقي حاجة نقصانا نتفاجأ بيها عموما مستنين موضوعك الرهيييييييييييييييييييييييييييييييييييييييب
في حاجة كمان دبابيس طرحة لو محجبة و ختى لو مش محجبة بردة دى مهمة اوى

vetdody


يابنتي مش انتي بس الي محتاسة كدة

دنا مبحبش انزل اتفرج علا هدوم البيت في المحلات الغالية اوي .. عشان متعقدش واشوف حاجة مقدرش اجبها

احنا بنقول هنا الحاجات الي المفروض تتجاب.. والله جبتي جزء منها خير وبركة.. جبتيها كويس
مجبتيش حاجة او ملحقتيش اوعي تدايقي نفسك .. بالعكس ..

بصي الرفايع دي هاتيها مع جهازك .. كل شهر ولو حاجات بسيطة اوي

يعني مثلا انا مخصصة مبلغ معين بجيب منه حاجتي كل شهر .. الحاجات الكبيرة بس .. الرفايع التانية زي البرفانات والحاجات دي..

بشوف مصروفي الي بيتبأة منه.. وانا هتكلم عليكو فمصر .. لو اتبقى فمصروفك مثلا 5 جنيه.. ادخلي بسرعة الجمعية واوعي تترددي وهاتي مثلا (معجون اسنان وفرشة و فوط صحية)

لئيتي اتبقى جنيه واحد ادخلي بسرعة اي بوتيك وهاتي بنس ودبابيس حجاب

مرة لئيتي معاكي فلوس واتبأة مثلا 10 جنيه .. روحي بسرعة الجمعية وهاتي اي مرطب او فازلين .. او صابون وجه منظف زي الي تكلمنا عنه

وبعدين يابنتي انا كاتبة بزيادة

اوعي تشيلي الهم

هاتي مثلا كريم مرطب للجسم واستعمليه لوشك وايدك وكل حاجة..انا جبت لوشن جونسون للأطفال بستعمله بآلي سنتين ايدي وجسمي وكل حاجة - هاتي كريم سنفرة للوش وصابونة منظفة ومزيل للمكياج - انصحك تكتري من الشامبوهات وبلسم الشعر عشان هتستحمو كتير لما تتجوزو .. هههههههههههههههههههه - وهاتي برفان وشاور جيل .. بس

وهاتي معاهم الرفايع الي قلنا عليها فوق دي .. وربنا يرزقك ويرزقنا كلنا يارب ويتمم جوازتنا علا خير

انا مش فاضيه خالص الايام دى لانى الكليه بتاعتى صعبه اوى وكل اسبوع بيبئه عليه امتحتنات كتيره


بس انا انشاء الله هخلص الامتحانات فى اول 7 وانشاء الله هبدء انزل واجيب كل الحاجات اللى انتم قولتلى عاليها دى


اصل انا خايفه اجبهم دلوقتى استعملهم اصل انا مش بعرف اتحكم فى الحته دى



وبعدين هو انا لما اجبهم بدرى كده مش ممكن يبوظو ومده الصلاحيه بتعاتهم تنتهى

انا يا جماعه خسيت اوى فى الفتره دى وده لانى مشوار الكليه بتاعتى ساعتين رايح وساعتين جاى



وكمان مش ليه نفس اكل خالص



وبحب اكل بس الحاجات الحادئه وببحبش الطبيخ خالص



واصحابى قالولى ان انا رفعت اوى ولبسى وسع عليه اوى


محدش يقولى اعمل ايه ومفيش حد عارف اسم فيتامين او وصفه بس تكون سهله تتخنى تانى

vetdody:
انا يا جماعه خسيت اوى فى الفتره دى وده لانى مشوار الكليه بتاعتى ساعتين رايح وساعتين جاى



وكمان مش ليه نفس اكل خالص



وبحب اكل بس الحاجات الحادئه وببحبش الطبيخ خالص



واصحابى قالولى ان انا رفعت اوى ولبسى وسع عليه اوى


محدش يقولى اعمل ايه ومفيش حد عارف اسم فيتامين او وصفه بس تكون سهله تتخنى تانى

بصي يا vetdody
انا بستعمل فيتامين حلو اوى الدكتور بتاع التغزية بتاعى كان كاتبلي عليه و الصراحة هو حلو اوى و كمان كان معاه فاتح للشهية بس خطير لان انا زيك رفيعه شوية بس بيني و بينك انا مبسوطة كدة وزنى عاجبنى يعنى 55 ك و كمان خطيبي عايزنى افضل كدة
بصي يا ستى الفيتامين اسمة فيتا مونت بس للسيدات و حتلاقيه تقريبا 14 جنية و الفاتح للشهية اسمة ميسيجور بس دة حيخليكي تاكلي كل الاكل اللي في البيت بس الصراحة بينيم شوية و هاتيه شرب
بس عايزة نصحتى مش تاخديهم من نفسك يستحسن تروحى للدكتور و هو يدهولك انا باخدة من فترة و ماشي معايا كويس اوى
و ربنا يا رب يوفقك و تتخنى شوية قبل فرحك بس قليلي انت فرحك امتى بالظبط ؟

اة نسيت اقولك ربنا معاكى حبيبتى في الامتحانات دى و تعدى على خير و الفرحة تبقي فرحتين

أزيكوا يا بنات

عاملين أيه وحشني أوي

أنا مش عارفة هما ليه بينقلوا المواضيع

رورة حبيبتي

أنا بشتغل مهندسة وساكنة في المعادي لكن شغلي في مدينة نصر
وكمان شقة الزوجية هتكون إن شاء الله في مدينة نصر


أنا مش هطول عليكوا
علشان أنا عيانة أوي وواخدة النهاردة أجازة
بس حبيت أسلم عليكوا

الف سلامة عليكى والجو يومين دول تعب وانا كمان لسة خارجة من نزلة شعبية جامدة

الحمد لله على اى حال

موضوعك جميل جدا مصراويه ومفيد لكل المصريات

بصى ياستى انا عندى مشكلة مش عارفه اشترى ايه بالنسبة للحمام من ناحية البدى لوشن وفى حاجه اسمها بدى شوب

انا مش عارفه دول ايه واستعمالهم ازاى بس فى واحدة استعملت حاجه بريحه الفواكه واكانت رييحتها جميلة بس للاسف مش عارفه اوصلها علشان اسالها ياريت لو تعرفى دا اسمه ايه تقوليلى علشان اشتريه

وياريت تقوليلي اشترى ايه بالظبط بالنسبة للكريمات والحاجات المعطر يعنى الحاجت اللى استعملها فى الحمام

بحيث ان ان شاء الله زواجى فى الصيف وانا خايفه يبقى الجو حر طبعا ويبقى فى ريحة عرق او حاجه يعنى قوليلى على كل حاجه من مزيلات عرق للحاجات اللى اى عروسة تستعملها فى الحمام علشان تبقى ريحتها حلوة

وكمان قوليليى اشترى المكياج ازاى انا مشتريتش اى حاجه خالصصصصصصصصصص

حتى هدومى الصيفية لسة مشتريتهاش متلخبطة جدا جدا جدا والله

فى انتظاركم

معلشي ياجماعه ممكن اسنفسار
لوحد يعرف الاماكن اللي في بورسعيد اللي مصراويه اشترت منها حاجتها ياريت يقولي
وشكرا

هاى tyto ز كل البنات سلامتك الف سلامه بصى يا ستى الكريم unitone 4 ده فى ماده اسمها hydroqonin دى خطر فى نوع من غير الماده دى unitoneبس من غير 4 و بلاش الc light مش كويس انا قلت اقوللك عشان تاخدى باللك

الف سلامه عليكى يا تاتو وخلى بالكم من نفسكم شويه يا بنات انتم داخلين على جواز




الف شكر يا lovly



انشاء الله لما اخلص هروح الصيدليه واسال الدكتور عنهم