مجلس امهات شهر مايو 2006 حياكم

بنات طمنوني .. من اول ما الوحده تحس بنبض او رفه الياهل هل بعدين لازم تحسه كل يوم ؟؟
لاني من امس ماحسيت بالرف حق الياهل و خايفه قاعده اوسوس طمنوني يا اللي عندكم خبره قبل

+++++++++++++++++++++++++

ام شووووق هلا بك معانا
انا كل ما اسمع سوالف البنات اتشوق عشان اعيش هاللحظه .. رغم الالم بس تخيلي انه نهايتها بتطلعين بشي عجيب .. بتشوفين ولدك ولا بنتك :)

مراوي ...
انا قايلين لي ولد .. بس لين ألحين ما تحرك..
وانتي لا اتخافين اذا تم كم يوم ما يتحرك..لانه هوه اصلا داخل المشيمة يتحرك بس ساعات الام ما اتحس لين ما يكبر شوي وزنة يديد..

مشكوره ام خلفان احس قلبي ارتاح خصوصا اني حسيت فيه الليله نبض مثل قبل :)

مادري يمكن امس كان نايم يعني :)

كل ماكنت ابي ادرس اقرا و مادري شنو قريت حاطه يدي على بطني و اتريا اي نبضه او حركه

يبيلي ارجع على اللي قريته مره ثانيه

السلام عليكم


هلا ام خلفان شخبارج انتي عساج بخير توأم ولدج الحمد لله بخير يسلم على ولدج بس انشالله بنت مو ولد علشان نزوجهم والا اشرايج هههههههه

انااااااااااااااااااا امس حسيت بنبض

ياريت كل وحده تذكرنا بموعد ولادتها وتقول هي باي اسبوع الحين


انا بالاسبوع 16و5 ايام وموعد ولادتي 30-5-2006

هلا ام راشد ... زين حسيتي بالنبض من وقت لان عاده تبدا الوحده تحس بالنبض من الاسبوع 18 و الاغلب بالاسبوع 20 :)

انا الحين بالاسبوع 18 و 4 ايام يعني تقريبا 19 اسبوع و امس دخلت الشهر الخامس
وموعدي 21 مايو 2006

بالمناسبه بديتو تشترون حق البيبي؟
انا اليوم طلعت المعرض السوري شريت قطنيات داخليه للبيبي عشان القطنيات السوريه وايد زينه
وشريت تريكو بيج حق المستشفى
و طقم بيج مكون من 11 قطعه مختلفه حق البيبي دلاغات و قبعه و شبك و مريله و مادري شنو
وشريت حاضنه بيج حق حمل البيبي داخلها

بصراحه توهقت ماعرفت شنو بحتاج يبيلي اسوي قائمه قبل ما اطلع اتشرى :)

هلاااااااااا .. والله..

الحمدلله اني حسيت ..

انا اشتريت البرباتوز الكامل خذت لي 4 ابيض وبيج لان ماعرف شنو اللي في بطني


واخذت لي قفازت اليد اللي تنحط حق اليد والرجل من ماذركير

والفنايل الداخليه خذت من بدون كم 8 وكم قصير 6 وكم طويل 3

وبعد العيد بروح اشتري بعد

يا هلا ام راشد

البرباتوز شنو هذا؟؟

انا توني يايه من مذركير .. دار راسي ماعرف شاخذ :)

خذيت 11 بدله شبك و اطقم اقمصه مع بنطلوناتهم و قبعات هبله :)

و جواتي قماش .. طبعا كله بيج و اصفر و ابيض ماباخذ لون ازرق عشان محد يدري :)

البرباتوز هو اللبس الكاااااامل


ماذركير منزليين شتوووي يعني مايصلح حق اللي بنجيبهم

حررررررررر

اهاا المشبوك مع بعضه بنطلون و قميص .. اي هذا شريت منه وايد بس امي تقولي جان ماشريتي المسكره ريوله عشان مايضايق الياهل خصوصا و هو يكبر بسرعه اول شهر عشان جذي افكر ارجعهم اغيرهم

و بعد قالت لي اليوم وحده زميلتي اني ما اخذ قياس new born وايد لانه مابستفيد منه غير اسبوعين
ولهذا بعد برجعهم و اخر من 0 - 3 :)

سلام عليكم ... سامحوني طولت الغيبة عليكم...

باركوا لي خلفوني الهيز اخيرا تحرك البارحة بس رفسني رفسة بس عشان يخبرني انه يتحرك ...

المهم انا حاليا في نهاية الاسبوع 20 وتاريخ 8 الشهر الياي بدخل السادس.. بس لين ألحين ما سرت اشتري اغراض البيبي.. بسير ان شاء الله بعد العيد ...

مبروك يا ام خلفان

الوحده ماترتاح الا بعد ما تحس بولدها تحرك :)

انا طلعت الليله بعد شريت رضاعات 3 احجام و اسفنجه حمام و مقراض و شفاطة الانف

و روب حمام و فوطه و مريله و مشط و مادري شنو بعد وايد خرابيط امي تقولي ما بتحتاجين لكل هذا بس لمن تشوفينهم تبين تاخذين كل شي عدل؟ :)

باجر بروح اشوف اطقم الحرامات و القماطات و الشراشف

خبرونا كل وحده شنو شرت عشان كل وحده تذكر الباقي :)

وينكم؟؟

وراي امتحانات هالالسبوع و بعد مرابطه بالمنتدى

متى اخلص بس و اكمل تشري :)

مراااااااااااحب يام خلفااااااان ومراووووووي


والله انا على حطة ايدكم بوووووقف الحين من المشترياااااااااااات


وببتدي اخر شهر واحد لان الملابس كلها شتويه وبعدين كل المحلات تنزيلات ومامنزلين اشياء حلوه

واخاف اخذ وعقب ينزلون اشياءء حلوه واندم ..

انا قاعده افتر على المحلات ابي اشوف سرير مع كبت اذا عجبني شي باخذه من الحين لان عارفه اني في الشهر الثامن ولا التاسع ماني قادره اطلع لان بكون مرتبطه بالجامعه .. والامتحانات .. وبكون ثقيله بالطلعه ..

ففكرت اني افتر على المحلات لين يعجبني شي واخذه

هلا ام راشد وين الغيبه

على طاري السرير انا ابي سرير اللي يكون فيه من تحت او على جنبه ادراج وماحصلت عند ماذركير

افكر اطلع السعوديه ادور :)

هلا والله

والله موجوده فديتج .. بس كل مافضيت ادخل:)


تبين الصج ماراح تحصلين شي حلو الا بالسعوديه انا وايد اسمع ان عندهم اشياء حلوه

انا لو ماعندي امتحان بعد ساعتين ( ولاحظو اني لحين ماخلصت دراسه ) جان رحت مع زوجي السعوديه

بس ملحوقه ان شاء الله :)

السلام عليكم

شلونكم وشخباركم

واخيراً


امس كان عندي موعد مع الدكتورة وسوت لي سونار وقالتلي بنوته صج استانست بس ريلي تكدر شوي لانه يبي ولد بس تالي قال الحمد لله اهم شي تكون بصحة وعافية والبنت والولد مافي بينهم فرق

عاد رحت مذركير الصراحة جفت اشيه وايد حلوة بس ما اعرف شاخذ عاد قالي زوجي روحي انتي وامج واختاروا اللي تبونه لانه لا اهوه يعرف ولا انا اعرف فقلت مافي الا امي الله يخليها لي انشالله بروح في اقرب فرصة
عاد انا حاطه في بالي اذا بنت كل شي بشتري لها وردي لاني اموت بالوردي
وسلامتكم

مبروك يا دلوله بغيتي بنت و طلعت بنت :)

انا شريت شغلات و بعد بنتظر لبعد التخفيظات او لحد ماينلون البضاعه الصيفيه لان كل شي موجود الحين شتوي

المفارش وين ناويه تسوينهم؟ انا قالو لي عن محل اللي في جدحفص انه حلو شغله و بعد واحد اللي في الزنج عند صيدليه ناصر

بروح اشوفهم و اشوف شغلهم و ارد لك خبر

الله يبارك فيج حبيبتي الحمد لله اللي ابيه صار
وعن المفارش انا قالولي عن اللي يم صيدلية ناصر وايد يمدحونه ويقولج في مجمع الدانه ومدينة عيسى بعد بس ما اعرف اسمهم بس اظن اللي في مجمع مدينة عيسى اسمه( كوخ الامومه )شي جذي بس وايد بنات قالولي اذا في مفارش جاهزين وطقم عند مذركير اخذي وايد احسن وارتب من الخياط ويطلع ارخص بعد بعد بافكر وباجوف الخياط والجاهزين وبقارن بينهم