مجلس امهات شهر مايو 2006 حياكم

اهلا فيج ام عبود :) وانشاء الله تستفيدين..

الصراحة انا بعد احس فياي النغزات.. اعتقد عشان المشيما تكبر عندج..

مرااااااااااااااااااحب ياحبوووووبااااات




انا الحين بالاسبوع 15 وعطتني الدكتوره موعد ولاده بتاريخ 30-5-2006



اليوم رحت ابي اعرف شنو بنت ولا ولد قالت لي مايبين وكان مسسكر ريوله وقلت لها


دكتوره في احتمال يكون بنت قالت لي لا احنا نقول ان اللي مسكر ريوله يعني بنت


بس اتضح ان فالبدايه الاجنه يكون بعضهم مسكرين ريولهم ولا يوم جات تبي ترويني وجه


الحبيب معطينه ظهره ومش راضي نشوف وجهه وخذت له صوره وهو معطينا ظهره

ورويتها ابوووه قعد يضحك×× خخخخخخخخخخ××

في خاطري اعرف شنو علشان اجهز من الشهر الجاي


وطمنوني عليكم ياحبوبات

ويااااااااااااااااااااااريت


كل وحده تحط موديلها حق العيد لاني بصراحه متوهقه


وماني عارفه شنو البس حق العيد

هلا والله بالجميع منورين

بالنسبه للنغزات ام عبود هذي طبيعيه لان كلنا نحس فيها واحنا بالرابع ..

على فكره وحده قالت لي اذا النغزات تحسين فيها تحت السره يعني بنت و الولد تحسين برفيف في البطن :)

++++++++++++++++++++++++++++


ام خلفان يمكن مثل ماقلتي .. فعلا كنت متعشيه متاخر و لحم بعد عشان جذي يمكن ذاك اليوم تأذيت :)

+++++++++++++++++++++++++++

ام راشد عيل معطيكم ظهره من الحين :) شكله متمرد عليكم

انا باجر موعدي و مو قاااادره اصبر للعصر

توني اليوم الظهر اقول حق زوجي باجر الموعد و اياني و اياك تروح تسال الدكتوره عن جنس البيبي و هو مصر الا يبي يعرف الفضولي :) يقول طيب بسالها بعد ماتطلعين

مو انا خايفه لو عرف يزل لسانه قدام اهله ولا اهلي .. مابي احد يعرف ابيها مفاجأه :)


بالنسبه للعيد انا افكر اسوي جلابيه و عندي براسي عشرين الف موديل حق جلابيه و متحيره اي واحد اسوي و مثل عيد الفطر .. بظل متحيره لين يمر الوقت و مايمدي اخيط جلابيه و بضطر اشتري جاهز

اهو متى العيد تقريبا .. على اي تاريخ يعني؟؟؟

صباح الخير

تخيلو موعدي الساعه 12 و نص و انا رايحه لهم من الساعه 10

اضطريت ارجع البيت و برجع لهم الساعه 12

مايحسون بلهفتي ابغي اشوفه :)

هلا والله مرااوي


الله يجيبه لج بالسلامه .. وبشرينا شنو قالولج


علىىىىىىىىى فكرررره العيد 9-1-2006

يعني ماباقي شي اقل من شهر


:(

هلا ام راشد

رحت امس و اللي توقعته بالضبط صار

انا ناويه ماعرف جنس الجنين عشان مفاجاه للولاده

رحت الموعد و الدكتوره تكشف عليه بالالتراساوند و تراويني وين رجله وين راسه و كذا

عاد قالت و هذا الحبل السري بين رجوله .. تبين تعرفين جنس البيبي؟

انا هني تعومست ماكان ودي تسالني هالسؤال لاني ادري بروحي فضوليه

قلت لها يعني الحين صار يبين؟ ردن عليي طبعا مبين و واضح بعد

بهاللحظه كنت ابي اعرف عشان ارضي فضولي و مابي اعرف عشان المفاجأه فتميت ساكته

عاد اهي قربت الصوره جان تقول لي : ولد ... و 100% بعد :)

حسيت بشويه احباط لاني طول هالمده في بالي انها بنت و حطيت لها اسم بعد بس هم يوم قالت لي ولد ضحكت

حسيت اني تعرفت على جنيني اكثر و صرت اناديه بأسمه .. طبعا بيني و بين نفسي لاني ماقلت حق احد ولا حتى زوجي

زين انه في هالموعد ماقدر يروح معاي لظروف أصابه :)



و خلصت يوميات الموعد .. على فكره عطتني موعد بعد 4 اسابيع لفحص التشوهات .. اخذتو هالموعد؟؟

مبروك مراوي .. ولي العهد وصل :) شو بتسمينة؟؟؟؟
انا زوجي مصر على خلفان.. بس انا موووووووووووول مب حابتنة ..بس شرطت علية اني انا بسمي البنت اذا يت .. ان شاء الله..

ام راشد ..
ما شاء الله شكلك اتجهزين حق العيد من الحين :D
انا صراحة ما سويت شي .. من العيد إلي طاف عندي جلابيات ما لبستهم شارتنهم وايد غاليات .. بس سويت لي طقم عبايا ..

انا موعد ولادتي اخر 5 وبيكون عندي فاينل اقزام الله يستر

هلا ام خلفان

الحين قاعده افكر بأسامي أولاد .. اما سعود او فواز او هاني .. شرايكم؟ :)

+++++++++++++++

هلا بالاخت عالي مستواها .. تدرين انا بعد امر بنفس المشكله

ان عندي امتحانات نهايه الكورس الياي و موعد ولادتي بيكون 21 مايو يعني ان شاء الله ما تاخر عن موعدي والا بروح فيها مع الامتحانات :)

هلا والله

يامراااااااااااااوي حلو اسم سعوووووووووود

ومبروووووووك انه طلع ولي عهد :)


انا ابي ولد عشان خاطر زوجي :) عشان مايحن عقب ويقولي حملي ابي ولد:)


والله يجيبه بالسلامه يامرواي


************************************************************************


أم خلفاااااااااان


اي والله اجهز للعيد شسوي ماباقي شي واحاتي الخياط اذا يفصل لي ولا لأ


حصلت موديل والحمدلله




واخترت انه الصدر عنابي دانتيل كم طويل

والشيفون ا اللي تحت الصدر عنابي واللي تحت بيج شرااااااااايكم

ام راشد مافحصتي ولا قالو لك شنو جنس البيبي؟
الله يعطيك مرادك و تجيبين ولد يفرح نظرك :)

انا لحين ماوديت الخلق للخياط عشان العيد عشاني متعيجزه اروح اشتري له ترتر :)

هلا مراااااااااوي


سويت وقالت لي مومبين لان العضو التناسلي صغير والبيبي مو معطينا مجال نشووووووف

قالت لي بعد شهر انشالله ..اقدر اعرف :)
يعني انشالله اخر الشهر اعرف :)

انا ابي اعرف ليش انتوا مو مشتطييين حق العيد مثلي :)

السلام عليكم

شلونكم يا امهات المستقبل عساكم بخير

مبروك يا مراوي ولي العهد بيوصل انشالله مع ان كان في خاطرج بنت
انا الله يستر الشهر الياي موعدي وسوولي التراساوند بس ماكان يبين اذا بنت او ولد بس خاطري في بنت

ومن ناحية انه يتحرك وايد احس بغازات وحركه حتى يوم سوولي الترا ساوند اشوفه يتحرك وايد ويحرك ايدينه بس ما احس فيه لانها قالتلي ان يده ليلحين صغنونه ما توصل لي بطني حدها داخل الماي اللي حوله

ام راشد انتي اشطر منا .. احنا اللي بنقعد لاخر اسبوع و بنضطر نطخ اي شي حق العيد

والله ودي اودي الجلابيه للخياط عندي الخلق و عندي الموديل بس صايره عيوزه البس و انزل و اروح اخذ قياسات عرفتي :)


==========================


هلا دلوله وين غطيتي هالمده؟
انا امس حسيت بحركته طبعا ماتحسين بشي جامد .. يالله شي مثل النبض

عاد امي تسالني ماحسيتي بشي اقولها مثل النبض جان تقول عيل ولد :)

انا ماعلمت احد انه ولد ولا حتى زوجي بس لساني يحكني ابي اقول حق احد :)

انا موجوده بس ما ادخل الا متقطع

هههههههه
هذي المشكلة يا مراوي اذا ما تقدرين تخشين خبر
سألي امج واللي يعافيج اذا نغزات يعني شنو >> ذبحتكم ابي بنت

dalolh

حيالله القاطعة .. شو اخبارج .. وشو اخبار تويم ولدي :)
--------------------------------
مراوي

ما شاء الله عليج وعلى البيبي.. حسيتي بحركة البيبي .. بس انا مستغربة الدكتورة قالت ان الحامل ما اتحس بالبيبي إلى في العشرين تقريبا... وانا حاليا في الاسبوع العشرين ولين ألحين ما حسيت بشي .. لان البيبي وزنة صغير تقريبا ربع كيلو ..

اليوم رحت المستشفى حق افتح ملف.. يا خرابي على الزحمة .. يلست اتريا من الساعة 12:30 لين 2:30 وآخر شي دخلت وعطتني فيتامينات ماتيرنا وموعد ثاني حق اتشوف البيبي بعد شهر .. الصارحة ملييييت .. المرة اليايه باخذ وياي مجلات بيلس اقراهم ..

دلوله اعتقد والله اعلم ان النغزات بنت لان اول ماحسيت بنغزات قلت بس هذي حركه البيبي و سالت عن النغزات قالو لي بنت

بس بعد جم اسبوع حسيت بالنبض في البطن فلما سالت عنه قالو لي ولد و فعلا الدكتوره قالت لي ولد


+++++++++++++++++++++

ام خلفان الدكتوره قالت لي ان ممكن تحسين بحركه البيبي بالاسبوع 18 بس عاد هذي الشاطره الشاطره بتحس فيها في هالفتره والا اهي عاده تبدا تحس بالاسبوع 20 يعني انتي وضعك طبيعي و احتمال تكون بنت اللي في بطنك

لان امي يوم سالتني عن حركه الياهل ماكنت خلصت الرابع فيوم قلت لها اي حسيت بنبض جان تقولي عيل ولد ( مع العلم انيماقلت لها عن نتيجه الكشف )

تقول اذا الوحده حست بالحركه قبل نهايه الرابع يعني ولد و البنت تتأخر حركتها الين الخامس





بيني و بينكم اليوم ماحسيت بحركه الياهل مثل كل يوم و قاعده اوسوس .. كل شوي اطقطق عليه جان يتحرك ابدا
خليت زوجي يسمع لي بطني يقول صوت ماي بس قلت يمكن هذا صوت البطن الطبيعي
قلت له ينام بسمع بطنك ... يقول شكلك الليله مو طبيعيه :)

هلا ياامهااااااااااااااااااات


يحليكم والله والله اني متشوووووووووووووقه لكم وحق سوالفكم


طمنووووووووني عليكم انشالله انكم بخيررررررررررر

هلا بالكل

انا معطيني موعد ولادتي 12ـ7ـ 2006 وانشاء الله خير الله يسهل ولادتنااااااااااا وانا من الحين خايفه واقرى سوالف البنات يوم ولدددددددداا اااااخ يعور وريلي يهاوشني يقول لاتقرين عسب ماتخافين بس ابي خبره عسب ماانصدم المهم الله يستر

ومشكورين