مجلس امهات شهر مايو 2006 حياكم

هلا يالغاليات حتى انا موعد ولادتي ان شاء الله شهر 5 هجري ماادري كم يوافق ميلادي بس اظنه يوافق مايو


المهم الهم حبيت انظم لكم


وبغيت اسألكم سؤال عن مزيلات العرق ضاره باشهر الحمل الاولى اولا لاني مرررررررررره موسوسه




تحياتي لكم

السلام عليكم ورحمة الله وبركاته

أخواتي الغاليات

أسأل الله العظيم رب العرش العظيم

أن يتمم حملكن على خير ويقومكن بالسلامة

ويرزقكن الذرية الصالحة إن شاء الله أنتن وكل أخت تتمناها

اللهم آمين

لكم مني أحلى تحية

حياك الله معانا اختي غصن الرند

تدرين انا مافكرت بهالشي .. قاعده استعمل مزيل العرق اللي مثل صابونه مو اللي يكون سائل اعتقد انه مافي منه ضرر

على فكره بنات اي وحده لمن تروح موعد كشف و تسال الدكتوره عن اي شي تخبرنا بالؤال و الاجابه شنو كانت عشان نستفاد

لاني وايد براسي اسئله بس اروح الموعد انسى كل شي بس اقعد اطالع البيبي و انسى اسئلتي :)

على فكره اليومين اللي طافو صار عندي هبوط في الضغط و انا مادري .. ديرو بالكم لانه الوحده ماتحس ولا تدري ان عندها هبوط عبالها تعب حمل و بس اهم شي نامو زين و كثرو سوائل قد ماتقدرون

و ماعليكم شر ان شاء الله :)

السلام عليكم ورحمة الله و بركاته


اهلييين حوااااامل الشهور الاولى شخباركم ان شا الله مرتاحين...مع ان ادري الوحام متعبنكم الله يعينكم والله...ويعيني..يااارب
انا الحين في الاسبوع 12اعتقد وموعد ولادتي حسب الدكتوره 13/5 بس ما يندرى يمكن قبل ويمكن بعد لان مب بجر..عندي بنوته الله يحفظها سبع شهور و حملت عليها..فديتها والله و فديت اللي في بطني بعد....
حبيت انظم معاكم..وترا الفتره اليايه حلووووه من تحسون بالرفس اقصد الحركة بتستانسون..الله لا يحرم حد من هذا الاحساس...

تعرفون بنات ودي اصبغ شعري بس مشكلتي ما احب الحنا بشعري و يقولون انه في صبغه بدون امونيا ..شو رايكم؟

السلام عليكم وؤرحمة الله وبركاته...

أختي العزيزة ليل ونهار،،،

الله يخلي لج بنوتج ويثبت لج ان شاءالله،،،
حبيبتي لو تئجلي موضوع الصبغة الحين وايد أحسن، أنتظري الى بعد الشهر الخامس وصبغي بس تحاسبي انج تخلي 1.5 سم بين فروة الشعر وشعرج، وعلى موضوع الصبغة بدون امونيا استشيري الصيدلاني وهو ان شاءالله بيفيدج..

ودمـــــــــــــــــــــــــــــتي بود غاليتي،،،

شلونكم بنات

اعذروني ما قاعده اتواصل معاكم مثل اول بسبب هالنت الدعله

صار له اسبوع منقطع والحين الظهر اشتغل وماظمن الليل يشتغل بعد


ماعلينا

انتو شلونكم

والله توهقت كنت اول احسب اسابيعي من خلال شريط التوقيع و الحين اسبوع مضيعه مادري انا بأي اسبوع اشوى طلعت حسبتي عدل 11 اسبوع :)

اسبوع الياي عندي موعد وبيكون صار لي 12 اسبوع تعتقدون البيبي يكوون طلع له اطراف يدين و رجلين؟؟

ماعندي صبر للاسبوع الياي بس مضطره حاولت اقدم الموعد بس كله محجوزه :)

والله انا بعد جذي مع النت ذبحني

يله روحي عالموعد وطمنينا عليج وقوليلنا اشصار معاج
اللي سمعته انه طلعت له اطراف في هالشهر والله اعلم

الله يصبرني للاسبوع الياي :)

السلام عليكم ورحمة الله وبركاته،،،

كل سنة وانتم طيبين وعيدكم مبارك،،،
شخباركم مع العيد والحمال ان شاءالله تمام؟

على فكره انه رحت الموعد و لما دخلت على الدكتورة قالت لي توج 10 أسابيع وما تنسمع دقات قلب الياهل وكسرت خاطري مع ان كان ودي اسمعها وقالت لي الزيارة الياية،،،
وانه خايفة من هالشي مادري اهو صج ماينسمع ولا في شي،،،
الي سمعت دقات قلب الياهل في الاسبوع العاشر ولا قبل تخبرني شنو صار أذا ما عليكم أمر،،،

ودمتـــــــــــــــــــــــــــــــــــــــــــــــــــــــــــــم بود،،،

عند اي دكتوره تراجعين جمجوم؟

مابي اخوفك يمكن يكون هالشي طبيعي خبرك احنا بكريه وماعندنا خبره

بس دقات القلب المفروض تكون مسموعه ما بين الاسبوع السادس و الاسبوع الثامن

انا في الالسبوع الثامن شفت دقات القلب ماسمعتها

انتي شفتي صوره الجنين في السونار يوم ياخذون نبضه؟؟ ترى نبضات القلب تكون واضحه مثل نقطه صغيره تنبض

انتي شلون كان الكشف مالك؟

السلام عليكم ورحمة الله وبركاته،،،،

هلا وغلا مراوي،،

بصراحه خوفتيني، بس انه للحين مارحت حق دكتورة أخصائية ،بس عيادة الحوامل في المركز الصحي عندنا.
والدكتورة ماسوت لي ولاشي بس قرأت الملف وقالت لي انتي بعدج 10 اسابيع ماتنسمع دقات قلب الياهل والموعد الياي ان شاء الله بتسمعينها، وبعد سوت لي فحص( لسرطان الثدي) عفانا الله وياكم وبس.

أنتي رحتي حق أي دكتورة ؟ وخبريني أذا أوكي وأرتحتي منها بروح لها ان شاءالله.

أدعي لي الله يطمني بالخير .

هلا جمجوم

انا اروح عند فرح المركز من رحت اول مره عندهم قبل شهرين عطتني موعد لبعد 3 شهور يعني بعد ما اخلص الثالث اروح

طيب وانا خلال هالمده اقعد شسوي؟ مادري عن الياهل شي؟

فرحت فتحت ملف عند فرح و هي وايد حلوه و حبوبه وتعطيك وقت اللي تبين تسالين مو مثل بعض الدكاتره اللي يدوب 3 دقايق و تطلعين

شوفي اول شي الحين تسوينه شوفي موضوع الاخت مرموم تحسب لك بأي اسبوع انتي وتقدرين انتي تحسبين بنفسك اللي هو تاريخ اخر دوره لك كان متى نزلت؟ حسبي على هالتاريخ 40 اسبوع بيطلع عندك موعد ولادتك ان شاء الله

اكيد نبض الجنين مايبين الحين بدون الجهاز اهي تبي تسمعه بالسماعه العاديه شكلها
روحي عند فرح او اي دكتوره ترتاحين معاها وراح تشوفين الياهل في السونار و له قلب صغييييير ينبض :)

ماراح ينسمع ولا تخلينهم يستعملون لك الفحص الداخلي عشان يسمعون نبضات القلب كفايه السونار لان وايد بنات اشتكو من الجهاز اللي يستعملونه انه سبب لهم اجهاض بعيد عنا و عنك

وطمنينا بأي شي يصير معاك :)

خواتي حبيت انضم معاكم .. لان ولادتي ان شاء الله بتكون في شهر مايو ...
انا والاخت دلولة بنولد نفس الشهر ونفس اليوم ..:) شتفوا الصدفة .. يعني 8/5/2006 واليوم دخلت الرابع ..

انا والحمد لله ما توحمت على شي .. يعني راحت عليه فرصة الدلع .. ههههه ..

بنات شو عندكم احساس انكم بتييبون؟؟؟ انا احساسي يقول انه ( ولــــد ) بنتظر شوي بروح اكشف

هلا بك ام خلفان

وناسه ان معاك احد بيوم واحد يعني سباق و بنشوف من فيكم اللي بتغلب :)

ماقلتي لنا هذا اول حمل لك ولا عندك عيال من قبل

انا مثلك بالضبط ماتوحمت على شي اللهم ساعات بس احس بلوعه و مالي خلق اكل او سيره اكل بس يعني الحمد لله يومين و تروح

وعلى سالفه الدلع انا مو عارفه ادلع نفسي لان مثل ماقلت لك ماحاسه اني حامل

حتى اني اليوم طينتها و رحت صالون مشي يمكن ثلث ساعه عن البيت

والحين يوم ييت انام و دخلت الله يعزكم الحمام في شي نازل مع البول كلمت الدكتوره و قالت لي تعالي باجر الصبح و للحين مو قادره انام خايفه و قلقه و حاسه بذنب اني مشيت كل هذا

لاتسوون مثلي وديرو بالكم على روحكم

السلام عليكم ورحمة الله وبركاته،،،،

هلا وغلا عزيزتي مراوي،

أول شي الدكتورة فرح وين عيادتها؟ وهيه بحرينيه ولا شلون؟

وانه عارفه جم أسبوع لي انه أمشي في الاسبوع 11، وموعد ولادتي ان شاءالله بيكون 28/5/2006 بحسبت مرموم وحسبتي والدكتورة بعد،

ومثل ماقلتي اهي جيكت لي بالسماعه ماسوت لي بالسونار وخبرج بكر مااعرف شي وماعندي احد يقول لي شنو المفروض يسوون لي وأمي الفقيره مريضة ماقدرت تروح معاي،،ومنكم نستفيد،

وان شاءالله في الموعد الياي الي هو بعد 20يوم تقريبا تسوي لي بالسونار وأكيد ما بخليها تستخدم لي الفحص الداخلي،،

مشكوره غاليتي على معلوماتك، ودمتي بــــــــــود،

وان شاءالله مانسمع الا كل خير يارب،،

السلام عليكم ورحمة الله وبركاته،،،

هلا وغلا بالغاليه أم خلفان،،

الله يعطيج ساعة السلامة و ولادة مريم بنت عمران يا أم خلفان و دلوله وأحنا بعد يا مراوي،، يارب يسهل علينا وتكون ولادتنا سهله بإذنه تعالى،

والحمدلله انج ما توحمتي والله لعوازه وهم الوحام وانه توه الحين بدء يخف عني،، وعلى فكره مو معنى انج توحمتي يعني تتدلعين حتى وانتي مب متوحمه يحق لج الدلع وكفايه انج شايله اغلى شي عندج وعند زوجج في احشائج،،،

انه صج تدلعت لكن كل شي ممنوع ومب زين والشي الي يكون في بالي وابيه يكون مب زين يعني راح علي الدلع شفتي شلون،،

وانه مرات أتوقع بنت ومرات اتوقع ولد أحساسي مره جذي ومره جذي ومب عارفه شنو باييب.
الله يعطي كل وحده الي ببالها يارب آمين،،

وأنتي يا مراوي حاسبي على روحج وبالذات البكر حرام اتعبين روحج وحافظي على ظهرج زين بالذات انج بكر وقوتج بعدين في حمالج الياي من قوتج الحين واهم شي الظهر،،

وان شاء الله تطمنج الدكتوره وتطمنينا عليج ، خطاج الشر غاليتي،

وأن شاءالله الاخبار الزينه يارب،،

مرحبا بنات

توي راجعه من الدكتوره

راوتني عصفوري عالشاشه قاعد يتحرك حبيبي و انا اللي على بالي للحين ماتحرك

تقول بعدك انك تحسين بحركته ماتحسينها الا بالاسبوع 18 (( وايد مو؟ :) )

توني تطمنت و الحين بنام لاني طول الليل مانمت اصيح و احاتي .. صادني وسواس اتخيل اروح ويقولون لي مافي نبض بعيد الشر

خلاص حرمت وتوبه العب بروحي :)

هلا وغلا مراوي،،

الحمدلله رب العالمين أنج تطمنتي على البيبي وطمنتينا عليج،،

وعقبال ما تفرحين بطلته عليج يارب،،

نوم العوافي خيتو،

الله يعافيك جمجوم

توني اكتشف اني ماجاوبت على اسئلتك :)

اول شي د فرح موجوده بمستشفى التخصصي و هي عراقيه بس حبوبه وايد و نشيطه ماتحسين عليها انها تعبانه من شغلها او شي مثل نحله تتنقل بين المريضات ما شاء الله عليها

اشكركم خواتي على ترحيبكم .. وعلى دعواتكم لي ...

انا اول ما تزوجت حملت على طول ..وفي الاسبوع الخامس صابني فيروس في البول (كرمتوا) عالجوني وبعد ما كملت سبع اسابي.. اكتشفت ان البيبي ميت.. بعدها بثلاث اسابيع اجهضت طبيعي لان الدكتورة نصحتني انه يكون طبيعي مش طلق صناعي .. لاني بكر والحمد لله طلعت بالسلامة..

وانا الحين حامل في الاسبوع 15 والحمد لله صحتي وصحة البيبي بخير...


اختي مراوي .. هل هيه افرازات بنية .. مثل الدم ؟؟؟ لانها ممكن اتكون عادية بس يبالها راحة ما بتعطيج شي عنها ..

انا قبل رمضان سافرت وكنت شهر واسبوع .. المهم كنا مقررين انا انسافر رحت عند الطبيبة وقالت سافري واستانسي بس لا اتعبين عمرج وعطتني حبوب تثبيت وابرة حق تسهيل تغذية المشيمة
.. انا عاد ما سمعت كلامها.. من اول يوم وصلنا البلاد .. قررنا نركب التلفريك.. وسألنا عن المكان وقالوا بس تمشون 2 كيلو وبتحصلون المكان .. قلنا اوكيه بتمشى على راحتنا.. بس انا وريلي اكتشفنا ان المسافة تضاعفت لانها على جبل .. ومشيت 2 كيلو على مرتفع.. هلكت .. لين ما وصلت .. كملنا يمكن ساعتين نمشي..رجعت البيت وارتحت بس تميت طول الرحلة خايفة يصير شي بالبيبي.. بس الحمد لله بعد الرحلة على طول رحت الطبيبة وطمنتني على الجنين .. وكان كل شي تمام ..