مجلس امهات شهر مايو 2006 حياكم

مرحبااااااااااااااااااا

حبيت انظم ويااااااااااااكم انا الحين فالاسبوع 11

بصراحه ماعرف مو عد ولادتي ياريت تعلموني

ام خلفان والله طلعتي اجن مني احد يمشي 2 كيلو ؟؟؟؟؟

انا الحمد لله اليوم ماشفت شي عشاني ارتحت امس و اليوم و الدكتوره قالت لي ان ساعات تصير التهابات بسيطه في عنق الرحم فينزل دم خفيف ما منه خوف و الياهل مثل مانتي شايفه قاعد يتحرك و مرتاح و مستانس .. ولا و راسه تحت اقول للدكتوره مو المفروض الراس يكون فوق؟ تقول عادي اللي يريحه يتحرك شكل اللي يبي شنو بتتحكمين بالياهل من الحين :)

هلا ام راشد منورتنا حبيبتي

تدرين خربطت بينك و بين ام خلفان .. اقول شفيها ام خلفان تسلم كانها توها داشه المجلس

بعدين اكتشفت الفرق .. قالو لي انتي من حملتي صرتي متنحه بس ماصدقت :)

ماراجعتي عند دكتوره؟ المفروض الدكتوره تعطيك موعد الولاده المحتمل

وتقدرين تدخلين على موضوع الاخت مرموم جزاها الله خير تحسب لك انتي بأي اسبوع و اي يوم من الاسبوع تدخلين اسبوع جديد :)

السلام عليكم ورحمة الله وبركاته،،

هلا وغلا بالغالية أم راشد،،
حياج الله معانا، والله يقومج بالسلامة يارب ،

على فكره انتي غلطانه اذا مارحتي الى الدكتورة للحين لازم تزورينها مشان تطمنج على حالج وتسوي لج الفحوصات وتخبرج بموعد الولاده.

الله يسهل علينا ولادتنا يارب العباد،

ودمــــــتي بــــــــــود غالــــــــيتي،،،

اليوم كان عندي موعد مع الدكتوره و سالتها بعض الاسئله اللي حاه انكم تستفيدو منها

س1 هل للشطه او الفلفل الحار تأثير على الحمل؟
ج1 ماله تأثير .. اللي تبينه اكلي :)

س2 هل النوم على البطن يضر الجنين؟
ج2 نامي مثل ماتبين و ترتاحين دام انك قادره تنامين على بطنك .. لمن يكبر البطن بتحسين انك ماترتاحين او ماتقدرين تنامين على بطنك ساعتها مضطره تغيرين وضع نومك

س3 سالتها اذا تقدر تكشف من الحين اذا كان الجنين يعاني من تشوهات لا سمح الله
ج3 من خلال السونار ورتني سلسله الظهر سليمه الحمد لله و الرقبه ايضا سليمه علما بأن سلسله الرقبه مهمه جدا و من خلالها يقدرون يعرفون اذا الجنين سليم او اذا كان من متلازمه داون و غيره من الامراض بعيد عنكم و الحمد لله الحمدلله جنيني زي الورده ماشاء الله عليه :)

طبعا دمي كان نازل وصل 8 وهو المفروض يكون من 11 فما فوق فكتبت لي على فيتامينات و كالسيوم و الغت الحديد لبين ما اسوي فحص دم للتاكد من اذا كان عندي ثلاسيميا او سكلر لا سمح الله .. لان حبوب الحديد مو زينه مع هالمرضين


اتمنى الفائده للجميع

وانتو بعد اذا سالتو دكاترتكم اسئله ثانيه نزلوها لنا عشان بعد نستفيد من بعض :)

اختي مراوي ... الحمد لله انج اتطمنتي على البيبي.. وسألتي الدكتورة إلي في خاطرج...

خواتي في ويب سايت اجنبي انا دايما ادخلة يحسب لك فترة الحمل وكيف يتطوارت الجنين في كل اسبوع لحد ما تولدين .. يعني مثل الروزنامة.. وممكن اتحصلين الاجابات لاسألتج.. ان شاء الله .. اسمة www.babycentre.co.uk
بس لازم تشتركون فيه ..

السلام عليكم ورحمة الله وبركاته،،

الحمدلله أختي الغالية مراوي لانج تطمنتي على البيبي،وعقبال ما تفرحين بطلته عليج يارب،

مشكوره الغاليه أم خلفان على الموقع وماقصرتي،،

وأن شاءالله المزيد من الاخبار الطيبة يارب،

دمــــــتم بــــــــــود،،،

مشكوره ام خلفان عالموقع و بدخله بشوف

بس ابي اسالكم بنات تعانون من قله النوم؟

تعبت احس بيصير عندي انهيار عصبي لاني ماقدر انام و ياما اروح الدوام بدون نوم :(

طبيعي هذا مع الحمل ولا بس انا ؟؟

اختي مراوي .. انا من النوع النشط نهارا وليلا .. والمفروض في فترة الحمل ارتاح .. بس احس ان هرمون النشاط عندي زاد في فترة الحمل بس على تعب وثقل وانا من النوع إلي يفكر وهوه نايم هههههههه وقمت احس بنفس احساسج ابغي انام بس ما اقدر.. افكر في كل شي سخيف ..ما اعرف شو الحل .. بس اقري على نفسك قرآن وشربي حليب بارد قبل النوم.. وحاولي ما تشربين اي شي ينبهك بعد المغرب .. وانشاء الله خير..

الليله شكله مافي نوم الساعه 11 و للحين مافي بوادر نوم :(

السلام عليكم ورحمة اله وبركاته،،،

هلا وغلا أختي مراوي وأم خلفان،،

انه عكسكم في النوم على طول ابغى انام بس ظروفي ما تسمح لي وهذا هو حالي يومياَ أصحى بدري للدوام وانام متأخر،،
وبالذات في شهر رمضان تعبت نفسياَ مع النوم،،
وأمي تقول لي ان في ناس يتوحمون على النوم على طول يبون ينامون ويمكن انه منهم،( تهقون يعني؟)

الله يريحكم دنيا وآخره يارب،

ودمــــــتم بــــــــــود يالـــــــغلا،،،

انا نفس الشي وحامي كان على النوم

بس هالفتره اللي متغير عليي الوضع

مادري جسمي اخذ حاجته من النوم بزياده و الحين خلاص مايبي ينام :)

ام خلفان:
خواتي حبيت انضم معاكم .. لان ولادتي ان شاء الله بتكون في شهر مايو ...
انا والاخت دلولة بنولد نفس الشهر ونفس اليوم ..:) شتفوا الصدفة .. يعني 8/5/2006 واليوم دخلت الرابع ..

انا والحمد لله ما توحمت على شي .. يعني راحت عليه فرصة الدلع .. ههههه ..

بنات شو عندكم احساس انكم بتييبون؟؟؟ انا احساسي يقول انه ( ولــــد ) بنتظر شوي بروح اكشف

السلام عليكم شلونكم وشخباركم وشخبار الحمل معاكم
وناسه يا ام خلفان بنولد في نفس اليوم ان شاء الله عاد ان شاء الله يصدق الموعد ونولد مع بعض


مراوي حبيبتي الحمد لله انج تطمنتي عالبيبي والله يقومج بالسلامه انا ان شاء الله بغير المستشفى وباروح التخصصي حق الدكتوره فرح مثل ما قلتي وما يصير الا الخير واي تطورات راح اقولكم

جمجوم الله يعطيج الصحه والعافيه ويهون علينا ويقومنا بالسلامه ان شاء الله

دلوله مو كان قلتي مره يوم كنتي بالاسبوع العاشر الدكتوره قالت للحين مانسمع صوت الجنين؟

طيب رحتي مره ثانيه و كشفتي ؟

طمنينا

لا حبيبتي مراوي مو انا يمكن وحده ثانية انا كل شي تمام والحمد لله:up::shy:

عيل سوري فيوزاتي خبطت :)

الحمد لله ان كل شي بخير و ان شاء الله الاخت اللي كانت تعاني من هالمشكله ( اعتقد كانت جمجوم عيل ) تطمنا شصار معاها

>>> الحين عاد بتدور على البنات وحده وحده

[grade="4B0082 FF1493 800080 FF1493"]هههههههه مو منج من الحمال الله يعينج[/grade] :D2

اهو الحمال ولا الدوام و لا الجامعه و لا شنو ماتدرين بس الله يهونها

الواحد صار ماله حلق روحه من كثر الشغلات اللي على راسه :)

وينكم بنات

اليوم دخلت الرابع و اخيرا كاني وايد طولت بالثالث :)

بس للحين ماحسيت بحركه البيبي .. وايد ناس قالو لي من الثالث بدو يحسون فيها وانا للحين مو حاسه

اخاف انه ساعات يتحرك و احس بشغلات و لا يجي على بالي ان هذي حركته

بشرونا عنكم .. حسيتو فيه ولا بعد؟ :)

مرحبا كلكم ممممممممم انا الحين بأخر الثالث على حسابي المفروض ولادتي بأول مايو بس مادري عاد متى بالضبط
في حملي الاول بكرت عن موعدي بأسبوع
وهالحمل الله العالم
بخصوص الوحام فرق عن الاول من المدة بالاول من شهري الاول وانا جبدي لايعه ماطيق حتى عمري بس هالحمل وحامي تركز باخر الثاني ونص الثالث هه تيي ايام وايام وبعد الاالام غير اصلا بالاول حسيت بالحمل من اول اسبوع بس هالحمل مادريت الا وانا بنص الثاني
الله يسهلها يارب