مجلس امهات شهر مايو 2006 حياكم

اهلين هيفاء

يعني زين معانا وحده عندها خبره :)

تعرفين شي عن نوع الوحام و نوع الجنين


ساعات يقولون اذا ماتوحمتي يعني ولد و اذا وحامك قوي يعني بنت

او اذا ترغبين للحوامض يعني ولد و من هالشغلات

انتي من حملك الاول شنو طلع معاك؟

خاطري في بنت و كل علامات انه ولد تصير معاي :)

هلا وغلا مراوي
ممممم شوفي انا وحامي بحملي الاول فظيع بس اظن عشانه كان الحمل الاول وكنت تعبانه نفسيا وايد لاني كنت بعدني ماتعودت على الغربه وكانت النتيجة بنت ربي يرزقج اياها انشالله
والحين حملي الحمدلله في وحام بس انا ما شوفه قوي لاني اقارنه بالحمل الاول بس يمكن يكون بلنسبه لغيري قوي
اما عن نوع المولود من الوحام مادري صراحه بس يقولون لي ان الحوامض والموالح فيها اولاد بس مب دوم اذكر اني ساعات كنت ابا جبنه مالحه مع اني احب السكريات في ذاك الحمل يعني السالفه تختلف من وحده لي وحده اتوقع والله يقومنا بالسلامه يا رب

هذا اللي قالو لي ان الوحده اللي وحامها على الحوامض و الموالح تجيب ولد
او اذا وحامها ماكان قوي يعني ولد
او اذا ماتغير شكلها يعني ما انتفخ ويها ولا خشمها هذا ولد

و كل هالشغلات عندي حتى اني شفت الجدول الصيني و بعد طلع لي ولد

خاطري في بنوته اول مره ادلعها بس الحمد لله على اي شي يجيبه ربي اهم شي سليم الخلقه :)

انا الحين جريب بخلص الرابع واحس بحركة البيبي حتى في البدايه على بالي مغص او غازات مو كان على بالي انه البيبي بس بعدين تأكدت عقب ما سألت امي

مراوي انا بعد خاطري في بنت والله يكتب اللي فيه الخير وبالنسبه للوحام انا وحامي قوي ولوع جبدي على ما خف والله يعين الباقي

السلام عليكم ورحمة الله وبركاته،،،

شخباركم امهات مايو 2006 مع الحمال ان شاءالله اموركم ماشيه؟

الله يقومكم بالسلامه يارب،،،

دلوله انا للحين ماحسيت بحركه و مو متذكره اذا كنت حسيت بشي مثل الغازات لاني حتى لو كنت احس بألم ماكنت اركز او احط في بالي ان يمكن اهو ..

عالعموم اهو يقولون البنت تتحرك متأخر >>>>> تعشم نفسها في بنت :)

=======


اهلين اختي نبراس و حياك معانا

ماقلتي لنا انتي حامل بأي شهر و متى موعد ولادتك :)

الله يعطيج على قد نيتج ويعطينا بعد البنت
اهو المشكله انه البكر الوحده ما تعرف شي عنه تحرك والا لا بس انا الدكتورة جذي قالتلي ان جنه غازات او شي غريب بالبطن

هلا اختي نبراس شخبارج وقوليلنا متى موعد ولادتج

شلونكم امهات مايو :)

طلع بطنكم؟ انا بدا بطني يبين ماعاد اقدر اخشه

الفنره اللي طافت كله كنت اسحب بطني لداخل اشوف هذا بطني مال الحمال ولا كرشه

الحين اذا سحبته للداخل يظل جزء باين من البطن لبره يعني بطني طلعت :)

هلا بخواتي الغاليات

الله يسهل عليكن ولاداتكن ويفرحكن بقدوم موالديكن يا رب

ويسعدكن دنيا وآخرة

معليه داشة عرض بالموضوع مع إني مو متزوجة بس حبيت أدعي لكن

الله يوفقكن إن شاء الله

تقبلن تحيات أختكن أمل 2005

الف شكر اخت امل عالمرور نورتينا

الفال لك يوم تتزوجين و تحملين و يصير عندك الولد اللي يسر نظرك :)

مشكورة اختي امل والفال لج تتزوجين وتحملين ان شاء الله

انا بعد بطني طلع وصار باين واليوم كنت عند الدكتورة وسوت لي سونار والحمد لله كل شي اوكي بس ليلحين ماعرفت اذا بنت والا ولد لانه كان حاط ريوله صوب بطنه ما كان يبين شي

اهلين بناااااااااات

كيف الحال مراوي

انا موعد ولادتي بعدك بكم يوم

بتاريخ 29 مايو 2006

و الله يقومنا ويقومك بالسلامه يا رب ويكتب لنا مافيه الخير

اهلين اختي رشفة حب
مثل ماقلتي انتي بعدي بأسبوع تقريبا بس بما اني بكريه فأحتمال كبير اتاخر و السونار معطني موعد 26/5

بس احساسي يقول اني ما بولد الا بشهر 6 :)

وينكم بناات؟؟

بغيت اسالكم الحين احنا تقريبا بالاسبوع 16

تحسون بألام مثل الغازات في كل انحاء البطن و ساعات تكون مثل المغص او الم الدوره

انا هالمغص كان معاي بالاشهر الاولى بس على خفيف

بس الحين كل ساعه لازم يمر عليي هالالم

هالشي طبيعي تمرون فيه و لا بس انا؟؟

مراحـــــــــــب

شخباركم

اما انا حامل فى الاسبوع 15
وموعد الولاده 31/5/2006
وادعولى ان الله يكمل حملي لتاسع لان حملى الاول ولدت فى اول الثامن وكان ولد وانشالله الله يعطينى بنوته

بس عندي سؤال؟
يجوز للحامل تجلع ضرس ؟ هل البنج يأثر؟
ساعدونى لانى بموت من ضرسي لدرجه احس ألم فى اذني وراسي


تحياتى لكم

هلا بك القلب الجريح

يعني انتي اخر وحده فينا بتولد :)

بس اعتقد ان البنج مو زين للحامل بس الافضل تسالين الدكتوره اضمن

السلام عليكم بنات.. انا صار لي فترة ادخل المنتدى و ادور على هالموضوع وما ألقاه..ضنكم في طريقة اقدر اخليه عندي في الصفحة الاولى ؟؟..

المهم .. انا ألحين في الاسبوع الـ18 ودخلت الخامس .. بس بعدني ما حسيت بحركة البيبي.. بس حسيت بنغزات وآلام في الحوض اعتقد لانه يكبر وسألت دكتورتي متى ممكن يتحرك قالت لي احتمال في الاسبوع 20 او 21 ..

في الاسبوع ال16 رحت الدكتورة وفضولي ذابحني ابغي اعرف جنس البيبي.. وماشاء الله كان وايد واضح انه ولد.. الحبيب كان فاتح ريولة هههههههه .. وشفت البتاعة مالت الاولاد ...عاد انا على طول بعثت مسج لزوجي اقولة .. (وضحت الرؤيه وغاب قمر مها وظهر دلدول خلفان :) )

انا عندي نفس السؤال..هل البنج يأثر على الحامل .. بس سمعت ان الحامل المفروض تهتم وايد بأسنانها .. بس ما اعرف كيف..

هلا ام خلفان

وان اقول وين راحو البنات .. بس اهي الصفحه تتاخر بالصفحات اللي ورا

عالعموم ولا يهمك كل ما تاخرت برجعها :)

ام خلفان الحين انتي سبقتيني بأسبوع يعني لاني باجر بكمل الاسبوع 17 و ادخل 18 و للحين مارحت موعدي اللي هو يوم الاثنين

شوقتيييييني للموعد ابي اشوف شكله تغير معالمه بينت ولو اني مابي اعرف الحين بس يا خوفي لا اضعف و اسالها :)


انا بعد لحين ماتحرك و انتظره يتحرك على نار :)

بالمناسبه ام خلفان ابغي اسالك عن الالم اللي تحسين فيه .. هو يكون مثل المغص اغلب الوقت مع نغزات بعض الاحيان

و هالالم شقد تحسين فيه في اليوم ؟ وايد ولا قليل؟

هلا هلا.. حبيبتي.. ان شاء الله الدكتورة اتطمنج..

وبخصوص الآلام.. انا لاني عندي الفجرة كبيرة شوي.. فماكان يبين علية الحمال مووووول.. ولين ألحين بس انا احس ان شوي كرشتي بينت لاني هالاسبوع بدت هالنغزات اتزيد في هالاسبوع لان مثل ما قلت المشيمة تبتدي تكبر .. واليوم حسيت طول الوقت بالنغزات والغازات ضايقتني .. واكثر شي احس فيها لما اكون يالسة ..
اذا اتحسين بمغص احتمال انج تتعشين متأخر وتنامين على طول .. انا امي دوم اتقول لا تتعشين متأخر ..وحاولي انج اتنظمين اكلج ..

السلام عليكم يا عزيزاتي مجلس أمهات شهر مايو
انا أعطتني الدكتورة موعد في 24/5/2006 اي تقريبا انا في نصف الرابع
هذا حملي الاول :) و يا سلام على الوحام الى الآن لم أخلص منه بل الحمد لله يزيد !!!!!!
لي يومان أحس بنخزات و مغص كنت أظن اني ما خذه برد ، لاني لا أعرف كيف تكون حركة الجنين
امي تقول انها مثل شيء يسبح داخلك ، لكني أحس فقط بنخزات ،فهل هذا طبيعي ؟