مجلس امهات شهر مايو 2006 حياكم

اهو التفصيل يطلع اغلى بوايد بس مو صحيح انه يكون مو مرتب بالعكس الشغل يكون دقيق و احلى

شوفي و ردي علينا من احلى مكان رحتيه و شلون كانت الاسعار :)

سلام بنات اووووه قصدي امهات المستقبل :)

سامحوني صارلي فترة ما دخلت المنتدى... عاد اليوم قلت اسلم واتطمن عليكم..

انا اخباري تمام.. وخلفوني فديتة يتحرك ويرافس .. بس والله كل ما يتحرك عيني تدمع واستانس احس بأحساس حلووووو واتم امسح على بطني واقرى عليه ..

اتصدقون انا مووول ما عورت راسي بالمشتريات.. انا عندي اختي الكبيرة اتصمم قمصان نوم واطقم للاطفال .. يعني من هاي الناحية انا متطمنة ومتأكدة انها بتسويلي احلى ما عندها..

امس رحت مول الامارات مع صديقتي اتزهب اغراضها حق الولادة .. دخلت محلات اطفال من ماركات مختلفة شفت شغلات وايد حلوه .. بس انا ما كنت عاملة حسابي اشتري اي شي..

عندي نصيحة وايد مهمة.. عانيت منها لما رحت مول الامارات..يوم بتسيرون تتسوقون .. حاولوا انكم تلبسون اريح نعال (وانتوا بكرامة) عندكم.. عشان ما تتعبون وكثروا من شرب الماي ..

ام خلفان تحسين ساعات ان الياهل يتجمع او مثل اللي يضغط براسه لبره :)

مرات احس بمثل المغص و بطني يصير يااااابس لمده ثواني مادري هناوي شقاعد يسوي داخل :)

والله ما ادري بس لما امشي او اتعب عمري احس ان شوي كروشتي تتيبس علية ..
شو سميتي البيبي؟؟؟

بسميه هاني ان شاء الله :)

ابيه متهني بحياته و لمن اكبر ان شاء الله يهنيني :)

هلا والله ام هاني


وام خلفاااااااان شخباركم وشمسووووين ان شالله انتوا باتم صحه وعافيه


وشخبار الترفس وياكم ؟؟! :d

اما عني انا بخير والحمدلله والبيبي صار يرفس من فتره وابوه استانس طبعا لما صار يلاحظ

السلام عليكم ورحمة الله وبركاته

شخباركم عساكم بخير
وشلونج يا ام هاني مع الإمتحانات ان شاء الله تمام

وانا عني الحمد لله البنوته ترافس ماشاء الله عليها وصار يتلاحظ

هلا بكم جميعا

انا اقعد اركز على بطني و انا منسدحه عشان اشوفه ينبض .. شي غريب و شعور روعه ربي لا تحرم منه اي بنت :)

انا فصلت طقم حق البيبي من 8 قطع يجهز الشهر الياي انتو جهزتو المفارش ولا بعدكم؟

بنات في شغله مهمه ابي انبهكم لها

كل وحده عارفه فصيله دمها؟ اللي فصيله دمها سالبه و زوجها فصيلته موجبه تراجع دكتورتها و تخبرها للضروره

هلا مراوي

بالنسبه لي انا شريت جاهز من مذركير الطقم وايد حلو وقلت بدل عوار الراس مادام في شي جاهز

والحمد لله انا وزوجي فصيلتنا +

من شنو يتكون طقمك؟ و جم طلع عليك؟

و حمد لله طلعتي موجب ... باقي البنات اللي دمهم فصيلته سالب لاااازم تخبرون الدكتوره عشان لاتصير لكم مشاكل بالولاده او بالحمل اثاني لا سمح الله

الله يسلمج انا خذيت بيت الطفل وفراش اللي ارقدها عليه وشنطة كبيرة وشنطة صغيرة ومكان المراضع وخذيت لها 3 فساتين وقبعة وقفاز طلعلي كامل تقريبا 53 دينار وهذي كان وقت التخفيضات عاد الحين ما ادري قلت لج السعر كامل لاني ما اتذكر الطقم بروحه بجم

[الله يطمنا عليكي حبيبتي وعلى كل الحوامل يارب العالمين ، تابعوني دوما" بآخر أخباركم و الله يتم نعمته عليكن يارب العالمين

السلام عليكم

الله يقومنا ويقومج بالسلامه أختي

انا بعد ولادتي ان شاء الله بتكون في شهر مايو عاد في بدايته على تاريخ5/5/2006
و الله واااايد قاعده أحاتي و الله كريم و الله يسهل علينا الولادة.

[grade="00BFFF 4169E1 0000FF"]aboura[/grade]
ويطمنا عليج حبيبتي وننتظر اخبارك لا تقاطعينا


[grade="4B0082 800080 FF1493 4B0082"]نبض الامارات[/grade]
وعليكم السلام هلا وغلا
انا بعد في بداية شهر 5
ماعطيني موعد 8/5/2006
والله يقومنا ويقومج ويقومك كل الحوامل بالسلامة انشالله

الله ييسر اموركم و يهون علينا و عليكم و تنقضي هالايام على خير
واعذروني اذا مطوله عليكم بس عندي ظروف ادعولي الله يفرجها

الله يفرج همومج يا مرموم

هلا هلا هلا
بس بغيت أسلم عليكن و أغايضكن لأني بربي قبلكن:bigsmile:

هلا هلا هلا
بس بغيت أسلم عليكن و أغايضكن لأني بربي قبلكن:bigsmile:

هلا اختي ام خالد الله يهون عليج ويقومج بالسلامه يا رب وتشوفين خالد

مراااااااااااااااااحب وياهلا

عيدكم مباااارك

وكا عام وانتوا بخير