مجلس امهات شهر مايو 2006 حياكم

عساكم جميعا تكونون بخير

امس رحت المستشفى عشان المغص اللي كان يجيني باستمرار و طلع عندي تهيج في بطانه الرحم نتيجه الارهاق و الاجهاد

و عطتني ادويه مهدئه للرحم

فنصيحتي لكم خواتي اذا كنتو تحسون بالمغص بشكل اكثر من الطبيعي مع تيبس في البطن راجعو دكتورتكم

و ماعليكم الا العافيه ان شاء الله

ماتشووووووووووفين شر انشالله ..وارتااااااااااحي ليش متعبه نفسج


ان الحمدلله اليوم سويت سوناااااااار والبيبي بخير وانا الحين فالاسبوع 21 في نهايته يعني

حمد لله يا ام راشد ان كل شي طلع تمام

و انا مادري اني كنت مجهده نفسي يعني انشطتي العاديه كنت اطلع و اروح السوق اتسوق حق الياهل

بس يمكن عشان طلعه الدرج و السياقه و نفسيتي بعد الاسبوع اللي طاف كانت سيئه جدا

يمكن هالظروف كلها كان لها دور بس الحمد لله قاعد يخف الحين

الحمدلله .. وحاوووووووووولي قد ماتقدر ين تريحين عمرج

ولاحقه على كل شي


اهم شي صحتج وصحة البيبي

السلام عليكم

شلونكم وشخباركم

وماعليج شر اختي مراوي

تسلمين ام راشد

و مشكوره يا دلوله و كلنا ان شاء الله بخير

طفرت من قعده البيت صارلي اسبوعين ماشفت الشارع .. احس روحي صرت بيضا ماشافتني شمس من فتره :)

الحمد لله ع السلامة اختي مراوي و ما تشوفين شر...و حاولي ما ترهقي نفسج واااايد

تحملي بعد شتسوين يا مراوي وصيري بيضه في احد يعاف البياض :dd:

مشكوره يا نبض الامارات و هذا اللي قاعده اسويه .. مابيدي شي شسوي :)

========================

بتحمل يا دلوله بس لعيونه :)
شفتو شريطي .. يقول اني دخلت السادس <<<< متشققه :)

الله يتمم لنا ونولد ونفتك ونشوف الحلوين

دلوله انتي وين تراجعين؟

انا اراجع عند دكتورة هندية في مركز الاستقلال الطبي اللي يم رويان

مراااااااااااااااااااااااااااحب


شخباركم انشالله كلكم بخير

هلا ام راشد انتي شلونك :)

بنات من الحين المفروض نبدا نجمع الشغلات اللي تنفع حق الولاده

يعني بعض الادعيه و الايات اللي تسهل الولاده
شنو تشرب الوحده او شنوتاكل اذا قربت ولادتها
شنو تستعمل بعد الولاده عشان ترجع مثل لمن كانت قبل الحمل

يعني هالشغلات , تمر علينا بالمنتديات و مانهتم لها الحين بس بعدين بنقعد ندورها وينها :)
فخلونا نجمعها هني بملفنا عشان نرجع لها بشكل اسهل :)

بقدومه أشرقت شمس الشموس
وصار بهجة كل النفوس
نور على دنيانا وجوده
ومن اليوم بنحجزله أجمل عروس

عجبني هالمسج يمكن احطه حق توزيعات هنوي :)

اي والله صدقتي يا مراوي انا بشوف الحين ولين شفت شي بحطه

انا ابي مسجات يديده اللي في المنتدى قاريتهم من زمان يعني مافي شي يديد بادور يمكن الاقي شعر حلو ومن احصل بكتبه لكم

شوفوا يا بنات

هذي مشاركة من الأخت أم سعيدة جزاها الله خير

حل حق هالمشاكل بعد الولاده..
1- الخطوط البيضاء..
2- الترهلات..
3- الكرشه..
4- الرحم..
5- تساقط الشعر..

نبدء بسم الله الرحمن الرحيم..

اول شي بنبدء على ايام الحمل شو اتسوين..

1- طبعا على ايام الحمل لازم لازم تمشين وخاصة في الشهور الاخير.. امشو واكثرو من المشي على الاقل 30 دقيقه يوميا..

2- استخدمو هذا الكريم يوميا افركو به البطن والمؤخره ولا تحاتون هالكريم طبي وما منه اي مضار باذن الله.. وما بياذي النونو..
اسم الكريم:
Palmer's Cocoa Butter Formula Massage Cream
وهذا هو شكله:



ولا تحاتون ريحته كاكاو على الجوز والجسم بسرعه تمتصه.. وبتحصلونه في السوبرماركت والصيدليه وما يتعدى ال25 درهم.. وحتى في المحل zero to 9 بتحصلونه..
طريقة الاستخدام:
يوميا بالليل والنهار.. تفركين به الجسم واتسوين مساااااااااج شوي شوي حتى تمتصه الجسم..

3- تكثرين من السوائل وخاصة الماااااااااااء والعصاير الطازجه لزيادة نسبة الدم..

والحين يا دور بعد الحمل والولاده شو اتسوين..

1- يوميا تدلكين الجسم بزيت السمسم.. وبتحصلينه عند العطارين.. يوميا الصبح والمسى في الاسبوعين الاولانين.. اتسوين ماسج ودلك تدليك.. هذا علشان الترهلات والخطوط البيضى الي نتجت بعد الولاده.. وبعد اسبوعين اتسوينه مره لين ما اتخلصين ال 40 يوم انزين.. يعني اتسوين مساج وتتركين الزيت على الجسم ساعه وبعدين اتحممين هذا بالنهار ام بالليل تتركينه طول الليل على الجسم..

2- لا تكثرون من السوااااااااااااااائل لانه بيسبب لكم الكرش!!!! يعني اكثرو من الخضار والفواكه بس السوائل في الاسبوعين الاولانين NO..

3- هاتو حصى يعني طابوقه تقدرين اتشيلينها.. وسخنيها.. حطيها على الشوله لين ما تحر وعقبها هاتي فوطه جديمه ما تبينها.. وشيليها بحيث انج تقدرين اتشيلينها.. والطابوقه تكون حاره بس مب حاره لدرجه انها تحرق الفوطه؟! لالا حاره لدرجه انج تقدرين اتلفينها بفوطه وتتحملن درجة حرارتها.. وهاتيها وانسدحي وخلي الريلين ممددين.. وتمي اتحطين الحصى الملتفه بالفوطه على البطن والريل عقب ما تخلصين خلي حد يسويه على ظهرج والمؤخره.. تدرون انه هذا يخلي الدم الفاسد في الاربعين يطلع بسرعه وامي الله يطولها في عمرها كانت تسويلي في الاربعيين والحمدلله No كرشه ولا كاني حملت هههههههههههه.. واتحطونه على البطن شوي شوي وبتحسون بالدفوه والراحه.. بس تجنبو منطقة الصدر.. بس حطوه في البطن والفخذ من فوق والمؤخره والظهر القريب من المؤخره فقط.. لمدة 15 ساعهجدام و15 ساعه ورى وكان الله غفور رحيما..

4- طبعا في الاربعين وخاصة 25 يوم الاولى لا تتحركون.. لو تسمعون ان الامهات يقولن لا تتحركون من مكانكم.. لان الرحم في هذي الفتره تكون شوي......... فنصيحتي لا تتحركون في ال25-30 يوم.. وبعدين قومو واتحركو وسوو رياضه على الخفيف وعقب ما تخلصون ال40 يالله هجوم على الراضه والمشي واهم شي المشي علشان شد الجسم والتخلص من الخطوط البيضاء..

5- في الاربعين علشان شد الرحم.. عبؤ البايو ماي دااااااااااااافئ وملح واجلسو فيه لمدة 30 دقيقه.. وخاصة الاسابيع ال2 الاولى اجلسو فيه مرتان مره الصبح ومره المسى وبعدين بس مره واي وقت انتو ترتاحونله.. هذا علشان شد المنطقه وتعقيمه.. وانتو جالين بندو ريولكم ولا تفتحونه علشان لا يدخل هوى..

6- الكرشه.. طبعا لا تنسون رياضة الكرشه اووووووووووكيه..

7- تساقط الشعر وانتو طالعين من المستشفى وخاصة بنات الامارات دبي اذا كنتو بتولدون في مستشفى الوصل.. بيعطونكم حبوب فيتامين علشان ادرار الحليب ومنع تساقط الشعر وتعب الاظافر.. ولا تنسون الاعتناء بالشعر من حمام الزيت والزيوت والنظافه..

8- تستخدمين هذا اللوشن بعد الاستحمام توزعيه على الجسم.. ممتاز لشد الجسم ايضا.. استخدموه يوميا.. وخاصة الاربعين يوم..



وبعد 6 اشهر كل شي بيرجع مثلما هو باذن الله ولا تضايقن من اي شي..

مشكورة اختي ام سعيدة على هالموضوع

وهذي مشاركة من الأخت sadlove عن الزعتر

الزعتر

طبعا مافي احد ما يعرف شو هو الزعتر ...

بصراحه قرأت في احد المواقع وصفه عن الزعتر تفيد بأنه يطهر المنطقة الحساسه من الالتهابات ويضيقها بعد.. والبنت صاحبة التجربة مأكده كلامها عن تجربة وقالت انه اللي عطتها الوصفه هي طبيبة امراض نسائية.. والوصفه تنفع للبنات وللمتزوجات وما تضر والمقصود هو الزعتر الاوراق مش اللي ناكله

وهاي صورته




هاا يا بنات ويامتزوجات شو تنتظرون .. اعتقد انه كلنا نهتم بنظافة هالمنطقه

والحين بعطيكم الوصفه وبنقلها بلا أي تغيير

خذي زعتر ( اكيد تعرفونه ) وغليه في الماء طبعا حسب كميه الزعتر تكبي ماء وتحطي قليل جدا ملح يعني مسكت اصبعك فقط

اتركيه على النار شويه بعد ين خليه يفتر يعني دافي شويه

ثم حاولي بقدر المستطاع انك تجلسي في ماء الزعتر هذا الي ان يبرد الماء.... من 7 الى 10 دقائق

كرري هذه الطريقه اربع ايام اوحسب استطاعتك ............ ودعيلي

البنت قالت انها حست بالفرق من اول مرة.. هذا حسب كلامها.. بس نحن شو خسرانين .. يعني الافضل ننتظر يومين او ثلاثه حتى نتأكد من النتيجه

مشكوره دلوله انا الكريم هذا استعمله من الشهر الثالث ادهن فيه بطني كل ليله وان شاء الله ماتطلع هالخطوط و الخرايط

انا جايبه لكم الليله دعاء بسيط تردده الوحده و اهي تولد و منقول من وحده مجربته شخصيا و الحمد لله الله سهل ولادتها

يا قابض،، يافتاح،، ياخافض

القابض لكي يقبض الجنين
والفتاح لكي يفتح الرحم
والخافض لكي ينزل الجنين
وما ان دعت المرأة بهذه الصفات الالهية 3 مرات الا وولدت بسهولة

مشكورة مراوي انشالله بحفظ هالدعاء