مجلس امهات شهر مايو 2006 حياكم

بنات أنا بعد بالسادس وموعد ولاتي انشالله حددته الدكتورة 26 مايو
الدكتورة تقول ان البيبي قاعد بالعرض،،يعني مآخذ راحته على الآخر
المهم حبيت أسألكم شلون انتو مع النوم،،انا والله سالفة النوم سالفة متعبتني،،لأني ماأنام على جهة معينة وكل ثانية أقلب للجهة الثانية
أحس والله إن ظهري انكسر ومو قادرة اتمتع بلحظة نوم،،كل خايفة إت تقلباتي أثناء النوم تتضايق البيبي،،انتو كيف؟؟
هذا عدا سالفة الحمام (تكرمون) كل دقيقة وانا قايمة،،مع اني احاول بالليل ما أشرب سوائل كثير...والله تعبت
هذا شلون الشهور الجاية يقولون تعبها أكثر...متى بس أولد
هذا ويقولون ارتاحي بفترة الحمل ونامي على كيف كيفج،،بعدين يجي البيبي ويحرمج النوم والراحة،،احنا محرومين من الحين

أنا اليوم كانت عندي مراجعة و الحمد لله كل شي تمام..
تحليل الدم كان 10,8يعني خايبه رغم إني أكل و الحمد لله و الوزن ما زايده إلا كيلوين عشان خلاص مليت من الحمل أبا أولد و أفتك..

سوت لي الدكتورة بالجهاز إللي يسمعون بيه نبض الجنين و قالت لي اسمعي زي الفرس إللي بيركض-الله أكبر عليها-و لا لما كانت تسوي لي فحص الدم كانت الشمس ضاربه على الشريحة و قالت لي دمك لونه زي الفل قلت لها ما يغلى عليج:smile:
و عقب طفرتها من الأسئله:
1-سألتها عن وضعيت النوم قالت لي نامي و اتجلبي ع كيفج و الكلام إللي سمعته-إن الحامل لازم تقعد عشان تنجلب للجهة الثانية قالت إن هالكلام ما له إي صحة و قالت الحبل إذا بيلتف على الجنين دي حاجه من عند ربنا.
2-سألتها عن و ضعية الجنين في هذا الشهر راسه وين قالت لي ما له موقع معين لأن البطن مليان ماي و هو حجمه صغير فيتحرك على راحته و راسه المفروض من الشهر الثامن ينزل تحت و إذا ما نزل يعطوا الحامل تمارين معينه عشان ينزل الراس.
3-و قلت لها الخطوط إللي في البطن كيف أخوزها قالت ما تعمليش أي حاجه ليها سبيها و هي هتروح بعد الولادة يعني لازم يكون بين الحمل و الثاني سنتين..
و الله يسهل علينا

سحايب دبي بيني و بينك يوم واحد بس .. انا موعدي 21 مايو
مو تولدين عني و تخليني ترى يجيني احباط :)

==========================================

ام جواد خذي راحتك بالنوم مافي وضعيه تضايق الجنين او تسبب له اختناق لا سمح الله
الشي اذا بيصير فهذا من عند الله .. مو عشان ان احنا نمنا ولا قعدنا بهالطريقه او غيرها

=========================================


انتي امس موعدك نبض و انا اليوم موعدي و متشققه حدي مابي يخلص الموعد لاني بنتظر لبعد شهر عشان اشوفه مره ثانيه :)
الدكتوره قالت لك ان الدم 10 مو زين؟ عيل انا شبتقول لي اليوم لان اخر مره بالمركز طلع 9 يعني بتهزأ اليوم

مراااااااااااااااااحب

كيف حالكم يامهات مايووووووووووو


وحشتوني مووووووووت

صاير المجلس وايد حلو ((الله يهوووووووووووون عليكم يارب))

أنا امس كان عندي موعد
وقالت الدكتووووووره ان المشيمه نازله تحت
راس البيبي على طول صايره مثل المخده خفت وانقيض قلبي يوم قالت لي

وقالت لي اذا تمت تحت ماراح تولدين طبيعي .. ادعولي انها ترجع مكانها

وحددت موعد ولادتي بتاريخ 25 مايو

السلام عليكم

اختي ام راشد الله يهون عليج ويرجعها مكانها لا تحاتيين باقي جم شهر انشالله بترجع مكانها بس انتي كثري من الدعاء

-------------

ياربي اشفينا كلنا دمنا قاصر انا 10.5 عطتني حبوب حديد وانشالله يتعدل عندي موعد بعد اسبوعين وبياخذونلي تحليل للسكر والله يستر لاني مفرطه في الحلويات وايد يعني على الريق اول ما اقوم لازم اكل لي شي فيه سكر بس الله يستر

الله يعينج اختي ام راشد و يرجع المشيمة مكانها بس إنتي قدر الإمكان حاولي تقللي من الحركة يعني ارتاحي و الله وياج..و إن شاء الله بتولدين طبيعي و بسهوله..

مشكووووووووووره اختي دلوووووله


والله يشفي الجمييييييع انشالله.. حتى انا عندي تحليل سكر وبعد مثلج اكل حلوياااااات بشكل موطبيعي


****************************************

مشكوره اختي نبض الامارات

والله يهون علينااا يارب


******************************



بغيت اسألكم عن حجم الجنين كم قالوا لكم

عني انا 691 غرام وانا فالاسبوع 24 مادري الوزن زين ولا لأ

شرااااااااايكم فالتوقيع


توني عرفت الموقع :)

ام راشد يبيلك ترتاحين عشان تتعدل المشيمه و ترجع مكانها يمكن شايله ثقل او باذله مجهود و وزن البيبي معقول بما ان عمره 24 اسبوع


امس كان عندي موعد و الحمدلله كل شي تمام

====================================

دلوله ديري بالك من السكر .. انا عطوني تحليل حق الموعد الياي و ان شاء الله مايكون فيني سكر

===================================

بغيت اسالكم بنات عطوكم ابره وانتو بالاسبوع 25 ؟
امس في المستشفى قالت لي الدكتوره ماخذتي ابره ( مادري شسمها ) تاخذها الحامل مرتين خلال حملها و قالت لي الابره هذي وااايد مهمه بس لانها هنديه مافهمت شنو الغرض منها غير انها عشان لاتصير ولاده مبكره هذا اللي فهمته

ماقالو لكم عنها؟ اسمها يشبه تتانيوس

أم راشد أنا وزن البيبي لمن رحت آخر موعد وكنت بنهاية الأسبوع 23 كان 729
أنا عاد ما ادري اذا كان الوزن تمام ولا لا...الدكتورة تقول كل انه تمام...عموما الزيادة الكبيرة لوزن البيبي تكون في الشهرين الأخيرين
حبيبتي مراوي أنا مأأخذت الأبرة هاذي...انتي بعدش ماعندج فضول تسألين؟؟وحتى لو مافهمتين لها،،،خليها تشرح لج؟؟على الأقل كنت بتفيدينا
ههههههههههه شفتي المصالح لها دور؟؟أنتي الحين دخلتي الأسبوع 25؟

مراوي انا سألت عن هالإبرة وقالتلي اذا انتي مطعمه في الثانوي ما يحتاي تاخذينها الحين يعني كتبتلي اني ماخذتها من قبل وماراح احتاجها بس شنو فايدتها مادري


انا ليلحين ماسويت التراساوند انشالله الموعد الياي وبخبركم اشبيصير معاي

انا محتاره اشلون اسوي التوزيعات كل ما اروح محل اشوف شي حلو خلاص قفل مخي :think:

قفلت ال25 يا ام جواد و قاعده امشي بال26 :)
ليش ماتركبين شريط حمل عشان نعرف انتي ماشيه مع من فينا
اذا ماتعرفين له عطيني تاريخ اخر دوره و بسوي لك:)

=================================

دلوله سألت دكتوره عن الابره قالت لي ان هذه الابره لمنع حدوث تلوث اثناء الولاده خصوصا للي بيولدون في البيت مثلا
طبعا محد بيولد في البيت و حاسه ان وراها سالفه غير سالفه التلوث علشان جذي يوم السبت بروح اخذها وانا شعليي :)

بالنسبه للرباعي يفضل تسوينه بالاسبوع 28 عشان الشكل بيكون واضح
باقي لي 3 اسابيع تقريبا عشان اسويه :)

و التوزيعات للحين مانزلت المحلات اشوف بس ابي شي سبشل .. ابي فكره جديده محد سواها و فعلا طلعت بفكره مجنونه شوي بس يبيلي اسال الدكتوره اذا بيسمحون لي فيها بالمستشفى ولالا
اذا سمحو لي بخبركم بالفكره :)


بغيت اسالك دلوله شريتي روب حق المستشفى اللي يكون طويل خفيف مابي ستان ابي القطن الخفيف عشان ابي اسوي لي قمصان حق المستشفى نص يد و شنل فبحتاج حق روب لو احد من الرجال يبي يدخل

يعطيك ألف عافية يا مراوي

انا موعدي يوم الأحد وبسأل الدكتورة علشان هالإبرة بعد مافيني شده ايصير فيني شي خل اخذها احسن


انا ليلحين مافي بالي فكرة معينه للتوزيعات

لا والله ليلحين ما اخذت روب بس بروح اشوف في السيف يمكن احصل وبالنسبة للثياب قلت بروح اشوف في مجمع مدينة عيسى محل اسمه كوخ الأمومة على ما اعتقد يمكن اشوف شي يعجبني وبعد في محل عقب شارع جدعلي صوب اخر فرصة اسمه بيت الحوامل بعد يفصلون طقم يعني القميص نص يد وفوقه قماش خفيف مو شفاف صاير كأنه روب بس روعه وايد اشيه حلوة عندهم يعني حتى مايحتاي تشترين روب قطن لأن القمصان هالأيام ايونج قطعتين نص يد واللي فوقه يد طويله واشكالهم حلوة
اذا تعرفين محلات بعد يخيطون اشيه راقيه خبريني

مـــراوي أنا آخر دورة لي كانت بتاريخ 19/8/2005
حبيبتي بيني وبينج أسبوع تقريبا،،أنا لسة اليوم داخلة الاسبوع25،،وموعد ولادتي أنشالله تحدد على 26/5
بالنسبة لهذي الإبره أنا الحين عرفت شتقصدين فيها،،أحنا عندنا بالسعودية يسمونها ابره الكزاز،،انا سمعت ان الحامل تآخذها بالخامس أو السادس،،بس عندنا احنا مو كل المستشفيات تعطيها وبالأخص الخاصة،،تلاقينها متوفرة بالحكومي
على العموم أنا المرة الماضية سألت الدكتورة عنها وقالت مثل ماقلتين انها تنعطى للوحدة اللي بتولد في بيت أو مكان مش مجهّز أو معقم طبيا وقالت باعتبار انك بتولدين عندنا((وأنا بالأساس أتابع بمستشفى خاص) ماتحتاجينها
بالنسبة مراوي للتوزيعات أنا هم شاغلتني الفكرة وليل نهار قاعدة أفكر بشي جديد،،وبخصوص الأرواب ليش ماتجين السوق عندنا بالسعودية عندنا أشياء حلوووووة،،وحتى أنتو بالبحرين عندكم أماكن حلوة بالسيف..أنا انشالله ناوية أزوركم هالأسبوعين وأطل على الجديد عندكم...

بالنسبة للشريط أنا عموما ماعرف أسوي شريط حمل أو زواج أو اللي منو
فإذا كنتي بتسوينه لي بكون لج شاكرة وتكونين عملتي فيني معروف..

كأني طوّلت عليج...

مــــــــراوي خلاص بالنسبة للتوقيع أنا عرفت له
انتظر ردج على مشاركتي حبيبتي
ميرسي

مشكوره يا فوانيس الله يعافيك :)

====================================

دلوله المحل اللي بمجمع المدينه رحته ترى ما يسوى ما في شي مميز لا و غالي بعد مادري على شنو
تحصلين عندهم بنطلونات يمكن بس قمصان نوم و جلابيات حق المستشفى ماكان في
بروح اشوف المحل اللي عند اخر فرصه اقرا اعلانهم وايد بالوسيط بس كنت خايفه اتعنى للمدينه و يطلع مثل كوخ الامومه

انا ناويه اشتري الخلق بروحي و اسوي الموديل بروحي اللي في بالي لان اغلب المحلات مالت الحوامل يسوون لك حسب التفصيل و الموديل اللي عندهم و انتظرك تردين عليي بخصوص الابره :)

===============================================

ام جواد كنت بروح عندكم السعوديه حق اشتري للبيبي و لي مره وحده بس نصحوني ما اطلع مشوار عشان التعب اللي كان عندي الفتره اللي طافت و الحين صارلي يمكن شهر مانزلت سوق ولا تشوفت حاجه غير اول امس شريت لي بنطلون جينز و ابي بعد لون بيج و بني ماحصلت
امس رحت فصلت لي عبايه حق الدوام
لايفوتكم ألفت لي موديل من راسي .. قالو فراشه و قالو سمكه اصبرو عليي انا بعد بطلع لي اسم :)

مرااااااااااااااااااااااحب


وكيف حالكم .. حبيت اطمنكم على نفسي

تنومت يومين بالمستشفى عشان بعض الفحوصات وقالولي ان المشيمه نازله درجه وحده وهي من الاولى

يعني مافيها ضرر بس لازم ارتاح (( بسبب ان حجم المشيمه اكبر من حجم البيبي وزني صار 57 ووزن البيبي 750 غرام

والحمدلله ماعندي اي مشاكل ثانيه

وانتوا طمنوني عليكم

أم راشد،،،، سلامتك ألف سلامة..وانشالله ماعليج شر،،انا كمان لما كنت بالاسبوع ال24 كان البيبي وزنه 729 يعني قريب منج
............................................................................
دلوله،،، ،،من شوي بس أطالع بشريط الحمل مالج،،واقول متى أنا أصير مثلك بالاسبوع 27 او 28 لان مع هالاسابيع تحسين أن مابقى شي...........................................................................
مــــــراوي،،،،،بعد متشوفين شر ولاتجهدين حالج،،يمكن هذا من الدوام وتعب الدوام
بالنسبة للبناطلين تقولين ودج في واحد بيج!!!ليش ماتروحين محلات الـــmarenity بتلاقين عنده هاللون بكثررة
أنا أخذت منه من فترة 4 بنطالين جينز وأسود وبني وبيج وكانو حلوين
ذكرتيني والله بالعباية،،ماني عارفة شسوي بخصوصها،،عبايتي اللي البسها من بداية الشهر الثالث ماتغيرت علي الا من جهة الصدر،،مو بشكل واضح بس أنا ماحب أنها تبرز لي هالشي وانا بالشارع
الظاهر على نهاية الشهر هذا بفصّل لي عباية جديدة تحسبا للزيادة اللي بتصير عندنا في الشهرين الجايين

ام راشد

ماعليج شر اختي والف سلامه عليج وعلى البيبي


===========


مراوي

انشالله باجر اذا خلصت تحليل السكر بسأل الدكتورة عن هالإبرة وبالنسبة لمحلات الثياب انا وحده اعرفها مسوية شغلات حلوة بسألها لأني مره سمعتها ان وحده تعرفها تخيطهم بالبيت بتأكد منها وبقولج
لا يكون حاطه في بالج تسويين طاووس الله يستر من افكارج الجهنمية


===============

هلا حبيبتي ام جواد انتي شلونج اي والله صدقتي فات الكثير ومابقى الا القليل والله ينولج وتصيرين مثلي وتولدين بعد ويسهل علينا يا رب