مجلس امهات شهر مايو 2006 حياكم

هلا عيوني دلولة
انا الحمدلله بخير وانتي ياقلبي كيف الحمل معاج...؟؟
حبيبتي أبي أطلب منج طلب اذا ممكن!!!!!؟
أنا سبق وحاولت أعمل شريط البيبي اللي انت عاملته واللي فيه مراحل الجنين ومارضى يضبط معاي أبدا
ومراوي يعطيها العافية قالت بتسوييه لي بس أنا سويت حالي عدلة وقلت لها لها انا عرفت له!!بس للأسف مارضى يضبط
اذا ماعليج كلافة تسوينه لي عيوني أكون لج شاكرة وترسلين لي الرابط هنا او عالخاص ماكو مشكلة
آخر دورة كانت بتاريخ 19/8/2005 وموعد الولادة المتوقع 26/5/2006
امممممممممممممم ابيه وردي لان الازرق والملون ماعجبني،،،(((أقرع ومتشيرط)))
ماعليه حبيبتي اسمحيلي

ام راشد اهم شي الراحه و قللي الحركه عشان المشيمه ترجع مكانها لان ضروري تكون فوق عشان تولدين طبيعي ان شاء الله

============

ام جواد هذا المحل بالسعوديه؟
انا خذيت جنز و اقول اذا ماحصلت شي مرتب بشتري القماش و بفصل بروحي نفس تفصيل الجينز

=============

مشكوره دلوله انا سالت الدكتوره عنها قالت لي انها ابره حق التلوث و اذا كنت يماخذه جرعات التطعيم مالتك كامله فما تحتاجين لها
بس انا لاني ماوديت شهاده التطعيمات مالتي فمايدرون عني اخذت تطعيماتي كامله ولالا و اللي هي المفروض 5 تطعيمات عشان جذي كتبوها لي :)

هلا مراوي شخبارج عيوني؟؟
اذا ماني غلطانة أتوقع انه موجود عندكم بس مادري بأي مجمع
هذا المحل موجود عندنا بمجمع الظهران واحتمال يكون موجود بالخبر بمجمع الراشد،،هذا المحل يعطيج خيارات اكثر من mother care
عموما اذا حبيتي تزورينا قريب حيّاج الله البيت بيتج،،انتي تعالي وأنا بوديج؟؟
شفتي أحسن من هالعروض؟؟عروض خاصة بس للحوامل وأهل البحرين لهم معزة خاصة بقلبي!!!
أنا انشالله باروح البحرين مو هالأسبوع ،،اللي عقب بالويك آند وبمر السيف اذا لقيته بقولج عنه،،والظاهر عندكم بالسيف ايتام للحوامل روحيه لأن تشكيلة ايتام دايما مميزة

هلا ام جواد افا عليج ما طلبتي شي تامرين أمر وبطرشه لج عالخاص
===========

مراوي

مثل ماقلتي سألت عن هالابرة اليوم وقالولي نفس الشي اشوه اني استفسرت لأني كنت احاتي وايد

أم جواد


انشالله يضبط هني




رايت كلك على الصورة تالي تروحين properties وتاخذين اسم الصورة وتحطينه بين

دلولة
تسلمين ياعمري خلاص ضبطت
تعبتج معاي ياقلبي اسمحيلي..ماقصرتي
سلامي لج وللنونو الصغير....

مشكوره يا ام جواد و شوفي لي وين بالسيف صاير
لاني اذا اروح السيف ما اطلع فوق اخاف اضيع :)

Umm jawad:
دلولة
تسلمين ياعمري خلاص ضبطت
تعبتج معاي ياقلبي اسمحيلي..ماقصرتي
سلامي لج وللنونو الصغير....

الله يسلمج يالغالية ام جواد
لا تعب ولا شي انتي تامرين امر

الله يسلمج


=====================

تسلمين دلولة
ومراوي انشالله اذا رحت السيف ادوره وأرد عليج

بنات شفت بمنتدى مسوين تلبيسات حق دلال الشاي و القهوه و الفناجين طقم كامل حسب اللون اللي تبينه
وااايد طالعين كشخه و حلوين و حتى سهل تسوينهم
عجبتني الفكره و ان شاء الله بسويها ... امي تقولي ماصارت ولاده يومين بالمستشفى ماباقي الا تحطين مسرح و كوشه :)

الحين ماخلوا شي ما سووه

اشلون صايرين تفصيل والا جاهز واشلون شكلهم خل ناخذ فكرة يا مراوي

ماخذين شرايط حسب اللون اللي تبينه و يزمونهم تصير مثل فستان حوالين الدله وايد حلوه الفكره

أهلين بنات
صار لي يومين مادخلت وحشتوني..
صار لي يومين وللحين انفلونزا بتذبحني مو قادرة اتحملها،،عاد احنا الحوامل نكسر بالخاطر تمرض الوحدة ومايمديهم يعطونها شي
أنا مادري شفيني من حملت صايرة ماعندي مناعة كلّش،،وهالجو الزفت جو مرض
مع ذلك ماقدرت ادخل وأطل على بنات المنتدى
ســــــــــــــلام

ماتشوفين شر يا ام جواد و عليك بعصير الليمون و البرتقال و قد ماتقدرين ابتعدي عن الادويه حتى لو الدكتوره وصفته لك
كل ما قللنا ادويه كل ما كان احسن

هلا غلا حبيبتي مـــراوي
تسلمين يالغالية والشر مايجيك،،والله هذاني متباعدة عن الأشياء الباردة واشرب البرتقال بس تعرفين بدون ادوية يكون العلاج بطئ
الدكتورة ماوصفت لي شي تقول اذا بس ارتفعت عندج الحرارة تعالي لي،،لأن مثل ماتعرفين الحرارة مو زينة حق البيبي
وأنا الحمدلله حرارتي اليوم مستقرة ومو مثل أمس بس احنا الحوامل التعب علينا بزيادة
يالله كل شي يهون ونتحمل المرض لعيون الكتكوت الصغير..
الا غريبة مـــرواي اليوم موجودة عندنا لوقت متأخر!!!بالعادة ماتدخلين الظاهر عشان الدوام؟؟الله يعينج
أنا بعد ماتخرجت قلت ماراح أتقدم لأي وظيفة لين ما أولد بالسلامة وارتاح على حملي شوي،،عشان أنا من النوع اللي يتعب بسرعة في الأيام العادية
بحملي الماضي كنت أدرس بآخر ترم وبفترة الأختبارات،،بس حركتي من سكشن لسكشن ومن درج لدرج صار عندي نزيف!!!وأجهضت بعد الاختبارات مباشرة..ولا أنا ودي أحلل هالدراسة اللي درستها
على فكرة حبيبتي أنتي شنو تشتغلين؟؟واذا تحسينه سؤال خاص اسمحي لي ومابزعل لو ماجاوبتين

السلام عليكم شلونكم وشخباركم

وشخبارج اختي ام جواد عساج بخير وانشالله صرتي احسن
ما تشوفين شر ومثل ماقلتي هالجو ما ينعرف له يوم صيف ويوم شتا

هلا وغلا عيوني دلول
نــــــــورتينا
الشر مايجيج والحمدلله أحسن،،بس صايرة ذابلة وااايد
تخيلي بهاليومين نقصت كيلو وشوي بس من المرض!!!وهالجو شوفة عينج يجيب المرض ،،نمر بجميع الفصول في اليوم الواحد
الا انتي شخبارج وشخبار النونو؟؟قولي لي خالتك تسلم عليك أو عليج

انا مدرسه اختي ام جواد يعني للاسف ماهي قعده عالمكتب و السلام

الا طالعه و نازله بين الصفوف و وقفه طول اليوم

الله يسهل و يعدي هالكورس على خير احسه طوييييييل لاني منتظره حدث سعيد بنهايته :)

الله يعينج مـــراوي
وانشالله يسهل عليج ولادتج يارب وتقومين بالسلامة

هلا والله ام جواد الحمد لله عاد عوضي هالكيلو لازم تاكلين علشان صحتج

الله يسلمج واهي بعد تسلم عليج وايد

============

مراوي

الله يعينج بالفعل شغل المدرسه متعب بس انتي هالله هالله في نفسج ولا تضغطين على روحج وايد