مجلس امهات شهر مايو 2006 حياكم

والله يامـــراوي ماعندي خبر أسأل لج خواتي وأشوف
ماعندي خبرة تعرفين هذا أول حمل..بس انشالله بيروح لاتخافي؟؟
أنا كل أحاتي شلون بنزّل الوزن اللي زاد؟؟مع إن زيادتي طبيعية بس هاليومين نقصت 2 كيلو بسبب المرض
أهم شي عندي إن جسمي يرجع بعد الولادة مستحيل اتركه

انا مازاد وزني بشكل ملحوظ لاني مثلك نقص وزني كيلوين وانا بالشهر الخامس فالحين اخر مره كان وزني 49

ان شاء الله مايزيد وايد عشان لايسبب ترهلات ولا تشققات

هلا مــــراوي ماشـــاء الله عليج
الظاهر انج من الأساس ضعيفة وااااايد،،فماشكلج راح تتغيرين،،ويمكن بعد تكونين احلويتي حبيبتي
أنا من الأساس مو ضعيفة ضعيفة ولا مليانة،،جسمي حلو مآخذ من الاثنين،،كان وزني 58 وزدت في الحمل 7 كيلو للآن بس الوزن توزع على الجسم كله،،وأحس حالي حملي جاي بالعرض،،كل من يشوفني يقولي مامليتي بس عرضتي
يعني انا لو أوقف تحتج الحين ماتبيني قدامي هههههههههههه
الا تعالي عـــسوّل مو كأني سألتج عن اسم البيبي؟؟راح تكونين أم ايش؟؟
طبعا انا تعرفين اسم ولدي

هلا مراوي ...
هذا اول حمل لي و الخطوط بدت تطلع من الشهر السادس بشكل بسيط و قامت تزيد و لو تشوفي شكلها ألحين بترجعي:pain:
و من بدت تظهر و انا استخدم زبدة الكاكاو بس زوجي يقول لي كل اسبوع الخطوط تزيد ما أشوفها تقل:eek2:
رحت سألت الدكتورة عنهم قالت لي عاديه هالخطوط و لاتخافي و سألت اختي-صيدلانية-قالت لي في كريمات لما بعد الولادة تستخدم لإزالة الخطوط بس شوي غاليه قلت عادي أهم شي يرجع كل شي لطبيعته..
و بالنسبة للجسم قالوا لي بالرضاعة الطبيعية بيرجع-زميلتي والده من 4 شهور و ألحين جسمها رجع نفس أول بس الكرشه بعدها
و انا متفاهمه مع زوجي ع إن إذا ما رجع جسمي لطبيعته برووح نادي رياضي ما أريد أهمل جسمي-لأني بصعوبه أضعف و جسمي ما يضعف إلا بالمشي و الرياضه..

و ألحين باقي لي أقل عن أسبوعين و بدخل الثامن بس تعبت ابا اولد...
أتريا الثامن عشان اكمل أجهز باجي الأغراض و اغسلهم و أرتب الشنط..عشان قالوا لي جهزي الشنطه في نصف الشهر الثامن..


هلا أم جوواد ..
الله يعيني و يعين الحواامل كلهم..

هلا نبض
الله يقومج بالسلامة والله الحمل طويييل والوحدة تمل من الانتظار
بس انشالله هانت ومابقى لج شي
أنا مثلج أقول اني ماراح أهمل جسمي بعد الولادة،،بالرضاعة الطبيعية والتمارين يرجع ينشد الجسم مثل أول

السلام عليكم

اي والله صدقتوا اهم شي يرجع جسمنا مثل ماكان قبل الحمل .. انا زاد وزني تقريبا 7 كيلو من بداية حملي بس مايبين علي وكل اللي يشوفوني يقولون انتي حامل ؟؟ ما يبين عليج كل ماله وتضعفين .. مساكين مايدرون بالمستخبي

الله يعينج يا نبض احسج وايد تعبانه الله يهون عليج وعلينا

سلام عليكم

نبض المفروض الكريم تستعملينه من بداية الشهر الثالث مو لين تطلع الخطوط

ام جواد ولدي ابي اسميه هاني بس زوجي مو عاجبه .. للحين ماتفقنا :)

مراوي صراحة محد خبرني عن الكريم ومتى استخدمه...مع إن عندي خواتي معرسات بس في أشياء أستحي أسألهم عنها و الحمد لله ربيعتي عندي و أسألها و ألحين شاركت في المنتدى و أسأل و أسولف..
الله كريم

مــــــراوي سألت أختي عن الخط البني
قالت لي إنه يروح بعد الولادة بشهرين وشوي تقريبا،،المهم انه مابيظل

صباح الخير بنات

حبيت أسالكم شنو شريتو للبيبي؟؟أحس حالي مو عارفة ايش اشتري وكم؟؟
انا بعد شوي باروح السوق واللي يعجبني راح اشتريه

ابي اعرف من كل قطعة كم شريتوا،،،لاني كنت قبل كل ما اشوف شي يعجبني آخذه
وماشريت كثير الفترة الماضية لاني تعبت وماطلعت السوق عشان ظهري
كنت بطلع اليوم الصبح،،واستجد عندي ظرف ومارحت........على فكرة بنات وين عندكم بالبحرين أماكن أفكارها حلوووة حق التوزيعات؟؟

هلا أم جواااد..صبااااح النووور
أنا صراحة شريت معظم الأغراض بس ما كثرت من اللبسات عشاني ما عرف شو جنس الجنين فأجلت لحد ما أولد...
المهم شريت شنطة البيبي وسليب باج،و خذت 3 لفات للبيبي، و ملابس داخلية(الكل نصحني أخذ الأسبانية) و كثري منهم عشان الياهل يستهلكهم -بس لا تكثري بشكل مبالغ فيه و خذت 5 بدل إللي نفس الدبدوب بس لازم تراعوا إنها تكون بدون تسكيرة الرجل و الكبسات لازم تكون من جدام مب من وراء و لازم تكون قطنية من القطن الخفيف و ليس المخملي لأن الوقت صيف)
و خذت دلاغات و كم من قبعة(قحفية)للراس،و فوطة كبيرة و وحده وسط ،و مجموعة فوط صغيرة،و بتلقون في البيبي شوب شنطه فيها عدة حلوه للبيبي فيها مقياس الحرارة و شفاطه للأنف و مجموعة أغراض صراحة عجبتني شفتها عند مرت اخويو خذت كريم منطقة الحفاضات من مذر كير الكل يمدحه،و مجموعة أغراض من جونسون-أنا أفضل الجونسون طبعا أحس يطلع ريحة الياهل جنان
و خذت 5 أطقم لفة مع الكندورة من سوق في دبي-صراحة حلوين و خفيفات لزوم الجو الحار-عندنا الأهل متعودين يشتروا للبيبي منها.و إذا تذكرت الأغراض الثانية إن شاء الله بخبركم وطبعا في أشياء بزيد منها عشان الياهل يستهلكها بكثرة.
و أنتو ما أعرف الأوضاع عندكم ؟؟؟

انا شريت ملابس منوعه .. يعني بدلات مشبوكه و شي مثل الدشداشه الطويله حق المكيف و شي قميص و شورت كلهم من مذركير تقريبا 8 بدل عشان بعدين بتنزل كلكشن الصيف بشتري زياده

اهم شي لاتكثرون من قياس حديث الولاده لان البيبي اسبوعين و بيكبر حجمه بسرعه .. انا كنت شريت وايد من هالقياس و رديت رجعتهم خذيت من 3 - 6

شريت دلاغات و شريت جوتي حق 3 شهور عجبني قلت فرصه :)

و فصلت طقم مفرش + كيس حمل البيبي + قميص للبيبي + غطائين للرضاعه + شرشف فوق المفرش + قماط + شنطة سويتهم طقم حق المستشفى

والحين مفصلة السله اللي ينحط فيها البيبي حق اول الشهور بدل ماينحط الياهل عالارض ينحط بالسله

و امي بتفصل لي طقم مفرش ثاني على ذوقها تقول :)

بالنسبه للكريمات و البودرات و هالسوالف بشتريها بالشهر الثامن ان شاء الله

و التوزيعات وصيت الفلبيني يسوي لي كم شكل عشان اختار بينهم بس لحين ما رحت اشوفهم و اذا يبته بصوره بوريكم اياه :)

نبض مشكورة ياقلبي ماقصرتي

أنا شريت بس كم بيجاما وملابس داخلية الفترة اللي طافت ووقفت أن صارت عندنا التنزيلات وأنا بالأساس ماحب اشتري لي شي بالتنزيلات حتى لو أرخص
الدنيا خربطة بالذات عندنا في السعودية ايام التنزيلات

مـــــــراوي ياهلا يعطيك االعافية اكيد توّك جاية من الدوام
بالنسبة للمقاس أنا اخذت كم قطعة new born الكل يقول لي بيكون صغير....المصيبة ان الاطفال تختلف أوزانهم م طفل لطفل
فأيش آخذ؟؟ من 0--3 او من 3--6؟؟
أختي تقول لي خذي كم قطع من 0--3 والباقي من 3--6 بس أحس بيكون كبيير على كتكوتي؟؟
مــــــــــادري محتارة تصدقون كأنها حيرتي على فستان زواجي!!!!!
بالنسبة للتوزيعات باشوف الاماكن عندنا هني شممكن تسوي؟؟

كلام اختك صحيح
اخذي كم قطعه بس من الحديث الولاده لان البيبي على قوله امي اسبوعين و بيكبر و هالحجم بيصير صغير عليه

حجم من 0 - 3 بيكون كبير شوي عالبيبي بأول شهر بس اهو الاريح

لاتشترين قياس 3 - 6 من الحين لان القياس الاول بيطول عندك شوي فبعدين بتنزل شغلات جديده



الحين المفروض عندي جامعه الساعه 5 بس مالي خلق احضر توه بدا الكورس
الله يعينا متى نخلص :)

انا ما يهمنى التاريخ المهم اربى وارتاح وموعدى بدايه 5 والله يسهل واربى قبل انشاء الله ادعولى والله يسهل على الجميع

هلا بك لليان
انا افكر مثلك اني ابي اولد قبل موعدي عشان هالشي ببتدي امشي من الثامن و بكثر مشي بالتاسع عشان اولد بسرعه ان شاء الله

الله يسهلها علينا و تنقضي عنا هالايام بأسرع وقت :)

هلا مــــــراوي
شخبارج؟؟الليلة سهر؟؟
الحين أنتي تدرسين وتشتغلين في وقت واحد؟؟
انتي معلمة ايش؟؟ وايش تدرسين بالجامعة؟؟
الله يعينج كل ما أفكر فيج شلون تدرسين وانتي حامل أحسه مرررة تعب

السلام عليكم

شلونكم وشخباركم؟؟

انا اول شي من اروح مذركير كل شي يعجبني وكل شي ابي اخذ حق بنوتي تالي امي قالت لي اشفيج ينيتي ماياخذون كل شي لأن الياهل بيتم باللفه يعني ماياخذ راحته الا بالثياب الخفيفه والمريحه عقب الثلاث شهور اشتري اللي تبينه عاد قلت لها تعالي معاي لأني ما اعرف وميات معاي وأخذت جم قطعه من الملابس القطنيه اللي صايره من تحت حفره ولها كم قصير وخذيت ملابس طويله اعتقد اللي قلتي عنهم يا مراوي قطنيه وخفيفه لأن الجو بيكون حار وخذت جم بدله احتياط يمكن اطلع والا اروح مكان ينفعوني اكثر شي خذت القياس من 0-3 احسن وماكثرت من الملابس لأن بينزلون أغراض جديده والياهل بيكبر بسرعه يعني اللي يشوف الثياب يقولي ماشريتي شي وانا خلصت من الثياب بس باقيلي السله ليلحين ما اخذتها و طقم الاستحمام اللي ايي على شكل طاوله اريح من الأرض وباقيلي التوزيعات وأخلص والله يقومنا بالسلامه انشالله

هلا دلولة شخبارج انشالله بخير؟؟
أنا توني بديت أتحرك عدل للبيبي هاليومين ،، بس مثل ماقلتي أنا مو ناوية آخذ له بدلات كبارلانه بيكون باللفة بس أكيد لازم نكشخ الياهل
وفعلا الفترة اللي بنولد فيا بيكون حر،،ويقولون إن الياهل يحس بالحرارة أكثر من الأم،يعني بسرعة يحتر جسمه،،فمابي أثقل عليه
تصدقين دلول أنا للآن ما أخذت السرير،،البارحة لقيت سرير مرررة حلو ويجنن وحسيت إن شكله مميز غير عن أسرة الاطفال المعتادة ولفتني من الكاتلوج
وانشالله بكرة باروح أشوفه على الطبيعة،،، يقولون ان سعره شوي غالي بس أنا مايهمني السعر..

على فكرة أنا سألت مـــــراوي عن أماكن التوزيعات عندكم بس اهي الظاهر نست ماردت،،ابي مكان يسوي أشياء حلوة وجديدة ،،انا الاسبوع الياي بجي البحرين
ياريت لو تساعدين بأسماء الأماكن وبأي منطقة بالضبط؟؟