مجلس امهات شهر مايو 2006 حياكم

اي عدل كلامج يا مراوي بس صغير .. انا اهلي ما يصدقوني اني بالسابع يقولونلي بطنج ما يبين

هلا بنات
شخباركم كلكم؟؟ انا اليوم كنت عازمة صاحباتي عندي وتوهم طالعين من جذي مادخلت اليوم كثير
قلت مايصير لازم أسلم عليكم،،صاير هالمنتدى زي الإدمان لازم ادخله كل يوم

مــــــــــــــــراوي هلا فيج وتسلمين على السؤال ياقلبي
الحمدلله أنا بخير ومافيني الا العافية ماقصرتين ياقلبي والله مثل الخوات صايرين لي انتي ودلولة ونبض وانشالله اتعرف على الجميع وهذا احنا نواسي بعض
انا بعض بطني صغير يبّن علي الحمل بس ماتعطيني في السابع ابداّ حتى صاحباتي اليوم يقولون لي مافيج بطن مثل ماقالت دلول صغير
بس بالعابايا هاليومين بدا شوي يبان علي الحمل مثلك

دلولة هلا عيوني شخبارج؟
قلت لج ان الغازات بسبب الفلفل والاشياء الحارة والحمدلله انج امتنعتي عنها لانها كريهة بالمرة،،انا كانت تعمل لي انتفاخ وزي المغص ولما عرفت انها السبب تركتها

نبض هلا وغلا حبيبتي كيفك؟
ايه والله انا تخرجت وقعدت بالبيت لأني صادف تخرجي وقت حمالي عشان جذي تشوفين دايما على النت،،انشالله بعد الولادة ندوّر على الوظيفة.اهم شي البيبي الحين
يالله هانت مابقى شي

عالي مستواها هلا وغلا
أنا أول مرة التقي فيك والله يعينكم على الدوام ويعطكم العافية

هلا أم جواد اشحالج؟؟
ليش بطونكم ما طلعت انا أحسه طالع بس أهلي يقولون لي مب واايد لأنهم مايشوفوه بدون ملابس:shy:
أنا اراجع في مستشفى خاص و اليوم رحت أفتح لي ملف في مستشفى حكومي لأن المستشفى الخاص إذا واجهتهم مشكلة على طول يركبوا الحامل في الاسعاف و يطرشوها ع المستشفى..
سوت لي توا الدكتورة تلفزيون و قالت لي الحمدلله كل شي تمام و الراس ألحين تحت بس مب واايد يعني مثل ما تقولين ع الطرف..
و اول ما نمت ع السرير قلت لها احذري انج تقوليلي شو في بطني و إلا بقوم الدنيا عليكم أنا صابرة كل هالشهور و آخر شي تخربوا المفاجأة علي..

الله يعينا

هلا فيج نبض شخبارج؟؟
أنا ياعيوني بطني طالع بس تحسينه صغير أو يمكن أنا توقعت انه راح يكبر أكثر من جذي
بس تصدقين أحسن من البطن الكبير بزيادة ،،،لأن جذي ممكن يرجع البطن بشكل أسرع باعتباره ماكبر كثير،،بس مع ذلك احس ان هذا مو مقياس لأن الكل يقول ان الشهر التاسع تزيد في الوحدة وااايد هو يشكل اكبر زيادة في فترة الحمل،،الخشم يكبر والوجه يمتلي والجسم ينفخ و....و,,,,,,
عشان جذي انا من الحين مهيأة حالي للتاسع من الحين
انا بالعكس نـــــبــض أتابع في مستشفى خاص على حسابي أفضل بالنسبة لي من الحكومي من ناحية الإهتمام وتحسين العناية غير
الله يعدي هالأيام على خير ونولد بالسلامة
والله انك صبورة شلون متحملة ماتعرفين بنت أو ولد؟؟احس الواحد يذبحه الفضول...أنا كنت أنتظر متى أعرف!!!

أم جواد أنا الحمدلله تمام ..
أنا احتمال أغيب عنكم فترة أسبوع بس إذا قدرت بحاول أدخل النت..لأني بروح بيت أخوي في دبي و أعتقد إن ما عنده نت أو إن الكومبيوتر ما يشتغل بس إذا قدرت بدخل
سلميلي ع الباجين و ديروا بالكم ع نفسكم و على إللي في بطنكم..
و مع السلامة و أشوفكم يوم الأربعاء.

اليوم كملت 28 اسبوع .. يعني الحين اقدر بأي وقت اسوي رباعي الابعاد و اشوف ولدي عدل :)

مستانسه و خايفه بنفس الوقت .. اتخيل لحظه اللي بشوف ويهه واضح شبسوي .. يمكن اصيح لا تستبعدون

تخيلو غالي عليكم كان مسافر من 7 شهور و رجع شبتسوون؟ :)

هلا وغلا نبض تروحين وترجعين بالسلامة بتوحشينا

مـــراوي ياهلا....انا انتظر الاسبوع الجاي يجي بس عشان أسوي الرباعي أحس اني مشتاقة له موووت ودايما أحلم فيه وكل حلم أشوفه بشكل
اذا أخذتي الصورة عطينا آخر الأخبار

انا يوم الاحد عندي موعد مع الدكتوره يعني كشف عادي بسألها متى احسن شي حق الرباعي

اهي قالت لي ان الرباعي بعد ماتعدين ال28 اسبوع تقدرين تسوينه وانا موعدي معاها بكون 29 اسبوع

فتقريبا اذا بسوي الرباعي قولي بيكون لي 30 اسبوع بإذن الله .. اعتقد وقت كافي و فوق الكافي عشان يكون ملامحه وضحت

يا خوفي بس يكون معطيني ظهره ولا مغطي ويهه بإيده :)

السلام عليكم

نبض

تروحين وترجعين بالسلامه وحاولي ما تقطعينا

ام جواد
شلونج وشخبارج عساج بخير انشالله

مراوي
انا خاطري اسوي الرباعي بس متخيوفه شوي انتي وين بتسوينه في التخصصي ... انا قلت هالمره ابي اروح حق فوزية كمال تعرفينها؟؟ تنسخ لي الصور على سي دي لأن الدكتورة اللي اتابع عندها ما تسوي سي دي
بس بغيت اعرف وين بتسوين لأن انا في الاسبوع 29 يعني ملامحها باينه

مرحباااااااااااااااا والله


وحشتووووووووووووووني موووووووت



اسمحووولي والله انشغلت شوووووووي

لكن الحمدلله اني بخير والبيبي بخير

حبيت اسلم عليكم واطمن عليكم

بسويه في التخصصي ب 40 دينار دلوله

=================================

ام راشد بعطيك انذار اول لكثره الغياب و اذا غبتي اكثر بوديك للمشرفه :)

هلا حبيبتي مراووووووووووي


خخخخخخخخخخخخخخخخخخخ


شدعوه تعطيني انذار انا ماصدقت افتك من الجامعه تجيني انتي

عمومااااااااااا .. مشكوره على السؤال والاهتمام فديتج والله

شسوي يا اختي وحده و مأثر عليها الدوام :)

هلا حوااااااااااااامل
أنا رجعت لبيت زوجي-المهم رحت بيت أخوي و غيرت جو -و الأهم عندهم ياهل توه مكمل شهر و نص و قعدت معااااااااه أغلب الوقت شايلتنه و أبوسه لحد ما يصرخ-الله يعين عياااالي..
شو سالفة الرابطة محد متفيج يدخلها...
المهم شخباركم و شو مسوين عساكم تمام..

مرحبا شلونكم وشخباركم
مراوي .. ام جواد .. نبض الإمارات .. أم راشد

عساكم بخير

هلا دلـــولة.......... نبض.......... مـــــــــراوي.............وباقي البنات
أنا الحمدلله بخير بس مادخلت أمس لأني كنت مكتئبة شوي وماعرف ليش!!:sad:!!! حاسة حالي هاليومين متضايقة ودايما أحس بدوخة يمكن من قلة الأكل بس والله مادري شفيني مايجي خاطري على الأكل الا بالغصب عشان البيبي وأكلي زي الزفت يادوب سندويتشات جبنة وبيض وخرابيط وآكل عشان عندي حبوب لازم آخذها فماحب تكون معدتي فاضية...مادري شسوي بنات شيروا علي؟؟
خلاص بنات أبـــــــــــي أولــــــــــــد أنا ماحب نفسيتي تكون جذي،،لاني في الاحوال العادية حركية ومرحة ماني جذي شكلها نفسيتي بترد مثل ماكانت الشهور الأولى اكتئاب في اكتئاب
انــتــــو شخباركم؟؟ دلولة انشالله بخير
نبض الحمدلله على السلامة
مــــراوي شخبارش؟؟
أم راشد هلا وغلا
ايش جديدكم بنااااات؟؟

الله يسلمج من كل شر يا ام جواد...
يالله خلاص ما باجي شي-رحل الكثير و ما بقي إلا القليل-الله يعينج الغالية..

هلا دلوله أنا الحمدلله زييينه..

أقووول شو حركة البيبي معاكم؟
يالله كل وحده تقوول لي شو جنس الجنين إللي فيها و كيف حركته-وين تكون-عشان اخمن شو ف بطني صراحة صار فيني فضول أبا اعرف بس مستحملة عشان أخليها مفاجأة...

أتريا ردودكم..

مرحبا بنات شلونكم جميعا عساكم بخير
دلوله انا بخير حمد لله و مشكوره عالسؤال :)

=================================

ام جواد اللي تمرين فيه عادي انا بعد من فتره لفتره تصيدني ضيقه لدرجه اني مره كنت بفنش من الشغل من كثر الضيق
فكري انه مابقى شي ان شاء الله كلها اقل من 3 شهور و نفتك :)

================================

نبض بسألك اسئله و جاوبيني عليها و بقولك شنو في بطنك :)

س1: بطنك بارزه ومكوره لقدام؟ ولا جايه مسطحه؟

س2: اكثر شي توحمتي عليه الحلو ولا المالح و الحراق؟ اكثر الشي

س3: حلمة الصدر عندك تغير لونها صارت اغمق ولا للحين ماتغيرت؟

في اسئله ثانيه بس هذي ابرز الاسئله اللي ممكن تبين جنس المولود

اذا جاوبتي عليها و حبيتي اقولك عن جنس المولود المتوقع زين .. ان ماحبيتي بخليها سر لين تولدين :)

هلا مـــراوي شخبارج عيوني؟؟
تسلمين والله أنا توني أحس إني اوكي الليلة ونفسيتي صارت أحسن
الحمدلله على كل حال يالله هانت......
ما اعتقد نبض تبي تعرف جنس البيبي اهي دايما تقول تبيها مفآجأة
والله وناسة ياريت انا مثلها بس انا ما أقدر الفضول ذبحني لين ماعرفت!!!!

انا كنت مثلها ابيها مفاجأه و مابي اعرف

وبيوم الكشف و الدكتوره تحرك الجهاز جان تقولي تبين تعرفين جنس البيبي؟ ترى واضح جدا

عاد انا سكت :) ماكنت ابيها تقول و بنفس الوقت ماقدرت اقول لها لا ... الدعله ليتها ماسالتني هالسؤال :)

بس عالاقل الحين اشوف شغلات اقدر اشتريها لاني عارفه جنسه :)