مجلس امهات شهر مايو 2006 حياكم

هلا مــــــــــراوي
شلونك حببتي؟؟؟شكلج مرة حاقدة على الدكتورة ياخي كان قلتي لها مابي اعرف
بس تصدقين حلو انك تعرفين لأن مثل ماقلتي يساعدج باختيار الملابس،،تصدقين عاد أنا أمس كنت في الــ MOTHER CARE طبعا ماخليت شي ما خذته
حتى ريلي يقول أحسج شريتي وااايد وانا بالأساس مجنونة سوق على حالي شلون على البيبي؟؟
احس اني ابي اشتري له كل شي والله حالة
تعالي صحيح انا صاير لي كم يوم مايطلع عندي توقيعي ولا تواقيع المنتدى صايرة معاج هالحركة ولا بس عندي؟؟
..............................................
دلولة شلونج؟؟ وينج لاحس ولا خبر عسى ماشر
وحشتينا
.................................................
نبض شخبارج؟؟تعالي ترى مراوي عاملة لك عروضات لمعرفة جنس البيبي
يلاّ نبي نعرف احنا بعد...

هلا حوااااااااامل-مراوي،أم جواد
اشحالكم عساكم بخير
مراوي بالنسبة لأسئلتج بجاوب بس تدري حتى أمي تقول لي شكل بطنج غير ما عارفه شو..
ج1)شكل بطني مدور بس جاي على عرض يعني منفرش..
ج2)بالبداية كل شي توحمت عليه كان حوامض بس ألحين صايرة مدمنة حلو
ج3)واااااااع صراحة صارت سوووووووووووووده-شي يلوع بالجبد.



و بالنسبة لإحساسي...
كنت بالبداية أحس إن فيني ولد بس ألحين تغير الاحساس و صرت أحس إن فيني بنت...
والله كريم خلاص ماباجي شي..
بس بعدني بخليها مفاجأة الكل في البيت يخمن شو فيني و دوم يحلفوني إذا أعرف و إلا..

هلا ام جواد
تعرفين احساس الفضول عند الوحده منا رغم اني مابي اعرف الا اني ماقدرت اقول لا .. سكت لاني مابي اعرف وبنفس الوقت ماقدر اقول لا مابي اعرف .. فأهي شافتني ساكته و اطالع الشاشه مع ابتسامه فعلى طول قالت :)

==============

نبض كاني عرفت شنو عندك .. تبين اقول؟ :)

هلا مـــــــــراوي ونبض
شخباركم؟؟
الا شخبار دلولة؟؟مالها حس انشالله ماعليها شر...صار لها فترة ماتنشاف
شرايكم بنات نقوم عليها واذا طلع مافيها شي انشالله بنخليها توقع انها ماتغيب عن رابطتنا وتخوّفنا عليها!!!!
اهم شي تكون بصحة وسلامة

أنتو شخباركم؟؟
مــــــــراوي ماسويتي الرباعي؟؟ مادري شفيني هاليومين مسوية حالي عدلة مابي اسويه؟؟
بس ماعليج احتاج بس احد يدفني عشان اروح اسويه؟؟

هلا ام جواد دلوله و الغايبات عليهم انذار ثاني وانتو عارفين ورا الانذار الثاني ثالث و بعد الثالث حرمان من الامتحان :)

انا ماسويت الرباعي للحين يوم السبت بتصل باخذ موعد عالاسبوع الجاي ان شاء الله المفروض امس اتصل بس نسيت و اليوم جمعه اعتقد مسكرين بجرب بتصل يمكن فاتحين

بيني و بينك قاعده ااخر يوم ورا يوم عشان يوم الموعد يكون ماخذ له وقت كفايه و اكثر من الكفايه عشان ملامحه توضح عدل :)

شلون ماتفكرين تسوينه هذي من احلى الذكريات اللي بعد كم سنه بتولهين تتذكرين شلون كان شكل ولدك يوم كان في بطنك ساعتها بجي دور السي دي

<<<<< دفتها :)

هلا مراوي...
يالله قولي شو تخمينج أعرفج بتقولي فيني بنت...
إذا طلع تخمينج صح البشارة حقج بحااااول أوصلها حقج البحرين بس التذكرة عليج-أنا من سنتين ييت البحرين...

السلام عليكم

شلونكم وشخباركم حبيت اسأل عن أخباركم و سامحوني كنت الفترة اللي طافت شوي مشغولة

اول شي انتي شنو تتمنين نبض .. ادري اثنينهم حلوين بس اكيد تتمنين يكون هذا او هذا و مو مشكله لو طلع العكس

يالله قولي بعدين بقولك تخميني :)

====================

دلوله حمد لله عالسلامه و ان شاء الله المانع خير

===================

ام جواد وينها مابينت اليوم مو بالعاده !!

مراااااااااااااااااااحب


شخباركم


نبض .. وام جواد .. دلوله .. ومراوي .. واممممممممم مادري اذا نسيت حد بعد


عموما انا بخير .. والبيببي بخير ويوم الاحد عندي موعد سونار .. والاثنين موعد مع الدكتوره


وانشالله بطمنكم

نبض انا حااااااااااااااااسه ان فيج بنت لان الاشياء اللي قلتيها كلها فيني

هلا مراوي شخبارج انتي انشالله تمام

انا الحمد لله مافيني شي بس كنت موديه الجهاز يفرمتونه من جذي .. خلصتي اغراض البيبي والا ليلحين؟؟



نبض انا بعد حاسه ان فيج بنت والله اعلم


ام جواد وينج لا حس ولا خبر وحشتينا


ام راشد شخبارج انتي انشالله تمام وطمنينا عليج

هلا وغلا بنات
شـــخـــباركم وحشتوني؟؟
دلولة شخبارش الحمد لله انج بخير والله الك وحشة عيوني
مـــــــراوي تسلمين على السؤال ياقلبي ماقصرتي
نبض وأم راشد شلونكم حبياتي انشالله بخير؟؟؟
..............
الجماعة كلها موجوة منورين المكان والله،،،انا بخير بكرة عندي موعد وانتظره بلهفة....
والحمدلله مواعيدي من بكرة بتصير كل اسبوعين...يعني بشوف كتكوتي وايد
تصدقين مــــــــرواي ابي بسرعة اروح اسوي الرباعي!!!!!! شفتي اني دزني واطيح،،،اسوي حالي باصبر لكن ماكو صبر

دلولة ماقلت لج بدأ بطني شوي يكبر وانا مستانسة على الآخر...
كيفيكم مع التجهيز؟؟أنا صايرة مو طبيعية،،،ابي اشتري كل شي....خواتي يقولون لاتكثري لأن البيبي يكبر بسرعة في الأيام الأولى بس ما اعرف أمسك يدي
كل يوم في سوق
لا وكنت بجي البحرين اليوم بس صار ظرف لريلي وماقدرنا نجي ولا كان عندي موعد مع السوق عندكم.........بس خسارة

خبروني عنكم انتو شخباركم؟؟يالله كل وحدة تقول شنو جديدها وجديد البيبي؟؟

نبض يلاّ نبي نعرف بنت ولا ولد؟؟

هلا وغلا ام جواد انتي شخبارج وشمسويه
انا بعد بطني تغير عن الأيام اللي فاتت احسه كبر بسرعه .. ومن ناحيه المشتريات سكتي احس جنه عندي عيد من كثر ما اشتري وكل شي يعجبني بس ماكثرت من الثياب اشتري اغراض وتجهيزات ثانيه رحت ادور حق التوزيعات شي يعجبني وابي اجهز الغرفه اللي بنام فيها في بيت ابوي يعني لاهيه هاليومين وحدي مستانسه ومستعيله ابي اشوفها .. انا باجر عندي موعد مع الدكتوره وانشالله خير
وطمنينا عليج ومتى بتسويين الرباعي..


نبض شلونج وينج لايكون ليلحين نايمه بسكم نوم بس انا اللي قاعده من الصبح قوووووووووووموووووووا

مراوي مسكينه بتروح الدوام ماراح اقولها شي يكفي انها بتقوم من الصبح


ام راشد شخبارج وينج مالج طاري

الله يمتعكم بالسلامة ان شاء الله

هلا حواااامل(مراوي،دلوله،أم جواد ،أم راشد)
شخباركم انا الحمدلله زينونه و البيبي زينون بعد..
تدرون انا بعد احساسي إن فيني بنت-أمي تقول احسن للحرمة إذا بكرت ببنت-وصراحة تدرون مرة كنت رايحة أشتري و دخلت آدمز وشفت مجموعة فوانيل داخلية بأشكال مختلفة وشفتها في المحل برتقالية بس يوم رجعت البيت انصدمت إن لونها وردي فقلت سبحان الله يمكن فيني بنت فخليتها إذا بنت بتلبسهم و إذا ولد بعطيهم لأي حد من الأهل عنده بنوته..

دلوله انا قايمة بس ما دخلت-طبعا قمت متأخرة يعني ع الساعة 10 لأن البارحة كنت بالقرية العالمية وكان خاطري بقهوة ورحت خذتها من دانكن دونتس وشربتها وطبعا ما رقدتني:cry:

تدرون شي أحس من كثر ما البيبي ضاغط لي ع بطني احس بألم تحت-عزكم الله-سألت قالوا لي عادي هذا عشان خلاص بيبدأ رأس الجنين ينزل لتحت و لما رحت المستشفى قالت لي الدكتورة الحمدلله الراس وضعيته زينه بادي يروح تحت بس بعده مب تحت تحت-ما اعرف كيف افهمكم..

الله يعينا

هلا وغلا دلــولــــة شخبارج حبيبتي؟؟
ماشاء الله عليج نشيطة والله القعدة من الصباح،،انا بالعادة أنام متأخر الفجر واصحى على الساعة 11 الصبح وأحيانا قبل
هو طبعا أنا ما أنام الا اربع ساعات على بعض بس أكابر وما أقوم من السرير الا اذا عجزت وماجاني النوم!!!!!!!
أنا بعد دلول صايرة مرررة طلعاتي ماتخلص،،رحت يوم الأربعاء أدور على محلات التوزيعات عندنا وأشوف شعندهم حتى أقرر
بالنسبة لأغراض كتكوتي شريت بيجامات كثيرة من الماذركير وباقي لي شوي وأخلص أغراض البيبي،،وكمان الخميس رحت أشوف الأسرّة وبعد باقي لي كم محل حتى أقرر....

غرفة في بيت هلي هاذي مخليتها للأسبوع الياي،،غالبا راح أسوي لي غرفة جديدة لبيت أهلي وراح أشتري طقم المفارش الأيام الجاية،،،بعدها راح أدور لحالي...وأجهز حق نفسي للفترة اللي بجلسها في بيت أهلي.....

انا اليوم المغرب موعدي وانشالله كل شي يكون تمام ومستانسة اني بشوف البيبي،،وبقول لكم آخر الأخبار بعدين

مــــــــراوي ونبض وأم راشد..........ســــــــلام لكم جميعا

هلا و الله بالحوامل
شخباركم

هاه تجهزتوا و لا بعد
انا عن نفسي بديت شوي شوي

و امس تخبرني اختي انه في وحده معاهم في الدوام تفصل اطقم حق المواليد

فراش + سبوحه + قماط + كاب للبيبي و موديلاتها و اسعارها حلوه و تستخدم قطن خالص عشان ما يضر البيبيات

وصيتها تسويلي طقم بشوفه و لو عجبني بسوي غيره حق البيبي

و تقول انها الاطقم اللي تسويهن الحين تستخدهم فيهم اخف انواع القطن عشان الصيف و يكون بارد على الاطفال


لو تبون خبروني عشان يوم يوصل الطقم اطرشلكم الصوره و نطلب طلب جماعي يمكن تسويلنا خصم :)

عندي موعد اخر الاسبوع ادعوا يكون راس البيبي نزل تحت لانه اخر مره قالت لي الدكتوره البيبي راسه بعده فوق

هلا اختي سحايب دبي ...
أول مرة أشوفج في الرابطة المهم إنتي بأي شهر ألحين؟؟

هلا نبض شخبارج عيوني؟؟
الله يعينج تحملي مابقى شي وانشالله يستقر راس الجنين على تحت هاليومين...
سحايب دبي مــــــــــــراحب أنا أول مرة التقي فيج........
انشالله لاتحاتين كل شي بيكون تمام....انتي في أي اسبوع الحين؟
..............
وســــــــــــؤال؟؟؟ متى المفروض إن راس البيبي ينزل لتحت؟؟بالتاسع ولابنهاية الثامن؟؟ ولا شلون؟؟

أم جواد..
أنا الحمد لله تمام...انتي اشحالج عساج بخير...

بسألج ليش ما يطلع التوقيع تحت..وإلا هالمشكلة عندي بس