مجلس امهات شهر مايو 2006 حياكم

الظاهر مثل ماقالت نبض ماتبدأ السوالف الا آخر الليل
أنا عن نفسي ادخل وأطلع أكثر من مرة بس أبي أشوف أحد اسولف معاه..>>>> يعني أتفاعل بسرعة بس على اللي يعطيني فرصة

الظاهر مثل ماقالت نبض ماتبدأ السوالف الا آخر الليل
أنا عن نفسي ادخل وأطلع أكثر من مرة بس أبي أشوف أحد اسولف معاه..>>>> يعني أتفاعل بسرعة بس على اللي يعطيني فرصة:dd:

نبض هلا فيج والله يساعدج..صج في ناس يتعبون في الحمل،،أنا الحمدلله حملي ماكان متعب،،حتى الوحم أنا ماعانيت منه بس شوي بشهر رمضان كان عندي لوعة واستخدمت لها حبوب وهم مافاد بس الوحم الثقيل أنا ما مريت فيه،،الا شنو التغيرات اللي حسيتها وكم زاد وزنج للحين؟؟

على طاري النومة عالظهر،،تجنبيها حبيبتي ماتصلح بهالفترة،،لأن هالوضع يأثر على الاوكسجين اللي يوصل البيبي وممكن يسبب مشاكل ،،حاولي تنامي على الجنبين شوي يمين وشوي يسار صج تعب بس شنسوي

هلا أم جواد أنا بعد عانيت الوحم في رمضان و اللوعة و الحموضه وطبعا الدوا ما فاد معاي و ما أنسى الدوخه..
وباتلنسبه للتغيرات
جسمي..صراحة ملابسي كلها ضاقت علي(ملابس العرس لأني من فترة قريبة معرسه)فاضطريت أخذ لي ملابس جاهزة..
بشرتي ..اسمرت و الرقبه بعد اسمرت و خشمي عشانه طويل -الحمدلله-فمامبين عليه انتفاخ غير بالمقدمه بعد إللي بدقق بلاحظ.
وزني...حدث ولا حرج للحين زدت عشرة كيلوات(كنت أبا أرفع دمي فسوت لي أمي أكله عبارة عن تمر مع طحين صراحة لذيذة نسميها بالامارات-بثيث-بس ما توقعتها تزيد وزني بهالطريقة بس رفعت دمي وااايد..

وبالنسبة للظهر أنا ما أنام عليه إلا يوم أرجع من المشي بس عشان أريح و إلا كل أنام ع الجنب بس تدرين يحليله أول ما أنام ع الجنب يقعد يرفسني كأنه يقول لي اعتدلي فعصتيني...

هلا نبض تذكريني بحالي..أنا بعد من أجي بنام على جنب اليسار الاقي الضرب والرفس يزيد ومن اقلب على الجهة الثانية ينتقل الضرب ليها
حتى إني احترت على اي جهة انام؟؟ لا وأحس هاليومين إن حركة البيبي واضحة على بطني وهذا شي مونسني
أنا بالنسبة لي يانبض حملي ماغيرني وااااايد،،وزني زاد 7 كيلو للحين،،وبطن ماكان كبير،،توني هالفترة بنهية اسبوع في السابع على بداية الثامن أحس بطني كبر وصار واضح علي الحمل وانا هالشي مفرحني
أنا ماصار لي اسمرار برقبتي أو بجسمي وخشمي ماتغير للآن لأني مثلج خشمي طويل بس الله يستر من التغيرات اللي ممكن تحصل هالشهرين
وبـــــــــاقي البنات دلولة ومــــراوي؟؟خبرونا عنكم

الله يعينا يا أختي و يعدي هالأيام على خير....
أم جواد بتسمي ولدج جواد وإلا هذا بس مجرد اسم حاطتنه عسب تشاركي في المنتدى؟؟انتي مخلصة جامعة؟؟إذا هي شو درستي؟؟

هلا أم جواد أنا بطلع يالغالية بروح أصلي و بتعشى عشان أروح أمشي و إذا رجعت وماكنت تعبانه بدخل المنتدى و إذا كنت تعبانه بدخل باجر..
مع السلامه الله يحفظج

شلونكم بنات

اعذروني ما شاركت معاكم الا من امس بالليل لاني من الصبح مارجعت الشقه رحت على طول تغديت بيت ابوي و توني راجعه

باجر عندي موعد في المركز الصحي و صراحه مو مهم عندي مواعيدهم بس بروح عشان فحوصات الدم بس

كنت ناويه الليله اطلع اشتري شغلات حق التوزيعات و تغليفات دلال الشاي و القهوه بس تعايزت اطلع

هذي سالفتي كل ليله و شكلي بتم لأخر الوقت و بعدين بنزحم عدل

مساء الخير خواتي ,,

انا الحمدلله بخير وان شاء الله الكل ايكون بخير
رحت امشي اليوم من زمان ما مشيت جيه .. لان مشي الجامعه وتعبها ايكفيني .. واحس ويع الحين في ظهري .. خصوصا اني اليوم تعبت وايد بالجامعه ويلست هناك اكثر من 9 ساعات

اانا قلت الكم وزني ما زاد وايد .. تقريبا الحين وزني مثل ما كان قبل لا احمل .. لاني انا نقصت بشكل فضيع اول ما حملت .. فتقريبا عوضت الي خسرته والحين وزني يزيد بس مش بزيادة كبيرة .. تقريبا كل الي زدته 5
وعن السواد وااااااااااو .. خصوصا الرقبة .. وعندي جفاف في جسمي وما اعرف شوه اسوي .. المشكلة ما احب ريحة زيت الزيتون والا بحطه


وعن التجهيزات .,..ما جهزت ولا اي شـــــــــــــــــــــــــــــــــــــي

واشوفكم على خير

اختي عالي مستواها
الجفاف راح يسبب لك ظهور التشققات فجاه بالشهر الاخير
استعملي كريم زبده الكاكاو ريحته حلوه مافيها شي

و الله يعينك على الجامعه انا حاسه فيك لاني بعد الدوام ادرس في الجامعه و يوم اللي يصير عندي دوام و جامعه ارجع البيت احس ظهري بينفصل

يــــسعد مســـاكم بنات شخباركم؟
مــــــــــراوي هلا وغلا ،،، أنا بعد في اشياء المفروض أطلع اشتريها بس هالاسبوع ماسويت شي،،قلت بكرة الصبح بطلع باخلص لي كم شغلة
والله من جد الله يعينكم على الدوام جد أحسه تعب بالذات هالشهرين

أختي عالي مستواها شلونج؟؟ شلون للحين ماجهزتي شي؟؟بتنزحمين حبيبتي على هالسالفة؟؟وانتي عندج دوام يعني مافي وقت
الله يساعدج قلبي معاكم والله،،انا عن نفسي استخدم زيت الزيتون وفي كثير بنات يستخدموا زبدة الكاكاو،،حاولي تستخدمي أي واحد منهم من هالفترة والا الخطوط راح تزيد

صـــباح الورد بنات:flower:
:cry::cry::cry::cry::cry::cry:
الــساعة الحين 6 ونص تخيلوا !!! أحد يدخل النت من الحوامل هالحزّة؟؟
أبـــــــــــــــــي أنــــــــــــــــام والله حاسة راسي بينفجر من قلّة النوم،،المفروض يخترعون شي يساعدنا احنا الحوامل حتى ننام؟؟
والله أني متأزمة عالآخر:down::down::down::down:
عن حساب البارحة ماسهرت لأني اليوم ناوية أطلع السوق الصبح،،قلت بنام بدري وكنت نعسانة،،ودخلت من الساعة 1 وشوي ،،جان يطير النعس،،يمين يسار ظهري يعوّرني ومو مرتاحة بالنومة؟؟هذا غير ( كرّمكم الله ) قومة الحمام اللي ماتجي الا وقت مابتغفي عيني
والخلاصة إني من الساعة 3ونص واني على هالحال لغاية ما الساعة 5 خلاص طفشت وقمت صليت وقعدت :sad:

طــــــيــــب قوموا من النوم ياكسالى>>>>>> من حسرتي على النوم
دلــــــــولة ونبض قعدت اليوم قبلكم>>>>>> يافرحتي،، أحاول أشجّع حالي
بطلع عنكم السوق الساعة 8 وانتو نايمين ،،اذا تحبون بمر عليكم ونروح سوا،،، ياننام كلنا يانقعد كلنا>>>> واضح إن الأخت انهبلت

صباح الخير ام جواااااااااااااااااااااااااد من وين طالعه الشمس اليوم ام جواد قاعده اول وحده

والله شاقولج كلنا متغربلين مع النوم انا 60 الف مره اقعد من الليل لي الصبح وبس اشوف الشمس طالعه خلاص اقوم ما اقدر انام وايد هذا الشي اهو اللي مغربلني وغير عوار الظهر وانا من النوع اللي ما اريح روحي يعني انبطح لا كله قاعده وما ايي بالليل الا احس ان ظهري بينكسر الله يعدي هالايام على خير ونولد

الاااااااااااااااااااي وديني معاج السوق ابي اتسوق

انا الله يسلمكم بالنسبه للتغيرات وزني زاد تقريبا 9 كيلو وماصارتلي تغيرات بجسمي الا اسمرار رقبتي وحتى بطني ما انشد وايد بس تعرفين الوحده لي حامل ما تقدر تفرك بطنها فتحسين ان عليه طبقه كريهه ابي اشيلها بأسرع ما يمكن

اليوم انشالله بروح اخلص شوية اغراض ليلحين ماخلصتها من تجهيزات الغرفه وادري اني ماراح اخلصها اليوم بس شاسوي
وبابتدي امشي في اليوم حوالي نص ساعه علشان الولاده عاد مادري يمكن من اول الاسبوع الياي احسن


مراوي شخبارج وشمسويه الله يعينج والله احسج وايد تتعبين الله يعيينج ويسهل عليج

صباح الخير ماشاء الله أم جواد قايمة من الصبح يعني أنا الكسوله-صراحة صايرة وايد كسوله لو أكون شبعانه نوم أتم في الفراش لحد ما أتفيج و أقوم...
هلا دلوله مساء الخير ..حظج بتروحي اليوم تخلصي باجي الأغراض أنا إن شاء الله اليوم بروح أودي ملابس النوم الخياط و باجر بروح أخلص أغراض النونو عشان بداية الأسبوع أغسلهم و أرتبهم في الشنطة-لأني شاريه الأغراض و مخلتنهم-
الله يعينا الغالية

هلا وغلا فيكم انا ام هديل وراح اكون ضيفه دايمه معاكم بمجلسكم لاني استفدت كثير من هذا الموقع الرائع وراح يكون تاريخ ولادتي 23/5/2006 ولي عوده

هاااااااااااااااااي عـــــــســــولات:bigsmile:
اللي يشوفني وجهي وهالابتسامة والرواق الحين ماقول هذا حالي الصبح
صج السوق والتسوّق يغيرون اللي مايتغير:yes:،،،والله طلّعت حرّة النوم كلها في السوق
تسوقت لكتكوتي من البامبيكن باتش وماركس سبنسر وأأأأأأأأأه على الاغراض ماني طبيعية كل شي ابي اشتريه،،احس اني شريت واااايد للبيبي وخلاص ماراح اشتري اكثر،،الكل يلومني يقول بيكبر الياهل بسرعة
الحين باقي لي السرير شفت واحد وشكلي بآخذه،، واغراض البيبي من المراضع مجموعة الحمام والاشياء هاذي وخلاص أخلص امور البيبي
التوزيعات بلّف عليها هالويك آند،أما ملابسي فأنا مابفصّل لي شي،، الله يخلي ايتام أنا أحب تشكيلاته حيل اهو ونعومي
.....................
بعدين شفيكم مستغربين اني قايمة بدري؟؟حرااااام عليكم
...........................
أم هديل هلا وغلا عيوني حياج الله بينا أكيد راح تستانسين معانا>>>>>>مصدقة حالي
بس والله المجموعة عسل ونــــوّرتينا

ام جواد تسلمين عيوني :flower::flower::flower:.. حمستوني كلكم بديتو تشترون في الاغراض انا ما شريت اشياء وايد للحين كل اللي شريته طقم ((حاضنه طفل اللي اهيه سلة الطفل+وشرشف+2 شنط كبيره وصغيره )) وكم طقم قطن للبيبي .. هذا كل اللي شريته واليوم راح تكون عندي طلعه اتشرى فيها مع زوجي:up: لاني كاتبه قائمه طويله عريضه للمشتريات يالله بقى لي من اللحين الى شهر 5 على راحتي اروح اجوف الاشياء والاحلى بروح اشتريه .. بس كلكم شطار كاه شوي وتكملون اغراضكم وانا على برودتي :shy:

هلا أم هديل
أنا مثلج كنت مسوية لي قائمة كاتبة فيها كل شي أحتاجه للبيبي وساعدوني فيها خواتي اللي أكبر مني،، بس أنا عيّارة ما التزمت بالقائمة وشريت أكثر لأني بعيد عنج الله يكفيج مجنونة تسوّق،،، وبديت أجهّز من دخلت السابع
لاتقولين عندي وقت حبيبتي ،بعدين بثقلين وبتصير الطلعة صعبة عليج وماكو وقت،،حاولي تخلصي كل شي على هالشهر حتى ترتاحين بالتاسع
أنا والله مرتاحة حيل واحس اني خلاص قرّبت أخلص ومابقى لي الا اشياء بسيطة
الله يعطيج العافية واحنا جاهزين لأي سؤال حبيبتي

السلام عليكم

هلا والله يا ام جوااااااد اي اكيد الطلعه تونَس وخصوصا الشوبينغ ومثل ماقلت لج كثر ما تشوفين اغراض تبين تاخذينهم ياربي محد فاقر ازواجنا غيرنا احنا ... يله روحي ارتاحي نامي شوي ورجعيلنا لا تتأخرين


هلا وغلا اختي ام هديل نورتينا وحياج الله بينا عزيزة وغالية
اشلون جذي لا تاخذين روحج على برود بعدين مافيج شده تسوين شي يله حاولي تخلصين اغراضج قبل الثقل ما يزيد
وتعالي بشرينا اشقالولج بنت والا ولد؟ وشنو بتسمينهم؟

هلا فيج دلولوه وتسلمين يلغاليه على الترحيب
شسوي يختي كل مره اقول بروح اتسوق يطلع لي شي كنت مخططه من اسبوعين اروح وصادتني انفلونزا حاده والتهاب حاد وترقدت بلمستشفى واللحين راحه شوي واقول اليوم اكيد راح اتسوق شوي انا من اللحين والثقل ذابحني .. الله كريم
اممممممممممممممم والله رحت لدكتوره فرح وسوت لي التراساوند وقالت لي وعطتني شريط فيديو وفيه دبدوبتي ترافس على كيفها والله في بالي اسمين يا هديل يا حنين للحين ما قررت واليوم بروح السوق واخبركم شنو شريت بأذن الله :up: