مجلس امهات شهر مايو 2006 حياكم

قووووووووووووووه حوامل

شخباااركم .. اسمحووولي والله دخلت بانفلونزا تعبتني وايد

عموما انا االحين احسن والحمدلله

وكل شي تمااااااااااااام والبيبي تماااااااااااام وخلصت من التجهيزات والحمدلله

وتحياتي لكم جميعا

هلا أم راشد
سلامتك الف سلامة ماتشوفين شر،،،انشالله احسن الحين؟؟
دلولة احنا بخير ونسأل عنج

السلام عليكم ..

عدنا من جديد .. ولكنه لا جديد ..

يوم الثلاثاءعندي موعد والوالده اتقولي ما يحتاي اتسيرين كل اسبوعين لانه ما يسوى .. بس انا فيني فضول ابا اشوف .. من شهر ما شفت البيبي .. بس للاسف بروح بدون زوجي ..

وعن التجهيزات .. بعدني على حطت ايدكم .. ما ادري متى بفكر اسوي شي

ام جواد الرباعي يوم الثلاثاء بسويه و ماتتخيلين شقد متشوقه و خايفه

اخاف لايكون نايم ولا يكون حاط يده على وجهه .. في بالي الرباعي بيطلع لي مثل اللي نشوفهم بالنت و اذا ماطلع لي بنفس المستوى و وضوح الصور بييني احباط

على فكره اخذي معاك كاكاو لان السكريات تعطي طاقه و تزيد حركه البيبي .. موعدي اللي طاف خذيت معاي كاكاو بس نسيته بالشنطه و ماتذكرته الا بعد ماخلصت الكشف :)

===================


ام راشد ماتشوفين شر و الله على بالي انتي و ام خلفان اقول مادري ليش ماعاد نشوفهم معانا

==================


ام هديل والله افتكيتي دام خلصتي كل شي

للحين باقي لي الشغلات الخاصه فيني ماجست ولا شي حقي

و التوزيعات بعد للحين ما سويتها اذا خلصت منها برتاح بعدين كل شي بيكون سهل

=======================

دلوله سألت عنك العافيه و خبرينا بأخر التجهيزات و المشتريات

ترى ساعات وحده تشتري شي تذكر الثانيه

هلا مـــراوي شخبارج؟
انا بعد افكر مثلك،،وأكثر،،،في بالي الصورة بتطلع مثل اللي نشوفهم بالمجلات ،،شقد واضحة ملامح البيبي وشكله عدل
وهم خايفة ماتكون واضحة مثل ما أتصور وأتضايق لأن لحظتها بحس كأني مسوية سونار عادي ،،، يعني ماحكون استفدت،،،وعلى طاري الشوكلاتة أنا دايما قبل ما أروح أكون مآكلة قبل بثلث أو نص ساعة كاكاو >>>>شسوي أبي أضمن متقبلي وأشوفه واهو يتحرك
عموما التجربة بتكون فيك بالأول وبعدين بنشوف شلون الانطباعات ومايحتاج أوصي أبي التفاصيل
........................
عالي مستواها
هلا وغلا عيوني ،،ليش للحين ماجهزتي مابقى شي ،،لاتتأخرين ترى بعد بيكون ضغط عليج،،الوحدة منا تفتكر التجهيز شي سهل،،بس عاد تعالي للف والدوران شي مايخلص
...................
أنا عن نفسي طلعت اليوم وأخذت السرير وخلصت كل أغراضه،،وأخذت حمام للبيبي،، وخلّصت أغراض الصيدلية كلها،، هم أخذت لي كم غرض من الصيدلية وأهم شي أخذته كان لشفط الحليب مستقبلا(( للصدر)) اخذته من الحين حتى ما انسى
وأغراضي يمكن اشتريها بعد أسبوعين عشان ارتب شنطة المستشفى من الحين لاني تعبت وأبي ارتاح هالأسبوع،،أحس حالي واااايد طلعت،،وبدا ظهري يتأثر بسرعة
.................
وانتو بنات؟؟مثل ماقالت مراوي كل وحدة تساعدنا يمكن نفتكر اشياء ناسينها

انا ابي اخلص كل شي حق البيبي و اخرها هالتوزيعات اللي بتصرقع فيني

بعدين بطلع اشتري الشغلات مالت الحمام

اليوم شريت شغلات حق اسوي تلبيسات الدلال و الاكواب و اخذتهم بيج مثل لون الحاضنه باجر بنزلهم الخياط

صباح الخير

قوموا يا كساله بسكم نوم ..>>> اول وحده قاعده فيكم

شلونكم وشخباركم وحشتوني وااااااااااااااااااااااااااايد

بالنسبه للتجهيزات امس رحت اتفقت مع الفلبيني اللي بيصمملي التوزيعات واخترت كل شي مع الديكور وافتكيت من هم التوزيعات وثيابي بعد جهزوا غسلتهم وكويتهم وعلقتهم .. الحمد لله انا ماباقيلي شي بس التجهيزات الأخيرة اللي هي المراضع والمصاصات وشامبو و صابون للبيبي ومفرش لي انا اوووووووو نسيت بعد ماخذت لي الشنطه اللي بحط فيها اغراض البيبي حق المستشفى انشالله عن جريب بشتريها اعتقد عرفتيها يا مراوي اللي جنها علبه بلاستيك كبيرة موجوده عند مذركير اللي بالسيف ماشفت عند احد غيره ماتمت صيدليه مارحتها بس بدون فايده

خبروني عنكم اشسويتوا واشماسويتوا يله ترى مافي وقت والأيام تركض واحنا شوي شوي نثقل

وينكم يا كساله بسكم نوووووووووم
تمللت بروحي ابي اسولف قووووومووووووااااا

هلا دلولة شخبارج؟؟
انا توني داخلة لأن امس تعبت شوي في السوق من ظهري وقلت اليوم مابدخل النت بدري مع اني صحيت من الساعة 9 الصبح
والله تمام خلصتي امورج مابقى عليج شي،،انا عكسك ،،انا باقي لي أغراضي وخلصت اغراض الصيدلية والحمام حق البيبي
والله بيني وبينج تمللت ابي أخلص زهقت من اللف والدوران

دلوله عند من رسيتي بتسوين توزيعاتك؟

انا للحين ماشريت لي ولا فصلت لي ثياب حق المستشفى ماعرف نوع القماش المناسب مابي شي يطلع ثقيل و بعد مابي يطلع شفاف

دلوله شنو فصلتي و عند من عطيني التفاصيل الاسعار هالشغلات

هلا فيكم

ام جواد

ماعليج شر انشالله
اهم شي راحتج وطمنينا عليج


مراوي
هلا وغلا
الله يسلمج انا مافصلت انا حصلت جاهزين وشحلوهم وارخص من اللي يخيطونهم لا وقطعتين ساده من تحت ومطرز من فوق روووووعه وايد حلوين احسن من العباله الا ضيج والا شفاف والا مو مرتب انا افتكيت وكله فيهم شرايط وحركات وايد حلوين ... انتي من اي منطقه علشان اقولج يمكن تعرفين المحلات؟؟

انا خذت لي 6 فساتين كل واحد احلى من الثاني وماطلع علي قيمة 2 من التفصيل
28 دينار بس

السلام عليكم اخواتي جميعا ... انا كانت اخيره دوره عندي بتاريخ 2/8/2005 و انشاء الله الولاده بتاريخ 9/5/2006 دعواتكم ب السلامه

مراحب فيكم جميعا
سوري تأخرت عليكم اليوم بس كاني دخلت هاه شخباركم بنات وشخبار البيبيات عسى مو معذبينكم من المصارعه اللي داخل ههههههه فديتهم والله يا حلوات انا ما شريت لي ولا شي ولا فصلت لي شي للولاده يالله دلوله خبريني انا بعد من وين فصلتي لج ثياب يمكن اروح انا بعد انا محرقاويه قولي لي اسم المكان وفي وين وخل نروح نجوف اشورانا احسن من اروح اذبح روحي مداور يالله احصل او ما احصل .... اممممممممممم وعن التوزيعات انا بعد تحمست وكاني ادور افكار وعطوني اسماء محلات لقيتو عندها شغللات حلوه وجديده :clap::clap::clap:
لي عوده

مرحبا نداء حياها الله معانا :)

بعد سابقتني يعني انتي و دلوله تقريبا مع بعض تسابقون و انا و ام جواد نسابق .. حلو السباق يا عالم :)

دلوله انا ساكنه في المنامه بس مو مهم وين صاير المحل يمكن اعرفه لاني ماظل مكان مالفيته و و اعرف كل الاسواق و المحلات اللي فيها و اذا ماعرفته مو مشكله زوجي اكيد اذا بوصف له بيدل




ام هديل التوزيعات تحصلين بكل مكان شغلات تجنن بس المهم يكون الاسعار معقوله بعد
امس رحت بيناكا السلمانيه اسعاره غير طبيعيه تطلع 48 توزيعه على 160 دينار ولا 200 دينار وهم مافيهم شغل ابداع مجرد تلصيق شرايط و هالحركات الجاهزه

شوفي الحرز اللي في مدينه حمد عجبوني عنده بعض الحركات

او حديقه الازهار في القضيبيه

او روشان في الرفاع

اهم شي لاتاخذين توزيعات يكون سعرها فوق الدينار لان بتكونين مضروبه من الزين لان اغلب التوزيعات تتراوح بين 600 فلس و 800 فلس و للحين ماشفت شي فيه ابداع يستاهل مثلا دينار او اكثر

هلا حووامل اشحالكم؟؟؟
اسمحوا لي ما دخلت النت هالفترة لأني أقوم من الصبح بس ما أدخل أحس أكون مشغولة واايد و خاصة هالأيام العمه مريضة و قاعده هنا و تعرفون الوضع كيف..
المهم أنا خلصت أغراض البيبي أخيرا بس باجي لي أحطهم بالشنطه و ثيابي بعدها في الخياط يوم الجمعة ودتهم أختي لي الخياط لأنها تحب ترسم موديلات جلابيات و تشرح الشكل للخياط و هو يفصلهم أنا بس رحت اخترت الدانتيلات و هي اختارت معاي القطع و الأشياء الإضافية إللي بتنحط ع القطعة و إن شاء الله تطلع حلوه-صراحة هي ترسم و تقول حلوو - طبعا أنا ما فاهمة شي من الموديل -أنا أقوول لها حلوو و ما أخاف صراحة من ذوقج انتي ارسمي و أنا موافقه ع الرسم..
وبس هذي آخر أخباري...باجر عندي موعد...

حصلت لكم بعض العبارات و اتمنى تعجبكم و بعد بدور غيرهم و بخبركم...


للبنت : حضرتوني بلفتي وان شاء الله تحضروني بزفتي

--------------------------------------------------------------------------------
(( شيلوني بحنية دي ماما تعبت فيه ))
(( يا بابا يا خالد سميني على اسم الوالد ))

--------------------------------------------------------------------------------
هلا باللي على الدنيا حضر هذا (اسم المولود) عسى عمره دهر

-------------------------------------------------------------------------------


كانى وصلت كانى
يماه يماه جهزى مكانى
--------------------------------------------------------------------------------
ادعوا لي بالحفظ والهداية (( اسم المولود ))
--------------------------------------------------------------------------------
شيلوني بحنان انا عطيه من الرحمن
--------------------------------------------------------------------------------
اقبلت والنور يتبعها من حسنها الله ما اجملها ( ..... ) بين كل الناس ما اجملها
......................................................................
يا أغلى هدية من الخالق
تتمنى العين ما تفارق
أجمل وأروع مولود
هل بوسط الخلايق
***

ألف مبروك للحلوين
بقدوم أغلى الغاليين
الله يبارك فيه ويعين
كل من تعب من أجله أمين

***

يا أغلى الناس والغاليين
مبروك عليكم أحلى الحلوين
الله يديمه لكم يا رب
ويجعل دربه اليقين

***

مبروك ويتربى بعزكم
ويجعله قدم السعد عليكم
وإن شاء الله ما يخيب ظنكم
ويبارك فيه ويسعدكم


***
كنتوا بالعيلة 2
واليوم بقدومه 3
عقبال اللي بعده يا رب
وتزيد العيلة أحباب

***

بقدومه هلت البشاير
وبصوته هز المشاعر
الله يحميه من المخاطر
ويجعله دوم طيب الخاطر


***

بكرة تمر السنين
وتشوفوه أحلى الشباب
يوقف جنبكم ويعين
وكل المصاعب تلين


***

حملتيه تسع شهور
واليوم جاه ألف مبروك
والكل وهبه أجمل شعور
وصار بالعيلة مشهور

***

يا هلا بيه وبقدومه
أسعد الكل بوجوده
نعمة من الرب شوفته
وكل الي حوله يحبونه

***

بقدومه أشرقت شمس الشموس
وصار بهجة كل النفوس
نور على دنيانا وجوده
ومن اليوم بنحجزله أجمل عروس
***

تبدلت بوجوده الاوضاع
وصار كل شيء رائع
الله يديمه لكم يا رب
ويبعد عنكم الاوجاع

***

ما شاء الله
العين تسر من جماله
تبارك الله
يا زينه في دلاله

***

زمان أول تحول
ما حد يبقى على حاله
بقدومه كل شيء يتغير
الله يديم الفرحة ويبعد الزعل

نبض تسلمين حبيبتي وماقصرتين
الله يعطيك العافية

" هلا باللي على الدنيا حضر هذا (اسم المولود) عسى عمره دهر "

هذي عجبتني نبض :)

السلام عليكم شلونكم وشخباركم عساكم بخير

حيالله اختي نداء انا قبلج بيوم انا موعدي 8/5/2006 عاد ما ندري من بيغلب فينا


نبض مشكورة الغالية على العبارات وايد حلوين وانقذتينا


ام هديل
شلونج وشخبارج عساج بخير


مراوي وهديل في محلين واحد في الحد صوب دار يوكو عنده فساتين نسوان محل صغير بس عندها اشيه حلوة والمحل الثاني في الحاله مشاهد مركز شرطة الحاله واسمه بوتيك الأمثل


ام جواد
عسى ما شر وحشتينا انشالله اشوه ظهرج

ساعدوني
الحقوني
انجدوني

البارحه كانت عندي مراجعه في العياده و الدكتوره قالت لي الحمد لله كل شي اوكي بس البيبي واااااايد صغير
وزنه لين الحين كيلو و نص و انا باقيلي اسبوع و بدخل الثامن ؟؟؟ في خطوره علينا انا و هو ؟؟؟؟

و لا عادي

ساعدوني الله يخليكم و الله متوتره و احاتي