مجلس امهات شهر مايو 2006 حياكم

هلا والله

مراوي .خخخخخخخخخخخخخخخخ فديت سوالفج والله سالفتج مع الرباعي عجيبه عقب كل هالنطره

قالولج روحي تريقي .. زين تريقي مجوعه الولد ليش .. الله يهون عليج ان شالله

دلوله .. والله شسوي صرت اتملل من النت ماحب ادش وايد ومافيني حيل قعده تمنيت اني مخليه اللاب توب

بس انشالله بين فتره وفتره بطمنكم .. مشكوره على السؤال

مرحبا بنات

شلونكم جميعا

ام راشد شهالقطاعه انتي وام خلفان بالمره ماعاد نشوفكم :)

على فكره بروح اسوي الرباعي مره ثانيه عشان يصورون لي اياه يتحرك

بس زوجي يقول ماله داعي شنو حلاوه

ماعليي منه بس ان شاء الله اتذكر و اتصل اسوي موعد جديد مع عياده ثانيه

هلا بنات شخباركم؟؟
أنا أمس مادري شفيني،،،صابني زي الإكتئاب،،يمكن من قلة النوم،،وانعفس مزاجي حيل،وكنت عصبية طول اليوم،،،حتى الصبح يوم لقيت ماكو فايدة من قعدتي بالسرير طلعت برا الغرفة وأنا أصيح،،لأني من جد حسيت إني تعبانة من قلة النوم هذا غير الصداع
المشكلة إني أدخل وأنا ميتة من النعس بس ما أنام لي ساعة على بعض من التقلب والقومة للحمام،،بس اليوم الحمدلله أحسن حالي نفسيا أفضل لأني نمت أفضل من اليومين اللي قبل...يالله من جد أحس اني ابي أولد وارتاح
...............................
دلولة يسعد مساج شلونج؟؟
شهالنحاسة اللي فيج ؟؟تبين كل شي علي؟؟مادورتيني الا أنا؟؟أنا بالأيام العادية يوم في السنة لين طبخت ،،تبين العزومة تطيح على راسي؟؟
بس صج مادري شلون بتستمر علاقتنا كلنا حوامل المجلس بعد مانولد!!! أنا عن نفسي راح أرسل لكم ايميلي عالخاص قبل ما أولد بفترة،،يمدينا نجلس سوا ونسولف عن سوالف البيبيات وسوالفنا معاهم
...........................................
مــــراوي هلا وغلا
يانتي وياهالرباعي؟؟بس تعالي بسألك؟؟ الحين صور الرباعي واضحة واضحة؟؟ولا مثل السونار العادي بس الالوان غير؟؟
.......................................
نبض وأم هديل وأم راشد.........شلونكم كلكم؟؟عساكم بخير

أم جواد..
الحمدلله أنا تمام و يسرج الحال...
انتي اشحالج...

ام جواد الصور طبعا اوضح من العادي

العادي ماكان يبين شكل خشمه مثلا او رسمه فمه ولا خدوده

بس الرباعي مبين هالتفاصيل بس مثل ماقلت لك وضعيته اهي اللي تحدد درجه الوضوح

كل ماكان وضعه احسن كل ماطلعت الصور اوضح


باجر عندي امتحان و توني اليوم بديت ادرس و ماخلصت بعد
و غير هذا قالبه البيت فوق تحت مسويه حمله تنظيف للشقه كلها مره وحده

الحين ولا غرفه جهزت و البيت قايم قاعد وانا يأست :(

هلا نبض أنا الحمدلله تمام أسأل عنك

مــــــــــــــراوي مادوّرتي الشغل بالشقة الا اليوم،،كان بديتي الإختبار أول وشغل البيت لاحقة عليه
أنا عن نفسي من قبل الحمل للحين آخذ لي شغالة بين فترة وفترة عشان تنظف لي شقتي ،،نظام ايجار عندنا،،بصراحة هالفترة مافيني شدة على شغل البيت وأخاف على حالي من التعب،،ومن قبل الحمل بعد أحس حالي ماعرف أنظف عدل
عموما لاتيأسين ولا تتأزمين أنتي ذاكري الحين وبكرة كملي الشغل،،،وبالتوفيق انشالله

ام جواد..
سألت عنج العافية..مشكورة الغالية تدرين اليوم عندي ألم في آخر البطن و بعد تكرمين تحت يألمني..
بسألكم خواتي تنزل لكم افرازات بدون لون - منأرفه من هالشي كل شوي أروح بيت الراحة و أتنظف..ردوا علي طمنوني أحس مستحيه اسأل أهلي..

هلا نبض
لو على الألم انا أحيانا أحس بألم أسفل بطني وساعات مثل ألم الدورة على خفيف ،،بس هاذي كلها اشياء تمهيدية
لو على الافرازات أنا ملاحظة فعلا أنها زايدة وسألت خواتي قالوا لي عادي>>>>مافي شي أسأل عنه الا قالوا لي عادي
بس حتى الدكتورة قالت لي ان الافرازات تزيد هالفترة،،على العموم انتي لاتضايقي حالك ،،استخدمي الفوط الصحية،،انا صرت استخدم كير فري اللي مو معطّر،،لأن لو ما استخدم بحس بالبلل طول اليوم،،وهذا إحساس مش مريح

مشكورة الغالية ..
طمنتيني
أنا من تزوجت و أنا استخدم كير فري(وأحس براحة تامه منه حتى ملابسي الداخلية ما تتوسخ)

شدعوة يالغالية لاشكر على واجب
بس مثل ماقلت لج مو تستخدمي المعطّر لأنه ماتصلح الاشياء العطرية للحوامل
ومثل ماقلتي اهو فعلا مريح وخفيف ماتحسين فيه

أم جواد بخبرج شو الأسماء إللي ناوية أسميهم للبيبي و أبا رايج..
إذا ولد أكيد بسمي خليفة(على إسم صديق زوجي المتوفى..
وإذا بنت ناويه أسميها حور(صح عندنا في حينا ثنتين مسمين الاسم بس أنا داخل في خاطري حتى زوجي داخل الاسم في خاطره و أحاول معاه عشان اي اسم ثاني بس ما راضي..(إذا عندج أسماء بنوتات حلوه قوليلي)

تركت كل شي
التنظيف و الكتاب .. على قوله امي بخلي القرعه ترعى

نبض حور اسم حلو ولو ما انه دلع اختي كنت بحطه في قائمه الاسامي حق البنت لما كنت مفكره اني بجيب بنت

انا كنت حاطه في بالي اذا بنت بسميها اما

لين

رانية

ديمة

داليا

بس اغلب شي كنت ابي لين بس زوجي ماكان موافق ففكرت برانيا

الحين لا لين ولا رانيا .. الحين طلع باشا :)

هلا بنات
نبض ياهلا...انا كنت أحب من اسماء البنات لينا و جنى،،بس الله كتب لنا الولد فراحت علينا اسماء البنات
والأولاد أنا احب اسم هيثم وميثم بس ريلي كان يحب اسم جواااد موت فماحبيت ارده
والله يانبض اسم حور مررررة حلو

دلولة وينج اليوم؟؟لج وحشة

مــــــــــــراوي كيف المذاكرة؟؟؟تمام؟؟

قريت المطلوب بس المذاكره باجر قبل لا اروح براجع

ماعرف اذاكر من اول مره لازم اقرا الموضوع واحدد شنو النقاط الرئيسيه وبعدين ابدا المذاكره اني اراجع النقاط اللي اشرت عليها بس

و طبعا هذا كله مايصير بيوم واحد :)

والله يامراوي ذكرتيني بأيام المذاكرة الله لايعودها
ســـــــهـــــــر للصبح وتصدقين عاد لازم أروح وفيه كم ورقة مو مخلصتها،،في كل الاختبارات ،،اذا اخلص المادة معجزة
لازم تظل لي كم ورقة او محاضرة على الاقل،،،تجيني حررررة اذا اخلص المادة كلها
والله حالة أيام الجامعة والاختبارات

هلا بنات شلونكم؟؟
مــــــــــراوي شخبارك؟؟وشلون الإختبار انشالله تمام؟؟بالتوفيق ياقلبي

نبض هلا وغلا؟؟شلونك من التعب؟؟انشالله بخير

دلولة يالغالية وش الأخبار؟؟ وين هالغيبة؟؟تتغلين علينا؟؟شخبارك وش مسوية؟؟

أم هديل مــــــــراحب؟؟ كمان لك غيبة ...انشالله تكونين بخير...
ولجميع بنات المجلس سلام بدون استثناء...
.....................................
انا انشالله اليوم المغرب عندي موعد وباشوف كتكوتي الصغير،،اذا في وحدة منكم تحب تستفسر عن معلومة معينة بخصوص الحمل وتحب اني أسأل الدكتورة عليها،،أنا حاضرة وبالخدمة لغاية الساعة 6 لأن موعدي الساعة 7 ولازم أكون قبل الموعد موجودة
أنا كالمعتاد عندي كم سؤال حاطتهم بالموبايل،،على قولة ريلي انتي لو يضيع تيليفونك تضيعين معاااااه،،ايه والله كل شي مخزّن في هالجهاز،،لأن الواحد ينسى ساعات
.....
امس مارتحت بالنوم،،مو بسبب ألم الظهر،،لأن الحمدلله صار لي يومين أحس أنه خف،،بس أمس أحلامي كلها كوابيس في كوابيس ،،شي مو مريح
يعني نرتاح من شي ويطلع لنا شي ثاني

بتسوين الرباعي اليوم ام جواد؟

عاد اول ماترجعين علمينا شصار شسويتي و شنو رد فعلك لمن شفتيه :)

انا اختباري الساعه 8 و ييت بنام شوي الحين عشان اقعد اراجع بعدين جان تطري عليي افكار حق التوزيعات و حق الستاند و زينه المدخل شلون اسويها و متى اروح احجز و طبعا طارت النومه عشان جذي قلت ادخل النت شوي عشان ادوخ و انام :)

هلا مـــــراوي
لا حبيبتي ،،أنا اليوم عندي موعد عادي،،لأن الرباعي مو بنفس المستشفى اللي اتابع فيه
بكلمهم اليوم ،،لأن الاسبوع الماضي قالوا لي الجهاز بيكون في الصيانة،،لمدة اسبوعن،أنا مبيها تطول،،لأن اذا طالت ماراح اسويه
يالله الله يكتب اللي فيه الخير
....................
حواااامل شفيكم اليوم؟؟ماحد منكم دخل غيري وغير مــــراوي
كل هذا خمووووول وكسل،،،يالله ننتظركم ونتتظر أخباركم عسولات

هلا بنات
أنا منقهرة كتييييييييييير،،اليوم رحت موعدي وللأسف الدكتورة كان عندها حالة ولادة مستعجلة وتكنسلت باقي المواعيد :down:
كان ودي أشوف كتكوتي،،،وحشني،،،الحين مابشوفه الا عقب بكرة،،يالله بعيد:cry::cry::cry:

الله يعينك صج قهر و حرقه قلب

انا يوم اللي عندي موعد من الصبح كانه العيد و كل تعب او ضيق يهون عليي بذاك اليوم عشان اني بروح اشوفه

ولو يصير لي هالموقف مادري شممكن اسوي احس ابي ادخل على اي دكتوره بس المهم اشوفه