مجلس امهات شهر مايو 2006 حياكم

هلا حواااااامل ..
الحمد لله إن العبارات أعجبتكم..
مراوي العبارة إللي عجبتج و الله ما تغلى عليج اخذيه و عشانج بسوي لج خصم يعجبج(r)
مبدعة دبي..
هلا فيج بس للأسف ما ‘رف شو الرد لأن هذا أول حمل لي..أن شاء الله الخواات بفيدوج..

هلا اختي
والله ماعندي فكرة لأن هذا حملي الأول،،انشالله البنات يكون عندهم خلفية عن الموضوع
بس لاتحاتين انشالله كل شي بيكون بخير
............................
مـــــــــراوي،،نبض،،دلولة وأم هديل وباقي البنات
شلونكم انشالله بخير

هلا ام جوااد أنا الحمدلله تمام و اليوم كانت عندي مراجعة في المستشفى..
والحمدلله كل شي تمام دمي وصل 11.3و اتمنى أرفعه زيادة و بالنسبة لباقي التحاليل كلها تمام و الراس خلاص تحت و قالت لي الدكتورة بس من أدخل التاسع بينزل الراس في الحوض(الحمد لله،سبحان الله)..
هذي أخباري و ألحين بطلع بروح أصلي الظهر و بناام ما لي خاطر أتغدا يوم بقوم بكل...
أشوفج إنتي و الباجين ع خير
مع السلامة

مبدعه دبي وزن البيبي جدا طبيعي و ماعليك بعض الدكاتره يمصخونها يبون البيبي عند ولادته يكون 3 و نص

حمد لله اذا صار 3 و نص عند ولادته زين بس ولادته تكون صعبه و الاغلبيه ينولدون و هم كيلوين و نص او اقل بشوي و هذا وزن طبيعي

ماتخافين ولدك مو صغير لان انا بأخر موعد لي كان وزن ولدي كيلو و 400 غرام و انا تقريبا بعد 10 ايام بدخل الثامن يعني تقريبا مثلك وانا الدكتوره قالت لي كلش تمام طوله و وزنه الحمد لله كلهم طبيعيين

ماعليك من هالدكتوره و ياما بتسمعين منهم

=========================

مشكوره نبض ماقصرتي :)

==================

ام جواد حمد لله انا بخير و شكرا على السؤال

باجر موعد الرباعي الصبح .. والله كاني بدش امتحان :)

=================

دلوله و ام هديل و باقي البنات ان شاء الله كلكم طيبين

هلا مــــراوي
تدرين عاد أنا انتظر الرباعي اللي بتسوينه بفارغ الصبر،،كأنه موعدي بكرة مو موعدك،،، بس ابي أشوف النتايج وانشالله تكون واضحة وترضين عنها
بس ما يحتاج أوصي من ترجعين على طول تدخلين وتقولين شصار.. اتفقنا؟؟

دلولة وين اليوم مادخلتي؟؟ وحشتينا...شخبارج؟؟

هلا بنات
شفت لكم شي قلت أكيد بيعجبكم وانا أتصفح موضوع من مواضيع المنتدى
تعرفون الجهاز اللي ينحط عند البيبي وتسمعينه لما تكونين برا الغرفة،،، وحدة من البنات برابطة يونيو حاطة الرابط هذا وحبيت انا كلنا نستفيد منه جميعا
هذا النوع يجي بكاميرا وصوت بس طبعا في اوناع غالية شوي وبالطلب
أنا عن نفسي عجبني،،وانتظر ريلي يجي من الدوام حتى نشوف الانواع ونشوف الأفضل
http://products.ivillage.com/search_attrib.php?page_id=1065

:flower:هلا بنااااااااااااااااات شخباركم :flower:
والله انا اليوم نفسيتي حلوه :up:عكس كل يوم اقعد مترفزه وحالتي حاله:down:

مراوي باقي البنات شكرا على السؤال
مبدعه دبي ما عليج من كلام هالدكاتره محد معقدنا الا اهمه انا يوم بلسادس كل تقول لي اني بطنج صغير وما يبين انج بلسادس ومدري ايش وخوفتني عقب رحت التخصصي عند الدكتوره فرح وسوت لي التراساوند وكان دقيق وايد وقالت لي حجم البيبي تمام وطبيعي ولا تخافين .. ليش اروح بعيد صديقتي توها ولدت قالو لها يوم اهيه بلثامن البيبي صغير وللحين ما نزل راسه تحت وهذا خطر وكاهي خلصت الشهر التاسع كله وزادته 10 ايام وعقب ولدت وولدها وزنه فوق الطبيعي وتعبت بولادته هههههه جفتي اشلون يخوفون .. خل ايمانج بالله قوي واهوه بيحفظش وبيحفظ البيبي وبتفرحين فيه تراني اعاني منهم اكثر منج ..

نبض الامارات عباراتج حلوه بس كلها عن لولاد بنوتات ما فيه ؟؟؟؟:cry::cry:

ان شاء الله بدخل و بخبركم شصار معاي ام جواد .. بس المعلومات بفلوس <<<< وحده بتستغل الوضع :)

======================

ام هديل في عبارات حق البنات حلوين بدورهم عندي و بحطهم ان شاء الله ولاتزعلين :)

دلولة الظاهر يبي لج انذار
كأنك زودتيها،،،والله أحاتيج انشالله تكونين بخير وعروستنا مو متعبتنج

ان شاء الله ماعليها شر

بس مثل مانتي خابره هالايام الوحده المفروض انها كل ليله بالاسواق تخلص اشغالها

و ماتردين الا ظهرك بينقسم نصين من التعب فأكيد دلوله مشغوله بالتجهيزات

هلا وغلا مــــــــراوي
انتي شخبارك؟؟ والله حاسة اني متمللة ، وزهقانة،والبنات اليوم مادخلوا كلهم بوقت واحد
يادوب طلعت مع ريلي شريت كم حاجة>>>ماتخلص طلباتي،،، لا ومتشهية على ورق عنب وطلعنا شريناه لو ما أكلته كان بيصير فيني شي
شفتي ؟؟ شكلي انهبلت

عادي عالاكل يصير خاطري بعشرين اكله بنفس الوقت

وجبه من كنتاكي و باستا و شاورما .. ماعرف شختار :)

السلام عليكم

شخباركم عساكم بخير
ياربي وانا كل يوم اقوم قبلكم يعني بسكم نووووووووم قوموا


ام جواد
لا تحاتيني ماعلي الا العافيه اسأل عنج انتي شخبارج وشمسويه عساج بخير ولا تعطوني انذار هذي اول مره


مراوي
شلونج الغالية وشخبارج مثل ماقلتي كله في هالاسواق كلش ماصار عندي مجال امس ادخل وعقب مارجعت من السوق يايني اخوي ويبيني اسويله بحوث وانشطه وايد تعبت بس شاسوي مضطره .. طمنينا على الرباعي


نبض
شخبارج وشمسويه وشخبار البيبي معاج والمشي؟



ام هديل

شخبارج وشعلومج ها بشري انشالله النفسية اوكي وعقب ما خلصتي تقريبا التجهيزات

صباح الورد بنات.......شلونكم جميعا؟؟
دلولة ،، هذا اللي فاضية فيه ،،،بس كل يوم تقعدين من صباح الله وتقولين قعدت قبلكم!!!!:bigsmile:
اااااااااااااااااااااااااااه لاتذكريني بالنوم،،أنا كلمة النوم شلتها من قواميسي،،،يالله ألم الظهر اللي احس فيه اذا جيت أنام شي مو طبيعي،،،ماكو ولا جنب أرتاح عليه
شخبارج وشلون السوق؟؟حلوووووووة مو؟؟انا ابي اجي البحرين بس ريلي مو راضي،،،يقولي دايما تتعبين من ظهرش وبسرعة أخاف أوديج وتتعبين علي هناك،،بعدين انا شسوي..؟ قلت ماكو تعب ولا شي وودي اروح السينما قبل لا اولد،،لأن بعدين اذا جى الياهل ماكو لين يكبر شوي>>>>>شوفوا شلون افكر
وابي اروح السوق،،يقول لي للسوق مايوّرج ظهرج ها؟؟ صج عيّارة:o
.............................
مـــــــــــــــــــراوي ؟ شخبارج؟
شلون الرباعي؟؟والله انا فضولييين بس شنسوي نبي نضمن مستقبلنا
احنا مستعدين ندفع فلوس للمعلومات :D بس عاد لاتزوديها ترى احنا فلّسنا من مصاريف التجهيز:smile:
......................
باقي البنات شلونكم حبيباتي؟؟

هلا حبيباتي اشلونكم حعساكم بخير انا بخير والحمد لله

اليوم وراي طلعه اتشرى لي فيها اغراض لما بعد الولاده
مراوي يالله خبرينا عن الثلاثي نبغي نعرف احتمال اسوي انه بعد خخخخخ
بنات عندي سؤال للحين من الصبح ارجع وانتو بكرامه !!! هل هذا الشي معاكم يصير؟؟
شي ثاني دوم تجيني تخيلات اني راح اولد قبل موعدي مدري ليش!!! يجيكم هذا الشعور او لا؟؟

هلا أم هديل شلونج؟؟
بالنسبة للترجيع انا والله الحمدلله ماعندي،،بس هذا شي عادي وفي بعض الحوامل تصيبهم نفس حالتج،، طبعا من وحدة لوحدة يفرق الحمل
اما عن الأحلام فحدّث ولا حرج،،،اللي يوم نولد قبل موعدنا ،،، ولا مرة قيصيرية،،، ويااااااااااااااااه أحلام ماتخلص وكل يوم أجيب ولد شكل
والله احنا مابنرتاح الا لين ولدنا بالسلامة كلنا انشالله

مساء النور

رحت الموعد حق الرباعي اليوم

تخيلو اني من 10 و نص واصله المستشفى ماطلعت الا 1 و ربع

توني راجعه البيت من شوي حدي دايخه حتى صلاه استغفر الله ماقدرت اصليها الا بعد ماانسدحت شوي

ابي اعطيك كل التفاصيل عن اللي صار اليوم بس لاني تعبانه الحين مابي اقطع لكم بالتفاصيل خل اعلمكم بعد ما ارجع لكم بالليل

<<<<< مو كانها تبي تحرق اعصابكم؟ :)

وااااااااااااااااااااااااااااااااااي منج مراوي اتسوين لنا حرب اعصاب :think::eek2:
ام جواد تسلمين عزيزتي على مشاركتج انه مب احلام تجيني لما اكون نايمه لا انا وانا صاحيه يجيني دوم احساس اني راح اولد قبل موعدي .. مع ان البكر يقولون تتأخر وامي تقول لي توج 23 سنه ما تعرفين شي من جذي خايفه ودوم تطمني بس مدري احساس يجيني جذي مرااااااااااات كثير واخاف منه

مراااااااااااااااااااحب ..


شلوووووووووونكم .. انشالله كلكم بخير


انا بخير وبنتي بخير فديتها صرت الاحظ حركتها بشكل وايد كبير


احس بكوعها خخخخخخخخخخخخخ ..شي فضيع بصراحه

بشروني عنكم