مجلس امهات شهر مايو 2006 حياكم

الحمد لله اليوم طلعت بنتيجه طيبه :)

شريت بعض الهدايا اللي بوديهم المحل يسوي لي فيهم تنسيق و بشوف اي احلى هو اللي بسوي منه توزيعاتي

بصورهم لكم وبوريكم اياهم قبل التنسيق طبعا :)
وبعد وديت فصلت لي 3 بنطلونات حق الحمل اسود و بيج و بني لاني احتاج حق هالالوان و طلعو عليي يا بلاش المحل يفصلهم مع القماش من عنده بس انا جبت له القماش الستريش حق البطن .. ثلاثتهم طلعو عليي ب5ا دينار بس :)

و فصلت عنده مريله جينز و استلمتها اليوم طلعت مرتبه بس سويتها طويله وايد يبيلها تقصير سوالي اياها ب6 دينار و الجينز من عنده

<<<<< مستانسه تحس انها مسويه انجاز :)

ام جواد مادري من شنو هالحرقه اللي تحسين فيها بس فعلا مثل ماقالت اختك الخيار وايد يبرد الحموضه

هذي مثل خشخاشه اطفال صغيره و تطلع صوت بعد و في منها ازرق و وردي
طبعا انا ماخذه الوان ازرق


هذي صينيه صغيره هذي افكر اشتريهم اسويهم بروحي بتنسيقي لاني ابي بعض التوزيعات انا اللي اشتغل عليها بروحي


هذي زجاجيه مثل ماانتو شايفين و داخلها حبوب ورديه او زرقة


و هذي رضاعه بلاستيكيه صغيره ازرق


هذي بعض الشغلات اللي شفتها و اخذت من كل شكل حبه عشان بوديهم محل اتعامل معاه يسويهم لي توزيعات بشوف اي احلى شكل اهو اللي بعتمده :)


و بالمره بوريكم صوره السله الحاضنه اللي سويتها



هذي الحاضنات كانو بالمحل , انا سلتي مثلهم بس غيرت بدل القماش المخرم اللي بالاطراف انا شريت ترتر عريض و اهو سوالي اياه منكوش فطلع وايد حلو بس اهي عند امي ولا كنت صورتها لكم :)

يالله شاركو بسرعه خل تطلع صفحه ثانيه ما استحمل الصفحات اللي تصير فيها صور كبيره

هلا مراوي

شهالاشيه الكشخه والله حلوين

انا شايفه هالحركات عند الحرز اللي بسوق واقف نفس الأشيه والله وارخص من غيره يعني التنسيق بالكاكاو 600 فلس للحبه الوحده وايد عجيب

هلا مــــــــراوي شخبارج عيوني
ماشاء الله ليش انجازاتك اليوم حلوووة وطلعتي بنتيجة،،انشالله أحلامك تتغير هاليومين
حلوووين الصور ياقلبي بس عجبتني آخر صورة مرررة،،،وين هذا المكان عندكم بالبحرين بالضبط؟؟
انا مالقيت للآن شغلات تعجبني مرررة من هالنوع عندنا..شكلي لازم اجي البحرين

دلولة شخبارج ياعسل ووحشتينا وين لاحس ولا خبر؟؟

هلا ام جواد
انا بخير دامج بخير بس اليوم طلعت رحت بيت الأهل ورجعت متأخر من جذي
طمنيني عليج شخبارج انتي وشخبار الحرقة معاج انشالله خفت؟

والله بخير ياقلبي ووحشتني سوالفج يالغالية
انا اليوم الحرقة معاي تمام ،،،خفيفة اليوم الحمدلله،،صرت أخاف من الأكل
شخبارج مع التجهيزات عيوني؟؟
شفتي الاشياء اللي صوّرتها مراوي،،حلوووة والله،،بس أكثر شي عجبني الحاضنات اللي هي آخر صورة،،حتى سألتها عن الاماكن اللي عندكم بس اهي طلعت؟؟

الحمد لله لا لا تقولين تخافين من الأكل اكلي كلش شي وعليج بالخيار مع الروب وايد يبرد

اي تجهيزات مراوي وايد حلوة
وانا ما ادري عند من خيطت لأن عندنا اماكن وايده

وانا باجر الصبح انشالله بروح اتفق مع محل التوزيعات والديكور واخلص وملابس النفاس يبتهم اليوم ووايد حلوين ومرتبين

يله حبيبتي اخليج انا الحين لان وراي قعده الساعه 5 ونص علشان اصلي واروح بيت اهلي
تصبحين على خير يالغالية

وانتي من أهله حبيبتي وأحلام سعيدة ونوم العوافي ياعيوني
اشوفج بكرة على خير
مع الف سلامة

صباااااااااااااااح الخير يا كسولات...
أنا قايمة من الصبح بس ما دخلت النت عشان كان عندنا ناااس في البيت لأن جدة زوجي-عمة أمي-مريضة وقاعدة عندنا في البيت-أنا ساكنه بيت عمي طبعا لحد ما تتحسن الظروف بنطلع بيت بروحنا...
مراااوي صراااحة التجهيزات وااااايد حلوووة...

أمهاااااات شهر مااايو يالله كل وحدة تخبرنا عن عبارات حلوه مجهزتنها سواء للتوزيعات أو عشان تبشر بيها بولادتها..
أترياااااااااااااا ردودكم يوم بتقومون من الرقاد...

هلا وغلا بنات
انا اليوم تأخرت تعرفون التقلب في النوم ومايسوي،،، بس الحمدلله نمت لي شوي مع ان الاحلام ماتركتنب في حالي
كل الاحلام عن التجهيز للبيبي والالوان والحركات اللي بالسوق،،احنا على الاخر شكلنا بنجن
دلولة غريبة يالكسلانة مادخلتي اليوم؟؟ تتكلمين علي اذا ماقمت بدري
نبض هلا فيج والله لج وحشة،،بالنسبة للعبارات والله ماعندي شي،،طرحنا الموضوع كذا مرة بس ماك ردود بخصوصه

هلا ام جوااد أنا بحاول ادور عبارات في النت و إذا حصلت بخبركم ...

مساء الخير

حمدلله عجبتكم الشغلات طبعا هذي للحين ماصارت توزيعات العصر
باخذهم للفلبيني يشوف لي فكره لهم و مثل ماقلتي
دلوله شريتهم من الحرز اللي بسوق واقف
و بعد بمر على بيانكا اليوم اشوف شنو عنده و اذا عجبني شي بوريكم اياه


ام جواد الحاضنات مسويتهم عند محل في جدحفص اسمه بيبي بورن
و شغله وايد حلو مرتب و نظيف و بسعر مناسب بعد


مشكوره نبض حمد لله عجبتك الشغلات بس خل ينسقها لي و برجع احطها مع التنسيق :)

يالله نترياها عشان نقول لج راينا بعد التنسيق

على فكره البارحه حلمت بفكره حق الستاند مال التوزيعات و فعلا كانت الفكره جديده و ماشفتها قبل

يعني غير عن افكار الشجر او السلالم

بشرحها للفلبيني اليوم بشوف شنو يقدر يسوي

احس الفلبيني يقول في خاطره: والله توهقت في هالزبونه :)

هههههههههههههههههههههههههه
الله يعينه ع ما ابتلاه-امزح تراني-خله دامج بتدفعين له بيزات طلعي الأفكار من عيونه و خله يشتغل
الله يعينج..

مرحبا حوامل شلونكم:smile::smile::smile: سوري صار لي فتره ما دخلت لاني انشغلت شوي في بيت عمي يوم الخميس ويوم الجمعه في بيت اهلي عموما عندي لكم بشاره تراني كملت اغلب الاشياء يعني ثياب وهشغلات بتاع البيبي بقى لي الاشياء لالي اشتريها من الصيدليه وعلى فكره صوره السلاه وايد حلوه ومثل اللي سويتها بس انا لونها وردي بس انا سويتها بمحرق هندام الطفل وجفت مثلها بعد في قطوف بلرفاع وكانو بجميع الالوان وعن المالبس شريت اغلب الاشياء بس انا اغراضي ولا شي خخخخخخ
التوزيعات للحين ما شريت ولا فكرت حتى شنو بسوي بس لفيت كذا محل وعجبتني اشياء حلوه بلزنبقه بلمحرق وكانت افكار جديده
وكلكم تحلمون الا اانه لاني مقدر انام اصلا الا الصبح بطني صاير حلبه ملاكمه 24 ساعه فمقدر انام الا الصبح هههههه:dd:

هلا بنات شلونكم؟؟
مـــــــــــــراوي يانتي وياهالاحلام....مابترتاحين منها الا اذا ولدتي......
الغريبة اني أمس حلمت بالصورة اللي قلت لك أنها عجبتني،،،ريلي يقول لي اني مجنونة ويبغى لي علاج،،من يعجبني شي أحلم فيييييه على طول
يقول مايحتاج قولي وبنآخذه مو كل يوم حلمانة بشي،،على مايطلع الياهل الا وانتي حلمانة بكل محلات البيبيات والشغلات اللي منها
شنسوي بعد هاللون احنا نفكر مانقدر نتغير؟
تصدقين عاد كاسر بخاطري هالفلبيني...شكله هو اللي بيعطيك فلوس وبيقولك دوري على احد غيري يابنت الحلال>>>:smile:
تعالي صحيح ،،،متى بتسوين الرباعي؟؟؟نبي نشوف النتايج شلون؟؟ مو تتأخري عليه،،لان لو تأخرتي بيكون الياهل كبر ويمكن بتقل حركته فمابيتحرك كثيير
انا باسويه الاسبوع الياي دام كتكوتي في عز حركته عشان كل شي يكون موجود بالسي دي،،مابي اروح وهو نايم>>>> على كيفي:D
.............................
دلولة وينك اليوم؟؟مابينتي؟؟ طمنينا عليج؟؟
........................
أم هديل....شفتي شلون استفدتي منا،،،خليناج تتحمسين للطلعة وهذا انتي مابقي عليج الا اشياء بسيطة،،لو على البطن اهو حلبة ملاكمة واهو ملعب
صارت بطونا أي شي

السلام عليكم شلونكم وشخباركم عساكم بخير

حبيت اسأل عنكم