مجلس امهات شهر مايو 2006 حياكم

أم هديل مبروووك ع التوقيع اخيرا سويتيه

هلا نبض اسكتي ما سويته الا بطلاع الروح :dd::dd::dd:
تعبت وانا اعفس عل وعسى يستون واخيرا استوو وصار عندي شريط انا بعد امشي عليه خخخخخ
الظاهر انا بسوي انقلاب على الي متغيبين اليوم خخخخخخخخ
وينكم دلوله ومراوي وام راشد وووووو وكلهم عسى ما شر؟؟؟

سندس حالك من حالي

انا بعد لحين ماشريت السرير لاني ماعجبني شي عند مذركير احسهم عاديين كانهم اقفاص

الحين افكر اروح السعوديه ادور لان قالو لي ان اسرتهم هناك احلى و في تشكيلات اوسع و ام جواد ماقصرت و عرفت المحل اللي تقصده بس المشكله اني اخاف اروح و اتعب من الدرب

احتمال اخلي زوجي يروح بروحه يصور لي الاسره الحلوه و يرجع يراويني الصور و غير مره يروح بروحه يشتري السرير

احس مالها الا هالحل

يا ليت يا اختي تعطيني معلومات عن المحل وعن اسعاره لاني والله احترت وللحين ما خديت السرير والوقت يمشي

يا ريت الاخوات البحرينيات يفيدونا ويا ريت السعوديات بعد يخبرونا عن محلات حلوة ممكن نروحها

هلا عسولات صباح الخير
سندس هلا عيوني...حبيبتي بأعلى هاذي الصفحة اقرأي ثاني مشاركة فيها،،انا كتبتها عن محلات السراير عندنا
وانشالله تستفيدين منها
..........
مــــــــــــراوي مرحبا
ها عرفتي الأماكن؟؟انشالله بس قدرت اساعدك
...................
دلولة حبيبتي شخبارك اليوم؟؟وكيف الانفلونزا معك انشالله خفّت شوي
...................
نبض وأم هديل شلونكم وشلون كتاكيتكم

أم جواد..
الحمد لله أنا زينه و الكتكوت بعد زين بس صراحة أتلعوز يوم يتحرك حركة بطيئة جدا أحس كأنه شي بيتقصص في بطني..لا هذا كوم و الكوم الثاني يوم يتكرفس في البطن و يضغط ع البطن من فوق و من تحت يألم أكثر..الله يعينا..

انتي اشحالج الغالية؟؟

دلولة عساج بخير و بصحة اليوم و الانفلونزا خازت عنج؟؟

مراوي..شخبار امتحاناتج و عفستها؟؟

أم هديل و أم راشد و سندس ...
اشحالكم الغاليات؟؟و شخبار الحمال معاكم..والنوم طبعاا؟؟

هلا نبض أنا الحمدلله بخير ودوم والله في بالي وأسأل عنك
أحس إنك تعيشين نفس معاناتي مع حركة الكتكوت ،،،بالضبط نفس اللي قلتيه يانبض أحس فيه بالذات وقت النوم
وعلى انه احساس يطير النوم من عيني،،الا انه احساس يفرحني ،،لأنه يحسسني أن كتكوتي بخير ومرتاح على الاخر في بيته

مشكورة و تسلمين ع السؤال أختي..
بس الله يعينا..

والله على النوم كوليش ما في نوم شوي حركه الجنين وشوي شد عضلي يجيني برجلي اليسار كل ما اتثاوب وشوي وجع ظهر واقوم الصبح وعيوني بتطلع من التعب

السلام عليكم

ام جواد ، مراوي ، نبض ، ام هديل ، سندس

شخباركم عساكم بخير ومشكورين عالسؤال الحمد لله انا الحين تمام وعال العال
والحمد لله الموعد كان اوكي وكل شي عدل وباجر عندي موعد التراساوند الساعة 9 وبشوف ارنوبتي وانشالله خير

طمنوني عنكم
ليلحين تدورين اسره .. بالنسبه لي انا ماشفت اسره ليلحين لأني معتمده عالسله وقلت لي عقب جم شهر يحلها الف حلال

هلا دلول
الحمدلله انك صرتي أحسن،،،انتو تآخذو السونار منفصل عن الموعد؟؟؟
أنا بكل مرة بمواعيدي آخذ السونار بنفس الموعد،،أحس جذي اريح
عن نفسي أنا خلّصت من السرير وأخذت كمان سلة،،بس تركيزي كان على السرير أكثر لأن السلة بالنسبة لي استخدامها قصير

هلا ام جواد

انا كل مره مواعيدي مع السونار بس هالمره تغير لأني كنت مشغوله امس وماكان لي خلق عاد اجلته لي باجر احسن

انا انشاء الله لي ولدت عقب شهرين او ثلاثه باروح اشوفلي سرير

هااااااااااااااي بنات شخباركم؟؟
ياما ياما،،، في موضوع عن الولادة فيديو مطروح من قبل البنات في المنتدى
عاد انا الهبلة قايلة مابدخل هالاشياء حتى ما أخوّف حالي،،كان أشوف الموضوع وأسوي حالي شجاعة وبطلة
المهم دخلت شفت بس المراحل اللي فيها الطلق لأن مافيها الا كلام وماتركز على شي يخّوف،،بس يوم شفت المره مجهزة حالها بتولد،،سكرته>>>بانت الشجاعة
لأني بصراحة مابي أفكر في الولادة كحدث مرعب خيف،،،أبي أجرب الشي بدون ما أشوف فيديوهات

لا وفي موضوع عن شق العجان ،،،مادري شفيهم البنات ناوين يخوفونا

شلونكم يا بنات عساكم بخير جميعا

توي قاعده من النوم :) وشوي بس عبال الخميره اللي بويهي تفش بطلع المحل اشوف التوزيعات شصار عليها

الا بسالكم انا هاليومين احس رجلي تنفخت عن قبل, كنت شاكه بس اليوم تأكدت لان في لي نعال الله يعزكم بالسياره صارلي بس يومين مالبسته

عاد اليوم الظهر بنزل من السياره قلت بحطه برجلي مارضى يدخل

من شنو هالانتفاخ يصير هل هو عادي ولالا

ماذكر بالضبط بس كاني قريت او سمعت ان له علاقه بالزلال او بالسكر الله يستر علموني عن تجربتكم

صج الشريط يريح القلب .. شوفو دخلني الثامن :)

هلا أم جواد..
أنا صراحة عن نفسي شفت فيديو ولادة طبيعية في موقع دكتور..و لحظة ما طلع الياهل و قعد يصيح حسيت بقشعريرة..لا تخافين خلج قوية..
بضحكج علي أمس أختي تكلمني عن الولادة وكيف!!المهم لما يات أمي فقالت لي أعرفج شو بتسوين يوم بتولدين(سيده بدون أي مقدمات قعدت أصيح و أضحك بنفس الوقت )قالت أمي أنا قلت انتي حساسة من راسج يعورج تصيحين..و قعدوا يضحكوا خواتي شكلي بسوي طاش ما طاش يوم بولد:pain::pain::cry:

هلا مـــــراوي والله ياقلبي ما أقدر افيدك لأن بصراحة مامريت بهالشي ولا عندي خلفية عنه
حطي موضوع بالمنتدى عنه يمكن البنات يفيدوك بتجاربهم
انا اليوم رحت موعدي والدكتورة قالت لي ان كل شي اوكي عندي بس وزني ناقص،،،تقولي اكلي زين،،لكن البيبي الحمدلله وزنه تمام كيلو ونص تقريبا...
انتو كم أوزان كتاكيتكم؟؟
حسيته اليوم كبر شوي وماقدرت أشوفه واضح مرررة بالسونار
...................................
نبض طاش ماطاش مرة وحدة
أنا مشكلتي أني جبانة شوي،، بس أحاول أقوي روحي هالفترة لأن البيبي محتاج لقوتي حتى يطلع ولازم أكون شجاعة
عشان جذي أنا مابي أخوف حالي بالفيديو،،،ابي أكتشف الشي لحالي

مرحبا بنات اشلونكم انا اليوم كان موعدي مع الدكتوره ومن حملت للحين زايد وزني 8 كيلو خخخخ ومن اخر موعد زايده كيلوين و800 ج ... ما علينا طمنتني الدكتوره عن البيبي وكلشي تمام كان عندي التهاب بس اللحين راح عني وطمنتني على الاخر ...
نبض انا بعد مثلج جفته وكلموني كثير عن الولاده اخاف بس شسوي لابد اني بجربه ...
مراوي هلا فيج خيتي واخيرا بينتي انشاء الله انتي بخير بس وعن الانتفاخ تراه عادي مو خطر اليوم بعد انه من خلال فحص الطبيبه على رجلي لاحظت الانتفاخ وقالت لي هذا عادي يصير مع الحمل بس حاولي تتحركي وتتمشي حتى الماي يتبخر من ريلج وماله دوى هذا مع الحركه يزول
دلوله شلونج وشلون البيبي عساه بخير ؟؟؟
باقي البنات شلونك عساكم بخير ؟؟؟

ام جواد اذا تقولي يمه مره اقول الف مره بس للأسف مدري وين راح الموضوع ادوره مب لاقيته ؟؟؟؟