مجلس امهات شهر مايو 2006 حياكم

بنات براويكم اشكال حق توزيعاتي انا بختار نوعين منهم بسويهم بشوف الاغلبيه شنو ترشح احلى شكلين

شكل 1

هذي اللي كانت صينيه

شكل 2

هذي كانت شكل زجاجي

شكل 3

هذي اللي كانت رضاعه صغيره

شكل 4

و هذي الشخشيخه

هلوووووووووووووووووو مراوي
حلوين كل الاشكال بس انا عندي شكل2 وشكل 3 انعم من الاول

انا عني بسوي بيضه مفقوسه وطالع منها فرخ صغير ومعاه زينه وحلاوه وبحاول احط لكم الصوره
بس افكارج حلوه بس شنو عن لستيج حق التوزيعات شنو بيكون؟؟؟؟

هلا مراوي..
أنا صراحة عجني الشكل رقم 2 و 4 وااايد.والناس أذواق
الله يعينج و حاولي تخلصي..
أنا برتب شنطتي هالأسبوع لأن خلاص الأسبوع الياي بدخل الشهر التاسع...الله يعيني!!!
هلا أم هديل و أم جواد و سندس يالله رتبوا الشنط يا كسالى...

ام هديل قصدك على الستاند حق التوزيعات؟
في بالي عشرين الف فكره و ودي اسويهم كلهم عشان جذي مو عارفه اي وحده اختار
بس باجر ان شاء الله ناويه اطلع المحل و احدد كل شي لاني مصختها مابقى الا شهر

ماشاء الله نبض خلاص اسبوع الياي يعني بتكونين تتريين الولاده بأي حزه وناسه صح :)
خبرينا شعورك شلون صاير

هلا بنااااااااااااااات
مـــــــــــــراوي حلوووووة التوزييعات كثير وحبيت 2 و4 أكثر،،بس هم الباقي حلووووين مررررة
بس بسألك انتي شريتي الأشكال منفصلة ووديتهم صح؟؟ شلون كانت الأسعار بالنهاية؟؟
انا صار لي فترة ادور على التوزيعات وأحس الأسعار شوي غالية على الأشكال اللي شفتها
..................
دلولة حبيبتي وينك؟؟ماكو حس ولا خبر؟؟عسى ماشر
طمنينا عنك قريب
............
نبض ،،، سندس،، وباقي البنات
شخباركم جميعا؟؟انشالله بخير

مرااااااااااااااااااااااااااااااااااااااااااااااااااااااااحب

وحشتوووووووووووووووووووني مووووووت


أدري اني قاطعه .. استااااااااهل العقاااب


عموما انا بخير والبيبي بخير .. وحبيت ابشركم ان المشيمه ارتفعت والحمدلله



انتوا شخخباركم

هلا ام راشد شرفتينا واخيرا لقيناج

الحمد لله طمنتينا عنج وعن البيبي وياربي تقومي سالمه
وبلا مقاطعه لا اوريج عاد

هلا والله
أم راشد الحمدلله طمنتينا عليج
باقي البنات مانكلمهم بصراحة مجلسنا صاير ممل ومافيه مشاركات الا من كم وحدة
انا زعلت خلاص أم هديل بعد بتنضم معاي
بنسوي لنا مجلس لحالنا........... مقاطعة يعني

ام جواد انا شريت الشغلات منفصله مثلا الصوره الاولى كانت صينيه صغيره , الثانيه مخروط زجاجي مادري شلون صاير مبين شكله بالصوره , الصوره الثالثه الرضاعه و الرابعه الشخشيخه

شريت الحبه تقريبا بين 200 و 300 فلس و وديتهم المحل سوالي اياهم على هالديزاينات ماقالي جم تطلع الحبه بس بتكلفني الحبه مع الديزاين حول 600 ولا 700 فلس اكيد

اليوم في الليل بروح مع زوجي ناكد على كل شي و اعتمد شكل الستاند و غيره


=====================


ام راشد زعلتينا منك ليش هالقطاعه الحمد لله المشيمه ارتفعت بس ماتعوديها مره ثانيه

مراوي..
خلاص الأسبوع الياي من أدخل التاسع بخبركم عن شعوري واحساسي:pain::cry::sad: بس الله كريم..
أم جواد،أم راشد،أم هديل،سندس،دلوله...
اشحالكم الغاليات؟؟


تدرون اليوم حرااام لعوزت بالجنين..تدرون شو سويت فيه؟؟
اليوم كنت رايحة مكان و طبعا ما دخلت الحمام من الساعة8:30لحد الساعة 2 و يحليله المثانه ضاغطه عليه و متكور في البطن فيوم يضغط علي و يألمني أنا بعد أسوي له نفس الحركة أمسك بطني و أنزله فشكله يعصب و يرفس إيدي بقوة-يحليله فديته لعوزته بس في نفس الوقت ضحكت و استانست..
أنا قاعده أكتب و هو يسوي نفس الحركة..(_لا تقولون إني تخبلت)

مراوي ما خبرتيني شو فيني؟؟بنت و إلا ولد؟؟

حوامل ...دلوله وينها مختفية لا يكون ضاعت في السوق؟؟

نبض قلت لك احتمال و الله اعلم ان فيك بنت :)
ياترى قالو لك بالمستشفى ولا بعده؟

تدرين لو منك و اسبوع الياي بدخل التاسع جان الحين تلقيني مو سايعتني الدنيا من الوناسه لان الوحده من تدخل التاسع خلاص بأي لحظه تولد ان شاء الله بعد يومين من دخولها التاسع

بس بهاليومين افكر اني مابي هالمرحله تخلص لان هذي مرحله الترقب و الكل منتظرها بعدين اذا خلصت مابترجع الا مع ثاني مولود و بعد ماراح تكون بنفس حماسه المولود الاول :)

والله يا بنات قاعده احاتي الولاده لاني وراي دوام وجامعه وخايفه اولد في وقت ما يتناسب مع امتحانات الفاينل بس يالله نتوكل على الله وكل شي يسوي الله لازم بيكون فيه الخير
اما عن التجهيزات للحين ما فصلت للبيبي فراش وهذه الاشياء
بس بغيت اعرف بنات البحرين وين فصلتون اغراض البيبي مثل الشنطه والفراش وهذه الاشياء الي تجي
ويالله يا بنات كل وحده تقول الشي الي تحاتيه في هذه الفترة يعني الاشياء الي تتعلق بالولاده

بتلحقين على الامتحانات سندس لاني مثلك عندي امتحانات و دوام بس امتحانات الجامعه تبتدي 13/6
واحنا نولد شهر 5 و انتي بعد يمكن تولدين قبل بدايه 5 لان انتي سابقتني بأسبوعين تقريبا

و بالنسبه للمفارش و هالشغلات انا فصلتهم عند بيبي بورن في جدحفص .. شغله مرتب و نظيف و سعره معقول المفرش يطلع له تقريبا 15 دينار بينما محلات وايد رحت لها شغلها عادي و يبون المفرش على 20 و اللي شوي فيه شغل بسيط على 30 دينار

لازم تسوين هالشغلات الحين لان بعدين محد بيرضى ياخذ طلبك

صباح العسل

شخباركم يا حوامل عساكم بخير

ياربي شاسوي تعبانه وريولي وايد منتفخه يعني كأنها ريول ثانية وثقل ياربي هذي اشبسوي ايام التاسع عيل
الله يعينا

بسكم نوم يله عاد قوموا

مشكورين يلي سألتوا عني وانا الحمد لله بخير بس تعبانه شوي

السلام عليكم..
أم جوااااااد
وينج ما لج حس و لا خبر؟؟؟عساج بخير و بصحة؟؟
مرااوي..
للحين ما أعرف إذا بنت و إلا؟بعدني مصرة إني أخليها مفاجأة...و إن شاء الله في المستشفى ما تغلط و تخبرني تدرين بذبحها لو قالت لي حتى لو بالغلط..صح بستانس إني عرفت بس بعد أباها مفاجأة...تدرين صراحة أدعي إني اولد أول أو ثاني يوم في التاسع..بس شكله بطول لآخر يوم بالتاسع:cry::cry:
دلوله..
شخبارج الغالية؟الله يعينج على النفخة..إنتي مثل اختي تنفخ وااايد بالحمل..أنا الحمدلله آخر مرة شافتني الدكتورة قالت لي ما فيني نفخة..

الله يعينا و يسهل علينا الولادة..

مرحبا بنات
دلولة هلا فيج ،،وماتشوفين شر والله يعينج ويعين الجميع
............
نبض هلا يالغالية شخبارج؟؟وتسلمين على السؤال
أنا موجودة طول الوقت بس بصراحة أمس تمللت ،،،أحس مجلسنا صاير مايمشي وماحد يدخله غيري وكم وحدة
عاد قلت خلاص طول اليوم مابشارك فيه،،،عن حساب اضراب
...............
انا الحمدلله للآن مافي نفخة ولا شي وكل شي عندي اوكي،،حتى نومي ماشاء الله وايد تمام وأحس حالي مرتاحة وايد
انشالله على طول،،،والله الوحدة ماتدري عن حالها ايش يصير لها اذا دخلت التاسع،،،الله يستر

الله يعينا..

زين يانبض أرويج
انتي بس دخلي المجلس ونتفاهم
كاتبة لي تقهريني بالتوقيع،،،شوفي توقيعي ها؟
طيب يانبض حتروحي مني فين؟؟؟مصيرك حتدخلي ونتفاهم

هلا نبض وام جواد شخباركم عساكم بخير

من ناحية النوم صج عجيب احلى مرحلة بالحمل هذي صج مرتاحين بالنوم بس الله يعينا عقب الولاده ماراح نحصل نوم خل نبرد حرتنا الحين

مرحبا جميعا ام جواد ونبض ومراوي
دلوله حمد الله على السلامه يقولون من طول الغيبات جاب الغنايم يختي .. المهم طمنتينا عليج قمنا نتسآئل وينج فيه طولتي المهم ما تجوفي شر ودتمشي شوي لان النفخ يروح مع المشي .. وربي يسهلها

سندس ... الله يعينج جامعه وبتولدين انا عني انسحبت هاي الكورس لان ولادتي نهاية 5 واخاف اتأخر بلولاده وقلت اخذ لي راحه لان بقى لي بس كورس واتخرج ... اما عن الاغراض المفارش والله انا شريت من كذا مكان ... قطوف في الرفاع، في سوق المحرق فيه بعد محلين صج صغار بس عندهم شغلات حلوه .. في سوق واقف بعد فيه محلين ... وكهف الامومه بمجمع مدينه عيسى..
ويالله اشتغلي على حالج بتولدين بدايه خمسه وللحينج ما جهزتي المفروض خلاص كملتي كل شي