مجلس امهات شهر مايو 2006 حياكم

هلا بنات شلونكم وشخباركم؟؟؟
انا عني مدري الراس وين مكانه بس لي موعد يوم الاثنين اكيد راح اسأل الدكتوره بس عادي حتى لو بلعرض ناس يوصلون لتاسع وهو للحين بلعرض ومرات اثناء الولاده يغير اتجاهه البيبي لا تخافين كلشي على الله
واجوفكم على خير

مو هذا اللي خايفه منه .. اخاف يتأخر الوقت و يكبر واهو لحين ماغير وضعه

وانا مابي اولد قيصري

من باجر بنزل امشي ولو اني اكعابي ماعاد شايلتني احسهم متيبسين

أم هديلو شخبارج؟؟وينك؟؟يالخاينة؟؟

مـــــــــــــراوي
المشي زين بس نهاية الثامن حبيبتي ،،،انتي كلمي دكتورتك وخبريها وتعطيك خبر عن الاوضاع اللي ممكن تغير وضع الجنين
وياما اس تتغير أوضاع اولادهم بين يوم وليلة ،،،لاتخافين ولاتحاتين

شفوني شحليلي رجعوا توقيعي بعد التي والتي
كل يوم ارسل لهم والحمدلله ماقصروا
باروح بضبط الصورة الرمزية،،الحمدلله راحت عقدة النقص اللي أحس فيها:yes::bigsmile:

قوه يا بنوتات شخباركم عساكم بخير

مراوي لا تحاتين انشالله بينزل الراس تحت بس انتي لا تحاتين ومثل ماقالت لج ام جواد لا تمشين الا لما تسألين دكتورتج احسن لأني انا كنت مخططه اني امشي بس يوم سألت الدكتورة قالتلي مافي داعي الحين خليه لي التاسع فسألي احسن

ام جواد وام هديل ونبض وسندس وام راشد

شخباركم عساكم بخير

قلت لج لا تستعيلين يا ام جواد بيرجعونه
عالعموووم الف مبروووووك ,,,, وين الكيك

تسلمين دلول
الحين احس اني منكم وفيكم
شقد والله وحشني توقيعي ،،واتحسر اذا شفت تواقيع البنات
الحمدلله

صباح الخير
ناويه اليوم انظف الشقه بس المشكله تريقت و من اتريق يصيدني خمول مره ثانيه

ولا عندي كتبي مال الجامعه لاني اخليهم بالسياره قلت بسوي روحي شاطره و بقعد اراجع

احتمال كبير اروح الصالون بس المشكله مالي خلق اسوق

بالله شرايكم اي الاحتمالات اقرب للتطبيق؟؟ :)

هههههههههههه والله ضحكتيني يا مراوي تذكريني بروحي لما اقعد الصبح عندي الف خطه امبي اسويها بس في النهايه ما اسوي الا شي او شيين اذا زاد

السلام عليكم..
كيف حالكم يا امهات المستقبل؟؟

هذي اول مشاركة لي مع اني متابعة معاكم الموضوع من البدايه ...

يا بنات عندي كم ملاحظة اتمنى ترحبو فيني وتردوا علي

أول شي أبي اقول للأخت مراوي إني كنت بمثل حالتها قبل اسبوع وقالت لي الدكتورة أمشي كل يوم
ربع ساعه والحمد الله نزل الراس والحين لازم ارتاح لأن الراس نازل وما يصلح مشي وايد لأن احتمال يسبب ولادة مبكره
واذا دشيت التاسع بعدين امشي كل يوم نص ساعه.. على العموم اسألي طبيبتج.

عندي سؤال لبنات البحرين..
وين أقدر القى صدريات الرضاعه غير مذركير؟
من منكم تعرف تكاليف الولادة في مستشفى العسكري؟والدولي/والتخصصي/والامريكي؟

حبيباتي انا اختي مريضة وراقدة في المستشفى وأجبروها انها تعمل القيصيرية مع انها في الشهر الثامن
وولدت بخير الحمد الله لكنها تعاني من لسخونه والاسهال وترجع بعد.. هل هذي الاشياء طبيعية؟ تراها للحين في
العنايه واليوم رابع من ولدت:sad:

شكلج يامراوي على هالملل مابتسوي ولا حاجة
بس لو كنت في مكانج راح أكنسل العرض الأول،،لأن أكره ماعلي تنظيف الشقة:smile:
وكمان راح استبعد المذاكرة،،لأني يوم كنت بالجامعة من افتح الكتاب تصيدني حالة نفسية واكتئاب:shy:
بالنسبة لي الصالونأحسن شي،،،لأني بدون شي ماني طايقة حالي في الحمل،،على الأقل الحفاف والتنظيفات بترفع معنويانتي:up:
................
وردة البحرين حياج معانا يالغالية
انا ماقدرت أفيدج انشالله البنات ماراح يقصرون بخصوص المستشفيات
..........................
نبض وينج؟؟ مختفية؟؟طمنينا عليج يالغالية
تعالي ياللي تبين تقهريني،،رجعوا تواقيعي>>>>من وناستي شكلهم بيشلوهم عني
......................
دلولة وأم هديل شخباركم؟؟
.........................
انا اليوم مابكون موجودة الا بالليل لأن هالاسبوع على بيت عمي،،انا خميس في بيت اهلي وخميس في بيت عمي
منقسمة نصفين شسوي لازم نرضي الجميع

هلا بنات
شفيكم اليوم ماحد منكم دخل المجلس من الظهر للحين
الحين الساعة 2ونص بالليل،،بس حبيت أسلم عليكم،،انا باروح أنام تصبحون على خير

هلا بنات شخباركم؟؟
بسكم نوم عاد؟؟أنا بس كنت داخلة أشوفكم ومالقيت أحد منكم
يالله أنا طالعة ،،باروح البحرين اليوم بتسوق عندكم،،،وخاطري ادخل السينما قبل ما أنحرم من هالشي
ياللله حوامل الاقيكم اذا رجعت
بااااااااااااااااااي

اول شي صباح الخيرررر :)

بدايه نبتدي بالعضوه الجديده ورده البحرين نقول لها حياك الله و من الحين دشيتي القفص مافي شي اسمه متابعه من بعيد تراني مركبه سونار كاشف ( متأثره بالرباعي )

بالنسبه للاسعار انا ماعرف الا سعر التخصصي لاني ناويه بولد هناك ان شاء الله
اهو حسب الغرفه اللي تبينها
تبتدي الاسعار من 370 دينار اظن حق يومين و اكثر طبعا حق 3 ايام
خليني اشوف الورقه اللي عطوني اياها و ارجع اخبرك عن الاسعار احسن

====================

سندس
شكلنا كلنا نعاني من هالحاله و ودي لو اقدر اغيرها لانها مضيعه للوقت و بالنهاية ماتستفيدين من وقتك :)

=====================


ام جواد
امس مانظفت الشقه بس طلعت رحت الصالون حفيت و بعدها رحت بيت ابوي
خذيت كتبي معاي قلت يمكن ادرس

اشوى درست لي شوي قلت مادري يمكن ايام المنتصف اولد ولا شي عالاقل اكون دارسه جزء

و اليوم الجمعه عاده اروح بيت ابوي بعد اذا ماعندي شغل اسويه

بس اليوم قعدت لاني ناويه اسوي بسبوسه وبقولكم شصار عليها بعدين لانها الحين بالفرن

و قبلها نظفت الشقه و رتبت ثيابي و حطيت الغسال <<< يعني سويت انجاز اليوم :)

السلام عليكم و رحمة الله وبركاته......
هلا حواااااااااااامل..أنا الحمد لله زينة ومشكورين ياللي افتقدوني..أنا غبت عشان رحت بيت أخوي في دبي و هو ما عنده نت..وطبعا رجعت يوم الأربعاء و أكيد ما تبون تعرفون معاناتي والله كنت بصيح من الألم في ظهري و آخر بطني..والبارحة مادخلت عشان كانت عندنا عزيمة..
أم جوااد ،مراوي،أم هديل،سندس،دلوله..
شخباركم عساكم بخير..

أنا بطلع بروح أصلي العصر...وبحاول أدخل في وقت ثاني..

أم جوواد مبرووووك ع التوقيع منور الشاشه عندي..

شكرا حبيبتي مراوي وانتضر ردج عشان تأكدين علي وابي جواب من باقي البنات بعد:smile:

السلام عليكم

شلونكم يا بنات وشخباركم اشوف الكسل زايد هاليومين اشدعوه آخر لكم مره تسوون جذي

وردة البحرين حياج الله اختي معانا وانشالله بسألج وبرد عليج لأني ماعندي فكره

بنات ابي اسألكم عن شيين :
الاول اني من اقعد الصبح من النوم يجيني شد عضلي برجلي اليسار ؟؟ ليش تتوقعون
الشي الثاني اني احس رجايلي صايرين ثقال ويعوروني تتوقعون كل هذا من خيرات الشهر التاسع الي باقي عنه جم يوم

انا يا سندس مثلج نفس الشي يصيدني ويوم سألت الدكتورة قالتلي عادي لأن حجم الجنين يزداد ويصير ثقل وايد عالرجل فشنسوي لازم نتحمل مابقى شي

الله يساعدنا ويسهل على الجميع ان شاء الله
تدرون يا بنات اني للحين ما فصلت فراش والله صايرة خايبه حدي