مجلس امهات شهر مايو 2006 حياكم

عن جد قاهرتني سالفة التوقيع
لا وكتبت موضوع للمنتدى وشالوه
شفتو القهر؟؟

تدون البارحه ما قدرت انام بس احاتي وجايتني وساوس افكر في المولود وفي سلامته
ادعوا اليي خواتي الله يباعد عني هالوساوس

بنات انا بعدني هب متأكده ان فيني بنت والا ولد

شرايكم في الي يكون عندها سواد برقبتها وصدرها ..وبطني كبره من فوق السرة ؟؟؟

الي قالولها ولد اتخبرنا شو التغيرات الي حدثت الها .. في شكلها وفي اكلها وغيره


وبعد الي قالولها بنت


تحياتي

ام جواد صج شسالفه صورتك و توقيعك انتي الوحيده اللي بدون توقيع و صوره !!!

================

عالي مستواها احتمال كبير تكون بنت

شلون كان وحامك؟ اذا كان خفيف ولد اذا كان ثقيل بنت

بطنك اذا تشوفينه بارز لقدام هذا ولد و اذا تشوفينه مفلطح او صاير مثل البطيخه هذي بنت

اذا تحبين الموالح و الحوامض خلال حملك ولد و اذا حبيتي الحلويات و السكريات هذي بنت

انا هذي شغلات قريتها و قالو لي عنها و شفتها على نفسي صحيحه

هلا مـــــراوي
لاتذكريني،،،أنا أحاول أنسى سالفة التوقيع،،،بس من جد مقهورة مرررة
أنا الوحيدة اللي مالي توقيع ومادري شنو السبب،،وارسلت للشكاوي والملاحظات وماحد جاب خبري
المصيبة بلوحة التحكم مايطلع لي تعديل التوقيع اصلا
والمصيبة الثانية أن مابقى شي ونولد والتوقيع مختفي،،شسوي فيه بعدين؟؟ وحشني شريطي
.................
بالنسبة للوحام أنا والله عكس كلام مــــراوي مع أنهم قالوا لي ولد
وحامي صج خفيف،،بس بطني زي البطيخة،وأحب الحوامض والحلويات

بالنسبة للسواد أن احس بالسواد في هالفترة في صدري وأسفل البطن وحاسة حالي يبي لي ألف حمام مغربي عشان جسمي يرجع مثل ماكان
بس وجهي ماتغير فيه شي ابد ورقبتي ما أحس فيها بسواد،،خشمي مثل ماهو،طبعا الصدر كبر،،،في بنات يشكو من انتفاخ الرجلين،،انا ما صار لي هالشي
تقريبا هذا اللي اشوفه فيني

مرحبا

انا الحمد لله بخير الحين لا تحاتوني

يا ام جواد لا تحاتين بيرجعونه لج ..

بالنسبه لللبنت انا اللي اشوفه عن نفسي اني احب السكريات والحلويات وايد وبطني مفلطح ورقبتي صايدها سواد وريولي منفخه وهذي اللي اعاني منه لحد الحين ... وبالنسبه للولد مادري عنه

قهر قهر قهر :mad2:

اليوم دق براسي اروح اسوي الرباعي مره ثانيه في عياده فوزيه كمال بعد ما سالت هل تسجلون لي حركه البيبي؟ هل الصور ملون ولا ابيض و اسود ؟ هل .. هل .. هل الى اخره

يوم رحت سويته يدوب صوره وحده و بعد مو واضحه عدل و التسجيل كان مجرد حق صور عاديه مثل الكليه او القلب و هذا العمود الفقري

انا ابي تسجيل حق حركه البيبي كامل و هو يتحرك يرفس هالشغلات مو يصورون لي وين راسه و وين قلبه

خسرت فلوس عالفاضي لا الشريط يسوى من يشغله ولا الصوره يسوى من يحطها في الالبوم :mad2:

المفروض قبل لا تسوي اليش اي شي لازم تقولين اليها ويش تبين بالضبط

هلا مـــــراوي
والله نكبة،،بس ولاتقهرين حالك،،،تعرفين أنا قررت ما أسويه لأن قالوا لي عن حساب في الصيانة،،وبولد واهو بعده في الصيانة
لا وقالوا لي بس صور مش movieوبصراحة بديت أحس ان البيبي كبر وماراح ترضيني نتيجة الصور لأن الحركة ماعادت زي الأول
ياشيخة شنسوي بالصور صحيح اهي حلوة نبي بيبي يتحرك .
انتي ماسألتيهم قبل؟؟ولا يمكن مايقولون عشان يآكلون فلوس الواحد
ماعليه هونيها وتهون ولاتكدرين نفسك
......................
سندس كيف الحال؟؟شو أخبار النونو؟؟
ها من كلام البنات عن التغيرات والوحم،،شنو تحسين بنت ولا ولد؟؟
.............
نبض /دلول/وأم هديل
شخباركم كلكم؟؟

مرحبا بنات شخباركم

المفروض يا مراوي تتأكدين قبل وتسألينها عن كل شي علشان ما تنصدمين بعدين

صدقوني متصله العياده مرتين

سألت تسوون اشعه رباعي قالي اي .. طيب الرباعي اللي تسوونه ابيض و اسود ولا ملون قالي ملون ( زياده تأكيد )

طيب انا ابي تسجيل حق حركه البيبي لاني مسويه قبل و ماسجلو لي حركه البيبي انتو تسجلون حركه البيبي على سي دي قالي نسجله على شريط قلت مب مشكله شريط سي دي مو مشكله المهم حركته تكون موثقه عندي للمستقبل

الله لايوريكم الصوره ( و على فكره صوره وحده بس اللي طبعتها لي ) لايبين فيها راس من كرياس يعني يبيلي نص ساعه ادقق عشان اتذكر وين مكان العين و الوجه

منقهره حدي حتى رجعت البيت مافتحت الصوره ولا الاوراق اللي عطتني اياهم كاني ابي انسى المقلب اللي شربته



بشوف لي مكان عدل حق الشهر الياي يسوون رباعي بضمير <<<<< وحده ماتتوب

وليش سكتي عنها انتي رايحه بفلوسج يعني جان قلتيلها الصورة ماعجبتني ابي غيرها مافيها شي

واذا انتظرتي لي الشهر الياي بعد ماراح تشوفينه عدل لأنه بيكبر وماراح يبين لج

والله مشكلة هالمستشفيات،،،يقولون شي ويسوون شي ثاني

بس فعلا مــــراوي اذا انتظرتي للشهر الياي ماراح يبين البيبي عدل،،،الا بيكبر وبتصير الصورة ثقيلة دم،،،وحركته بتقل

دلولة هلا وغلا شو الاخبار؟؟

هلا بيج حبيبتي شخبارج انتي؟؟

شلونكم بنات
قلت بطل عليكم شوي قبل لا انام لان العصر وراي جامعه

تدرون دلوله و ام جواد ليش ماتكلمت؟ لاني وحده تستحي او تتفشل تطلب شي واهي ماتعرف فيه

خفت اقول لها مابي الصوره تقولي مايطلع اوضح او اقول لها برجع وقت ثاني تفشلني تقولي مايصير كل وحده مابيبين عندها بترجع وقت ثاني مابنخلص و شغله ثانيه انا سامعه عن هالدكتوره انها شيطانه حتى خايفه اسالها شي و تهاوشني <<< حشى مو رايحه بفلوسها رايحه سجن

بس يالله طافت الله يعوض

على فكره بنات الليله اخر ليلة من صفر ... طلعو صدقه تدفع البلاء عنكم
7 قطع نقديه حطو تحت راسكم و راس ازواجكم
انا حطيت تحت راسي البارحه 14 قطعه .. عني و عن ولدي :)

هلا مــــــراوي شو الأخبار؟؟
انا عن نفسي طلعت صدقة عني وعن ولدي ،،وريلي بعد،، وكل أهلي
الله يدفع البلاء عنا كلنا يارب،،،ويقومنا بالسلامة
..................
دلولة شو الاخبار؟؟وايش الجديد؟؟
............
نبض وينج يالغالية؟؟ صار لج يومين مختفية،،،عسى ماشر؟؟طمنينا عليج؟؟
...................
أم هديل هلا وغلا
مع انج معاي على طول الخط ياعسل
.......................
سندس وأم راشد وباقي البنات خبرونا عنكم

الحين طالعه للجامعه بس قبل ما اطلع خل اسالكم

باخر فحص لكم هل قالو لكم الراس تحت ولا فوق؟

انا ولدي عنيد مو راضي يقلب صار له من السابع و هو نايم بالعرض كأنه يقول : كيفي المكان مكاني :)

هلا مراوي
انا من نهاية السابع وانا الراس قالوا انه نازل لتحت وللآن الحمدلله
حبيبتي في أوضاع تخلي البيبي يغير وضعه،،لان اذا يضل على الحال في احتمال بعيد الشر عنك قيصيرية
اسألي الدكتورة عشان تخبرك عن الأوضاع وحاولي تطبقيها
لان مثل ماتعرفين البيبي يكبر،، واذا مايغير وضعه هالفترة،،تصعب عليه بعدين

ماعليج شر وانشالله كل شي يتغير حبيبتي

هلا بنوتات شلونكم
اني من السابع قالوا اليي ان الراس نازل تحت والحمدلله للحين نفس الوضع ماخذ لاني توني رايحه موعد جديد