مجلس امهات شهر مايو 2006 حياكم

قوه بنات افففففففففف مابقيتوا تتيمعون مره ثانيه ذبحتوني وانا انتظر

خوله الشحي >>> حياج الله بينا أعتقد مراوي نفس موعدج والله مو متأكده

معذورين يا بنات واخر لكم مره

اليوم كان عندي مراجعه والحمد لله البيبي زين وكل شي تمام بس دمي قاصر 9.5 عاد قالتلي اكل سبانخ وكبده وعطتني حبوب اداوم عليهم ولازم اخذهم مع عصير برتقال عاد انشالله اتجييب نتيجه وعطتني موعد الأسبوع الياي علشان تشوف اذا تغير الدم والا لا خايفه ينوموني لأنها قالتلي اذا ماتغير بنومج عندنا تحت الملاحظه .. عاد انشالله يتغير في هالاسبوع

يا هلا بالعضوات الجدد وريقات الربيع و خوله الشحي :)

خوله انتي بالضبط بالضبط معاي بنفس اليوم حسب موعد الدوره بس حسب السونار بأخر موعد قالت لي 23 مايو

صرنا انا و انتي و ام جواد تقريبا على نفس الخط بنشوف من تغلب :)

===================

دلوله الحبوب اللي عطوك اياهم اللي لونهم ابيض؟ جم مره باليوم قالت لك تاخذينها

انا بعد كان دمي نازل و مايرتفع لمن كانت الجرعه حبتين في اليوم

الحين رفعو لي الجرعه الى حبتين مرتين في اليوم يعني المجموع 4 حبات في اليوم

ارتفع دمي وصل 10 قالت لي زين في تحسن واصلي على نفس الجرعه

انتي بعد تقدرين تاخذين 4 حبات في اليوم عادي عشان يزيد دمك و مايضطرون ينومونك عندهم الله لا يقول

لــــــــــــــــــــــحـــــــــــــــــــظة

شنو اللي اشوفه ؟؟؟؟ شلي قاعد يصير ؟؟؟؟

شريطي اللي بالاشهر مرجعني للشهر السابع

شهالخرف ... يالله دخلنا الثامن يقوم يرجعني للسابع !!!

مراوي انا بعد وياكم نفس الفترة .. اخر دورة كانت 13 بس ما ادري ليش عطوني 27 .. وعلى اخر سونار 31 مايو

شخباااااااااااااااااااااااااااااااااااااااااااااااااااااااااركم

وشفيكم معصبات

؟؟؟؟؟؟؟؟؟؟؟؟

مسا الخير
والله يامراوي مو أول مرررة يخرّف الشريط،،،عادي تعودنا
انا الحمدلله مو مثلكم آخر مرة كان دمي وايد تمام وانا من الرابع للحين آخذ حبوب الحديد،،،ليش انتو ماتآخذينها؟؟
مع ان اكلي زي الزفت بس الحمدلله دمي تمام وانشالله انتو بعد طمنوننا عليكم
......................
خولة هلا فيج
انا والله قالوا لي في البداية ان موعد ولادتي 26/5 بعدين هالفترة قالت لي الدكتورة 20/5
يعني مثل ماقلت مراوي ســــبــــاق وبنشوف منو تولد قبل،،،الله يسهلها علينا يارب
...............
دلول ماعليج شر،،،انشالله ماتحتاجين التنويم بعيد الشر،،،كثري من السلطات الخضرا وانشالله يرتفع الدم عندج
..............
وريقات ونبض شدعوة احنا خوات وعارفة انكم تمزحون معاي ياكتاكيت

السلام عليكم

شلونكم اليوم

خوله وعالى مستواها ام راشد

ام جواد دلوله ام هديل نبض مراوي ورده البجرين

ان شاء الله ما نسيت احد منكم


عساكم بخير

انا موعدى 28 مايو والاشعه عطونى اعتقد 14 مايو

مراوي كان بينى وبينج اسبوع انتي سابقتني فيه

والحين انا الي قبل بس انا اتوقع الموعد الصحيح هو 28 مايو

الله يسهل علينا جميع

نبض وينج اليوم ما دخلتي المجلس

هلو بنات اليوم انا داخله من وقت لان توني جيت من موعدي
الحمد لله البيبي اوكي وقالت لي الراس تحت من جذي تجيك ريح الاستقبال يلزمش راحه... دمي اوكي وفحوصات السكر بعد تمام ووزني كل موعد يزيد اخرتها بنفجر شكلي من لمتون هههههههه والحمد لله اهم ش كلشي تمام والحمد لله
الاقيكم بعدين بأذن الله

مرحبا يا بنات شخباركم عساكم بخير

مراوي الحبوبو اسمه pregnacare وقالتلي اخذ 4 حبات باليوم مع عصير برتقال وانشالله يتعدل دمي انا كان دمي 11 بس مادري ليش نزل مره وحده جذي


هالمره بتأكد من الدكتورة تاريخ جم موعد ولادتي يمكن تغير لأني ما سألتها ولا هي قالتلي

هلا حواااااااااااااااااااااااامل...
شخبااااااااااااااااركم؟؟وحشتووووني وااااااااااايد وااااااااااااااايد..
اسمحولي ما دخلت البارحة لأن كل يوم العصر اروح بيت اهلي و اتم عندهم وبالليل اروح امشي و عقب أرجع لبيت أهل زوجي..
أنتظر يوم الأربعاء بفارغ الصبر؟؟تدرون ليش؟؟عشان شريط الحمل بينتقل للشهر التاسع يعني آخر صورة:dd::dd::dd:
وعقبالكم يارب..
أم جوااااااااااد..اشحالج؟خلاص كم ام جواد عندنا في المجلس ققررنا ما نعاقبج و لا نعاقب حد..
وريقات،دلوله ،أم هديل،مراوي،أم راشد، شخباركم؟؟عساكم ع الصحة؟
خولة الشحي ياهلا فيج!!!

شلونكم يا الدبدوبات

احس ماشفتكم من زمان لاني اليوم من الدوام على طول رحت بيت ابوي

رحت ادرس اختي باجر عندها امتحان رياضيات و توني الحين راجعه البيت
احس راسي يفتر من الساعه 4 وياها لين الساعه 10 يدوب صليت و تعشيت بس

الله يعين امي اللي تدرسها على طول صج التدريس يبيله صبر

بس تدرون .. قعدت افكر باجر اذا كبر ولدي بضطر غصب اني ادرسه و اتعب عليه وانا مالي خلق ادرس بس شسوي بكون مجبره

ان شاء الله يطلع شطور و يدرس بروحه :)

إن شاء الله يطلع شطور..و إذا ما قدرتي طرشيه لي الإمارات بدرسه-أنا مدرسه بس بعدني انتظر التوظيف يعني على قائمة الانتظار..

مرحبا شخباركم

انتي بعد يا مراوي تعانيين مثلي انا بعد من الظهر وانا ادرس اخوي انجليزي وطلع عيني على ماحفظ الكلمات صج يبيلهم قلب وانا بعد مالي بارض حق التدريس يعني ابي الشي بارز والله يعينا لين يكبرون كتاكيتنا

نبض بس خلاص حصلنا وحده تدرس ببلاش .. مراوي اشرايج نطرش اخوانا الأمارات علشان نبض تتدرب فيهم وتدرسهم :smile::dd:

فالج طيب يا دلوله طرشيهم بس قلنا عيالكم مب اخوانكم..
يعني هذا عرض خااااص و إذا تبونب أيي أدرسهم عندكم في البحرين فالكم طيب بس احجزوا لي سويت في فندق بوابة البحرين والتذكرة عليكم و الأكل و المواصلات بعد..و أخبركم حتى الهدايا إللي بشتريها عليكم..
و أهم شي كل يوم أبا اتريق درابيل_أحبه موووووووووووت-

ههههههههه هذي على هالخساير بيطلعون فوق الأوائل ماعليه بس اهم شي تفكينا

خلاص يوم تبوني أدرسهم نفذوا طلباتي..وطبعا ما راح أدرس كل المواد-بدرس بس لغة عربية-
أنا تخصصي لغة عربيه بس حق الشغل قدمت على أساس معلمة مجال 1 يعني(لغة عربية وتربيه اسلامية)و هذا للمراحل الأولى يعني صف 1/2/3 ابتدائي..

ماعليه بزيد لج الأجر بس درسي صف الرابع ولا ابي كل المواد يعني على طلباتج لازم كل المواد مو مادتين بس

اممممممممممممم خلاص دام صف رابع ما مشكله..ترا أنا يوم اتنرفز يمكن أضرب بس تلطيش خفيف..
ولد اختي صف أول يوم ادرسه يقول لأمه ما أبا خلوه.......تدرسني أباج انتي طبعا تهزبه و يرجع لي لأن عندها يتدلع وااايد و عندي لو يبا يروح الحمام-تكرمون -ما يقوووللحد أنا ما أطلب منه طبعا يوم أحس إنه يبا يروح..

ههههههههه ما يسوى عليه مسكين الله يساعده شكلج مالج خلق للتدريس وبسرعه تعصبين

لا حرااام عادي بس هو وااايد يتلعب فعندي يصطلب..