مجلس امهات شهر مايو 2006 حياكم

السلام عليكم

شلونكم كلكم ان شاء الله بخير

شكرا لكم ع السؤال بس كنت تعبانه هاليومين وما دخلت

مراوى شكرا لج بس مو انا الي سئلت عن الاسعار انا كنت كاتبه الاسعار عشان ورده البحرين اهي الي اسئلت عن الاسعار بهالمستشفيات ومشكوره حبيبتى

دلولاه مشكوره ما قصرتي ع السؤال

اتمنى الجميع بخير

هلا عسولات
نبض هلا وغلا فيج شخبارج؟؟
التوقيع ياقلبي ماندري عنه،،،انا بصراحة مافرحت بتوقيعي كل يوم والثاني ينشال،المصيبة مابقى علينا شي والشريط مختفي،،وحشني ولدي اللي في الشريط ابي اشوف كم صار عمره؟؟:sad:

دلولة ياقلبي هاذي الالام شي طبيعي وجسمج قاعد يتهيأ للولادة ،،،، اما انا ما أحس بشي ابد،،،عقبال على الأقل بحس ان جسمي قاعد يجهزني للولادة

مــــــــراوي بالنسبة للمخاوف والهواجس يووووووووووه لقيتي معاج وحدة كذا:up:

انا مو تفكيري سلبي،،بس مادري ليش مثل ماقلتي،،،بعيد الشر عن ولدي واااجد أحاتيه،،ودي اشوفه بصحة وبسلامة ،،وهذا كل اللي اتمناه وساعات الافكار تآخذني لبعيد،،،الله يقطع وساوس ابليس عنا ويحفظ أطفالنا من كل شر
وساعات أقعد أتخيل كيف بيكون شكله،،علي ولا على ابوه،،،كيف بكون لحظة ما أشوفه لأول مرررررة،،وكيف بيكون إحساسي،، والله تخيلات مو طبيعية ،،خلاص أحس صبري نفذ وأبي أشوفه بسرعة:smile:

وريقات هلا وغلا وماتشوفين شر حبيبتي

ام جواد هلا فيج ومشكوره حبيبتي

وعن الوساوس اوووووووووووووه كل يوم شكل

الله يعديها على خير ونشوف اطفالنا بخير انشاء الله

وينكم ياحوامل ما بينتو يعنى

طمنونه عنكم

هلا بك وريقات ماتشوفين شر

ام جواد كانك نسخه مني ... اتخيل لحظه يطلع و يحطونه على صدري

عاد اقعد افكر هل بقعد اصيح لاني اشوفه اول مره ( احتمال كبير جدا )

ولا هل بكرهه لان شكله بيكون منفخ و وصخ و فوق هذا بكون تعبانه منه ( ما ظن )

ولا هل بيكون لي خلق اصور <<< وحده موصيه يصورونها من بدايه مرحله الولاده شوفو الفراغه :)


و الحين اللي شاغل بالي ماتتخيلين شنو














قاعده افكر من يومين ان لون التوزيعات ازرق ماراح يطلع حلو لو اني مسويه لون برتقالي و احضر احسن
كلمت المحل قالي انه خلصهم و باقي الستاند
شايله هم و مو عارفه انام اتخيل شلون ورود زرق شلون اخترت هاللون

الله يستر

هلا حوااااااااااامل..
بالنسبة لي انا من حملت لليوم أحاتي إني أموت وقت الولادة،هذا كوم و احاتي إللي ف بطني كوم ثاني-تدرون وساوس الوحده يوم تكون ماخذه حد من اقاربها-انا متزوجه ولد عمي-(و إن شاء الله ما يكون في النونو شي و الله كريم..
و احاتي بعد إذا بولد طبيعي أو بعملية و شو المده إللي بخذها مع الألم لحد ما أولد..
و الأفكار إللي دوم أفكر بيها:كيف بكون شكله،كيف شعره،كيف حجمه.............. والأهممممممم(كيف برضعه:pain::pain:)أحس فشله كيف اول مرة برضعه جدام أهلي...

حواااامل بسألكم عن شكل بطونكم..انا بطني الياهل أحسه وااايد فوق..انتو كيف...

أنا نزلت هالقصيدة في المنتدى بس محد من الرابطه رد علي برايه فيها فنسختها لكم..والله ما أبا اخوفكم بس الله يعينا و يسهل علينا..


هذة القصيدة في غرفة الولادة عنما سمع الزوج بوفاة زوجتة...

مـــــــــــــاتت حيـــــــاتي حين وقت الولا ده × وأنـــــــــــاعلى باب العيـــــــاده على خــــــوف!
ويــــــــــــوم الخبر جـــاني فقـد ت الجلا ده × وطحت مدري كـــــــــــيف لفـت بـــــــي ظروف!
وش لي بـ (نـــاد ر)يــوم راحت فدالــــــــه × أمــــه حيـــــاتي فقــــد ها أحـــــــرق الجــوف !
أغلى مـــــن الغالين للروح غـــــــــــــاد ه × تسو ى جميــــــع النـــــــاس عندي بلا خـــوف!
كان رحــــــــــلت فا لصــبرأعلن نفــــــــاذه × والقلب صــــــــــار القلب خا لـــي من النـــــوف؟
يــــــــــاخالتي تكفيـــــن للصبر طـــاقـــــه × وأنـــــــــــا أنتهيت ولا بقا عندي حـــــــروف...
لا تنثرين الد مع د معي زيـــــــــــــــــــاد ه × اللي رحل غــــــــــــــالي على القلب والجوف!
لآأبكيــــــه لين الكل يعـــــــــــــــرف وداده × ولاأبكيـــــــــــــه لين العين تعـمى عن الشوف !
وكـــــــــــــــــــــــــــــان العر ب تجهـــــــــــــــــل بقلبي مكــــــــــــــــــانه !!!
بالأجنـــــــــــــبي للنـــــــــــــــــــــــوف في د اخــــلي (((Love)))..........

نبض الله يقطع بليسك

انا اشوف عنوان الموضوع و اسوي روحي ماقريت العنوان لاني عندي رعب هالايام اني اموت بالولاده وماشوف ولدي

ترى للحين ماقريت القصيده و اخاف اقراها ويكون فيها شي احطه على بالي

لا عادي حبيبتي ما فيها شي يخرع فيها بس مشاعر الزوج يوم قالوله زوجته ماتت وشكله يموت فيها عادي اقريها والله ما تخوف..نونو
مراوي ما قلتيلي كيف شكل بطنج؟؟النونو فوق و إلا؟؟

تقصدين اذا نازل تحت ولا بالنص؟

للحين بالنص مع قريب الولاده يقولون ينزل البطن تحت

و اذا قصدك على شكله اهو مكور و بارز للامام عشان جذي الاغلبيه تقولي اكيد حامل في ولد بس انا مسويه روحي مادري :)

حمل البنت يكون البطن مفلطح يعني ماتحسينه بارز لقدام تلقينه عالجوانب كان شكل البطيخه

ها شنو بين معاك؟ :)

هلا مراوي..
أقصد البطن إذا نازل أنا احس الرفسات كلها فوق تحت الصدر و بعد في حركة آخر البطن..
للحين بعدني مخلتنها مفاجأة..

صبااااااااااح الخير يا كسولات..
وينكم غريبة محد دخل البارحة غيري أنا و مراوي ووريقات

صباح الخير حوامل شخباركم ؟؟
نبض هلا فيج،،قبل كل شي أنا البارحة بالليل كنت طالعة ويوم رجعت مارضى الموقع يفتح عندي ،،،بس العصر كنت داخلة المنتدى
باقي البنات بالعادة بالويك آند مايدخلون،،،،

لو على الخوف من الولادة مافي احد مخاوفه مثلي،،وانا مثلج بالضبط مراوي أفكر لحظة بيحطونة علي شلون بيكون شعوري؟؟ ولاتخافين مراوي اذا بيحطوه عليج بيحطوا عليج زي القماش او القطعة عشان ماتتوسخين زيادة وبتكون لحظة من العمر،،وكل اللي جربوا هالشي يقولون ان الوحدة بمجرد يحطون البيبي عليها،،،تنسى التعب لحظتها،،،، وبنشوف بعدين شعور كل وحدة لحظتها،،مو تنسون عاد؟؟

نبض
القصيدة مؤثرة بس يابنت الحلال مافيه لزوم تنزليها ترى طحتي في ناس خوّافات وجبانات
انا بالنسبة لي أحس مثل ماقلتي الرفس كله فوق،،أحس يعني أن رجايل البيبي فوق فلما يرفس أحس بألم،،وأحس بحركة بعد أسفل البطن مادري عاد هذا الظاهر الراس
هذا غير الحركة بين الجنبين،،الاخ مريّح على الآخر،،،وبطني الحين جاي في الوسط وأحسه كبر هالشهر وبرز أكثر
........................
المهم بسألكم بنات
البارحة وأنا في الصيدلية انتبهت لصابون بيجون خاص لغسيل ملابس الطفل،،هو في فرق بي الصابون للي نستخدمه وصابون الاطفال؟؟
هم يقولون أفضل لبشرة الطفل،،مادري شرايكم؟؟
...............
دلول وأم هديل وسندس ووريقات شلونكم؟؟

السلام عليكم
شخباركم عساكم بخير
عجزت من البارحه والموقع مايفتح لأن عندهم صيانة
بالنسبه للمخاوف انا قايله من ادخل اليوم بسألكم وطلع كلكم مثلي انا بعد اخاف اموت وانا اولد واخاف تكون ولادتي طبيعية ومره وحده يقولونلي بس بنسويلج قيصرية وافكر اشكثر بتم في حجرة الولادة واشكثر بتلازمني الآلام واشلون بجلس بروحي بالغرفه >> يعني حتى الغرفه خايفه منها

بالنسبه للبطن يا نبض الرفسات صايره فوق لأن الرجل صايره فوق الحين والراس تحت من جذي تحسين ان صاير تحت صدرج وعادي لأني انا بعد جذي وانا بطني مفلطح وساعات يصير مكور ماله شكل محدد .. بطني يضحك

ام جواد انا سمعت ان صابون الغسيل اللي احنا نستخدمه فيه مواد كلور ومنظفه قوية وفي صابون خاص للأطفال وهذا اللي ينصحون فيه علشان مايصيد الطفل حساسية من الكلور والمواد اللي بالصابون انا انصحج تاخذينه أحسن من الصابون العادي


باقي البنات شخباركم .. سندس ، أم هديل

وريقات ماتشوفين شر انشالله

باجر عندي موعد في المستشفى علشان الدم وانشالله ارتفع في هالفتره وافتك من نومة المستشفى

هلا حوامل

شلونكم ان شاء الله بخير كلكم

وبالنسبه للامهات الجدد لا تحاتون ولا تخافون

ان شاء الله كل شيء يكون تمام

المهم انكم تفكرون تفكير ايجابي يعنى شلون بتشوفون البيبي وشلون بتحسون وتفرحون فيه

والالم كله يهون بعد ما تشوفين المولود

والولاده الاولى تكون سهله لانج تكونين ما تعرفين شي وهدا احلى ما في الموضوع

والله يسهل علينا انشاء الله

السلام عليكم
اشلونكم وشخباركم سامحوني اني تأخرت عليكم خبركم الاربعاء المنتدى كان مقطوع وما قدرت ادخل ولا حتى اسوي خروج .. الويك اند يوم في بيت اهلي ويوم في بيت اهل زوجي واجي هلكانه ووينك يا سرير
والله قريت كل كتاباتكم ويازينكم يا بنات ..
انا عن التجهيزات بقى لي شغلات خفيفه جدا بس ثيابي
اما تجهيزات البيبي كلها خلصتها والتوزيعات هم وصيت عليها والبطاقات وكل شي وتجهز بعد اسبوع ..
عن المخاوف والله مخاوفي زادت خصوصا من قالو لي عندج ريح استقبال اخاف اولد وانا بلثامن والولاده مب زينه بلثامن ادعو لي بس .. بس كل هلمخاوف تروح لما افكر بلبيبني واجوفه يرافس ..
بطني مفلطح مثل ما قالو البنات لان انا فيني بنوته يارب تكون دبدوبه ههههه والرفسات حدث بلا حرج من كل جانب مكان تحت الصدر رفسات قويه بتطلع تلعب جمباز خخخخ اللهم لا حسد واحفظها لي وتحت وبلجوانب بعد .. انا لسه على موعدي الجاي بيكون يوم الاثنين الجاي وانشاء الله يكون كل شي بخير
واشكر كل من سأل عني وكاني اليوم معاكم

مراوي ...

الحمدلله على سلامة البيبي وصل لتحت بالسلامه..

بطل الحين عرف وين لازم ينام ويحط راسه..

بولادتي الاولى نازل من بدري بس مانزل الحوض .. وفبل الولا ده بيومين نزل الحوض..

وبالمشي الكثير بالتاسع ينزل الحوض...

ونسيت احيي زميلاتك هنا بالموضوع ..تحيه سعوديه صبايا ..الله يسهل ولادتكم جميعا..

مراوي اذا بغيتيني تعرفين وين انا ..

ان شاء الله ازور الموضوع من فترة للثانيه..مانا كمان نفس موعد ولادتي 31/5

الحين ببدا امتحانات الشهري..الله يسهل على الجميع..(ادعولي)

هلا وغلا بنات
شخباركم ؟
دلولة كلنا زي بعض جبانات وخوّافات ماحد أحسن من أحد
انشالله الدم يكون عندج اوكي وطمنيا عليج،،،وميرسي على النصيحة انا حبيت أسألكم
..............
وريقات هلا والله يسمع منج
...............
أم هديل وأخيرا دخلتي،،الحمدلله تطمنا عليج
..............
بعد ابي أسأل عن شي،،،شنو أفضل شي للبيبي من مجموعات الحمام؟؟
سيباميد،،ولا جونسون ،،، ولا بيجون؟؟
انا احترت كل وحدة تقول شي،،سيبا ميد اغلى شوي واشوف ناس يمدحوه و ينصحوا فيه بس فيه ثنتين ولدوا من فترة واستخدموه وقالوا انه سبب جفاف لبيبياتهم
جونسن ماحد قال عنه شي
وبجون أختي مررررة تمدحه

انتو شرايكم؟؟؟ ابيكم كلكم تجابون؟؟

انا من ناحيتي يا ام جواد خذت جونسون لأني احب ريحته بس ترى في اطفال يسبب لهم حساسية انا اتذكر اخوي يوم كان صغير بشرته تصير حمره ودايما يصيح ويوم وديناه لأخصائي قال لا تستعملونله جونسون لأن بعض الأطفال مايصلح لبشرتهم
انا قلت على الله باخذ جونسون وانشالله مافي الا الخير

الله يهداج يا نبض على القصيده صج اهي حلوة وياحلو هالحب والأحساس بس كلش مو وقته وخصوصا مع الخوف هالأيام >>> لا تزعلين اتغشمر معاج

تسلمين دلولة وانتظر باقي البنات يردون