مجلس امهات شهر مايو 2006 حياكم

مرحبا صبايا

تصدقون اني بكمل شهر وما رحت المستشفى اراجع لين الحين
انا وايد مهمله ..هب مني من الدراسة الي ابتلينا فيها

انا عني وعن الخوف ... اوووووووه كل يوم اخاف اكثر .. ما اعرف كيف البيبي بيطلع .. لاني صايره ما فيني حيل وما فيني قوة

بصراحه اتريا البنات الي هنيه والي بيولدون عقبنا يخبرونا شوه صار معاهن .. بليز بنات نبا بالتفصيل الملل
انا خايفة اني ما اتقبل البيبي يحطونه عليه .. والله بنات من الخاطر مش متقبله الفكرة

دخيلكم ساعدوني ..احس اني عكس البنات المتلهفات يشوفون عيالهم :(

بنوته متزوجه انتي مثل حالتي مع الدراسه و الامتحانات

بالله شمسويه مو خايفه تولدين مثلا بأيام المنتصف او قبل النهائي ؟

===========

ام جواد انا ناويه باخذ جونسون و بس

والله تصدقين يا مرواي من افكر اني ممكن اولد قبل ما اخلص المنتصف ومشروع التخرج يجيني احباط بس بعدين اقول يالله الي ربي بيكتبه اليي اكيد هو الخيير

هلا ياحلواااااااااات يسعد مساكم

عالي مستواها الله يساعدج مع الاختبارات والله بلوة،،، ولو عالخوف الله يستر كلنا على هالحال
ماكو وحدة فينا تشجع الثانية،،،الله يسهلها علينا
......................
مـــــــــــراوي انتي بعد حالج حال مع الاختبارات،،،انشالله ماتولدين الا وانتي مخلصة اختباراتج انتي بس لاتحاتين
.......................
سندس هلا والله الله يكتب لكم اللي فيه الخير وتعدوّن هالإختبارات وتفتكون

صباح الخير بنات

اليوم رجعت لنشاطي وصرت اول وحده قاعده فيكم

صباح الخير يا حوامل

دلوله هلا حبيبتي

انا وانتي بس الي صاحين من الصبح

والباقي وينهم

دلوله شخبارج ان شاء الله بخير

صباح الخير..
أنا صراحة عندي هوس نوم كل ما افكر أقوم من ع السرير أقول ما باقي شي ع السهر فأحسن لي أنام ع كيف كيفي..
أم جوااد..انا خذت جونسون صراحة أحسه يعطي ريحة حلوه وااايد للياهل و خاصة لما تخلصين تسبحينه(أأأأأأأأأأأأوووووووووف ع الريحة ولد أخوي من يسبحونه أقعد أشمشمه كأني كلب بوليسي )الله يعين النونو شكله بيتلعوز من تشمشيمي ومن تبويسي له..
عالي مستواها..حبيبتي الحال من بعضه بس أنا ما احاول أفكر في الولادة وااايد عشان ما أخوف نفسي..الكل قال لي خلها تكون مثل المغامرة أول مرة تدخلينها و الكل قال لي احساس رائع يعني ألم فترة وبروح و الأهم يوم بتشوفين النونو(_ياااااااااااااااااااااي متى؟؟)
الله يسهل علينا..
باقي الحواااامل شخباركم؟؟

هلا والله بنات
ماشاء الله عليكم دلولة ووريقات قاعدين من صباح الله،،،برافو يانشيطات
أنا اليم قاعدة من الساعة 8 الصبح بس صادني ألم اول مررررة أحس فيه أسفل بطني جهة اليمين،،كنت أتقلب للجهة الثانية وحسيت كأنه زي الشي اللي يقرطع فيني وبألم قوي ،،،ظليت أتألم كم دقيقة وبعدين حاولت أهدي حالي وظليت على الفراش لأني حسيت بتعب،،وشو هذا بنات؟

نبض هلا عيوني،،انا بعد أختي قالت لي انها مغامرة وانج بتحسين بفخر اذا ولدتين البيبي وبتنسين الألم ،،،يالله متى تجي هاللحظة ،،كثر ماني خايفة من الم الولادة كثر ماني متحمسمة أجرب هالتجربة وأشوف كتكوتي الصغير

شخباركم ياحوامل

وينكم يالله عاد خلوا هالمجلس يتحرك شوي

نبض وام جواد

لا تخافون صح اهو الم بس حلو

امهاتنا يسمونه الالم المنسي

يعنى بس يروح ما نتذكره شلون كان


وخلو توكلكم على الله

ام هديل مراوى بنوته دلوله سندس عالي مستواها

وينكم ما تبينون
طمنونه عليكم

هلا بنات شخبااركم
اليوم كان عندي موعد في المركز ويوم سوت اليي الفحص القابله قالت ان راس الجنيين واجد نازل ما ادري من زود المشي الي امشيه في الجامعه بس يالله اهم شي نقوم بالسلامه

هلا بنات شخباركم وشخبار البيبيات؟؟
والله انا مدري شسالفه المنتدى معاي ما يفتح الا بطلاع الروح من الصبح وانا احاول افتحه ما يفتح معاي؟؟؟ شسالفه ما ندري!!!!
نبض حالي من حالج صايره ما احب اقوم من النوم ابد
ام جواد انا هم اخذت جونسن لان بصراحه اموت في ريحته.. وعن التقرطع الي سمعتينه انا كل يوم اسمعه في اسفل ظهري تعودت عليه لكن صج يألم .. الله يستر شنو الولاده بتكون؟؟الله يسهلها علينا ما بقى كثر ما مضى
دلوله مراوي نبض سندس وريقات شلونكم وشخباركم؟؟

هلا صبايا ....
الله يسهل عليكم ان شاء الله وتولدون بالسلامه..

انا بعد من رأيي جونسون احلى شي ..ومجربته ...

انا نفسي استخدم جونسون وقت النفاس وريحتي تصيييير وااااااااو.. انا والبيبي سوا..


عزيزتي مراوي ....

والله العظيم من يوم تأخرت دورتي وشكيت بالحمل رحت حسبت موعد الولادة عساه مايكون بوقت الامتحانات..

وطلع الموعد بتاريخ 4/5 هجري ويصادف يوم اربعاء آخر يوم بالامتحانات ....

شفتي القدر ...

ومن يومها وانا قلقانه..وافكر لايكون ولادتي تقدم كم يوم ويروح تعبي هالترم بلاش...وتفوتني اشياء كثيره ..

وعندنا مافيه لجان تجي تمتحن بالمستشفى مثلا ...ولا فيه تقديم امتحانات نهائيه ...

الله يعيننا ويوفقنا جميعا..


عالي مستواها ..الله يكون بعونك حبيبتي

سندس ..وانتي كمان الحال من بعضه..الله يعديها على خير ويختار لنا الخيرة الطيبه..

يعني انا الوحيده اللي خفت منكم وانسحبت مع ان ما عندي الا 7 مواد واتخرج لكن شقول بصراحه خفت اولد بلامتحانات واتوهق وجامعه البحرين مب جامعه مع قوانينها ففضلت راحتي وراحه بالي عن دوامي بهاي الكوري لان ما اظمن نفسي ما اولد بلامتحانات ويالله الله يسوي الا فيه صلاح لنا جميعا والله يوفقكم يا بنات 0مراوي ،سندس،بنوته الا سندس شنو تدرسي انتي؟؟

أبشرررررركم ولدت وجبت بنت بتاريخ 21/5/2006
وسميتها جواهر ولدت قبل موعد الولاده بـ10 أيام



ومبروووك للي ولدوا وربي يسهل على الحوامل

هلا ام هديل شخبارش وشخباركم بنات كلكو وحشتوني
باركوا اليي الله يسر اليي ورزقني بالبنوته الحلوة وسميتها زينب بتاريخ 18/5/2006
ام هديل اني تبع كلية اداب وانتي شنو

من متى فاتح المنتدى :)

والله ذكريات حلوه الحين عيالنا صارو بحضنا

انا الله رزقني بمحمد وهو بحضني الحين الله يخليع لي :)

هلا اختي مراوي بس ما قلتي تاريخ جم وضعتي
وين بقية البنوتات الي كانوا معانا بنفس الشهر

انا ولدت بتاريخ 25/5 وكان موعدي 21

دلوله ولدت و يابت بنوته سمتها ندى ولدت على موعدها بالضبط اعتقد كان 8/5

نبض الامارات يابت خليفه

ام هديل تأخرت عن موعدها تقريبا 10 ايام و اخر مره كانو بيعطونها طلق صناعي ومنها ماشفتها والله يستر احاتيها

ام جواد ولدت بعد موعدها متأخره اسبوع بعمليه قيصريه وجابت جواد

عالي مستواها ولدت بعدي بأسبوع وجابت عبد الملك

عساني مانسيت احد لاني بسرعه بسرعه بنزل حق حمود اكيد شايل المكان من الصياح الحين :)

الف مبروووووووووووووووووك


يامراوووووووووووووي ويتربي حمووووووودي باحضانج وبعز ابوه انشاللله


والله انا من كثر ماكنت معتقد اني بتأخر بالولاده .. جاني الطلق وانا كنت طالعه اتعشى مع زوجي وعقبها

نزلنا نمشي وقلت له بس خلاص ماقدر امشي بطني يعورني .. كنت احسبه عوار عادي

لكن بعد صلاه الفجر وبعد ماشرقت الشمس ماقدرت قلت له قووووووووم قعد امك ابي اروح المستشفى وهو مستانس يضحك

عصبت عليه اشفيك انت روح خخخخخخخخخخ اما ذاك اليوم والحمدلله مر على خير وجبت جوجو

اللي متعبتني فديتها صياااااحه ودوم معها مغص والله اني اشتقت للنوم والراحه



.. الف مبروووووووووووك لكل الامهات

بنات انا بعد ربيت يوم المولد النبوي ... وسميتة محمد (خلفان سابقا) ... بس انا ربيت بقيصرية قبل موعدي بشهر كامل .. كان المفروظ اولد تاريخ 8 مايو مع دلوه...بس الله ما راد ...

والحمدلله على سلامتكم ..