مجلس امهات شهر مايو 2006 حياكم

هلا وغلا بشلة مجلس مايو
يااااااااااااااه صار لي زمان مادخلت المجلس من قبل لا أولد
أنا مثل ماقالت مراوي ولدت بعملية قيصرية كان محدد لي اولد 20/5 وولدت بتاريخ 30/5
والله عطاني جواد اللي يحفظه لي،،،
ام خلفان الحمدللله على السلامة ومبروك ماجاك
ام راشد لحمدلله على السلامة،،احنا موجودين ياقلبي بس لما تقفل المنتدى انتقلنا لمنتدى ثاني وظلينا فيه للحين
أم هديل جابت بنوتة وسمتها حنين

الحمد لله على سلامتنا جميعا

انا بعد ولدت بالسلامه بتاريخ 25 مايو و كان المفروض اولد قبل هالموعد باسبوع بس تاخرت
و رزقني الله بعبادي

الله يبارك لي فيه يا رب :)

الف مبروك للجميع

الحمدلله على سلامة الجمييع

الف مبروك للجميع

ام راشد .. ام خلفان .. سحايب دبي مبروك ماياكم ويتربون بعزكم و عز ابوهم ان شاء الله :)

سحايب دبي يعني عبادي بالضبط من عمر حمود لاني انا بعد والده ب25 مايو

ام راشد ماقلتي لنا شسميتي البنت :)

مراوي شخبارك وشخبار تمارينك؟
شلون حمادي ؟؟
باقي البنات شخباركم؟

على فكرة بنات عالي مستواها جابت بنت وسمتها شما
مراوي خربطت يوم قالت لكم انها جابت ولد،،،يمكن في بال مراوي وحدة ثانية

هههههههههه ليش الفضايح يوم البنات نسو تذكرينهم
حمادي طيب حمد لله امس شريت له جنز ( بموت ابي البسه جنز و كاب جنز ) و تي شيرت احمر بروح اصور معاه يوم الجمعه ان شاء الله :)

الله يبارك لنا فيهم

انا ولدي سميته عبدالله
و الله بعد شريت له اوفر اول جنز بس كبير عليه لانه قطو صغييير اترياه شوي يكبر و بلبسه الجينز :)


يا رب عليهم تعبونا بس يجننون

وووووووووووي نسيت اقولكم شسميتها


خخخخخخخخخخخخخخخخخخخخخخخخخخ

سميتها جواهر :)

انا بكره عندي تطعيم حق جوجو كملت شهرين وعندها تطعيم وانتوا؟؟

اقول تعالوا صج قولوا لي شسويتوا خذتوا موانع حمل ولا خليتوها على الله

انا زوجي رافض موانع الحمل ايا كانت ويقول اذا اللله كاتب شي بيصير لو انتي منعتيه

[grade="00008B FF6347 008000 4B0082"]سلامات أمهات شهر مايو , حتى أنا ولدت يوم 6/5/2006[/grade]

الحمدلله على سلامتكم كلكم...

خبروني .. شو رايكم في الامومة...

ترقدون وإلا .. لا :)

سحايب دبي.. ههههههه ضحكتيني يوم قلتي ولدج قطو... بس ما اضني مثل ولدي.. انا ولدي طاح كبر الجرو الصغير... نزل كيلو 600 ... والحمدلله ألحين حالة احسن :)

هلا ام خلفان اما الامومه شي فظييييييييع ولا في الخيال والحمدلله على هذه النعمه
اما النوم اول الايام كان معدوووووم خصوصا مع ظروفي الصعبه والامتحانات كانت ايام كتيييييير صعبه بس الحمدلله عدت والحين زنوبه القمر ما شاء الله عليها تقريبا منظمه هي وقت نومته يمكن في النهار ما تنام واجد من جدي تنام اكثر في الليل والحمدلله

:shy: :shy: :shy: [grade="00008B FF6347 008000 4B0082"]الأمومة والحمد لله شيء رائع رائع رائع رغم التعب والسهر:أنا إبني يفيق هذي الأيام مرتين ثلاثة علي الأقل بالليل لكن الله يحفظه يجنن :إبتدأ يبتسم ويضحك لي[/grade]

هلا امهات شلونكم؟؟
السهر حدث ولا حرج،،،انا لسة ولدي ما نتظم نومه بس احسن من اول
بس الحمدلله على هالنعمة شوفته بالدنيا كلها

الحمد لله بدى شوي شوي نوم طفلي ينتظم
بس حبيبي وجهه محسس من يوم الجمعه و صاير احمر
جربت له ليبوبيز بس ما خفت عنه الحساسيه

الله يبارك لنا فيهم يا رب

سحايب دبي انا صار لولدي نفس الشي
ورحت معاه للدكتور ووصف لي علاج والحمدلله صفا وجهه
وقال لي هالحساسية هاذي تنرفز الطفل لانه تحسسه بالحرار والحكة
روحي معاه ولاتستخدمي له اي شي من عندك،،،انا حتى الصابون والكريم المرطب بعد الحمام خلاني اغيرهم له
كنت استخدم جونسون،،والحين استخدم له QV Kids
والحمدلله مرتاح معاهم لانهم مجموعة فيتامينات وكويسة لجسم الطفل

انا بعد .. فديتة ولدي قام يرقد بنتظام .. وايد احسن من اول ..

ساحيب دبي... هل غيرتي له الحليب.. او عطيتيه اكل او اي شي.. لان هاي الاشياء ممكن اتسويله حساسية.. انا من فترة ام زوجي واختي الكبيرة كانوا يقولون لي اعطي ولدي بسكوت في الحليب وانا كنت رافضة تماما.. كنت اقول اول ما يكمل 6 شهور بعطيه.. بس قلت خليني اعطيه في الشهر الثالث.. عطيتة اول يوم كان زين ثاني يوم بدت حبوب صغيرة على خدة وبقع حمرى على جفونة من فوق .. وعلى طول وقفتة وقلت خلاص توبة ما بعطيه شي غير الحليب لين ما يكبر شوي ...

بعده صغير يا ام خلفان توه في الثالث المفروض عقب الثالث تبدي بالاكل وبشكل تدريجي وخفيف

مراااااااااااااااااااااااااحب

شخبااااااركم


وشخبار بيبياتكم ؟؟

فديت جوجو صات تبسم لي وتسووووولف فديتها والله بس لين الحين مع المغص تعور القلب لين صاحت