مجلس امهات شهر مايو 2006 حياكم

ولكم باك مراوي

الحمد لله قلتلج لا تستعيلين بينزل الراس

بعد طاح برد امس؟

وانا ولا عمري تلاقيت مع البرد ابدا ... اذا يطيح بمنطقه اكون موجوده بمنطقه ثانيه ولا عمري شفته :(

لكن تدرون ليش دارت عاصفه امس

لاني شفت الشمس مشرقه الظهر و حر و سيارتي كانت وصخه طرشت مسج حق زوجي العصر قلت له السياره وصخه جان تمر توديها تغسلها

لاني كنت في بيت ابوي ادرس اختي

الله وكيلكم ماكمل المسج دقيقه الا بالرعود و البرق قالب المكان و المطر بيغرق المكان

قلت خلاص خلاص بلاش يا سيارتي مو لازم تتغسلين ظلي بوصخ مالك احسن

معروف عند صديقاتي في الدوام يوم اللي يطق مطر بوقت ماله عاده يعني مشمس و حر و فجأه يطق مطر يقولون اكيد مراوي مغسله السياره :)

هههههههههههه انا غير عنج انا من اغسل سيارتي يطق مطر او يدور غبار يعني لازم يصير شي يوصخها

اي نزل برد وانا سمعت ان بس في محرق اللي نزل برد واكثر شي المطر بس ما ادري عن الباقي .. بصراحه الجو امس كان روعه

هلا مــــــــــــــراوي
الحمدلله طمنتينا عليج والحمدلله انتي بعد تطمنتي عشان ماتحاتين

دلولة الظاهر سياراتكم ماتحب النظافة كلش؟؟خلاص بلاش تنظفوها أحسن
يعني عرفنا متى بينزل عليكم مطر،،،يوم تنظفون سياراتكم هههههههههههههه

صباح الخير

خلوني اعدد شنو الشغلات اللي باقيه عشان يمكن ناسيه شي

1. ثيابي للمستشفى + ملابس داخليه ( اخذ عاديه ولا في نوع معين للوالدات؟ )
2. اغراض الحمام + فوط صحيه ( اي حجم اخذ؟)
3. بطاقات التوزيعات
4. اللوحه
5.

بس هذا اللي متذكرته الحين اذا تذكرت برجع اكتبهم هني عشان يكونون قدام عيوني و ما انسى

الحين بروح اصحح اوراق المنتصف و اشوف لي صرفه مع بحوثي لازم اسلمها عشان بأي وقت ممكن اولد بالتاسع
و بعد لازم ابتدي اراجع عشان اقدم المنتصف قبل المجموعه و لنفس السبب

حاسه اني في دوامه مادري ابتدي بشنو ولا شنو !!!

الله يعينج يا مراوي كل ذي على راسج احنا ماعندنا شي ونحس انا متخربطين عيل اشلون انتي

انا اللي اعرفه مافي نوع مخصص للوالدات بس الأحسن انج تاخذين قطنيات احسن وحطي في بالج هالفترة الجو حار يعني لازم يبيلج قطن

انا بالنسبه لي كل شي عن التوزيعات جاهز بس اليوم بروح اشتري شوكولاته لأن اللي بالمحل ماعجبني والبطاقات والستاند جاهزين امس خلصت البطاقات

تدرون شنو اللي نسيته وليلحين ماشريته >>>> مراضع ومصاصة .. مالي الا اليوم اروح اشتري بعد شاسوي


================

ام جواد

انتوا بس قطوا طلب متى تبون ينزل مطر(استغفر الله) واحنا بنغسل سياراتنا ههههههههههترى واسطات واللي يدفع اكثر

حصلنا تجارة يا مراوي

============

نبض وام هديل وسندس و وريقات وينكم مالكم طاري .. عسى المانع خير

هلا حواااااااااااااااامل شخباركم؟؟
مــــــــــراوي ودلول في نوع من الملابس الداخلية يفضل استخدامه في الايام الأولى،، من الولادة،،،زي اللي يعطونا اياهم المستشفى هذا طبعا لبسة وينرمى لو توسخ
انا عن نفسي لما أجهضت المرة الماضية ارتحت فيهم بأول الأيام،،،طبعا مثل ماقلت لكم بالمستشفى بيعطوكم طوال الفترة اللي انتو فيها،،،وكمان موجودين بالصيدليات ومقاسات،،،وبالنسبة للستيانات طبعا لازم تآخذوا مقاس أكبر من اللي تلبسونه الحين لأن الصدر يكبر حجمه أكثر لما تولدين،،،في نوعية قطنية خاصة للرضاعة في الماذركير وفي ماركس سبنسر

ومثل ماقالت دلول بعدين الملابس القطنية راح تكون مريحة لبعد هالمرحلة،،لان مثل ماتعرفون الغزارة راح تكون بس بأول الايام بعدين بيكون خفيف،،أما بالنسبة للفوط الصحية فما أدري أي حجم وشنو أفضل نوع،،،اللي تعرف تخبرنا؟؟
انا عموما بكون في بيت هلي اليوم وبسأل لكم خواتي،،وغير جذي ناوية اسأل دكتورتي بعد،،لأن بشرتي حساسة ومابي اي نوع
............................................
الله يعينج يامراوي صج تعب عليج بس تحملي

دلول امس يوم اشوفها تمطر عندنا قلت أكيد ماروي ودلول ناوين مو على تنظيف السيارات بس،،،الا شكلهم يبون يلمعونهم من جذي المطر مستمر لليل

نبض هذا اهي ،،اذا احنا صار لنا نص يوم مادخلنا سوّت علينا الفزعة وفضحتنا،،واهي حلال عليها
عاد لاتتأخري علينا يانبض انتي بمرحلة الخطر(الولادة) ومن تتأخرين بيروح فكرنا لبعيد

أم هديل وينج انتي؟؟هذا ماولدتين والواحد يالله يشوفج ؟؟شخبارج؟؟

وريقات دخلتي كم يوم وقطعتينا،،وسندس باقي البنات وينكم؟؟

تذكرت بعد جم شغله

5. شفاطة حليب
6. جهاز مراقبه البيبي
7. بطاقات التوزيعات
8.

اعتقد ان هذي الاشياء اللي باقيه عليي بشوف ستيانات الرضاعه مادري وين احسن مكان سمعت يقولون اللي عند مذركير مو زينين

و سبنسر ماحب اشتري من عنده احس بتانيب ضمير لو شريت منه

بجرب دبنهامز شرايكم عنده ستيانات رضاعه؟

مـــــــــــــــراوي هلا وغلا
شخبارج؟؟تمام؟؟
شفاط الحليب ما أخذتيه؟؟؟طيب أفضل نوعية اهي نوعية بيجون وخذي اليدوي مش الاوتوماتيك

جهاز مراقبة البيبي خذي الصوتي،،انا من فترة حطيت لكم لنك عن جهاز مراقبة صوتي مرئي تشترينه بالطلب من النت،،،بس بعد السؤال عنه طلع مو كويس وممكن يضر البيبي لأن فيه كاميرا مراقبة وتشتغل لآسلكي ويقولون انها مضرة
يعني الصوتي العادي أفضل

ستيانات الرضاعات انا للآن ماشريتهم بس اللي سمعته قلته لج
قبل لا انسى خذتي منظف المراضع؟؟

ووووووووووووووينكم يا بنات ما تنشافون شخبااااااااااااااااااااركم
بغيت اسالكم عن افضل نوعية فوط صحيه ممكن الوحده تستخدمه اول الايام للدم الغزير الي في البدايه

ام جواد تقصدين المعقم اللي مثل طنجره ولا الفرشه اللي تنظف المراضع؟
هذا ماشريته و مافكرت اشتريه قالو لي مايسوى لان التعقيم تقدرين تسوينه بروحك ان تحطين المراضع في ماي يغلي لفتره بسيطه مايسوى تشترين لها جهاز

و الشافاط بعد ماشريت للحين قلت يعني بكون معاه اجازه مابحتاج لها الحين بس بشتريه من الحين احسن

=====================

سندس هذا كان نفس سؤالي

اذا مالقيت جواب بشتري اكبر حجم اعتقد في حجم كاني شايفه حق التدفق الغزير او الولاده عند اولويز

قوه بنات شخباركم

بالنسبه للفوط الصحيه انا من رايي اولويز البنفسجي الحجم الكبير احسه انفع شي ومكتوب عليه للتدفق الليلي الغزير وبعد مادري يمكن تعرفون نوعيه ثانيه

ام جواد
هههههههه الله يسامحج كنت ناويه اغسلها امس بس قلت خل اصبر الجو مامنه امان يمكن مراوي غسلتها ماتدرين

بنات عقب باجر .. تاريخ 9 .. ادخل شهري وااااااااااااو احس اني قطعت شوط كبير ياربي متى اولد وافتك تمللت
يله الفال لكم ويارب تسهل علينا



باقي البنات وينكم يالقاطعيييين >>> شخباركم

مبروووك دلوله .. انا اعتبر الوحده اذا دخلت الشهر التاسع يعني مشوارها منتهي لان خلاص بأي لحظه ممكن تولد

والله ودي لو اولد من اول اسبوع بالتاسع لكن ارجع اقول الخيره فيما اختاره الله

على فكره بسالك .. مالاحظتي انه ينزل من صدرك سائل؟ ام جواد بعد ياليت ترد عشان اهي حامل في ولد و يمكن حمل البنت يفرق عن حمل الولد

لان بنت خالتي تقريبا اهي موعدها نفسك دلوله بس اهي دخلت التاسع من يومين تقريبا تقول انها لاحظت ينزل سائل من صدرها

هذا بدايه تكون الحليب بس انا للحين مانزل مني شي بس لاحظت كان في طبقه قشره شفافه و قشرتها

هلا بنات يسعد مساكم
شخباركم مراوي ،،دلول،،،وسندس ،،،وجميع البنات اللي مقاطعين المجلس
مـــــراوي انا أقصد الفرش لأني سمعت ان جهاز التعقيم مش عملي،،،وبعد سمعت من خواتي انهم بعد مايغلون المراضع في الماي يحطون المراضع في الفريزير وهاذي طريقة من طرق التعقيم

بالنسبة للسائل والله يامراوي مانزل علي شي،،لاحظت في بداية السابع ان في سائل خفيف وقليل مرة وشفاف نزل من صدري وكان مجرد نقط،،،ومنها ما أشوف اي شي،،بس يمكن لو تضغطين على الصدر تلاقين نقط شفافة تنزل
بس انا والله للآن ما اشوف شي

الف مبروك دلولة،،عقبالنا،،انا اذا مراوي دخلت التاسع بدخله وراها على طول،،هي وام هديل
بس المصيبة انا ماكوا تواقيع وصاير مخربطة باسابيعي وأيامي
يالله هانت يادلول،،،انا مثلج مراوي أقول انشالله ما آخذ من التاسع واااايد ياريت اولد على طول من ادخله،،،ما انا لاحاسة بشي لا بآلام استقبال ولا أي مقبلات
ها مراوي ودلول ماتحسون بشي؟؟يقولون الوحدة ممكن تحس بالام قريبة من الام الدورة بس خفيفة ومتقطعة

بالنسبة للفوط بنات خواتي قالوا لي ان في انواع خاصة للولادة وحجمها أكبر من الالويز طبعا هاذي للأيام الاولى بعد الولادة عشان كمية الغزارة
روحوا الصيدليات وشوفوا واذا ما ارتحتوا لللأنواع استخدموا الالويز مع اني احسه خشن على المنطقة بأول الأيام

بالنسبة الى السائل فهو ينزل من قبل التاسع بجم شهر يعني من الشهر السادس او السابع

والله شاقولكم انا ينزل مني سائل بس مو دائما يعني ساعات يكون شفاف وساعات يكون مائل للبياض ومثل ماقلتي يا مراوي فيه نوع القشره الرقيقه وانا بعد شلتها

هاليومين اتييني آلام خفيفه مثل آلام الدورة عاد مادري اشسالفتها انشالله علامات ولادة وارتاح
والفال لكم

باروح اليوم الصيدلية يا ام جواد وبشوف هالفوط وانشالله يطلعون زينيين

هلا حوامل..
اسمحولي ما دخلت من كم من يوم لأن من يوم الاربعاء ما راضي يفتح الموقع عندي فجاة تبند بدون حتى ما اسوي تسجيل خروج..
الحمد لله أنا تمام..
تدرون قبل بارحة ولدت ربيعتي وطبعا موعدها مكان عطوها بنص الشهر و في لندن عطوها آخر الشهر و يابت بنوته(طبعا لما كلمتها وصتني من إيي الألم أشرب ماي زمزم و اكل تمر من أي نوع إذا طبعا تمر عجوة ما كان متوفر عندي..

والبارحة قصتي قصة..من المغرب و انا فيني ألم بطني مشتد علي ومتواصل مع ظهري و حضرت الكتكوت يرفس من خاطره ومع كل رفسه يتيبس علي بطني..المهم زوجي عزمني على مطعم فماحبيت اكسر بخاطره ورحنا بس يوم وصلنا كان فل وماحصلنا مكان فاضي للعائلات..
ورحنا مطعم ثاني ويوم وصلنا و قعدنا زاد علي ألم بطني وحسيته بينفجر فقلت له خلنا نروح احسن ما قادرة و الله لحد ما وصلت البيت و انا اعتذر له و أقول خربت الطلعة بسبب بطني بس يحليله قال لي عااادي و ما صار إلا كل خير..
و ألحين قدرت ادخل و أخبركم آخر أخباري..

ويييييييييييييييييييييين التوقيييييييييييييييع ما صدقت وصلت لآخر صورة..

ماعليج شر نبض والظاهر كتكوتج مستعجل يبي يطلع خلاص يقول لي متى يعني

والتوقيع مايندرى عنه وين راح ..

نبض هذا اللي احس فيه احيانا

احس مثل شريط الم يمسك بنهايه الظهر و ولدي الله يحفظه كانه يدري .. يرفس يرفس و بطني يتيبس و كانه ينتفخ جنب واحد تقولون كانه اللي يصير بأفلام الكرتون حتى اني اقعد اضحك من شكل بطني وهو يتنفخ كل ساعه مكان

بيني و بينكم قاعده احاتي الامتحانات مادري اخاف لا اولد مع امتحانات المنتصف او اولد و ماسلمت بحوثي ولا اولد و يكون النهائي على الابواب مادري شلون بدرس
شايله هم هالسالفه مو عارفه استانس على راحتي ان ولادتي ان شاء الله قريبه



طيب بهالفتره خصوصا ما بقى شي .. كل وحده تقول لنا شنو الهواجس اللي تجيها او افكار تطري على بالها سواء افكار حلو او مخاوف

انا عن نفسي كله خايفه اني اموت بالولاده و ماشفت ولدي اقول عالاقل خل اشوفه بعدين اموت

او بعيد الشر بعيد الشر ان ولدي يصيبه مكروه بعيد الشر عنه

هل انتو تجيكم هالافكار البايخه يعني شي طبيعي بهالمرحله ولا انا وحده وسواسيه زياده عن اللزوم ؟؟