مجلس امهات شهر مايو 2006 حياكم

هلو بنات
اجوفكم قلبتوها سالفه تدريس هههههههههههه الله يكون بعونكم اما انا ما عندي احد ادرسه افتكيت كنت ادرس اختي قبل ما اتزوج بس من تزوجت فقيره مالي خلقها ابدا ومن حملت ما اطيق ادرس احد لان اعصابي تضرب التوب هههههههههه الله كريم
اي الله يساعدنا والله يا امهات شغل وبيت وتربيه من جذي (الجنه تحت اقدام الامهات)
يالله تصبحو على خير جميعا باخذ لي فره بلمنتدى وبروح اريح لي شوي اليوم قاعده من وقت للموعد والحمد لله كلشي تمام

وانتي من أهل الخير أم هديل..

سلاااام للحلوات

ادري بتقولون وينها هاذي طلت مره و غابت بس

من جد مشغوووله و ما عندي وقت الله يعين

تقولون جايه متأخره بعد عارفه بس انتو ما تدرون وش السالفه

حملي هذا كله اصابات ههههه من جد مختلف تماما يعني ما فيه شي

ما تعب فيني هالمره

بالبدايه طبعا غثيان و لوعه هذا ماشي

بعده جاني الم ظهر صرت ما امشي

و بعد ورم في اصبعي قال لي الدكتور يطلع مع الحمل

و للحين ما طاب ولدي يسمي اصبعي ابو عين وحده لووول

و بعد التهابات طول فتره الحمل

و بعد حكه بالسيقان و تنفخ

و اكتئاب الحمل

و ... و.. ههههههههه

صدق حملي هذا بدعه الصراحه خخخخخ

الله بس يتمم علي عسى تطلع النهايه تقليديه

و ما فيها مفاجئات....

طبعا ما قلت لكم موعد ولادتي اساسا هو 19 مايو

بس يوم سويت اشعه قالت لي الدكتوره 15 مايو على شكل الجنين

و الحقيقه انا ما اعرف ولد و لا بنت كنت ناويه اني اعرف

بس زوجي رفض و اقنعني نخليها مفاجأه...

بس للحين ما لقينا اسماء ههههه مدري وش ننتظر

ما قدرنا نتفق على و لا اسم..

بسبب حاله ظهري المفروض اني ما اقعد على النت و الكمبيوتر عموما

عشان كذا ما ادخل الا قليل

و بعد انا اداوم عشان كذا الحين علي ضغط كبير

الاسبوعين الجايين لازم اخلص كل اشغالي ان شاء الله

عشان اول ما ادخل التاسع خللاااااص لازم اكون ان شاء الله

مستعده و ابغا بعد ارتاح

احتمال تروح شغالتي بعد اهئ اهئ

و بحاول اخذ اجازه من الشغل يا رب تعطيني الدكتوره

طوووووووولت عليكم الهذره معليش بس هذا حق 8 شهوور

خخخخخخخخخخخخخخخخ باي

هلا وغلا حواااااااااااااااامل
شخباركم كلكم؟؟وحشتوني
انا اليوم كانو جاراتي عندي على العشا من جذي مادخلت النت الا قليل مررررة
ماشاء الله عليكم نبض ودلول ومراوي ،،فاتحينها مدارس،،عاد انا اكره ماعلي التدريس،،ماحب ادرس احد اعصابي بسرعة تركب فرق
من جذي انا مابي اتوظف تدريس ورافضة هالشي ابي اي ش الا التدريس

أم هديل هلا وغلا وينج اليوم مابينتي؟؟
الحمدلله موعدج تمام وانشالله دووووم،،،شاونج من التعب؟؟والانتفاخ؟؟صرتي احسن انشالله

أم القوقو خذي راحتج،،الواحد في الحمل يحتاج دايما انه يفضفض لأحد من التعب اللي يشوفه،،،الحين عرفت ليش الجنة تحت اقدام الامهات
........................
أنا مدري شفيني صايرة وااااايد متمللة من حالي ومو طايقة نفسي ابي اولد وارجع زي اول اتحرك بكيفي وأطلع بكيفي والبس بكيفي
مع اني بشهادة الكل ماتغيرت وماتشوهت الا بالعكس الحمل عاطيني حلاوة ووجهي منور وحملي الحمدلله حليو ومو متعب مررررة ،،،بس خلاص ابي تمر الايام ويجي موعد ولادتي وارتاح ،،،ابي اشوف البيبي خلاص لمتى بعد؟؟
على قولة ريلي ليش حملكم مو مثل المسلسلات،،،الوحدة تحمل في يوم،،،يوم ثاني تولد،،،بسرررررررررعة يعني
تـــــــــــخــــــيـــــلوا عاد؟؟

يالله انا بطلع انام صايرة ماشاء الله علي أعز النوم وبيني وبينه علاقة حب قووويه ما اقدر استغني عنه،،هو صحيح الواحد يتقلب الف مرررة بس النوم صاير حلو
الحين الساعة 3 الا الفــجر،،، صج انا فاضية
تصبحون على خير حووووامل

صباح الخير ياحوامل

بسكم نوم

انا اول وحده صاحيه فيكم من وقت

على اساس انى صاحيه برضاي هههههههه


ام القوقو الله يعطيج العافيه ما عليج شر

وبالنسبه للتدريس ما في شي يرفع الضغط اكثر منه ا الله يعينا يس


يالله باخدلي جوله بالمنتدى وبروح اكمل شغلي

هلا بنات شخباركم شمسوين

السلام عليكم

شخباركم يا حوامل انشالله تمام

ياربي يا ام جواد مو بس انتي اللي متملله انا صايره مو طايقه حتى نفسي كل يوم اشوف ثيابي بالكبت واتحسر عليهم لأني مو قادره البسهم وراحت ايام الشياكه عندي وصرت ما احب البس ولا احب اتعطر يعني ريحة العطر تخنقني وما اطيق شي بس ابي اولد خلاص وصلت حدي صرت تعبانه في هالفتره الاخيره ما اقدر امشي وايد وريولي دايما منتفخه مادري اشعندها مشروع بالونه والله مادري

وبالنسبه للتدريس شاسوي لازم ادرس اخوي مسكين ما اقدر اخليه بروحه ابيه يطلع متفوق

شخبار تجهيزاتكم خلصتوا شنطتكم وشنطة البيبي؟؟

السلام عليكم..
شخباركم خواااااتي..
انا بعد بس تعبت أبا أولد و اتحرك و ألبس ع راحتي وانام على بطني:shy:..تدرون شكلنا مستعيلات على السهر:cry::cry::sad:
دلوله..بالنسبة للتجهيزات أنا من زمان سكرت شنطة البيبي بس شنطتي بحاول اليوم أو باجر أسكرها لأن باجر خلاص بدخل التاسع:smile::clap::pain:
أم جووواد انا بعد البارحة ما قدرت انام يمكن نمت الساعة ثلاث بس الحمد لله على كل حااال...

تعرفون شي عندي ألم في بطني من جهة اليسار وممتد لتحت-مثل الشد العضلي..يعورني حيييل الله يستر كيف بكون ألم الولادة.!!:cry::cry:

شفتوا توقيعي شو حلاته خلاص آآآآآآخر صورة:yes::bigsmile::yes::bigsmile: استااااااااااااااااااااااانست وااااااااااااااااااااااايد واااااااااااااااايد و عقبالكم..

مبروووووووووك نبض وانا لاحقتج تاريخ 8 بوصل لآخر صورة

الله يستر من الم الولاده ويسهل علينا يارب ونطلع بالسلامه انشالله
انا لا شنطتي ولا شنطة البيبي برزتها انشالله على هاليومين ببرزهم والله يكون بالعون

هلا بنات صباح الخير،،،اقصد مسا الخير
شخبارد دلول؟؟ الله يعينج على الانتفاخ؟؟وشكلنا كلنا ماعندنا صبر

نبض هلافيج شخبارج؟؟ والله لو على الملل بكتب مجلدات،،لا والحركة الجيدة أحلامي امس كلهاعن الولادة
اني بولد وياكافي الشر ولادتي متعسرة وبيسوا لي طلق صناعي وخرااااااااااااااابيط مالها اول ولا آخر
بس في الاخير جبت ولد ياعيني عليه يجنن،ماشاء الله ،،،عشان جذي مارضيت اقوم من النووووم ابي اكمل الحلم
شفتوا شقد انا فاضية

اللله الله احنا متى بنوصل لآخر صورة؟؟
انا بعد ابي اصير مثلكم؟؟انا عاد حدي مستعجلة الله يستر من حنّتي على السالفة؟؟
عقبالنا والله انشالله مايراويكم الا كل خير في هالشهر

هلا ام جواد شخبارج انتي .. وجان على الأحلام كلها مرعبه وكوابيس كلها آلام وعفسه وبالأخير يطلع لنا البيبي يجنن شفتي شلون يقولج عقب الآلام ايي انا اشحلاتي

اي نسيت اقولكم امس جمعت بَرَد وخشيته حق بنتي علشان أبردها وتفتك من الشعر الزايد .... هذي اللي كنت ادوره لها من الشتا لي أمس حصلته صج بغيت أزلق وأطيح جم مره بس كلشي يهون في سبيل الشعر الزائد علشان ترتاح مو مثلنا احنا

(بَرَد) شو هذا يا دلوله..
ارقدي بعدج و لاترتبي الشنط إنتي تعرفي إن في حووامل يولدون تقريبا في أول يوم من التاسع..شو ما تخافين..
يالله عن الدلع و جهزي الشنط..

دلوله لاحظتي شي..
عدد مشاركاتي قريب من عدد مشاركاتج..
شو هالصدف معاي في كل شي..
أكيد إللي في بطنج نفسه في بطني ههههههههههههههه و الله اعلم

مرحبا خواتي
اشلونكم انا يمكن صايره قليل انزل مشاركات بس شسوي ملل وبصراحه متملله من قعدة النت لان صايره اتعب بسرعه مدري شفيني
دلوله كاني لحقتج بنتفاخ لرجول والله متعذبه مقدر اخطي خطوتين وغير ريح الاستقبال اللي عندي ذابحتني اكثر والله احس ان الججزء السفلي عندي مرات مشلول ومقدر اتحرك .... الله يساعدني بس
الشي الوحيد الا مستانسه فيه اني لو انام 24 ساعه عندي عادي صايره اموت بلنوم بعكس الشهر السابع معاناه بمعنى الكلمه
وعن التجهيزات والله انا للحين ما شريت كل شي بقى تجهيزاتي وكم شغله للبيبي يعني اكيد ما سكرت الشنطه لا للبيبي ولا لي (يومي عن سنه) ههههه
ام جواد هلا عيوني من زمان ما لقيتج عسى ما شر اختي اتمنى الاقيج اليوم وشكرا على السؤال
نبض مراوي سندس وريقات اشلونكم وشلون البيبيات وياكم

هلا بـــــــــنـــــــــــات شخباركم؟ يسعد مساكم؟؟
أم هديل ياهلا قلبي،،، بس انا كنت نايمة الظهر من جذي مادخلت عموما انا ارسلت لج ايميل ياعيوني

مـــــــراوي شخبارج صايرة ماتدخلين واااااااااااااايد او يمكن يتهيأ لي
شلون البيبي معاج؟؟

باقي البنات كلكم شخباركم حبيباتي؟؟

مراوى ....ايش اخبارك..؟؟؟؟؟؟؟؟

وانا اقول وين مراوي غايبه اثاريك هنا..؟؟؟

اكيد عرفتيني؟؟.

باااااااااااااااااااك

طولت عليكم ادري بس شسوي توه جهازي اليوم تصلح :)

شلونكم و شنو أخر اخباركم

انا اخباري ان كل شي بالموعد تمام اليوم و اخيرا انقلب و صار الراس تحت .. الحين تطمنت :)

=================

بنوته متزوجه هلا والله اكيد عرفتك حتى اني ما استغربت يوم شفت اسمك عبالي انتي موجوده معانا من قبل بهالملف

الخطوط دشت ببعضها عندي و خربطت بين هنا و هناك :)

منورتنا و حياك الله معانا على طول :)

========================

وريقات كان سالتني عن اسعار التخصصي و صادف اني بعدها اخترب جهازي
سوري عالتأخير .. عالعموم انا كنت عندهم اليوم عشان ادفع مقدم الغرفه و خذيت اسعارهم مره ثانيه

اسعار الولاده العاديه حق يومين :
390 دينار حق غرفه مشتركه/ خاصة( هي الغرفه مشتركه بس تصيرين فيها بروحك يعني كانها خاصه )
450 ديلوكس ( غرفه خاصه)
695 بريميير ( غرفتين مفتوحين على بعض وحده للوالده و وحده للضيوف)
960 دينار في أي بي ( 3 غرف مفتوحين على بعض

و حق 3 ايام بنفس الترتيب:
470 دينار
525 دينار
880 دينار
1280 دينار

و طبعا اسعار الولاده القيصريه بعد تختلف و لها اسعار حق 4 ايام اقل شي و 6 ايام اكثر شي

الاسعار شامله الاقامه حسب المده يومين او 3
العلاج و الكشف اليومي من قبل الطبيبه
الولاده في المستشفى و العلاج المائي لتخفيف الالم قبل الولاده
احتياجات الطفل و الام خلال وجودهم في المستشفى من شامبو صابون و هالشغلات
الادويه و الحقن اذا احتاجت
تحاليل المختبر للام و الطفل
زياره طبيب الاطفال خلال مده الاقامه
زياره لطبيبه تغذيه خلال الاقامه
زيارات روتينيه مستمره للممرضات لتمريض الام
وبعد شغله بس ماعرفت ترجمتها شنو كان يعطونك جلسه وحده في مادري شنو ماعرفت الترجمه :)

السلام عليكم

نبض

اذا انتي في خاطرج بنوته انشالله بتكونين نفسي في كل شي .. تعالي صج انتي تاريخ جم موعدج؟؟
انشالله راح اجهزها مع ان كل شي جاهز عندي بس متكيسله

(البرد) هذا اللي ينزل الثلج الشفاف