مجلس امهات شهر مايو 2006 حياكم

لا يا سندس حطي على روحج وروحي سوي لأن كلش مافي وقت وبعدين بتتوهقين ومن تدشين التاسع مو شرط في نفس التاريخ تولدين يمكن قبل فما تدرين روحي فصلي لأن ياخذ وقت لي مايبرز

السلام عليكم شلونكم يا حوامل

ترى انا متابعتكم من البدايه

وانا بالثامن

بالنسبه لسؤال ورده البحرين

المستشفى الدولي 750 دينار لمده ثلاثه ايام

والدولى اعتقد 350 دينار او اكثر بشوى مو وايد

بس هاي الى اعرفه عنهم

واتمنى ايفيدونج الخوات عن الباقي

تصدقون عاد رحت ابي افصل قالوا اليي ما فيي الا بعد شهر ونص يعني ما في امل احصل تفصيل على هالحاله والجاهز الموجود ما عجبني

السلام عليكم

كيف الحال

انا معاكم ان شاء الله تابعتكم من البدايه بس هاذي اول مره اشارككم

و انا بالثامن بعد الله يهون علينا جميعا

بموووت من شد بطني بس احط كريمات و لا فيه فايده ههههههه

متى يطلعون هالكتاكيت بالسلامه ان شاء الله

بالتوفيق للجميع

صباح العسل

ام جواد ومراوي ونبض مو جنكم مصختوها وينكم مادخلتوا عسى المانع خير


ام القوقو و وريقات الربيع
هلا فيكم خواتي وحياكم الله معانا ومتى موعد ولادتكم انشالله؟


سندس شوفي جم مكان لا تروحين مكان واحد واذا ماراح يفصلونلج اخذي جاهز بعد شتسوين

صباح الخير دلوله

انا موعد ولادتى 28 5 2006


وبالاشعه عطونى موعد اقرب من هذا باسبوعين بس انا اتوقع الموعد الاول


والله يسهل علينا جميع

دلوله اعذريهم ما يقدرون يقاومون النوم

السلام عليكم..
صباح الخير يا عسل...
شخباركم؟شو مسوين ؟عساكم ع الصحة؟
أم القوقو و وريقات الربيع...هلا بيكم بس كأنكم وااايد متأخرات في الرابطة..بس مسامحينكم..
سندس...حبيبتي بعدج نامي و لا تروحي تفصلي وتخلصي..المهم يالله شدي حيلج و روحي بسرعة فصلي أو اشتري جاهز(الله يعينج)
دلوله..ما شاء الله عليج مصحصحه من الصبح و شكلج في قمة نشاطج.زتدرين انا الصبح تيني أحلى غفلة على حزت ما بقوم من الفراش(الكل يقولي ارقدي و استانسي عقب ما بتقدرين تنامين عدل)
مراوي،أم جوااد،أم هديل ...شخباركم الغاليات...
أم جوااااد....غريبة ما دخلتي الصبح متعوده على هالحزه أشوفج موجودة..عسى ما شر..حاولي تطمنيني...

اي والله نبض احنا متاخرات

بس انا كنت متابعتكم يوم بيوم

والله يسهل ع الجميع

والي يقولج نامى الحين بعدين ما بتقدرين تنامين صدق والله

بعدين تنامين وقت ما يسمح ولي العهد

وراح اتشوفين الفرق بين الحين وبعدين

المهم انه يشرف بالسلامه والله يكون بعونه ويه النوم بعدين

الله يعينا..
وريقات الربيع..ها شو قالولج بنت و إلا ولد؟؟شكله ولد!!!

هلا نبض

والله ماكنت حابه اعرف

بس الله يسامحها قالتلي

وتوقعج صح

لكن العلم بيد الله وحده سبحانه

تضل المفاجئه وقت الولاده احلى

وانتى شو بنت ولا ولد ما اتدكر

أنا مخلتنها مفاجاة للحين..
و أخاف أروح الأسبوع الياي-عندي مراجعة-وتقول لي..حرااااام بموووت و بصيح

يالله الدنيا ام جووواد داخله المنتدى و أم هديل بعد و للحين ما دخلتوا ع المجلس..
ع الأقل قولوا هوووووود بس و اطلعوا..
خلاص لازم نسويلكم عقااااااااااب..

اي والله نبض خليها مفاجئه احلى

لو رحتى الموعد قوليلها ما بي اعرف

من البدايه حلو تعرفين بعد الولاده ولد ولا بنت

الله كريم

والى ما دخلو المجلس لازم عقاب ما يصير نتركهم

صدق أنا مفضله إني اخليها مفاجأة لي و لغيري .زالله يقومنا بالسلامة خلاص ما باقي لي شي بدا العد التنازلي عندي..

خلاص يا وريقات خلنا نفكر بعقاب و ننزله لهم و إذا ما نفذوه بنقاطعهم(6):mad2::think::mad2:

هلا وغلا بنات
نبض ياهلا فيج،،،انا والله صار لي فترة ماشاركت بمجلسنا،،مادري شفيني اليومين اللي راحوا كنت حاسة بتعب،،،يادوب ادخل اقرأ الجديد واطلع
وبصراحة في الويك آند ماحد يدخل من البنات الا قليل فتحسين المجلس مايتحرك،،انا من كم يوم رحت البحرين ومن جت وانا حاسة بتعب بس اليوم أحسن

افاااا يانبض انا تنزلين علي العقاب؟؟ أهون عليج ؟؟
أنا الحمدلله بخير بس تعرفين تجي أيام والواحد يحس فيها بتعب أكثر،،،انتي شخبارج؟؟
..................
دلولة
هلا حبيبتي ،،تسلمين على السؤال ماتقصرين
انتي شخبارج وشخبار البيبي؟؟ انا الحمدلله بخير،،بس مليت ودي تمر هالايام ونخلص ونولد
................
مــــــــــــــــراوي شخبارج؟؟انتي بعد مثل جالتنا ماكو حس ولا خبر...عسى ماشر
................
سندس كيف الحال؟؟وشلون البيبي؟؟
........................
أم القوقو ووريقات الربيع،،،حياكم معانا؟؟شخباركم؟
............
أمس كان عندي موعد والحمدلله كل شي تمام البيبي وام البيبي بخير الحمدلله
بس للأسف طلع عندي التهابات ،،، البيبي تمام وكبر ماشاء الله صار وزنه 2 كيلو و200 الدكتورة تقول انه واااايد تمام،،وانا بعد وزني زاد كيلو لأنه كان ناقص من شهر
المشيمة الحمدلله فوق والراس نازل لتحت الحمدلله
..................
انتو شخباركم؟؟وكيف اوزان اولادكم؟؟وأوضاعهم؟؟

شدعوة ياوريقات انتي توج تدخلين المجلس تعملين عقاب انقلاب؟؟
هــــــــــــــيـــــــّن هذا بدال ماتحاولين تكسبينا...لكن ماعليه ارويج>>>.بتشوفين الجانب الشرير من شخصيتي:mad2:>>>>>عن حساب أخوفج

وانتي يانبض أشوف مستقوية علينا هاليومين،،،ما كأن بعض ناس تجيهم فترات مايدخلون !!!!!صح ولا لا؟؟ ومع ذلك انتي بالذات مانرضى ننزل عليج عقاب
لكن ماعليه بتشوفي...:mad2:>>>المفروض تخافين يعني

لا والله مالنا غنى عن هالمجلس بس الواحد تمر فيه شوية متاعب وانتو بعد يا بنات حاولو تحركوا المجلس صاير مايمشي مثل لمجالس الثانية،،مجلسنا شوي بطئ
وهذا انا معاكم الحين عسى رضيتوا علي بس >>>.ترى أنا فقيرة وأكسر بالخاطر وطيبة بعد:cry:

هلا حوامل سامحوني على التقصير بحق المجلس بس الظروف شوي معاندتني بس حبيت ابين ان انا ما اسوي تسجيل خروج من المنتدى فيبان اني متواجده على طول ...حتى لو ما كنت موجوده
المهم حبيت اطمنكم عني انا الحمد لله بس تعبانه كثير لان عندي ريح استقبال وعافستني مقدر حتى امشي خطوتين وغير النفخ برجايلي .... بكره عندي موعد وانشاء الله اطمنكم عني اكثر بس ادعو لي
شككرا لكل من سأل عني

مرحبا بنات جميعا

اعذروني مادخلت من امس و السبب ان جهازي كان خربان مادري شسويت فيه من بلوه اليوم زوجي بياخذه الوكاله

فجبت معاي جهازي اللي في المدرسة لحد مايتصلح هذا

امس كاني ضايعه و ضايق خلقي .. ابي ادخل بس كاني مربطه :)

هلا بالكل شلونكم

ام جواد ولا تزعلين نمز ح معاكم

والله احنا ما نقدر نعاقبكم بس العتب على قد المحبه

ولا تقطعين عاد

واحنا اكيد راضين عنج

ام هديل ماتشوفين شر يالغاليه

مراوى هلا والله وان شاء الله جهازج يتصلح

نبض وينج

انا بروح وبحاول ارجع بعدين

انا بعد موعد ولادتي 21مايو 2006 بس امس قالوا لي انها بتكون 30 مايو للعلم اخر مره يتني الدوره 14 اغسطس2005 مع تحياتي