مجلس امهات شهر مايو 2006 حياكم

هلا حبيبتي
لا والله يالغالية أنا بعد مايطلع عندي التوقيع من فترة وأحس حالي ضايعة..
تعودت كل يوم أحسب لحالي والشريط مساعدني،،أنا قرأت بمشاركة وحدة من البنات في موضوع ،،ان هاذي السالفة من المنتدى،،ويمكن في بعض الأمور اللي قاعد المنتدى يضبطها وعلى هالأساس توقفت التواقيع هالفترة

أهااا أنا بعد افتقدت التوقيع وااايد
المهم أنا بروح اتغدا و بعدين بحاااول أدخل...

هلا نبض

لا دخلت من قبل بس تعليقاتي كانت بسيطه :)

انا بنص السابع الحين حبيبتي

قوة بنات شلونكم شخباركم انا كنت اتمنى اولد بولدي 5\5\2005 بس ماكو نصيب والحين اتمنى اولد بعيد ميلادي 8\6\2006

ماشاء الله عيني عليكم بارده .. احس كاني من زمان مادخلت من كثر الردود مع اني اظن امس داخله عليكم بالليل :)

شلونكم جميعا عساكم بخير

انا بالنسبه لي خلصت ثياب سنفوري بس و السله بعد استوت و استلمتها باقي التوزيعات و ثيابي انا

صورت السله اللي كانت بالمحل بحط لكم صورتها بس انا غيرت فيها شوي

بس ابي موقع تحميل صور

ظهري احسه بينقص نصين من الالم توني راجعه من الجامعه الساعه 9 و نص بحاول انسدح شوي و ان قدرت برجع لكم

هلا عــــســـــولات شخباركم؟؟
مـــــراوي عيوني شخبارج؟؟الله يعطيج العافية ويعينج على هالدوام الزفت؟؟ الا باقي لج كثيير؟؟
اليوم الصبح والظهر كنا أغلبنا متواجدين...راااااااااااااحت عليكم
أنا والله شريت للبيبي بس مادري متى بخلّص ابي بس أحد يمسك يدي عن السوق!!!وانشالله هالفترة ابدأ أجهز لحالي
ـــــــــــــــــــــــــــــــــــــــــــــــــــــــــــ
اليوم رحت موعدي واليكم التفاصيل

موعدي والحمدلله كان تمام والبيبي بعد،،من ناحية الوزن أنا زدت كيلو من آخر موعد لليوم ومن هالموعد راح تكون مواعيدي كل اسبوعين
تحاليل الدم كانت تمام والهيموجلوبين كان عال العال الحمدلله
البيبي على عمري كان يتحرك ومرتاح وكان فاتح عينه أنا اول مرة أشوف هالشي وكان يحرّك شفايفه (( أنا كنت مبهورة بهالشي وإحساس كان لايوصف)) بسم الله ماشاء الله الله يحفظه لي..
وقالت لي انه ماشاء الله زي الفل...الحمدلله
********************************************************
سألتها بعض الاسئلة وراح اقولها لكم حتى نستفيد من بعض::
1/متى المفروض ينزل راس البيبي لتحت؟؟ تقول انه المفروض من نص الثامن بعدها يستقر على هالوضع
2/متى ممكن أبدأ مشي؟؟ ردت:انتي مستعجلة ليه؟؟ ممكن بنهاية الثامن انا راح اقولك الموعد الجاي
3/أنا وريلي قرأنا أكثر من مقال عن الجماع اثناء الفصل الأخير من الحمل مابين مؤيد ومعارض،،فيه من يقول ننصح فيه وفيه من يقول انه يسبب ولادة مبكرة،،،
فأيش الإجابة؟؟
قالت انا بننصح ان الجماع يكون على فترات متباعدة ومش كل يوم في الشهر السابع والثامن ،، ممكن مرتين الى ثلاث مرات في الاسبوع متباعدة ،لأن السائل المنوي يحفز الرحم وبالتالي كثرة الجماع في هالشهرين ممكن تسرّع الولادة،،،بس بننصح بكثرة الجماع من الشهر التاسع عشان تتسهّل الولادة بإذن الله
4/ سالتها عن أشعة الكمبيوتر اذا مضرة او لا لاني اقعد على اللاب توب وانسى حالي،،قالت عادي مافي شي عليها

وقبل ما انسى الدكتورة تقول إن جسمي صاير وايد ناعم (صدري وبطني ) فقلت لها اني استخدم يوميا زيت الزيتون ،،قالت لي داومي عليه لأنه نتايجه تمام التمام
*****************************
انشالله تكونوا استفدتوا من أسألتي وانتو بعد عسولات اللي تروح تسأل لاتبخل علينا بالمعلومات حتى نستفيد كلنا
.......................................
مـــــــــــــــراوي دكتورتي تقول اني احتمال اولد 20/5 وذكرتج على طول:yes:
.........................
دلولة كنتي سألتيني متى بسوي الرباعي؟؟ انشالله خلال هالأسبوعين يمكن على الأسبوع الثلاثين انشالله
..............................

السلام عليكم

شخباركم يا بنات انشالله تمام

ام جواد
الحمد لله طمنتينا على الفحص والله يتمم لنا على خير ومشكورة على هالأجوبة اللي اكيد فادتني وايد وانا اليوم بعد كان عندي موعد والحمد لله كل شي تمام حتى نسبة الدم ارتفعت وايد والحمد لله

شفت هالموضوع وحبيت انقله لكم لأنه بيفيدنا الشهرين اللي جايين
طرق التنفس اثناء الولاده
الطريقة الأولى: التنفس البطني

عند الاستلقاء على سرير الولادة عليك بالتركيز وفور مجيء الطلقة في المرحلة الأولى من الولادة (مرحلة تمدد عنق الرحم) استخدمي التنفس البطني، أي يرتفع البطن فقط عند الشهيق: ضعي اليدين على وسط أسفل البطن وخذي ببطء نفسًا عميقًا من الأنف وملء البطن - أي يشترك البطن فقط عند التنفس – مع تدليك البطن بالكفين بحركة خفيفة وناعمة من وسط أسفل البطن إلى الجانبين، ثم ازفري الهواء خارجًا من الفم ببطء، مع العودة باليدين إلى المكان الأول، وتكرار هذه الحركة مع التنفس حوالي 10 مرات أثناء الطلقة الواحدة.


الطريقة الثانية: التنفس الصدري

كذلك يمكن استخدام التنفس الصدري في هذه المرحلة أي قبل مرحلة دفع الجنين، على النحو التالي: ضعي اليدين على القفص الصدري تحت الثديين مباشرة وخذي ببطء نفسًا عميقًا وملء الصدر – أي يشترك الصدر فقط عند التنفس - ثم ازفري الهواء خارجًا من الفم ببطء، وتكرار التنفس حوالي 10 مرات أثناء الطلقة الواحدة. ويمكن استعمال هذه الطريقة أيضًا إذا شعرت الحامل بمضايقة في البطن عند استعمال الطريقة الأولى. وبهذا الشكل تتخلصين من الألم.


الاسترخاء على الجنب

وينبغي دائمًا الاسترخاء بين الطلقة والأخرى. وبإمكانك الاسترخاء على الجنب كما في الشكل التالي.


حبس النفس والدفع

أما في المرحلة الثانية من الولادة (مرحلة الوضع أو الاندفاع) فإن أول خدمة تقدمها الحامل لجنينها ولنفسها أيضًا هي أن تساعده في الخروج والولادة باستخدام تمرين حبس النفس والدفع. ففي مرحلة دفع الجنين وعند مجيء الطلقة: ارفعي الرأس والرجلين وخذي نفسًا عميقًا واحبسيه واضغطي به إلى أسفل تمامًا كما يفعل الشخص المصاب بالإمساك عند التغوط، على أن يكون الضغط إلى أسفل بشكل تدريجي وتصاعدي، وبالإمكان تكرار ذلك مرتين أو ثلاث مرات أثناء الطلقة الواحدة وعليك بالاسترخاء تمامًا إذا ذهبت الطلقة استعدادًا للطلقة التالية، ولكن إياك أن تضغطي هكذا في أي وقت كان قبل مرحلة دفع الجنين

التنفس السريع والسطحي

عند أول ظهور لرأس الجنين يجب عليك أن تتوقفي فورًا عن الضغط إلى أسفل وعليك باستخدام التنفس السريع والسطحي (اللهاث) بدلاً من ذلك من أجل تفادي التمزق في الفتحة المهبلية خاصة عند البكر: افتحي الفم وارخي الفك وضعي طرف اللسان على الأسنان الأمامية السفلية، ثم نفذي الشهيق والزفير من الفم بصوت مسموع وسطحي (كما يلهث الرياضي بعد الركض الطويل)، حركي أعلى الصدر أثناء هذه العملية مع ترك الأكتاف مسترخية. يمكنك زيادة سرعة التنفس بحيث يصل إلى شهيق أو زفير واحد بالثانية ثم إبطاؤه ثانية. ويمكنك أيضًا استخدام هذه الطريقة للتنفس إذا شعرتِ برغبة في الدفع ولم يكن قد حان وقته بعد

السلام عليكم..
شخباركم حوااااااااامل؟؟
مشكورة دلوله ع المعلومات المفيده..
تدرون بعدني ما خلصت اغراض الياهل-الأسبوع الياي بحااول أخلصهم..

هلا دلولة ....... الحمدلله ان موعدج كان تمام التمام وانشالله دوم
ويارب كل البنات تمشي أمورهم على خير
تسلمين أنا شفته من فترة وحفظته عندي في الجهاز..يبي لي أحفظه عن ظهر قلب
وأكيد الدكاترة مابيقصرون معانا لحظة الولادة وبيزودونا بالتعليمات
......................
نبض هلا وغلا شخبارج؟؟
حاولي تخلصين بدري لأن بعدين تثقل الوحدة وتصير طلعتها ثقيلة

هلا أم جواد انا باقي لي غير اغراض بسيطة يعني بطلعة وحده ممكن أخلصهم..
تدري صدق احس من دخلت الثامن حاسه بثقل و هوس ألم مع إني ما أحاول افكر أو أخوف نفسي

ماعليج شر يالغالية
حاولي تخلصين الأغراض اللي بقت وترتاحين،أنا انشالله هالأسبوع بحاول أخلّص أموري وأرتب شنطة المستشفى
قبل أمس ولدت مرت خالي وأمس رايحة أزورها بالمستشفى،،،ولدت وهي توها داخلة التاسع تقول انها بتطلع من المستشفى وبتروح ترتب أغراضها لأن تأخرت ومامداها تخلّص بدري
عـــــــــــــاد أنا خفت ،،والوحدة ماتدري متى تولد وبأي يوم،،من جذي قلت بحاول أخلص كل أموري هالأسبوع عشان أكون جاهزة بأي وقت

الشر ما اييج يا ام جواد و خلاص هالأسبوع بحاول أخلص الأغراض..
بس تدرين للحين ما خلصت ملابس النوم يعني بعدني ما وديتهم الخياط أفصلهم بس أغراضي الثانية مخلصتنهم تقريبا

ام جواد حمستيني حق الموعد باجر الاثنين موعدي يعني بشوف ولدي بشكل واضح؟؟ :) هذا على السونار العادي الابيض و الاسود شفتيه يحرك عيونه .... ياربي متى يجي باجر حقدت على المستشفى المفروض موعدي اليوم بس أجلوه لباجر

وعطوك موعد معاي حتى سابقتني بيوم مع اني اذكر انك كان موعدك بعدي ولا انا مشبهه
يالله احسن عشان نسابق بعض و نشوف من اشطر فينا :)

=======================
دلوله مشكوره عالمعلومات ذكرتيني بالدوره اللي المفروض اسجل فيها اللي يعلمون فيها شغلات الولاده و طرق التنفس و هالسوالف
من يوم دخلت الاسبوع 28 قايله بسجل و نسيت واقول يا ربي شناسيه
الذاكره عندي مو بس صفر الا تحت الصفر وصلت

دلوله انتي موعدك 5 مايو عدل؟
=====================================

نبض انتي متى موعد ولادتك ؟

هلا والله .. فديتـــــــــكم والله


انا بخير والبيبي بخير .. واليوم لما سويت سونار قالولي ان كل شي طبيعي والحمدلله ..ووزن البيبي كيلو و200 غرام .. وجاي بالعرض الراس جهة اليسار والرجل جهة اليمين تقولي لان بطنج صغير ..الله يسهل علي وعليكم

بس المشيمه ألين الحين نازله درجه وحده فياريت ..تكفون طلب تسألون دكاتركم اذا المشيمه نازله

درجه شنو الاشياء المطلوبه عشان ترجع الى مكانها الطبيعي قالولي الراحه وهذاني مرتاحه

ابي اعرف ..هالجماع هو اللي مأثر على المشيمه .. او السلم .؟ او المشي .. او الوقفه لفتره طويله


بصراحه والله انا اذا قالولي نازله اتكدر وانسى اسأل هالأسئله فياريت تساعدوني


بالنسبه لاغراض البيبي خلصتهم والحمدلله .. باقي بس القمصان اللي راح البسها ..كل شي جهاز والحمدلله

وتحيااااااااااااتي لكم جميعا

هلا فيكم كلكم

انا الحمد لله تقريبا خلصت الاغراض بس باقيلي المراضع والمصاصات والشامبو والصابون يعني الأغراض النهائية


مراوي انا موعدي 8/مايو وانشالله يصير 5 مايو علشان يطلع كشخه هههه


ام راشد ماعليج شر وانشالله بترجع مثل قبل

هلا مراوي ..
أنا موعد الولادة عندي 5/5/2006
الله يتمم ع خير..
أنا ألحين مخلصة مشي و ما أقدر أطول بروح أنسدح عشاني أعاني دوم من ألم في الظهر...

أهلين بــــنـات شخباركم؟؟

هلا مــــــــــــراوي...ايه والله بالسونار العادي وانشالله كتكوتك يكون قاعد مو نايم ويتحرك حتى تشوفي هالحركات الحلوة،،،والله البارحة ماجاني نوم ،،كله أحلام على البيبي
انتي انشالله موعدك يمرعلى خير وطمنينا عـــــاد...أنا عن حساب موعد ولادتي 26/5 بس هي أمس تقول احتمال 20/5
والله ياريت حتى نرتاح من التعب...وبنشوف مين بتولد قبل فينا..

دلولة ونبض شخباركم يعطيكم العافية
أم راشد ماعليج شر انشالله انا راح أسأل عن موضوع المشيمة واذا لقيت اجابة بخبرج...بس انتي لاتحاتين انشالله كل شي يمر على خير

ام راشد عليك بالراحه التامه قد ماتقدرين و كل الاسباب اللي ذكرتيها لها دور

يعني طلعه الدرج و الوقوف المستمر كله يأثر فاذا تقدرين روحي بيت اهلك ارتاحي لو شقتك فيها طلعه درج

ماعليك شر يا الغاليه

===============================

دلوله لحد الحين انتي الثانيه عالقائمه بعد نبض
نسيت باقي البنات مواعيدهم ياليت يذكروني عشان نرتب القائمه

من بعدك كنت انا وبعدين ام جواد بس سبقتني ببيوم الحين


لكن لحظه تذكرت .. انا كان الدكتوره قايله لي احتمال الولاده 18 مايو
بس ماني متذكره اي دكتوره ولا بأي مستشفى .. خوفي لا اطلع حلمانه و ناسيه

وصلت مرحله محرجه من النسيان !!!

مـــــــــــــــراوي حرام عليج لاتموتيني من الضحك
اشفيج؟؟ الذاكرة عندج منتهية مرة !! بس عموما الدكتورة قالت احتمال 20/5 بس في الأول قالت 26/5
هي قالت لي شي أمس بس ماركزت عليه مرة،،كأنها قالت انتي بحجم البيبي 28 اسبوع ، وطبيا 29 اسبوع أو العكس
بس ماااااااااااااااااني فاكرة،، الظاهر انتقلت لي عدوى الذاكرة .... من عاب استعاب مـــــــــراوي
يلا سووا الترتيب والله يامرواي احنا في الآخر
بكرة ردي اسألي دكتورتك عن الموعد

يا كساااااااااااااااااااااالى
شو السالفة محد قايم من الصبح بس أنا ..
غريبة دوم تكون ام جواد و دلوله موجودين بس شكله الكسل طاغي عليهم..

يالله زين أنا بفتتح الولادة عندكم يعني أنا أول وحده فيكم..:sad: خلاص من أولد بخلي أختي تدخل و تبشركم بولادتي..
تدرون خلاص احس مليت و تعبت أبااااااااااااااااااااااااااااااااااااااااا أولد و أحس بثقل غير طبيعي(بطه)
الله كريم وبتريا شو وراي صبرت سبع شهور و شهرين ما قادرة أصبرهم