مجلس امهات شهر مايو 2006 حياكم

ياحليلج مـــراوي وحتى وانتي تبين تولدين بسرعة تضبطين التاريخ بحيث يكون مميز
ياقلبي او مهما سوّينا كل وحدة بتولد في وقتها

السلام عليكم


ام جواد

هلا الغالية شلونج وشخبارج شوفي الكحة دايما تاخذ وقت لين تروح وحتى اذا خذتي ادوية راح تكون مسكنات واحنا المفروض ماناخذ ادوية وايد خلج عالأشيه الدافية احسن وارحم من الأدوية يعني بين فترة وفترة اخذيلج ملعقة عسل وشربي حليب دافي حتى اذا تاخذين ماي دافي وتحطين فيه عسل وجم قطرة ليمون بعد وايد زين انتي لا تعتمدين على هالاشيه انها بس بالليل لا حتى وانتي قاعدة العصر او المغرب شربي علشان تفتكين منها
وماعليج شر انشالله


مويه

هلا والله وعليكم السلام حياج الله بينا وخبرينا شنو تجهيزاتج للبنوته الحلوة ... الظاهر اللي معانا كلهم بييبون اولاد الا انا وانتي ويمكن ام جواد بعد .



نبض الامارات

سلامات خطاج الشر يالغالية والحمد لله على سلامتج الحمد لله اهم شي انج بخير والبيبي بعد بخير
يعطيج ربي العافية



مراوي

شلونج وشخبارج عساج بخير
انا امس اقول حق زوجي خلاص تمللت ابي اولد بسرعه هذي وانا موعدي قبلكم 8/5/2006 ومتملله عيل اشلون انتوا
يعني انا عندي امل اني اولد في 5/5/2006 احلى من تاريخي .. جان علينا كل وحدة حطت التاريخ اللي تبيه وولدت بس شنسوي مو بيدنا

الشر ما يخطيكم يا حوااااااااااامل-أم جواد،مراوي،دلوله- و الحمد لله ع كل حااال.
مراوي الحمد لله زوجي طلع صدقة حتى أمي و أبوي و أخوي بعد طلعوا و الحمد لله...



بشروا ياااا حوااااااااامل بديتوا تمشوا و إلا بعدكم؟؟؟صراااحة أنا من دخلت السابع بديت أمشي و الظهر يعورني وووااااايد و ما تتخيلوا كيف أمشي مثل البطه و بالليل حدث و لا حرج أستوي بطه شغل عدل خاصه إذا نايمة و أقوم أروح الحمام-تكرمون-)

انا افكر اذا دخلت الثامن ابتدي امشي اخاف المشي يسبب ولاده مبكره لا سمح الله

و على سالفه المشيه شكلنا كلنا صرنا بط وانا اقول الحوامل ليش يمشون بهالطريقه

اثاري هالمشيه تخفف الالم و الاهتزازات :)

مــــســــا الخير

دلـــولة أنا الحمدلله تمام،،اليوم بالليل رحت للدكتورة اضطراري وتخيلي !!!! إني طلعت ناقصة كيلوين وشوي وهزأتني وريلي ماقصّر قام يقولها فهميها هاذي ماتآكل،،، كل شي ماتحبه،،ولا ماتطيق ريحته!! بغاها من الله عليّّ:clap:
اهي وصفت لي دوا اسمه برنشيكوم خلاصة أعشاب طبيعية،،بس أنا للحين مترددة أخذه اليوم ولا لا مع أني شريته!!!أقول بصبر يمكن اصير أحسن
مشكورة يالغالية ماقصرتين على السؤال،، تــــــــرى على فكرة أنا قالت لي الدكتورة ان فيني ولد يعني جواد انشالله اذا صدقوا
خلاص العروسة من جهتج والمعرس من جهتنا...:smile:
واذا جيتين تولدين ادعي لنا غناتي الله يسهل علينا
.............................................
نبض /// مـــــرواي
أنا والله للآن ماطلعت مشيت وما أفكر أمشي من الحين،،اذا عطتني الدكتورة الاشارة الخضرا بتحرك،،اهي اليوم توصي علي لاتوقفين واااايد بالمطبخ (( اللي يشوفني مرة،،انا يالله آكل))) كسولة مررة عالطباخ،،لأني صار لي فترة أحس بألم أسفل البطن واهي تقول من التعب

بس أنا للآن ما أحس حالي تغيرت مشيتي وااايد يمكن عشان بطني مو كبير:sad:
.................................................

مبروك ام جواد و عقبال ماتبلغين تشريف جواد للدنيا :)
بس ماقلتي لنا كنتي تبين ولد ولا بنت؟ :)

هلا ام جواد

مادام عطتج اعشاب اخذيهم ولا هالكحة اللي تعور الصدر
الله يقومج بالسلامة وتبلغين بجواد وبس خلاص العروسة علي انا :smile::shy:

هلا وغلا مـــرواي
تسلمين يالغالية... والله يبلغني وياج ومع كل البنات لهالحظة يارب واحنا بصحة وسلامة ويهالنا بعد بألف خير
أنا ماكانت تفرق عندي إن كان ولد أو بنت لأنه أول مولود ويهمني بالأول سلامته،،أنا عرفت من الشهر الخامس تقريبا،،واستانست لأن ريلي كان يتمنى الولد علشان اسم الابو يرتبط بالرجّال...بس من جد ماتفرق يمكن المولود الثاني راح أتمنى البنت بقوة وبالعكس
وكلهم والله نعمة من الله والأثنين حمالهم تعب

وأنتي مــــرواي؟؟شقالو لج؟؟وايش كنتي تتمني؟؟
وشلون تحسي تغيرات الحمل فيش؟؟

هاااااااااااااااااي دلولة
والله أنا مدلعة حالي بحالي ((الله والدلع مريضة وأتغلى)) انشالله اذا لقيت الليلة ان صدري اوكي ماراح آخذ الدوا بكرة العكس

خلاص العروسة عليج!! بس لازم على الأقل تولدين معانا بنفس الوقت حتى مايصير الفرق بين المعاريس وااضح بالأيام

تعالي أنا سألت مراوي وبسألج مرة وحدة منها نسولف ونغير جو،،شلون تغيرات الحمل معاج؟؟تغيرتي وااايد ولا؟؟

انا كان خاطري في بنت بس قالو لي ولد و الحمد لله على نعمته اهم شي سالم و كامل الخلقه :)

بالنسبه للتغيرات هاليومين شكله خشمي بدا يكبر لان خلال هاليومين وايد قالو لي عنه الله يستر لين اوصل التاسع شبصير
غير خشمي ماتغير فيني شي بشكل ملحوظ الحمد لله و ان شاء الله يستمر الوضع للنهايه :)

مو بيدي يا ام جواد انتوا تعالوا لي بداية شهر 5 ما اقدر اتأخر يله العروس موجوده ونبيلها معرس

بالنسبة للتغيرات الحمد لله ماصارلي شي مجرد شوية خطوط ومو واضحة بنية برقبتي وزاعجتني الصراحة ومن ادخل اتسبح افرك فيها ومافي فايده عاد امي تقولي بس طار لونج هذي بروحه بيروح لا تستعيلين عليه

تدرين عاد أنا سالفة الخشم مخوفتني ماودي إنه يتغير مع إن الغالبية يعانون منه
أنا خشمي من أساس طويل فيقولون احتمال انه مايتغير،،بس والله مو شرط الحمل يغير اللي مايتغير
أنا بعد ماتغيرت في حملي أبدا يادوب بطني برز في السابع وأخيرا حسيت إني حامل،،وصدري اللي كبر (( وهذا اللي مأزمني))
بس تصدقين الحمل تجربة حلوة على تعبها وألمها ساعات بس شي حلو انج تحملين بيبي بداخلج

بـــعدين تعالي انتي شمسهرنج للحين؟؟مو عن حساب مدرسة؟؟لا وحامل؟؟يعني لازم ترتاحين وتآخذين كفايتج من النوم...
يالله عالسرير وماكو سهر من الليلة وطالع ولا بشتكي عليج عند أبو؟؟ تعالي انشالله شبتسمين البيبي؟؟

ياريت يادلول بس يالله كل وحدة انشالله تولد بوقتها بصحة وسلامة
واذا على خطوط الرقبة انا سمعت انها تروح بعد الولادة،،انا الحمدلله ماعانيت للآن من هالخطوط لا في الرقبة ولا في البطن،،ماعدا هالخط البني اللي قاسم بطني نصين
أنا ريلي مابين فترة وفترة يجي وقلب في رقبتي،،اقول له شتسوي؟؟قال بشوف صار فيها سواد ولا لا؟؟مو الحامل تسمر رقبتها؟؟
أقول لاتفشلنا مو عند الكل،،ولا تقدر تصيد الشهر اللي تتغير فيه الرقبة؟؟ على عمري ريلي كل ماسمع شي يجي يبي يطبقه عليّ
تعالي تعالي،،وش أسم عروستنا انشالله؟؟

ام جواد الخط اللي في بطنك صاير بالطول؟ لاني انا بعد اشوف خط بني خفيف يقسم البطن بالنص بالطول من السره لتحت
شكله حمل الاولاد يكون في خط .. دلوله انتي شلون في خط بالنص ولالا؟

و البارحه كنت سهرانه عشان الحلقه الاخيره من مسلسل ساحرات على ام بي سي 4 :)

السلام عليكم ورحمه الله وبركاته انا مب مزوجه بنوته بس بغيت اطلب منكن طلب يا الحوامل للي بتربي في 9 مايو اتخبرني لانه تاريخ ميلادي ؟



لا تنسون تدعون لى عند الولاده بولد الحلال تسمعون

الله يسهل على كل حامل ويقومها بالسلامه

انا الله يسلمكم ماصار لي خط بالطول في بطني يمكن على حسب الجسم

انشالله البنوته راح اسميها (( ندى ))


كوكب الشرق
هلا اختي والله يرزقج بولد الحلال انشالله انا موعدي 8/5/2006 يعني قبل يوم ميلادج بيوم واحد

صدقج يا دلوله يمكن على حسب الجسم..
أنا صار لي خط بني على طول شكله مب حلوو أبدا..و الخطوط مال التمدد حدث و لا حرج-مليت من كثر ما أستخدم زبدة الكاكاو-لأن بسبب الخطوط فيني حكة وايده-
الله يعينا إللي عاوز الحلو يصبر على مره

اي والله صدقتي يا نبض وبالنسبه للحكه ذبحتني على بالي بس انا

هلا بنات
مـــــراوي بالنسبة للخط البني فأنا انتبهت له من الشهر الرابع تقريبا وكل ماله ويوضح هالفترة أكثر
طبعا الخط يجي من بعد الصدر بشوي لغاية تحت يعني بالطول...ليش هو في خطوط بنية بالعرض؟؟
انا سمعت من الدكتورة ان هالخط يطلع لغالبية الحوامل وأنا استغربت شلون دلول ماطلع لها
لأن أنا قرأت بمقال أن هالخط نتيجة انفصال عضلات البطن عند الحامل وهذا شي طبيعي حتى حاطين صورة شلون كانت عضلات البطن قبل الحمل وكيف صارت بعد الحمل.... بس خسارة مادري وين هالمقال جان اراويكم...

مــــــــــراوي..تشاهدين الساحرات؟؟هههههههههههههههه زين انتهى حتى تنامين عدل
.........................................
نبض الله يعينج على مابلاج،،الخطوط مرررة كريهة على حسب تجارب البنات
........................

نبض انتي هذا اول حمل لك؟ و من متى بدت تطلع عندك الخطوط؟
لان تو الناس على ظهورها غريبه طالعه لك من الحين

=======================

ام جواد بالله ماقريتي هالخط يروح بعد الحمل ولا يظل؟
اهو شكله عادي يعني مب واضح بس مابي اي اثر للحمل بعد الولاده .. ابي جسمي مثل ماكان قبل