يا حوامل م____ص_____ر....... !!!!!

الدكاترة دول غاليين جدا
أنا الدكتورة بتعتى كانت كويسة جدا وأزهرية والكشف كان 80 فى الشهر وبعد إسبوعين متابعة مجانا والسونار ب 60 وهية فى مصر الجديدة لو حد عايز عنوانها

sherrykitty;7607935:
الدكاترة دول غاليين جدا
أنا الدكتورة بتعتى كانت كويسة جدا وأزهرية والكشف كان 80 فى الشهر وبعد إسبوعين متابعة مجانا والسونار ب 60 وهية فى مصر الجديدة لو حد عايز عنوانها

ابعتي لي العنوان

بحب أبقى عارفة كذا حد ويا ريت نمر التليفون بتاعتها وبتاعة العيادة

salad;7606610:
سندريلا انتى فى اول الحمل ولا فى الشهر الكام

انا برضه بيجيلى مغص كل فتره وبيروح بس انا لسه فى الاول

المتابعه يا امه الله رحت مره دفعت 150 والبنت قالتلى المره الجايه وهى بعد شهر برده 150 هو الكشف اساسا 150 بفكر اسال الدكتور افضل ممكن يعتبره مش كل مره كشف وبروح مره واحده شهريا

أعتقد كده كتير ... لأن على حسب خبرتي دكتورتي تعتبر غالية ... وانتي الدكتور بتاعك أغلى منها كمان.

salad;7606610:
سندريلا انتى فى اول الحمل ولا فى الشهر الكام

انا برضه بيجيلى مغص كل فتره وبيروح بس انا لسه فى الاول

ايوة يا سالاد انا لسة في الاول انا في الاسبوع السابع
طيب لبمغص بتاعك شبة مغص البريود؟؟؟

أمةالله;7605057:
مش عارفة والله يا قمر ... بس الأحسن تسألي الدكتورة ... مش المفروض يبقى بيجيلك مغص مع الحمل

ربنا يكرمك
بس اصل انا الكشف بتاعى لسة يوم الحد اللى بعد الجاى فخايفة بصراحة

sherrykitty;7607842:


ما شاءالله دة إنتى لسة فى الأول خالص
أهلا بيكى يا سكرة
إللى ممنوع المجهود الكبير وخصوصا أول 3 شهور لا تنضيف بيت ولا تشيلى حاجة تقيلة
أنا كنت بنضف أوضة واحدة كل يوم وبراحة جدا فى أول 3 شهور
وفى يوم وأنا فى السادس تقريبا مسمعتش الكلام و نضفت البيت كلة ونزل منى دم وفضلت نايمة على ضهر إسبوعين
الكافين (يعنى قهوة ونيسكافيه وشاى تقيل )
البسطرمةوالانشون والتونة والرنجة والفسيخ بيعملوا فطريات بتوصل للبيبى
المياه الغازية بتأثر على عظام البيبى وتكوينها

لو مش عايزة تزيدى فى وزنك يبقى تاكلى الأكل المهم بس على 6 مرات فى اليوم وجبات خفيفة
يعنى متكتريش حلويات ودهون وتكترى الزبادى والفواكه والسلطة

المكسرات النيه حلوة جدا للبيبى وخصوصا عين الجمل
إستخدمى زين عباد الشمس فى الطهى لأنة غنى بالأوميجا 3 المهمة لمخ البيبى

وطبعا اللبن مهم أمال حتعملى إيه فى الرضاعة؟
أنا لما كنت بزهق منة جدا كنت بحط عليه أى حاجة
نسكويك فراولة عصير جوافة كورن فليكس المهم تحببى نفسك فيه

أنا كان بيجيلى نفس المغص دة والدكتورة قالتلى القولون بيتأثر بالحمل


وأى سؤال أنا تحت أمرك يا جميل

كلامك صح مية في المية
تعرفي انا وزنى قليل اصلا والدكتور قالى مش عاوزك تزيدى
قالى كبى كويس بس متشبعيش اوى علشان معدتك هتوجعك قالى كلى وجبات صغيرة كل ساعتين مثلا

سندريلا المغص زى مغص البيريود بالظبط وفى اوقات بيكون جامد بس بيجى ويروح اعتقد من تكوين الجنين مش عارفه

عاوزه اسال المشروبات الساخنه غلط ولا عادى والشاور بميه سخنه نظامه ايه
وعندى سؤال تانى مش عارفه اساله هنا مين عنده استعداد يجاوبنى


اه وحاجه كمان انا باخد فوليك اسيد (حمض الفوليك ) بس حاسه انه بيخلينى ادوخ مش عارفه ليه بس الدوخه بدات لما اخدته فيه انواع تانيه بتادى نفس الغرض من غير دوخه
وعندى صداع مستمر بطريقه فظيعه هيكون ليه علاج ولا لاء وخصوصا انى بشتغل فببقى تعبانه وانا فى الشغل

والحمل بيسبب عدم تركيز اصلى بقيت انسى حاجات كتير والدكتور ادانى سيفرتام بس اخدت قرص وخايفه اخد تانى

ايوة صح يا سلاد نفس المغص بس قوى اوى وبيقعد دقيقة ويروح
الحمد لله طمنتينى طالما كدة يبئة طبيعى بئة:)

بالنسة للمشروبات السخنة اعتقد عادى
لكن الشاور لاء المية السخنة اوى بلاش انا سمعت انة غلط


اما الفوليك اسيد مالوش علاقة بالدوخة دى بتكون طبيعىمن الحمل بية او من غيرو هتحسى بيها
هو اصلا مهم جدا لانة اول حاجة مكمل غذائي وكمان بيمنع لاقدر الله تشوهات الاجنة ربنا يحفظنا


وشوفي السؤال اللى انتى عاوزاة ابعتيهولى وانا اجاوبك اكيد احنا هنا علشان نفيد بعض

قلة التركيز بتكون طبيعى في الحمل والنسيان فعادى جدا لو تعرفي تاخدى اجازة من الشغل يكون احسن علشان الحمل متعب لوحدو مش ناقصة شغل وكمان الفترة الاولى دى محتاجة راحة
ربنا يكملك ويكملنا كلنا على خير

كلمة وداع;7597340:
يااااااااااااااااه ده انتوا عنيتوا ربنا يقويكوا بس التعب لعيونهم بيبقى تعب حلو يارب اشوف طفلى على خير

قولوى بقى ايه حكاية السترتش ماكس ده والكريم اللى بالمرز اسمه ايه علشان جوزو يجبهولى من كارفور
ولو فى حاجه للكلف قولولى عليها وانا سمعت ان فى كريم بتاخديه اثناء الحمل علشان لما تولدى مايعملش ترهلات فى الجلد بس ماعرفش عنه حاجه اول مااعرف هاقول

اه صحيح انا فى الشهر الرابع واسبوعين بالظبط يعنى النهارده انا وصلت لنص الحمل الحمدلله من بكره هابتدى اقول فات الكتير مبقاش الا القليل كنوع من التهوين على النفس

زى ما شيري قالت كده بالمرز بتاع الاسترتش مارك هتلاقيه في اي صيدليه
هوا الشركه اسمها بالمرز

salad;7598080:
انا حامل فى الاسبوع الرابع ممكن تقبلونى معاكم ودى اول مره بالنسبه ليا فى الحمل عاوزه اعرف ايه اللى ممنوع فى الحمل واعراض الحمل نتستمر لامتى يعنى عاوزه كل حاجه

واللبن والبيض ضرورى فى الحمل ولا عادى

الف مبروك عالحمل يا سلاد
ربنا يتم لك على خير وتفرحى بالنونو ان شاء الله
زى ما شيري قالت كده نفس الكلام بالضبط بس حبيت اضيف كمان حاجه الكبدة مش كويسهاول 4 شهور لان فيها فيتامين a وده كترة بيعمل تشوهات للاجنة ربنا يعافينا وجميع المسلمين يارب
وانتى ممكن تاخدى بدل اللبن زبادى بيبقى مغذي اكتر
بالنسبه للاعراض بتختلف من شخص لاخر في ناس مبتجدلهمش خالص وناس بتعانى طول الحمل وناس 3 شهور وناس اقل كل واحد وجسمة
انا عن نفسي محسيتش باعراض الحمل غير عالتالت وفضلت معايا للتامن بس كل مدى كانت بتقل لحد ماراحت خالص

sherrykitty;7607935:
الدكاترة دول غاليين جدا
أنا الدكتورة بتعتى كانت كويسة جدا وأزهرية والكشف كان 80 فى الشهر وبعد إسبوعين متابعة مجانا والسونار ب 60 وهية فى مصر الجديدة لو حد عايز عنوانها

انتى تقصى الدكتورة منيرة؟
هيا نظامها كده 80 جنيه كشف واستشارة بعدها باسبوعين
والسونار ب 60
بس انا كنت بعمل السونار في مستشفى كيلو باترا لان السونار ساعتها كان قديم ومش بيبين حاجه بس سمعت انهم جددوه

في دكتورة كمان استاذ في عين شمس عيادتها في مصر الجديده الكشف 50 والاستشاره 20 والسونار تقريبا 60

salad;7620447:
سندريلا المغص زى مغص البيريود بالظبط وفى اوقات بيكون جامد بس بيجى ويروح اعتقد من تكوين الجنين مش عارفه

عاوزه اسال المشروبات الساخنه غلط ولا عادى والشاور بميه سخنه نظامه ايه
وعندى سؤال تانى مش عارفه اساله هنا مين عنده استعداد يجاوبنى


اه وحاجه كمان انا باخد فوليك اسيد (حمض الفوليك ) بس حاسه انه بيخلينى ادوخ مش عارفه ليه بس الدوخه بدات لما اخدته فيه انواع تانيه بتادى نفس الغرض من غير دوخه
وعندى صداع مستمر بطريقه فظيعه هيكون ليه علاج ولا لاء وخصوصا انى بشتغل فببقى تعبانه وانا فى الشغل

والحمل بيسبب عدم تركيز اصلى بقيت انسى حاجات كتير والدكتور ادانى سيفرتام بس اخدت قرص وخايفه اخد تانى

المغص ده عادى بس حاولى طالما ان المغص بييجي ويروح يبقى ترتاحى خالص ومتبذليش مجهود لان لسه الرحم بيحاول ياخد على وجود كيس الحمل جواه

الفوليك اسيد ملوش علاقه بالدوخه خالص دى دوخه من الحمل قيسي الضغط وشوفي كام لان ممكن يكون الضغط واطى او عالى وبرضو علشان نطمن من موضوع الصداع

اه
بالنسبه للمشروبات
الشاي والقهوه والنسكافيه يفضل تبطليها تماما لانها مش كويسه للبيبي

يا بنات متخليكو في مكان واحد بدل ما انتو هنا وهناك
ده رايي

ربنا يكملكو على خير يارب انا حامل بس لسة فشهر الثالث وخسيت 14كيلو من اول الحمل
وربنا يستر بقى لوزنى يزيد

انا من رائي شهيدة ياريت يا نكون هنا او هناك :)
قمر الليالى
انتى لية خسيتى اوى كدة
انا الدكتور بتاعى قالى متزديش بس مش لدرجة انك تخسى دة كلو
ونورتينا في التجمع:)

ربنا يبارك فيكى يا شهيده على النصايح دى انا اصلا مش باكل كبده ولا بيض ولا لبن والزبادى حاسه انى مش بقيت احبه بغصب نفسى على نص كوبايه بالعافيه ومش كل يم كمان وكل ما اقف شويه احس انى دايخه وعندى هبوط مش عارفه ليه ومش قادره اخد نفسى كويس مش عارفه ليه

اه كنت عاوزه اسال لما اجى اشترى سرير البيبى هيكون منين بس عاوزه محلات فيها حاجات شيك وكلها حركات والاسعار بتكون فى حدود كام انا عارفه انه لسه بدرى بس حابه اعرف

بصي يا قمر انا اكتر محلات بشتري منها حاجات البيبي بالترتيب كده
اوركيدز
الصياد
لف اند كير
لفلي
كيدز بارك
تشايلد مول

اوركيدز احلى حاجات فيه وتشكيلته كبيرة وفي كل الاسعار
الصياد بجيب منه هدوم بصراحه حاجته توحفه واسعاره حلوة اوى
لف اند كير حاجته برضو حلوة بس تشكيله الهدوم والمستلزمات مش كبيرة
لفلي حاجته حلوة وهدومه شيك بس تميل انها تكون فوق المتوسط وان كان بيبقى عندهم في اوقات حاجات حلوة باسعار معقوله
كيدز بارك وتشايلد مول بحب اتفرج عندهم لانى ممكن الاقي عندهم حاجات حلوة

قمر اليالى;7639181:
ربنا يكملكو على خير يارب انا حامل بس لسة فشهر الثالث وخسيت 14كيلو من اول الحمل
وربنا يستر بقى لوزنى يزيد

الف مبروك عالحمل وربنا يتم لك على خير
اهم حاجه صحتك تكون كويسه وتاخدى بالك من نوعيه الاكل
انتى من اول الرابع هتبداى تاخدى فيتامينز

اه بصي بالنسبة للسرير انتى عايزاه خشب ولا تنجيد
الخشب لو مصري ممكن تلاقيه في حدود 700-900
المستورد عندك من 1000 وانتى طالعه
لو المتنجد هتلاقي ممكن من 200 لحد 2000
انا جبت خشب مستورد وكان لقطة لقيته في لفلي كان ب 1150
هتلاقي برضو سراير حلوة في اوركيدز وكيدز بارك دول احلى اماكن لقيت فيها سراير خشب حلوة طبعا بصي برضو على باقي المحلات ممكن تلاقي حاجه حلوة

انا عايزه اعرف في حد ولد مرتين قيصري لاني بقالي سنه ولاده قيصري ولو شديت الحتا اللي فيها الخيطه بحس بحرقان ووجع والدكتوره قالت ليا عادي حد حصل معاه كده او تكون ديه تاني مره ليه قيصري انا اعتقد انك ياشهيده قيصري مرتين صح؟

فين مكان الصياد انا كنت بشتري منتجات الصياد عادي من محلات الاطفال بس مكنتش اعرف ان ليه محل باسمه ولافلي جميل بردوه

ساره افندي;7654441:
انا عايزه اعرف في حد ولد مرتين قيصري لاني بقالي سنه ولاده قيصري ولو شديت الحتا اللي فيها الخيطه بحس بحرقان ووجع والدكتوره قالت ليا عادي حد حصل معاه كده او تكون ديه تاني مره ليه قيصري انا اعتقد انك ياشهيده قيصري مرتين صح؟

لا انا ولدت مرة واحده من 6 شهور ونص
والحرقان او الوجع ده عادى هوا كل مدي بيقل انا بحس انى بخاف بس الحمد لله الالم خف كتير عن الاول

ساره افندي;7654460:
فين مكان الصياد انا كنت بشتري منتجات الصياد عادي من محلات الاطفال بس مكنتش اعرف ان ليه محل باسمه ولافلي جميل بردوه

الصياد موجود في الشيراتون قدام النساجون الشرقيون ليهم المحل اللي فوق ده الاصلي واتنين تحته ستوكات وفي واحد فاتح جديد في الشارع اللي وراه او يعتبر في ضهره برضو ستوك