يا حوامل م____ص_____ر....... !!!!!

sherrykitty;6980672:
م أنا بستعملة من الشهر الرابع تقريبا
بس إللى جربوة والدكتورة قالولى إنة بيخفف لونهم بس مش بيمنعهم نهائى
و ساعات لما بكون رايقة بدهن زيت زيتون
بس بردة خايفة و حاسة إنى حيطلعلى بعد الولادة سترتش ماركس
أصل أنا كانت أحلى حاجة فيا بطنى
ودلوقتى إتدمرت والحمدلله هههههههههه
الله يكون فى عونة زوجى المسكين

بصي بقى خلاصة الاستشارات والتقصيات الكتير

الستريتش ماركس دي طبيعة جلد من الآخر

وفيه ناس مش بتطلع لهم من غير حاجة

كريم بالمرز ده أحسن حاجة هو وزيت الزيتون للناس اللي ممكن مش يطلع لهم ستريتش ماركس

فيه ناس بعيد عنك لو عملوا ايه بيطلع لهم برضه

بس انتي إذا كان مش طلع لك لحد دلوقتي بإذن الله بإذن الله مش هيطلع

لأن الستريتش ماركس دي جلد اتشد لحد ما اتقطع

فبعد الولادة الجلد مش هيبقى مشدود

فيه بقى الترهلات والكلام ده، دي باختصار علشا أجيب لك من الآخر ملهاش غير تمارين

دايت مش هيمشيها ولا أي حاجة هتمشيها غير التمارين

ولو انتظمتي وبطنك شدت تاني زي زمان تيجي في الولادة التانية إن شاء الله وتبقى عضلاتك قوية فبطنك متكبرش بزيادة وإن شاء الله مش يطلع لك ستريتش ماركس

أصلي عندي هسهس من الموضوع ده بجد فبسأل عنه من أول ما حملت، وشيلت جوزي المسكين 2 طن بالمرز جابهم لي من أمريكا وبعدين اكتشفت انه هنا:o

nanno
إنتى كمان وحشتينى
متختفييش كدة

أنا لسه عاملة زيك بالظبط إمبارح
جوزى دخل وأنا بتفرج على صور الهنى موون وكنا على شاطئ خاص فى ماليزيا و كنت لابسة بيكينى
لاقيتة متنح و بيصفر ومش بيشيل عينة من عالصورة
والله غيرت جدااااااااااااااااااااااا كأنها صورة واحدة غيرى
ورحت معيطة علطول
قعد يقوللى إنى عبيطة وإنة عارف إنى حرجع زى الأول وأحسن
وفضلت مكتئبة طول الليل

أما ربط البطن كللللللللل الدكاترة بيقولوا كدة
و بيقولوا إن الجسم بيعمل natural support للجلد ف بترجع
بس بنت عمتى و واحدة صحبتى قالولى إن الدكاترة قالولهم كدة و ياريتهم ما سمعوا كلامهم و ربطوا وإن بطنهم إترهلت
و حماتى قالتلى إنها ربطت فى 4 ولادات و بطنها ولا كأنها حملت أصلا

بس هيه زى ما أمة الله بتقول أجسام أجسام وربنا يستر

أنا ناوية مسيبش حاجة إن شاءالله
ربط و تمارين شد بطن ومشى ودايت وخل تفاح
بس ربنا يقوينى
نفسى بعد ال 40 يوم أكون فى تحسن ملحوظ إن شاءالله

أمة الله
أنا من النوع إللى بيطلعلة سترتش ماركس
لحد دلوقتى مطلعش فى بطنى بس طلع فى جنابى و أفخاذى

فى واحدة إستخدمت كريم من avon بتقول حلو أوى
رحت جارية على السايت بتاع avon ولقيت ستات كتيير إستعملوه وبيقولوا مفعولة سريع و حلو أوى

ودة اللينك بتاعها جازاها الله خيرا

http://www.3roos.com/forums/t372005.html
دة اللينك بتاعها

هنعمل ايه هى دى لازم تيجى مع الولاده
يارب نرجع زى زماااااااااااااااااااااان

يا رب يا nanno
أنا سمعت إن زيت جنين القمح وزيت الميريمية بيشد البشرة و بيقضى عليهم لو طلعوا
و إن الفلسطينيات بيولدوا كتير و يفضل جسمهم حلو لأنهم بيشربوا الميريمية دى دايما وإنها بتشد الجسم من جوة وبرة

و إنهاردة إن شاء الله حجمع الوصفات و أقرر إيه أسهل حاجة وأقولكم عليها عشان نشجع بعض إن شاءالله ونبداء نشترى المكونات عشان طبعا مش حنعرف نزل نشترى حاجة بعد الولادة

sherrykitty

اوكى ياقمر بس اوعى تنسينى بالوصفات دى ياريت تفيدنى معاكى

وحشتونى يا حوامل
إنتو فين كل دة؟
دورت و لقيت وصفات حلوة بس إخترت منهم إللى مش بياخدوا وقت طويل
لأن معظم الوصفات محتاجة تقفى فى الحمام ساعة على الأقل


أولا الحمام المغربى عن تجربة راااااااااااائع حنعملة مرة واحدة فى الأسبوع
أنا جبتة من منتجات أصالة الصابون والليفة والطمى المغربى و بعملة لنفسى عشان العورة


ثانيا الوصفات:

دى وصفة سهلة و بتاخد بالكتير نصف ساعة ومكوناتها سهلة

http://www.3roos.com/forums/t358635.html

و دى كمان زيها تقريبا

http://www.3roos.com/forums/t236695.html

أما دى محتاجة ساعة على الجسم بس إللى جربتها بتقول البياض بيبان من أول مرة
ممكن نعملها و نتركها على قد م نقدر

http://www.3roos.com/forums/t130895.html

ودى أنا جربتها بس مش قوى يعنى بدل الفازلين حطيت زيت زيتون و حسيت بفرق فى المرة الوحيدة إللى عملتها

http://www.3roos.com/forums/t359892.html

و فى دى كمان حلوة

http://www.3roos.com/forums/t352074.html

شوفوا الخلطات و قولوا لى رأيكم و أنهى أسهل


ثالثا الخطوط البيضا والسيولايت:


فى واحدة جربت منتج من avon

ودة كلامها

http://www.3roos.com/forums/t372005.html

وكمان فى وصفات زيت جنين القمح أو زيت الميريمية بيزيلها
و يا رب م تظهرش خالص


رابعا : دى بقى أنا محرجة أتكلم عنها بس فى واحدة قالت كل حاجة جازاها الله خيرا

http://www.3roos.com/forums/t59891.html


خامسا الرياضة :

http://www.3roos.com/forums/t350159.html

ازيكم ياامهات ياحلوين

بصو انا لسة في اواخر التاني بس فعلا عندي الهوس بتاع الاسترتش ماركس ده فعايزة اسألكم هو بالمرز ده موجود في الصيدليات عادي يعني وابدأ استخدمه من امتى

ميرسي ياقمرات وربنا يرزقنا جميعا بالذرية الصالحة

ازيكم ياامهات ياحلوين

بصو انا لسة في اواخر التاني بس فعلا عندي الهوس بتاع الاسترتش ماركس ده فعايزة اسألكم هو بالمرز ده موجود في الصيدليات عادي يعني وابدأ استخدمه من امتى

ميرسي ياقمرات وربنا يرزقنا جميعا بالذرية الصالحة

germanita;7041166:
ازيكم ياامهات ياحلوين

بصو انا لسة في اواخر التاني بس فعلا عندي الهوس بتاع الاسترتش ماركس ده فعايزة اسألكم هو بالمرز ده موجود في الصيدليات عادي يعني وابدأ استخدمه من امتى

ميرسي ياقمرات وربنا يرزقنا جميعا بالذرية الصالحة

بتفكريني بنفسي

ابتديت أستعمله من الشهر التاني

الكريم آه موجود عند الصيدليات الكبيرة عادي ب40 جنيه تقريباً ممكن يكون غلي دلوقتي لأني جبت واحدة بس والباقي زوجي جابهولي من أمريكا

ممكن تعلمونا كيف طريقة ربط البطن؟؟؟

germanita;7041252:
ازيكم ياامهات ياحلوين

بصو انا لسة في اواخر التاني بس فعلا عندي الهوس بتاع الاسترتش ماركس ده فعايزة اسألكم هو بالمرز ده موجود في الصيدليات عادي يعني وابدأ استخدمه من امتى

ميرسي ياقمرات وربنا يرزقنا جميعا بالذرية الصالحة

مبروك الحمل و ربنا معاكى ويقومك بالسلامة يا رب
بالمرز موجود فى كل الصيدليات و فى كارفور و مترو وفتح الله و مرسوم عليه واحدة حامل
و سعرة يالظبط 48,5 جنيه
بس بيقعد فترة طويلة
و تبدائى تستخدميه من الشهر الرابع
أو أول متحسى إن بطنك إبتدت تكبر
و هوة مكتوب فيه كل حاجة بالروشتة
و ربنا يرزقنا بالذرية الصالحة ويبعد عنا كل الماركس الوحشة

خيال ملاك;7055378:
ممكن تعلمونا كيف طريقة ربط البطن؟؟؟

والله إللى قالتهولى حماتى إنة حزام قماش بيتفصل و بيتلف بيه منطقة البطن بحيث يكون مشدود على الجسم بس فى نفس الوقت من غير ما يضايقك لأنك بتلبسيه 40 يوم بس بيتقلع وقت الأستحمام
و دة بس للى والدة طبيعى لأن السيزيريان عندهم خياطة وممنوعين من ربط أى شئ على بطنهم

sherrykitty;7055941:
والله إللى قالتهولى حماتى إنة حزام قماش بيتفصل و بيتلف بيه منطقة البطن بحيث يكون مشدود على الجسم بس فى نفس الوقت من غير ما يضايقك لأنك بتلبسيه 40 يوم بس بيتقلع وقت الأستحمام
و دة بس للى والدة طبيعى لأن السيزيريان عندهم خياطة وممنوعين من ربط أى شئ على بطنهم

بيتفصل؟؟؟؟

مش بيتجاب جاهز من الصيدلية أو حاجة؟؟

طيب أفصله فين ده؟؟ وشكله عامل ازاي؟؟

أفيدينا يا شيري الوقت أزف:ss::ss:

والله مأنا عارفة
دى حماتى إللى قالتلى حتعملهولى من 3 شهور ولحد دلوقتى معملتهوش
أول م أشوفو حقولك
ممكن تسألى مامتك أو أى ست كبيرة لأنهم كلهم كانوا بيفصلوه زمان
و سألت واحدة والدة مرتين قالتلى إن مامتها عملتهولها بقماش ملاية
و قالولى بتاع الصيدليات مش بيعمل حاجة ولا الكورسيه بيعمل حاجة

انا سمعت عن الحزام ده انة بيتباع في الصيدليات
في بقا بيجيبوا فعلا قماش ملاية ويلفوا بيها البطن
بس بيتهيالي الحزام الجاهز احسن

لأ أنا إللى إتقاللى إنة إللى فى الصيدلية مش بيعمل حاجة لأنة إسترتش
لكن الناس القدام إللى مجربين بيقولوا القماش الجامد أحسن

كنت عند الدكتورة إنهاردة و قالتلى على حاجة حلوة جدا لأن أنا كنت مصممة أصوم وجوزى رافض

قالتلى أشترى شرائط تحليل أسيتون من الصيدليه و أحطها فى عينة بول 3 مرات يوميا قبل الظهر والعصر والمغرب
لو النتيجة موجبة أكمل صيام ولو سالبة يبقى لازم أفطر
و لازم تأخير السحور و التسحر جيدا و لو متسحرتش مفيش صيام عشان البيبى

و يا رب المعلومة دى تفيدكم

أنا لما سألت دكتورتي عن الصيام قالت لي انوي الصيام كل يوم وابتدي لو تعبتي في نص اليوم افطري

وحاولي تصحي متأخر شوية الصبح علشان تقصري طول اليوم

ربنا ييسر لنا الخير

أمةالله;7071453:
أنا لما سألت دكتورتي عن الصيام قالت لي انوي الصيام كل يوم وابتدي لو تعبتي في نص اليوم افطري

وحاولي تصحي متأخر شوية الصبح علشان تقصري طول اليوم

ربنا ييسر لنا الخير

مأنا كنت ناوية أعمل كدة بس ضميرى كان واجعنى جدا
كنت حاسة إنى حقصر فى حق الصيام أو حقصر فى حق عتريس
بس الشرايط دى هى الفيصل والحمدلله
وربنا يقدرنا كلنا غلى الصيام ويتقبل مننا و يقومنا بالسلامة أمين يا رب العالمين
بنات إللى تعرف تمارين تيسير الولادة تقوللى لأن دكتورتى قالتلى على واحد بس وهوة إنى أسند على كرسى و أنزل وأطلع وأنا رجلى مفتوحة
و مشى كل يوم وبس

أنا عايزة أنزل أشترى الحاجات إللى حاحتاجها فى المستشفى
و مش عارفة هية إيه ولا منين؟ وألبس إيه بعد الولادة؟
بنات إللى يعرف يقوللى

كل سنة وأنتم طيبين يا حوامل يا مكلبظين
أنا صمت إنهاردة والحمدلله عدى اليوم على خير
عقبال الشهر كلة يا رب
وإنتوا إدرتوا تصوموا ولا لأ؟
ربنا يقدرنا كلنا أمين يا رب