يا حوامل م____ص_____ر....... !!!!!

مرحبا أنا بالشهر الخامس وزدت 6كيلوا زدت كان وزني70كيلوا وأنا متشائمه ونفسى أعمل مشروع نحافه بعد الولاده معاكي ونسيت ألوك عمري 23سنه للللللللاااااااااااااااااااااا للسمنه

سوى;6390031:
مرحبا أنا بالشهر الخامس وزدت 6كيلوا زدت كان وزني70كيلوا وأنا متشائمه ونفسى أعمل مشروع نحافه بعد الولاده معاكي ونسيت ألوك عمري 23سنه للللللللاااااااااااااااااااااا للسمنه

أهلا سوى و مبروك الحمل وربنا يجعلهولك طفل سليم ومعافى و صالح يا رب :)
بس ليه متشائمة؟ 6 كيلو مش كتير خالص للشهر الخامس ما شاءالله دة معظمهم بيكون من وزن البيبى وماء الرحم
لكن أنا معاكى طبعا فى مشروع النحافة إن شاءالله (y)

لاااااااا للسمنة

سوى
لاقيت الموضوع دة عن تشققات الحمل لبنت عذارى
كلامها تحفة جازاها الله خيرا و رزقها الزوج الصالح ورحم والدها أمين

http://www.3roos.com/forums/showthread.php?p=3011216&postcount=3

لسة راجعة م عند دكتورة التغذية :21_207:
قالتلى إن مينفعش أخس خالص أو إنى أعمل رجيم
بس إللى ممكن إنى أكل أكل صحى يساعدنى على تثبيت وزنى عشان ميزيدش أكتر من كدة
و قالتلى معلومات مفيدة جدا

1-استبدل اللبن كامل الدسم بلبن نصف دسم أو منزوع الدسم

2-استبدال العصير الجاهز الملئ بالمواد الحافظة بعصير محضر فى البيت وبدون إضافة سكر

3-شرب الماء بكثرة طول اليوم وعدم شرب الماء خلال الأكل أو بعد الأكل مباشرة

4-التوقف عن أكل المقلى و شوى الطعام بالشواية أو بالفرن

5-منع أو تقليل كمية السكر قدر الأمكان فى الشاى لأن ليس له أى نفع و له أضرار كثيرة

6-المرأة تزيد خلال فترة حملها من 12 إلى 20 كيلو

7-وزن الطفل والماء أو ما تخسره المرأة بعد الولادة يتراوح بين 4 إلى 6 كيلو

8-الأمتناع عن شرب البيبسى والمياه الغازية

9-الأمتناع عن اللانشون والبسطرمة والهامبرجر والتونة

10_ المشى على الأقل 5 مرات بالأسبوع لمدة لا زيد عن نصف ساعة

و إن شاء الله لى معها موعد يوم الثلاثاء علشان تديلى النظام الغذائى إللى هستعملة

فى أيه بس؟
فين الحوامل؟
ولا تحديد النسل إبتدا أول إمباح؟

شكرا على إنصايح وأنا حظل معاكي للنهايه إن شاءالله بالسلامه يارب ننحف بعد الولاده ؟

مرحبا حابه أتعرف عليك أكتر ؟لأن نفسي أشوف دعم من غيري متى بتدخلي وين بتصفحي كل إشى عنك ؟؟؟؟؟؟؟؟؟؟؟؟؟؟؟؟؟؟

مرحبا سوى
أنا بدخل على الساعة 3 و إحنا توقيتنا واحد الأن
يا ريت نتعرف أكتر
أنا ماشية على نظام الدكتورة ووزنى ثابت والحمدلله

أنا والحمدلله مستمرة على نظام الدكتورة الغذائى
والميزة فيه إنه مش بس بينظم مواعيد أكل الجنين و بيحافظ على الوزن
ده كمان بيساعدنى أأكل طفلى كل العناصر الغذائية إللى بحتاجها لنموه و نمو مخة


أما الرابط دة أكثر من رائع للحوامل

سلسلة شهور الحمل التسعة...ملخص شامل...شاركينا و استفيدي

http://www.3roos.com/forums/showthread.php?t=67066

جازاكى الله خيرا يا مرموم وجعله فى ميزان حسناتك

بصراحة موضوع رائع جزاكى الله كل خير

rabab1015;6543500:
بصراحة موضوع رائع جزاكى الله كل خير

شكرا رباب لمرورك الكريم

للأمانة الموضوع دة منقول من مجلة {صحة} وعجبنى جدا :shy:فحبيت أشارككم فيه
-----------------------------------------------------------------------------------

40 إسبوع من التغيير أثناء الحمل

المرأة الحامل لا ينتفخ بطنها فقط وتكسب المزيد من الكيلوجرامات, بل هناك سلسلة من التغيرات الجسدية والنفسية التى تمر بها

الشهر الأول : تغيرات دقيقة

لن تلاحظ الحامل تغيرات مفاجئة خلال الشهر الأول من الحملإلا أنها ستتلهف إلى المزيد من الراحة.
بعض السيدات ايضا قد يشعرن بالقليل من الغثيان و بوخزة خفيفة فى الثدى بالقرب من نهاية هذا الشهر مع كبر حجم الثدى.
تشعر العديد من الحوامل رغبة شديدة فى القئ خاصة فى الصباح الباكر وللتخلص من هذا الإحساس ينصح بتناول بسكويت الملح crackers أو توست ناشف ليمتص العصارة المسببة لهذا الإحساس.


الشهر الثانى : العرض المبكر

تشعر المرأة أنها تكسب مزيد ن الوزن حول منطقة الفخذين , وستشعر بتعب عام متزايد كلما حدثت تغيرات بداخلها , وذلك هو الوقت الذى يتكون فية الحبل السرى.
مع نهاية الشهر الثانى مستويات الأستروجين والبروجيسترون تزداد بشكل ملحوظ والتى قد تؤدى عامة إلى حالة مزاجية متغيرة تبدأ بذلك الشهر وتستمر طوال فترة الحمل.
هناك أمر اخر متعلق بالهرمونات وهو رغبة المرأة الحامل فى تناول أنواع معينة من الطعام .

الشهر الثالث : تفريغ الطاقة

ستشعر المرأة الحامل بمزيد من التعب خلال هذا الشهر نتيجة بدء تكون الجنين بداخلها ,بينما رغبتها فى المعاشرة الزوجية ستكون أعلى لكنها ستشعر بالتعب لذلك لن تستمتع أثناء العلاقة الزوجية.

الشهر الرابع : يبدو الأمر واضحا

ستحصلين فى هذا الشهر على راحة من التعب الذى كان يغمرك فى الثلث الأول من الحمل ,وستظهر بعض الأعراض الأخرى كألم بالمفاصل أو مشاكل جلدية وذلك ناتج عن تزايد مستوى الهرمونات فى جسدنا بشكل سريع.
و ذلك هو الشهر الذى تتضح فيه التغيرات الجسدية التى لحقت بالمرأة الحامل ,وتذكرى أن كل إمرأة مختلفة عن الأخرى , متى وكيف سيظهلا الحمل عليها يعتمد على مجموعة من العوامل.

الشهر الخامس : أفضل شهر

غالبية الحوامل ييعرفن أن الشهر الخامس هو أفضلهم على الإطلاق ,فالمجهود الكبير الذى كان يقوم به جسدها سيأخذ فترة من الراحة ,وستحصل المرأة الحامل على المزيد من الطاقة , وفى هذة المرحلة سيبدأ الجنين فى التحرك داخلها ,وفى بعض الأوقات ستشعر بالحركة عند وضع يدها على بطنها
تنتج المرأة المزيد من الدماء فى هذا الشهر مما يشعرها بصداع خيف.

الشهر السادس : الشعور أقوى

المزيد من الشعور بالتعب والتغيرات الملحوظة فى شكل الثدى فيكبر حجم حلمة الثدى وتصبح أغمق.
وتشعر المرأة بارتفاع ضغط الدم كلما نما الجنين أو زاد إحتياجة للدماء.

الشهر السابع : قلة الراحة

خلال ذلك الشهر كلما نما الجنين بسرعة ستشعر المرأة الحامل بعدم الراحة حيث أن أعضاءها الداخلية(الكبد , الرئة , المعدة والأمعاء ) يتم الضغط عليها إلى أعلى
كما تعانى المرأة من الإمساك.

الشهر الثامن : تغيرات مزعجة

كلما كبر الطفل ستختل جاذبية الحامل وستشعر ببعض الألام أسفل الظهر وستجد صعوبة فى القيام والجلوس و فى المشى أيضا .
كما أنها فى هذة المرحلة ستعانى من عدم القدرة على النوم ,وقلة النوم مع خلل الهرمونات ستجعلها سريعة الغضب وأكثر تذمرا ودائمة الشكوى.
كما ستمر بتعرق فى القدمين واليدين وتحتاج إلى مقاس أكبر من المعتاد فى الأحذية.

الشهر التاسع : الأستعداد للحدث الكبير

سيبدو ثدى الحامل أثقل وزنا من المعتاد .
أعضاؤها الداخلية ستكون مضغوطة أكثر باتجاه الحجاب الحاجز وقد يسبب ذلك حموضة بالمعدة وقصر طول النفس.
ستشعر برغبة ملحة فى التبول أكثر من أى وقت لأن الكلية ستعمل بشكل أسرع .
وستلاحظ بعض علامات التمدد على البطن, كما ستشعر بشد عضلى كثير فى ساقيها وظهرها والتدليك الخفيف يخلصها من ذلك الألم .


-----------------------------------------------------------------------------------------------
أنا رأيى إن إللى كاتبة الموضوع دة متشأمة شوية :21_133: بس المعلومات فادتنى أوى
فعلا دى المراحل إللى مريت بيها
يلا شاركونى بموضوعاتكم ورأيكم

ههههههههههههههه

الله يتمم لكم على خير جميعا..

بس انا لسه بدري عليا وعلى زواجي اصلا:)

معاكم إن شاء الله

عمري 25 إلا أيام برضه ده أول حمل ليا وأنا دلوقتي في آخر السادس

شيري حبيت اقول لك شكرا على النقل وإن كنت أرى عكسك إن اللي كاتبة الموضوع متفائلة مش متشائمة

أنا ظروفي كانت مختلفة شوية ففضلت أحسس بغممان نفس لحد نصف الخامس تقريباً

بالنسبة للوزن<< من غير زعل لو سمحتم

أنا خسيت من ساعة ما حملت 3 كيلو تقريباً ولسة بادية أزيد مؤخراً<< عندي ميزان في البيت وبتوزن كل يوم بس طبعاً حابة أشارك في مشروع لا للسمنة بعد الولادة إن شاء الله لأن وزني كان زاد من قبل الزواج كتيييييييييييييييييييير، عشان كده عندي مخزون كافي إن البيبي يكبر وياخد اللي هو محتاجه من غير ما وزني

الصراحة الفضل بعد الله في الموضوع ده للبيبي لأن غممان النفس اللي كان عندي كان مخليني قرفانة موووووووووووت من الأكل الدهني ولحد دلوقتي الصراحة فمعتمدة في أكلي علي السلطة وحاجات كلها دهن قليل

يلا طولت عليكم بس حبيت أسجل متابعة للموضوع معاكم

آه حاجة تانية

طبعا انتوا عارفين إن المفروض ناخد حديد من الشهر الرابع، الحديد تعبني جداااااااااااا فواحدة صاحبتي قالت لي على نصيحة الدكتورة بتاعتها وهي إن سبع تمرات في اليوم فيها الحديد اللي جسمك محتاجه

ربنا يرزقني وإياكم وجميع بنات المسلمين الذرية الصالحة التي يرضى بها عنا

أمةالله;6606507:
معاكم إن شاء الله

عمري 25 إلا أيام برضه ده أول حمل ليا وأنا دلوقتي في آخر السادس

شيري حبيت اقول لك شكرا على النقل وإن كنت أرى عكسك إن اللي كاتبة الموضوع متفائلة مش متشائمة

أنا ظروفي كانت مختلفة شوية ففضلت أحسس بغممان نفس لحد نصف الخامس تقريباً

بالنسبة للوزن<< من غير زعل لو سمحتم

أنا خسيت من ساعة ما حملت 3 كيلو تقريباً ولسة بادية أزيد مؤخراً<< عندي ميزان في البيت وبتوزن كل يوم بس طبعاً حابة أشارك في مشروع لا للسمنة بعد الولادة إن شاء الله لأن وزني كان زاد من قبل الزواج كتيييييييييييييييييييير، عشان كده عندي مخزون كافي إن البيبي يكبر وياخد اللي هو محتاجه من غير ما وزني

الصراحة الفضل بعد الله في الموضوع ده للبيبي لأن غممان النفس اللي كان عندي كان مخليني قرفانة موووووووووووت من الأكل الدهني ولحد دلوقتي الصراحة فمعتمدة في أكلي علي السلطة وحاجات كلها دهن قليل

يلا طولت عليكم بس حبيت أسجل متابعة للموضوع معاكم

آه حاجة تانية

طبعا انتوا عارفين إن المفروض ناخد حديد من الشهر الرابع، الحديد تعبني جداااااااااااا فواحدة صاحبتي قالت لي على نصيحة الدكتورة بتاعتها وهي إن سبع تمرات في اليوم فيها الحديد اللي جسمك محتاجه

ربنا يرزقني وإياكم وجميع بنات المسلمين الذرية الصالحة التي يرضى بها عنا

أهلا بيكى يا أمة الله
و ربنا يتمم لك بخير يا رب و ييسرلك ولادتك على خير
مفييش زعل ولا حاجة ما شاء الله عليكى
أنا بروح لدكتورة تغذية وهية كمان حامل فى الشهر الخامس و بردة رفيعة جدا و بتخس
بس المهم إنك متهتميش بالوزن دلوقتى على حساب البيبى
لازم يكون الأكل صحى ومغذى
ولو حاجة بتتخن كوليها فى الفطار المهم تكون الأولوية للبيبى طبعا
وأكيد أنا عارفة إنك بتعملى كدة من نفسك
والزيادة جاية جاية متستعجلييش

أنا كمان سمعت الدكتور عبدالعال إمبارع بيقول بلاش أدوية وكيماويات كل الفيتامينات إللى بنحتاجها موجودة فى الفواكة
و كمان غير التمر فى التين إللى ذكر فى القرأن قال إنة حلو جدا للحوامل وكمان دة الموسم بتاعة

بس أنا لازم أخد معاهم الدوا لأنى كان عندى أنيميا فى بداية حملى

بس ليه تعبك الحديد؟

أحلى مصرية
ربنا يوفقك ويكرمك ويرزقك الزوج والذرية الصالحة


نصيحتى لكل حامل أوعى تتغرى وتقولى أنا كويسة أنا مش تعبانة لأن أنا عملت كدة من إسبوع
نزلت حضرت كورس و رجعت نضفت البيت كلة و طبخت و جالى ضيوف المهم إنى مرتحتش لمدة 12 ساعة تقريبا
و فاجأة دخات أتوضاء عشان أصلى العشاء ولقيت دم
ولما شفت الدكتورة إتضح إن المشيمة نازلة لتحت وممكن لا قدر الله إنى أولد فى أى وقت وأنا فى أول السابع

يا بنات إوعوا تحسدوا نفسكم وإهتموا براحتكم وبلاش إهمال
أنا الأن ممنوعة من الحركة ودايما نايمة على ظهرى بقالى إسبوع

الراااااااااااااااااااااااااااااااااحة مهمة

sherrykitty;6653403:
أحلى مصرية
ربنا يوفقك ويكرمك ويرزقك الزوج والذرية الصالحة


نصيحتى لكل حامل أوعى تتغرى وتقولى أنا كويسة أنا مش تعبانة لأن أنا عملت كدة من إسبوع
نزلت حضرت كورس و رجعت نضفت البيت كلة و طبخت و جالى ضيوف المهم إنى مرتحتش لمدة 12 ساعة تقريبا
و فاجأة دخات أتوضاء عشان أصلى العشاء ولقيت دم
ولما شفت الدكتورة إتضح إن المشيمة نازلة لتحت وممكن لا قدر الله إنى أولد فى أى وقت وأنا فى أول السابع

يا بنات إوعوا تحسدوا نفسكم وإهتموا براحتكم وبلاش إهمال
أنا الأن ممنوعة من الحركة ودايما نايمة على ظهرى بقالى إسبوع

الراااااااااااااااااااااااااااااااااحة مهمة

ربنا يقومك بالسلامة يا جميل

لأ خدي بالك من نفسك

البيبي أمانة، وصحتك أمانة

بالنسبة لسؤالك عن الحديد، أنا الصراحة عندي مشاكل مع معدتي من أول الحمل

أنا أصلاً معدتي تعبانة وهضمي بطيء، مشاكل الهضم اللي الشعب معظمه بيعاني منها

فمع الحمل زادت علي جداً

فضلت عندي غممان نفس لحد آخر الرابع، وفضلت أرجع لحد آخر الخامس

فطبعاً الحديد أصلاً تقيل على المعدة فكان مخلص عليا تماماً كنت آخد قرص الحديد وارقد بقية اليوم مش قادرة

وما استريحش غير لما أدخل أرجع، فطبعاً كان مأثر على أكلي لأن الأكل مش بيقعد في معدتي

بس دلوقتي الحمد لله من ساعة ما بطلته وأنا معدتي اتحسنت كتير بفضل الله

فاضل لي بس كباية اللبن التانية اللي الدكتورة عايزاني آخدها (قرص كالسيوم + 2 كوب لبن في اليوم)

ربنا يقومنا كلنا بالسلامة ويبارك لنا في البيبيهات

ايه رأيكم لو أضفنا للموضوع تجهيزات البيبي

نشتري منين وبكام

مش عايزين قوائم لأن معظمها بيكون فيها حاجات كتير ملهاش لازمة في الأول

اللي تشتري حاجة تقول جابتها منين وبكام

أنا شخصياً لسة ما اشتريتش حاجة خااااااالص لأني معرفش البيبي ولد ولا بنت

أعرف في السابع إن شاء الله

سلامتك ألف سلامة
فكرتك حلوة جدا بس المشكلة إن حماتى هية إللى حالفة تجييب كل حاجات البيبى
بس أكيد إللى حجيبة حكتبة إن شاءالله

مدام لسه فى الخامس إبدائى من دلوقتى تدهنى كل بطنك بزيت زيتون لأن دة بيقلل الكلف بس طبعا مش بيمنعة
ولأنك لو لحقتى من دلوقتى ورطبتى جلدك مش حيطلعلك سترتش ماركس إنشاءالله
ودة كلام سمعتة من ناس كتييرة مجربة فى المنتدى

و لما تيجى تطبخى أكل بالزيت إستخدمى زيت الذرة لأنة غنى بمادة أوميجا 3 إللى مهمة جدا فى نمو عقل الجنين
وكمان حلولى تاكلى 4 حبات عين كمل نيئ لأنه مش بيتخن وحلو جداااااااااااااااا للبيبى
حتى لو مش بتحبيه زيى خديه على إنه دوا وكلى وراه أى حاجة عشان تضيعى طعمة

الطرق التقليدية لمعرفة إذا كان الجنين ولد ولا بنت

لو بنت

أنفك بيتضخم
بطنك بتكون عالية تحت صدرك
شكل البطن بيكون مستدير
الكلف بيزيد فى منطقة الرقبة
شعرك بيتحسن

لو ولد

مناخيرك زى ما هية
شكل البطن بيكون لأسفل وكأنها مثلثة
شعر الجسم بينمو بسرعة
الكلف بيزيد فى الصدر
شعرك بيتعب

و دة من إللى شوفتة عليا و على أختى
ومفيش حاجة أكيدة كلة فى علم الغيب