يا حوامل م____ص_____ر....... !!!!!

يلا بينا نبداء نقول إيه الحاجات إللى محتاجينها للبيبى لأنى مجبتش غير هدوم
ساعدونى
أختى بتقول فى ببرونات حلوة فى كارفور وأسعارها معقولة
حيحتاج إيه كمان؟

sherrykitty;7138197:
يلا بينا نبداء نقول إيه الحاجات إللى محتاجينها للبيبى لأنى مجبتش غير هدوم
ساعدونى
أختى بتقول فى ببرونات حلوة فى كارفور وأسعارها معقولة
حيحتاج إيه كمان؟

هتحتاجي تجيبي له بشاكير

والفرشة المشمع اللي بيغير عليها

وبانيو، و السفنجة اللي البيبي بيتحط عليها جوة البانيو علشان مش يتزحلق من إيدك بتبقى مهمة بالذات في الفترة اللي هو لسة مش بيقعد فيها

هتحتاجي فرشة تنضيف البيبيرونة

وهتحتاجي تيتينة

وهتحتاجي مقص ضوافر وفرشةشعر للبيبي

وبيبقى فيه بتاعة كده علشان لو فيه إفرازات في مناخيره تعرفي تشفطيها

أدوات النضافة دي بتتباع ممكن طقم مع بعض يعني مقص وقصافة وفرشة ومشط وأداة تنضيف الأنف

دول اللي أنا فاكراهم ولو افتكرت حاجة تانية هقول لك

sherrykitty;7138197:
يلا بينا نبداء نقول إيه الحاجات إللى محتاجينها للبيبى لأنى مجبتش غير هدوم
ساعدونى
أختى بتقول فى ببرونات حلوة فى كارفور وأسعارها معقولة
حيحتاج إيه كمان؟

سرير
ناموسية
العاب للسرير
عربية للبيبي
كرسي عربيه البيبي
دولاب صغير او حاجه زي الشيفونيرة لوضع هدوم البيبي فيها
لعب للبيبي
صندوق للعب
طاولة لتبديل ملابس البيبي او مشمع للغيار
جهاز مراقبة
ادوات حمايه للابواب والفيش
لمبة سهاري
بانيو
لعب بانيو
باسكت زبالة مخصوص للبمبرز
ملايات لسرير البيبي
مشمع لحماية المرتبة من البلل
شنطة البيبي
مخده صغيرة للستخدام عنما يكبر
2 كوفيرتة
2 بطانية
2 كيس نوم
2 بشكير للحموم بغطاء راس للبيبي
2 فوطة كبيرة
6 فوط صغيرة
4 فوط للرضاعة والتجشؤ
مريلة رضاعة
6 فانلات كت مقاس 0-3
6 فانلات كت مقاس 3-6
6 فانلات نص كم مقاس 0-3
6 فانلات نص كم مقاس 3-6
6 فانلة كم مقاس 0-3
6 بنطلونات باستك عند القدم
4 شرابات
3 قفازات علشان ميخربشش نفسه
3 قبعات للصيف
3 سلوبيت داخلي بكباسين جنب الرقبة مقاس 0-3
6زيهم بس مقاس 3-6 بيبقوا كت ومن غير رجلين علشان لو خفتي علي صدره وزيهم نص كم
ممكن كمان يبقى في 2 بكم وبرجلين مقاس 0-3
4 برضو زيهم مقاس 3-6
3 طقم خروج مقاس 0-3
6 طقم خروج مقاس 3-6
ادوات نظافة>
مقص بيكون مكان القص فيه صغير اقصر من المكان اللي بيتمسك منه
قصافة
فرشة شعر
مشط
قطن طبي
قطن ودان
مناديل معطرة
بامبرز
كحول
كريم لمنع التسلخات (( زنك))
ترمومتر رقمي احسن من الزئبقي
قطارة للدوا
شفاط للانف
شامبو
بيبي اويل
بيبي لوشن
سائل استحمام للبيبي
بافتات احجام مختلفة
كولونيا للبيبي مخصوصة ليه
بيبرونة متوسطة الحجم علشان الاعشاب
حافظة حرارة للبيبرونة
تتينة بالكلبس بتاعها
دبابيس خاصة بالبيبي
2 كوب للبيبي
3 طبق خاص بلبيبي
5 ملاعق للاطفال
3 وعاء لحفظ الطعام للبيبي
كوز للحموم
> > > حاجات متعلقة بالام> >
ملابس بزراير من الامام للرضاعة
برا للرضاعه او برا يكون مريح علشان ميضغطش على صدرك
ملابس داخلية قطنية
فوط صحية
breast pads علشان وقت الخروج او نوم البيبي اللبن ميبهدلكيش هدومك
كرسي الاكل
مرجيحه

حاجات للمستشفى

الشنطة
2 جلبية مفتوحة من الامام للرضاعة
روب
2 برا
4 اندر وير
ايشارب او طرحه علشان لو اضطريتي ترضعي في وجود ضيوف
فوط صحية
فوطة كبيرة
فوطة صغيرة
شبشب
فرشة شعر
كولونيا
مناديل كلينكس ومناديل معطرة
صابونة
لبس للخروج اعتقد هوا نفسه اللبس اللي رحتي بيه المستشفى
كاميرا لتصوير البيبي مع التاكد من شحنها
موبايلك والشاحن


> > > للبيبي
بامبرز مقاس زيرو
كوفرتة
بطانية
طاقية
3 اطقم كل طقم مكون من 2 فانلة وسلوبيت وشراب وجوانتى علشان ممكن تكون الضوافر طويله ويخربش نفسه
ممكن الكاريكوت او كيس النوم للخروج بيه من المستشفى

الحاجات دي منها الضرورى ومنها اللي مش مستاهل تجيبيه ومنها اللي ممكن تاجليه لحد ما البيبي يكبر شويه

http://www.3roos.com/forums/t323555.html

أمة الله وشهيدة
جازاكم الله خيرا
بجد أنا كنت لايصة خالص و كنت ناسية حاجات كتييييييييييييييير
كنت ناوية أروح كارفور وإللى ألاقيه قدامى أجيبة
ربنا ييسرلنا ولادتنا كلنا يا رب ويرزقنا الذرية الصالحة

sherrykitty;7140989:
أمة الله وشهيدة
جازاكم الله خيرا
بجد أنا كنت لايصة خالص و كنت ناسية حاجات كتييييييييييييييير
كنت ناوية أروح كارفور وإللى ألاقيه قدامى أجيبة
ربنا ييسرلنا ولادتنا كلنا يا رب ويرزقنا الذرية الصالحة

بصي يا شيري في محلات متخصصه بحاجات الاطفال
انتى ساكنة فين وانا اقدر اقلك عالاقرب لك؟

أنا ساكنة فى حى السفارات- مدينة نصر
وأصلا من إسكندرية و مش عارفة أى حاجة هنا بس إتنقلت بعد زواجى من 8 شهور
جازاكى الله خيرا يا شهيدة

يا جماعة أنا حبداء بكرة أول يوم فى التاسع
إدعولىىىىىىىىىىىى

يا بنات أنا بيجيلى أوجاع غريبة جدااااااااا
أوجاع فى عضلاتى من تحت بين الرجلين
دة عادى؟ ولا دة دليل ولادة؟
الأول مكانش بيوجع أوى بس إنهاردة ما كنتش عارفة أقوم
و إيه أعراض الولادة؟

السلام عليكم

انا حامل بالشهر السادس ومن اول الحمل زاد وزني حوالي 2كيلو انا الان وزني 58 كيلو وكان وزن البيبي في الشهر الخامس 500 جرام وانا ان شاء ميعادي مع الكتور غدا باذن الله وان شاء الله يكون وزن البيبي زاد شوي


انا بتغذي كويس وباكل فاكهه كتير لكن انا مشكلتي مع القهوه اني ما اقدر استغني عنها ابدا واذا يوم ما شربت في قهوه او نسكافيه بكون عصبيه بطريقه فظيعه وحاولت اني استغني عنها لكني مش قادره مع اني خايفه انها تاثر علي البيبي لن مش عارفه اعمل ايه
انا من الاسكندريه ياريت اذا في حوامل من الاسكندريه ييدوني عن محلات ملابس البيبي وعن المستشفيات الكويسه

وشكرا لكم

ayh2311

انتي عاملة زيي

بالنسبة للوزن مش تقلقي

أنا وزني ابتدى يزيد وأنا في السابع قب لكده كان بيقل :o والبيبي الحمد لله آخر كشف كان وزنه 2 كيلو نص تقريباً وأنا في الشهر التامن

بالنسبة للنسكافيه بقى أنا بصراحة مدمنة، ومش بحب حاجة تانية غيره، يعني مش عايزة شاي ومش عايزة كاكاو عايزة نسكافيه

والدكتورة قالت لي بلاش علشان فيه دراسات بتقول إنه بيدمر خلايا المخ (دي مش ثابتة أوي) وفيه دراسات بتقول إنه بيزيد احتمالات الولادة المبكرة أو السقط (ده اللي هما متأكدين منه)

وبفرض إن ربنا ستر ولا ده ولا ده حصل، الكافيين بيروح للبيبي في اللبن وقت الرضاعة، عايزاكي بقى تتخيلي نفسك كده وانتي وهو قاعدين مفنجلين الساعة 3 الصبح لأنه مش عارف ينام من الكافيين بتاعك

ده هيساعدك انك تبطلي النسكافيه

بصي أنا كنت بشرب من 4 إلى 6 كبايات تقريباً كل يوم لدرجة انه بطل يفوقني أصلاً، بس من ساعة الحمل بشرب واحدة بس في اليوم، اتنين يوم لما أتهور

وناوية أبطل إن شاء الله خالص من أول الولادة لحد ما البيبي يبتدي ياكل وبعدها أظبط الدنيا بحيث الكافيين راح من دمي في وقت رضعة البيبي

خدي الموضوع ده بجد لأنه ممكن فعلا يتعبك انتي والبيبي جامد لو مقدرتيش تدوسي على نفسك

sherrykitty;7148588:
أنا ساكنة فى حى السفارات- مدينة نصر
وأصلا من إسكندرية و مش عارفة أى حاجة هنا بس إتنقلت بعد زواجى من 8 شهور
جازاكى الله خيرا يا شهيدة

يا جماعة أنا حبداء بكرة أول يوم فى التاسع
إدعولىىىىىىىىىىىى

طب هايل انتى جنبك اغلب محلات الاطفال

بصي انتى لو رحتى مكرم عبيد مع تقاطع عباس العقاد هتلاقي التوحيد والنور طبعا هتلاقي عنده حاجات اطفال
ولو بصيتي على الناحيه التانيه من المترو هتلاقي صيدليه برسوم جنبها في لفلي بتاع الاطفال
ولو دخلتى من جنب التوحيد والنور كانك رايحه السراج مول هتلاقي بعده بكام عمارة كده تشايلد مول وبعده بشويه هتلاقي كيدز بارك
دول اكتر حاجه هتلاقي عندهم وعندك طبعا سيتي ستارز الدور الرابع في محلات مذر كير ومحلات تانيه بس غاليييييييييييييين جدا وعالفاضي لان الطفل بيكبر بسرعه فبتحاجى كل فترة تنزلى تشتري حاجات جديده
وكمان في اور كيدز ده هتلاقيه لو انتى ماشيه مع المترو كانك رايحه الحي العاشر افضلي ماشيه معاه لحد بعد مرسه المنهل بشويه كده هتلاقي عمارة فيها بيتزا هت ... اور كيدز في العمارة اللي جنبه على طول بس لجوه مش عالشارع الرئيسي
لو تحبي اماكن تانيه بره مدينة نصر ممكن اقلك

sherrykitty;7210884:
يا بنات أنا بيجيلى أوجاع غريبة جدااااااااا
أوجاع فى عضلاتى من تحت بين الرجلين
دة عادى؟ ولا دة دليل ولادة؟
الأول مكانش بيوجع أوى بس إنهاردة ما كنتش عارفة أقوم
و إيه أعراض الولادة؟

عادى جدا طبعا ده دليل انك قربتي فمتقلقيش خالص

بالنسبه لاعراض الولاده

نزول افرازات سميكة ممخطه بدم
نزول ميه البيبي
وجع في الضهر بيسمع لقدام بييجي بانتظام ويعد في الاول 10 ثوانى وكل مدى مدته تزيد والفترة بين الوجع والتانى تقل وده طبعا الطلق

أنا ولدت يا بنااااااااااااااات
جبت عمر يوم 7-10 عقبالكم كلكم
كانت الولادة طبيعية و طلعت عينى بس الحمدلله كلة إتنسى لما شوفتة
بس يا حرام نزل عندة صفرا و روحت لوحدى تانى يوم و هوة روح بعد يومين لما كنت حتجنن
ودلوقتى بقى ببداء أعمل التمارين والوصفات بس الوقت ضيق وخصوصا إنى رجعت بيتى فى القاهرة و كل أهلى وأصحابى فى اسكندرية ومفيش حد يساعدنى
شهيدة مرسى جدا أنا رحت المحلات إللى قلتى عليها الحاجات فيها تجنن
أمة الله ولدتى ولا لسة؟
يلا طمنينى عليكى

و لسة الموضوع مخلصش
عايزين نحولة "لأمهات مصر"

الف الف مبروووووووووووووك
بورك لك في الموهوب وشكرت الواهب ورزقت بره وبلغ اشده ان شاء الله
والف حمد لله على سلامتك يا قمر والف سلامة على عمر معلش الصفرا دي بقت لازمة لكل الاطفال
وعلى فكرة امة الله ولدت وربنا رزقها ب عبد الله
وعلى فكرة في رابطة لامهات مصر وده الرابط

http://www.3roos.com/forums/t384741.html

متشكرة جدا يا شهيدة
إنتى بجد ساعدتينى جداااااااااا
جازاكى الله خيرا

مبروك يا أمة الله
الولادة كانت طبيعى؟ ربنا يجعله من الصالحين

sherrykitty;7581651:

متشكرة جدا يا شهيدة
إنتى بجد ساعدتينى جداااااااااا
جازاكى الله خيرا

مبروك يا أمة الله
الولادة كانت طبيعى؟ ربنا يجعله من الصالحين

الله يبارك فيكي يا جميلة وألف مبروك على عمور ربنا يجعله من الصالحين في الدنيا والآخرة

أنا ولدت قيصري يا قمر لأن راس عبد الله كانت كبيرة على الحوض عندي ده غير إن الحبل السري كان ملفوف مرتين حوالين رقبته ... فمش كان ينفع خالص أولد طبيعي

ازيكم يا بنات
حمدالله على سلامتكم
وفين البنات الحوامل كلو ولد بالسلامة ولا اية:)

ازيكم يا بنات عاملين ايه انا ليه واحده صاحبتى حامل راحت للدكتور من يومين فبتسألوه هى حامل فى واحد ولا توأم المهم قال لها انه كان فى اول الحمل كيسين لكن دلوقتى واحد بس
سؤالى بقه:think: هو ده ممكن يحصل فعلا انه يكون فى الاول توأم لكن اللى يبقى واحد بس

marwete;7584016:
ازيكم يا بنات عاملين ايه انا ليه واحده صاحبتى حامل راحت للدكتور من يومين فبتسألوه هى حامل فى واحد ولا توأم المهم قال لها انه كان فى اول الحمل كيسين لكن دلوقتى واحد بس
سؤالى بقه:think: هو ده ممكن يحصل فعلا انه يكون فى الاول توأم لكن اللى يبقى واحد بس

عادى يا قمر بتحصل كتير
هوا ممكن كان مشروع نونو توام بس ربنا مقدرش ونزل لوحده
اوبيبقى زى كيس كده ملحق بكيس البيبي وبعد فترة بيندمجو في بعض