يا حوامل م____ص_____ر....... !!!!!

اذيكم ياحوامل عاملين ايه انا معرفش ان فى تجمع هنا ليكم بس انا مش لاقيه فى حد كتير ليه كده
الناس كلهم ولدوا يلا بالسلامه وعقبالنا ياااااااااااااااارب

الحمد لله انكم ابتديتو تيجو يا بنات
عاوزين نتجمع
واللى تعرف اى تجمع لحوامل مصر تقول علية
المهم انتو اخباركو اية مع الحمل

أيه يعنى حتى لو ولدنا إحنا معاكم بردة
حتى كدة بقينا خبرة ونعرف نفيدكم أحسن
وأنا معاكم لحد ما تقوموا بالسلامة يا رب و تبقوا خبرة زينا هههههههههه
بس كل واحدة تقول هى فى الشهلر الكام
وإللى عندها معلومة متبخلش على الباقيين يا سكرات

أمةالله;7583200:
الله يبارك فيكي يا جميلة وألف مبروك على عمور ربنا يجعله من الصالحين في الدنيا والآخرة

أنا ولدت قيصري يا قمر لأن راس عبد الله كانت كبيرة على الحوض عندي ده غير إن الحبل السري كان ملفوف مرتين حوالين رقبته ... فمش كان ينفع خالص أولد طبيعي

حمدالله على سلامتك وسلامة البيبى
أنا مطلعليش سترتش ماركس والحمدلله
وإنتى إيه الأخبار
إنتى ولدتى يوم كام؟
أنا ولدت فى أول يوم فى العاشر لما جوزى زهق

أصل أنا إبتديت التاسع يوم 7-9
وكان عادى خالص
و يوم 18-9 كنت مسافرة لأهل جوزى وبعدها حنطلع على إسكندرية
جالى طول الليل طلق كاذب
بس أنا مكنتش أعرف طبعا إنة كاذب لحد ما رحت للدكتورة وعملتلى الكشف الفظيع دة وقالت لسة الرحم مقفول

و فضل معايا الطلق الكاذب دة ولقيت دكتورة فى اسكندرية تجنن هية إللى ولدتنى
بجد أحسن من 100 راجل (ودى نتيجة توكلى هلى الله فى الولادة مع ست)

قالتلى إمشى كتير عشان الولادة تكون سهلة
نزلت يوم مشيت مع ماما روحت لقيت دم كلمتها قالتلى تعالى
كانت السعة 12 بليل فى رمضان
رحت قالتلى فى صباع مفتوح حتولدى خلال يومين 3 بالكتير
ومشيت تانى يوم وتالت يوم ورابع وخامس يوم بس مش كتير
لحد ما جوزى جه ومشانى جامد وبرضة مفيش فايدة
وجة العيد كان جوزى زهق ههههههههه
مشانى على البحر من سيدى جابر لحد سان استيفانوا
ساعتين مشى لما إتهديت وطلعنا لفينا فى المول كمان ونزلنا قاللى كدة أنا حولد مش إنتى ههههههه

وسافر القاهرة وسابنى عند ماما لحد ما جالى الطلق الحقيقى بقى فى الفجر بعد الصلاه على طول يوم 7-10 وولدت الساعة 6 بعد الضهر

والحمدلله كلة بقى تمام ونسيت الوجع فعلا

marwete;7584016:
ازيكم يا بنات عاملين ايه انا ليه واحده صاحبتى حامل راحت للدكتور من يومين فبتسألوه هى حامل فى واحد ولا توأم المهم قال لها انه كان فى اول الحمل كيسين لكن دلوقتى واحد بس
سؤالى بقه:think: هو ده ممكن يحصل فعلا انه يكون فى الاول توأم لكن اللى يبقى واحد بس

أهى شهيدة أفادتك

الحمد لله على سلامتك يا قمر

أنا ولدت يوم 23 يعني في اليوم الخامس من العاشر ... على فكرة يا حوامل 23% من الولادة الأولى بتبقى في العاشر يعني مش تقلقوا ... ليكم اسبوعين في العاشر

أنا الدكتورة مش سابتني أكمل الأسبوعين لأنها كانت عارفة موضوع الحبل السري ده من فترة بس مش قالت علشان خافت اني أبالغ في رد فعلي ومش أفهم الوضع كويس ... ده غير انها خافت يحصل تسريب من دم البيبي لدمي وموضوع الأجسام المضادة الطويل ده ... اللي فصيلة دمها سالب تقول لي وأنا أشرح لها الموضوع بالتفصيل الممل

كل مرة أروح لها تقول لي البيبي راسه مش في الحوض ... زكشفت علي كشفنا المفضل :ss: مرتين وكل مرة الرحم قافل ... فقالت لي هنولد يوم الخميس إلا لو جالك طلق قبلها ... طبعاً كانت محذراني مرارا وتكرارا من موضوع حركة البيبي ولازم أعد كام حركة والكلام ده كله

طبعا أنا مش جالي طلق ... ورحت يوم الأربع ليها كشف أخير شرحت لي فيه موضوع الحبل السري ده ... ورحت يوم الخميس ولدت ... أحلى حاجة في القيصري إنه عامل زي النور طفى النور ولع ... بس طبعا لازم نستحمل الوجع في الأول شوية ونيجي على نفسنا ونمشي

الوجع الحمد لله دلوقتي أخف كتيييييييييييييييييييييييييير من الأول ... عامل زي وجع بيريود على خفيف كده ... والمفروض إن شاء الله خلال أسبوع يكون مش فيه وجع خالص

بس دي قصة ولادة الشاب لولي الفتاك محطم قلوب العذارى :D الله يبارك له يا رب ويجعله من الصالحين

أمين يا رب العالمين
أنا الكشف دة إتكشف عليا كتيييييييييييير
3 دكاترة ستات كذا مرة
وجيت بقى لما دخلت المستشفى عشان أولد وقبل ما الدكتورة بتاعتى توصل جت دكتورة من المستشفى تقولى يلا حنكشف
قوتلها لأ حراااااام أنا أكتر واحدة فى مصر إتكشف عليها كدة
غير إن الدكتورة بتاعتى لما لقت صباع مفتوح قالتلى وإيدها جوة لأ أنا لازم أساعدك بقى عشان تشدى حيلك ووسعت بإيدها :(

يااااااااااااااااه ده انتوا عنيتوا ربنا يقويكوا بس التعب لعيونهم بيبقى تعب حلو يارب اشوف طفلى على خير

قولوى بقى ايه حكاية السترتش ماكس ده والكريم اللى بالمرز اسمه ايه علشان جوزو يجبهولى من كارفور
ولو فى حاجه للكلف قولولى عليها وانا سمعت ان فى كريم بتاخديه اثناء الحمل علشان لما تولدى مايعملش ترهلات فى الجلد بس ماعرفش عنه حاجه اول مااعرف هاقول

اه صحيح انا فى الشهر الرابع واسبوعين بالظبط يعنى النهارده انا وصلت لنص الحمل الحمدلله من بكره هابتدى اقول فات الكتير مبقاش الا القليل كنوع من التهوين على النفس

انا حامل فى الاسبوع الرابع ممكن تقبلونى معاكم ودى اول مره بالنسبه ليا فى الحمل عاوزه اعرف ايه اللى ممنوع فى الحمل واعراض الحمل نتستمر لامتى يعنى عاوزه كل حاجه

واللبن والبيض ضرورى فى الحمل ولا عادى

امه الله حمد الله على السلامه والف مليون مبروك وربنا يحفظهولك ويكون بخير وعقبالى يا رب

salad;7598080:
انا حامل فى الاسبوع الرابع ممكن تقبلونى معاكم ودى اول مره بالنسبه ليا فى الحمل عاوزه اعرف ايه اللى ممنوع فى الحمل واعراض الحمل نتستمر لامتى يعنى عاوزه كل حاجه

واللبن والبيض ضرورى فى الحمل ولا عادى

ما شاء الله لا قوة إلا بالله

ربنا يتمم لك على خير يا قمر

الممنوع في الحمل بشكل أساسي هو الحركات المتهورة ... وده مش معناه انك تفضلي راقدة ومش بتتحركي .... لأ بتتحركي عادي بس مثلا أختك كانت تقف على السرير علشان تحط حاجة في البلاكار وعلشان تنزل تقوم ناطة من على السرير << ده غلط
أهم شيء تتابعي من البداية مع دكتورة كويسة ... والممنوعات والمسموحات بتختلف على حسب طبيعة حملك وجسمك ... الشيء التاني حللي فصيلة دمك علشان لو سالب لازم تبقي عارفة من البداية

أعراض الحمل بتختلف من واحدة للتانية ... الأصل أو اللي بيحصل لمعظم الناس هو التعب أول 3 شهور وبعد كده خلاص ... فيه ناس بتفضل تعبانة شوية لحد الشهر الخامش ((زي حالاتي)) ... وفيه ناس الله يعينهم بيفضلوا تعبانين لحد الولادة << بس دول مش كتير

اللبن والبيض مش ضروري ... الضروري هو انك تاخدي العناصر اللي محتاجاها ... مش بتحبي اللبن كلي جبنة ... كلي لوز المهم تاخدي الكالسيوم اللي جسمك محتاجه ... مش مهم بوجه عام تاكلي كتير المهم تاكلي أكل مفيد قدر الإمكان ... لو نفسك غامة عليكي فنصيحتي ليكي هي الفاكهة ... أنا فضلت شهر كامل عايشة على الفاكهة بسبب قلبان المعدة

ده اللي أعرفه وإن شاء الله البنات يفيدوكي أكتر

المهم تتابعي من البداية مع دكتورة كويسة ... وكويسة دي من مقوماتها انها تكون بتفهمك كل حاجة وبترد على أسئلتك مهما كانت كتير ... ولو مش مستريحة مع دكتورتك مش تترددي وغيريها علطول ... أنا غيرت الدكتورة بتاعتي في الشهر التامن والحمد لله مستريحة مع دكتورتي الحالية جدا

ربنا يوفقك يا قمر ويتمم لك على خير

امه الله ربنا يبارك فيكى على المعلومات دى انا عامله متابعه والحمد لله مرتاحه بس البيض مش باكله خالص واللبن قليل جداااااااااااا الجبنه بحبها جداااااا والزبادى يعنى بس جوزى مش عاجبه انى مش باكل الحجات دى وخصوصا لما الدكتور قال عادى كلى اللى انتى عاوزاه

وعاوزه اسالك عن نظام متابعه الحمل بتكون التكلفه بتاعته كام ولو دكتورتك موجوده فى القاهره ممكن التفاصيل

الدكتورة بتاعتي اسمها سماح أبو الغيط وعيادتها في شارع شهاب

هي كويسة جداً ما شاء الله عليها ... بالنسبة للمتابعة تكلفتها بتبقى على حسب حملك ... أنا كنت بروح مرة واحدة في الشهر ... وفي التاسع مرة كل أسبوع ... فيه ناس بتحتاج متابعة أكتر على حسب حملهم.

الدكتورة بتاخد 100 كشف و100 سونار هي غالية شوية بس الصراحة شاطرة ومش كل مرة كانت بتاخد مني كشف ... يعني كنت بدفع مرة 200 و3 مرات بعدها تقريبا بدفع 100 بس
بس أنا ابتديت أروح لها في التامن فمش عارفة لو رحتي لها من البداية النظام هيبقى ايه الصراحة

انا لما سالت على المتابعه كانت ب 150 كل شهر كده تعتبر غاليه ولا سعرها معقول

امة الله حمدالله على سلامتك

sherrykitty;7592491:
أيه يعنى حتى لو ولدنا إحنا معاكم بردة
حتى كدة بقينا خبرة ونعرف نفيدكم أحسن
وأنا معاكم لحد ما تقوموا بالسلامة يا رب و تبقوا خبرة زينا هههههههههه
بس كل واحدة تقول هى فى الشهلر الكام
وإللى عندها معلومة متبخلش على الباقيين يا سكرات

حمدالله على سلامتك ياقمر

salad;7602826:
انا لما سالت على المتابعه كانت ب 150 كل شهر كده تعتبر غاليه ولا سعرها معقول

سلاد انا عملة متابعة ب 350
بروح مرة كل اسبوعين
انا لسة في الشهر التانى
بس عاوزة اسئل سؤال انا عندى مغص بيجيلى قوى اوى يستمر لمدة دقيقة ويروح دة عادى ولا اية؟

salad;7602826:
انا لما سالت على المتابعه كانت ب 150 كل شهر كده تعتبر غاليه ولا سعرها معقول

كل شهر تدفعي 150؟؟ بتروحي كام مرة في الشهر؟؟

لو مرة واحدة يبقى كتير أوي ... ولو أكتر من مرة بس انتي مش محتاجة تروحي أكتر من مرة يبقى أجليها شوية واعمليها من الشهر السابع أو الثامن مثلاُ إلا لو خايفة من مشاكل معينة

لأن فيه بنات الله يعافيهم ويحفظ الجميع يا رب بتبقى خايفة من السقط أو عاملين ربط حمل أو عندها سكر مثلاً دول ناس بيحتاجوا يتابعوا أكتر من العادي

بصي انتي أحسن شيء تتكلمي مع دكتورتك ... هي هتقول لك انتي محتاجة تيجي أكتر من مرة كل شهر ولا بس في الآخر

سـندريلا;7603190:
امة الله حمدالله على سلامتك

بس عاوزة اسئل سؤال انا عندى مغص بيجيلى قوى اوى يستمر لمدة دقيقة ويروح دة عادى ولا اية؟

مش عارفة والله يا قمر ... بس الأحسن تسألي الدكتورة ... مش المفروض يبقى بيجيلك مغص مع الحمل

سندريلا انتى فى اول الحمل ولا فى الشهر الكام

انا برضه بيجيلى مغص كل فتره وبيروح بس انا لسه فى الاول

المتابعه يا امه الله رحت مره دفعت 150 والبنت قالتلى المره الجايه وهى بعد شهر برده 150 هو الكشف اساسا 150 بفكر اسال الدكتور افضل ممكن يعتبره مش كل مره كشف وبروح مره واحده شهريا

كلمة وداع;7597340:
يااااااااااااااااه ده انتوا عنيتوا ربنا يقويكوا بس التعب لعيونهم بيبقى تعب حلو يارب اشوف طفلى على خير

قولوى بقى ايه حكاية السترتش ماكس ده والكريم اللى بالمرز اسمه ايه علشان جوزو يجبهولى من كارفور
ولو فى حاجه للكلف قولولى عليها وانا سمعت ان فى كريم بتاخديه اثناء الحمل علشان لما تولدى مايعملش ترهلات فى الجلد بس ماعرفش عنه حاجه اول مااعرف هاقول

اه صحيح انا فى الشهر الرابع واسبوعين بالظبط يعنى النهارده انا وصلت لنص الحمل الحمدلله من بكره هابتدى اقول فات الكتير مبقاش الا القليل كنوع من التهوين على النفس

مبروك الحمل وربنا يكملك على خير ويرزقك طفل جميل ويكون من الصالحين يا رب

الكريم إسمة بالمرز فى أنبوبة طويلة ومرسوم عليه واحدة حامل وحتلاقيه فى أى صيدلية مش لازم تروحى كارفور أنا كنت بدهن منة مرة واحدة بس بليل من الشهر الرابع تقريبا
والحمدلله بطنى مفيهاش أى ماركس
بس سواد الحمل هوة إللى مش عارفة أعمل فيه إيه
وأول مرة أسمع عن الكريم بتاع الترهلات دة
ومتقلقيش كل الشهور حتعدى بسرعة وتنسى كل حاجة وربنا ييسرلك أمورك يا رب

salad;7598080:
انا حامل فى الاسبوع الرابع ممكن تقبلونى معاكم ودى اول مره بالنسبه ليا فى الحمل عاوزه اعرف ايه اللى ممنوع فى الحمل واعراض الحمل نتستمر لامتى يعنى عاوزه كل حاجه

salad;7598080:


واللبن والبيض ضرورى فى الحمل ولا عادى

ما شاءالله دة إنتى لسة فى الأول خالص
أهلا بيكى يا سكرة
إللى ممنوع المجهود الكبير وخصوصا أول 3 شهور لا تنضيف بيت ولا تشيلى حاجة تقيلة
أنا كنت بنضف أوضة واحدة كل يوم وبراحة جدا فى أول 3 شهور
وفى يوم وأنا فى السادس تقريبا مسمعتش الكلام و نضفت البيت كلة ونزل منى دم وفضلت نايمة على ضهر إسبوعين
الكافين (يعنى قهوة ونيسكافيه وشاى تقيل )
البسطرمةوالانشون والتونة والرنجة والفسيخ بيعملوا فطريات بتوصل للبيبى
المياه الغازية بتأثر على عظام البيبى وتكوينها

لو مش عايزة تزيدى فى وزنك يبقى تاكلى الأكل المهم بس على 6 مرات فى اليوم وجبات خفيفة
يعنى متكتريش حلويات ودهون وتكترى الزبادى والفواكه والسلطة

المكسرات النيه حلوة جدا للبيبى وخصوصا عين الجمل
إستخدمى زين عباد الشمس فى الطهى لأنة غنى بالأوميجا 3 المهمة لمخ البيبى

وطبعا اللبن مهم أمال حتعملى إيه فى الرضاعة؟
أنا لما كنت بزهق منة جدا كنت بحط عليه أى حاجة
نسكويك فراولة عصير جوافة كورن فليكس المهم تحببى نفسك فيه

أنا كان بيجيلى نفس المغص دة والدكتورة قالتلى القولون بيتأثر بالحمل


وأى سؤال أنا تحت أمرك يا جميل