يا حوامل م____ص_____ر....... !!!!!

مش عارفة يا دنوشة ... محدش بيدخل هنا خالص .. ولا حتى فى تجهيزات الحوامل

أمةالله;7608253:
ابعتي لي العنوان

بحب أبقى عارفة كذا حد ويا ريت نمر التليفون بتاعتها وبتاعة العيادة

أسفه للتأخير
العنوان 7 شارع الأهرام مصر الجديدة الدور التانى شقة 4

شهيدة;7637309:
انتى تقصى الدكتورة منيرة؟
هيا نظامها كده 80 جنيه كشف واستشارة بعدها باسبوعين
والسونار ب 60
بس انا كنت بعمل السونار في مستشفى كيلو باترا لان السونار ساعتها كان قديم ومش بيبين حاجه بس سمعت انهم جددوه

في دكتورة كمان استاذ في عين شمس عيادتها في مصر الجديده الكشف 50 والاستشاره 20 والسونار تقريبا 60

أه يا شهيدة إنتى كنتى بتروحيلها؟
أنا رحتلها يوم السبت عشان كان عندى وجع فى الجرح
وقالتلى عندى إلتهابات فى الجرح وفى عنق الرحم مع إنى بطهرة بالبيتادين يوميا
وشافت عنق الرحم بجهاز غرييييييب أول ما شوفتة قمت أجرى وجوزى قعد يضحك عليا :o
قلتلها لأ مش حتدخلى البتاع دة فيا
قالتلى مش بيوجع لو وجعك متجيليش تانى :eek:
بس موجعش خالص فعلا والحمدلله
السونار مش عارفة أنا كنت بعمله عندها دايما إلا مرة واحدة لما المشيمة نزلت فى الشهر السادس عملت السونار ال فور دي فى عيادة غريبة كدة هية بعتتنى ليها

أمةالله;7672592:
يا ماماهات بالله عليكم ضرووووووري

ايه الكريمات اللي بتستعملوها لتشققات الحلمة؟؟ أنا الوجع هيموتني وبرضع عبدالله بالعافية

بالله عليكم اللي تقدر تفيدني تقول بسرعة

شهيدة أنا إستعملت بانثينول
كنت متقطعة لدرجة إن الحلمة إتقشرت وكانت بتنزل دم وكنت خايفى على عمر قوى
لحد ما إفتكرت إن واحدة صاحبتى جابت الحلمة السيليكون ومشيت بيها
جبتها وإستعملتها إسبوع تقريبا لحد ما صدرى وجعة قل والحلمة طلعت وكنت برضة مستمرة على البانثينول وانا بستعملها
بحط منة بعد كل رضعة وأمسحة فى وقت الرضاعة

وإكتشفت إنى بعمل حاجة غلط هيه السبب
كنت بدى عمر طرف الحلمة بس ودة إللى خلاها تتعور
المفروض تديلة كل الدايرة الغامقة جوة شفايفة لأن الغدد إللى بتنزلة اللبن فى المكان دة ف لما بيضغط عليها بدراديرة بتعصرله اللبن من الحلمة فى بقة

salad;7620447:
سندريلا المغص زى مغص البيريود بالظبط وفى اوقات بيكون جامد بس بيجى ويروح اعتقد من تكوين الجنين مش عارفه

عاوزه اسال المشروبات الساخنه غلط ولا عادى والشاور بميه سخنه نظامه ايه
وعندى سؤال تانى مش عارفه اساله هنا مين عنده استعداد يجاوبنى


اه وحاجه كمان انا باخد فوليك اسيد (حمض الفوليك ) بس حاسه انه بيخلينى ادوخ مش عارفه ليه بس الدوخه بدات لما اخدته فيه انواع تانيه بتادى نفس الغرض من غير دوخه
وعندى صداع مستمر بطريقه فظيعه هيكون ليه علاج ولا لاء وخصوصا انى بشتغل فببقى تعبانه وانا فى الشغل

والحمل بيسبب عدم تركيز اصلى بقيت انسى حاجات كتير والدكتور ادانى سيفرتام بس اخدت قرص وخايفه اخد تانى

salad
المشروبات السخنة عادى بس إبعدى خالص عن القرفة والجنزبيل عشان بيحمى الطلق وممكن لا قدر الله يعمل حاجات وحشة فى الشهور الأولى

والحمامات بلاش سخنة أوى خليها دافيه بس وبلاش تركزى المية على ضهرك خاااالص

على فكرة أنا كنت زيك معنديش أعراض حمل لحد ما أخدت الفوليك أسيد حسيت بالدوخة والغمامان والدكتورة قالتلى إن هوة بيعمل كدة إبقى خديه بليل قبل النوم عشان متحسيش بالأعراض
وأول ما تصحى مالنوم كلى بقسمات أو بسكويت بالملح أو أى حاجة ناشفة عشان تمتص العصارة إللى بتسبب الغمامان
أنا كنت بحط جمبى كيس البقصمات وأكل منة قبل م أقوم من السير خالص قبل العصارة متتحرك

أما الصداع فسببة إن الدم كلة بيتجة ناحية الرحم عشان تكوين الجنين فبيسبب صداع
ممكن لو شديد قوى تاخدى بنادول لايت

أما النسيان والتركيز دة عادى متقلقيش

سندريلا ربنا يتمملك الحمل على خير
لازم تبدأوا تمارين الحلمة من الخامس
أنا عمتى قالتلى كدة ومسمعتش كلامها والنتيجة إنى إتبهدلت
التمرين زى ما شهيدة قالته جازاها الله خيرا

يا بنات نصيحة تجيبى السرير الخشب إللى بيتشال جنبة عشان تخلى البيبى جمبك طول الليل بس فى سريرة عشان متفضليش تشيلى وتحطى فيه طول الليل
ولما يكبر شوية ويبقى بينام بإنتظام طول الليل رجعى جنب السرير تانى

ومن أول يوم محدش يعود البيبى على الشيل
بس وقت الرضعة وترجعيه مكانة لأنك بجد حتتعذبى لو إتعود عالشيل

أنا عملت كدة وفى يومين بس كان تعبان عودتة أنيمة وأنا بتمشى بيه عشان يهدى
فضل بعدها 3 أيام بيعيط عشان ينام كدة بس عودتة تانى والحمدلله

أهلا بيكم يا أحلام العمر ويا danosha

ميرسي اوى يا شيري انك بتردى علينا كلنا وبتفيدينا
بس السرير الخشب اللى بتقولى علية دة ينفع بديل للسرير المتنجد اللى بيتحط جنب سرير الام ؟
ولا دة بيتحط في اودة تانية وبيتجاب منين وسعرو كمان بيكون كام

بالنسبة للفوليك اسيد انا بصراحة مش بيعملى دوخة عادى
بس انا اصلا من غري ما اخدو على طول حسة انى دايخة وهبطانة ونفسي رايح
ومش عارفة اعمل اى حاجة في الحياة حسة ان حياتى هتتوقف لمدة 9 شهور :(
تنصحونى باكل معين ولا اية
وكان في بودر او حاجة مكمل غذائي للحامل حد يعرفو او سمع عنو؟؟؟؟

هدى ربنا يخليكى وعقبالك يا رب تكونى حامل الشهر ده ونفرح بيكى قريب اميـــــــــــــــــــــــــــــن

انا الحمد لله اتصلت بالدكتور وقلتله على غممان النفس وادانى ايزادوكسين الحمد لله مريحنى ماعدا انه بيخلينى نايمه على طول مش عارفه هعمل ايه وانا فى الشغل ربنا يستر بقى

سـندريلا;7730528:
ميرسي اوى يا شيري انك بتردى علينا كلنا وبتفيدينا
بس السرير الخشب اللى بتقولى علية دة ينفع بديل للسرير المتنجد اللى بيتحط جنب سرير الام ؟
ولا دة بيتحط في اودة تانية وبيتجاب منين وسعرو كمان بيكون كام

بالنسبة للفوليك اسيد انا بصراحة مش بيعملى دوخة عادى
بس انا اصلا من غري ما اخدو على طول حسة انى دايخة وهبطانة ونفسي رايح
ومش عارفة اعمل اى حاجة في الحياة حسة ان حياتى هتتوقف لمدة 9 شهور :(
تنصحونى باكل معين ولا اية
وكان في بودر او حاجة مكمل غذائي للحامل حد يعرفو او سمع عنو؟؟؟؟

العفو يا قمر
أه السرير بديل طبعا وبيتحط جنب سرير الأم وبيبقوا مفتوحين على بعض يعنى مفيش بينك وبينة سور
لأن جانب السرير بيتفك ويبقى مفتوح عليكى تقدرى تاخدى بالك منه طول الليل من غير ما تشيليه وتحطيه فيقلق ويصحى

لأن أختى جابت المتنجد ومستعملتوش عشان كل ما البيبى ينام على ما تحطة فيه يصحى تانى فنيمت اليبى جمبها وإتعود على كدة وبقى صعب أوى ينام فى سرير لوحدة

بس أنا مش عارفة سعرة والله عشان جالى هدية
بس السعر بيفرق حسب المكان إللى بتشترى منه دورى فى الأماكن الرخيصة

ودى صورتة


وبالنسبة للفوليك أسيد فالأعراض بتختلف من واحدة للتانية وإن شاءالله الأعراض تختفى من عندك بعد الشهر التالت
والحياه مش بتتوقف ولا حاجة
إنتى إللى بتقررى دة حسب شخصيتك
هوة طبعا فى تعب لأن فى جنين بيتكون منك
لكن كلى أكل مفيد وبعد الشهر التالت حتاخدى كالسيوم وحديد وفيتامينات حتديقى قوة
والشهور الذهبية فى الحمل هما الخامس والسادس
لا أعراض ولا تقل ولا حاجة بجد إستمتعى بيهم
أنا فى الشهر الخامس روحت شرم الشيخ وعملت سنوركينج وعملت كل إللى نفسى فيه
المهم إنك أول ما تحسى بتعب ترتاحى خالص بس مادام إنتى كويسة عيشى حياتك طبيعى جدا

أنا مسمعتش عن المكمل الغذائى دة ونصيحة تاخديش حاجة موصفهاش الدكتور
أما عن الأكل المغذى
المكسرات النية (يعنى مش محمصة) وخصوصا عين الجمل مهمة جدا لنمو مخ الجنين ومش بتتخن مدام نيه
المربى البيتى لأنها سكريات مفيدة عشان فيها فواكه و لو إنتى إللى حتعمليها متحطيش فيها سكر (ومتكتريش منها بس معلقة واحدة على الزبادى الصبح)
البيض طبعا بأى طريقة تحبيها وأحسن حاجة المسلوق عشان مش بيتخن
الخبز الأسمر (بالردة) لأن الخبز الأبيض مفيش فيه أى فوايد خالص وبيتخن على الفاضى
لكن الأسمر فيه ألياف بتعمل ليونة فى المعدة
الفواكه كلها طبعا أنا أكلت فواكه فى حملى قد جنينة بحالها ههههههه
الخضار وخصوصا الأخضر زى الخس والجرجير والسبانخ
والعصاير مهمة بس حاولى إنها تكون طبيعية بلاش إللى فيها مواد حافظة

سؤال ليكى يا شيرى انتى بتقولى انك رحتى شرم وانتى فى الشهر الخامس رحتى طيران ولا باص والسفر ملوش ضرر على الحمل ولا في شهور مسموح فيها وشهور لا

أنا رحت بالعربية مع جوزى وسألت الدكتورة الأول قالت مفيش حاجة بس لو تعبت نقف على جنب وأتمشى شوية وطول الطريق كنت عاملة الكرسى زى السرير ونايمة

وفى الشهر السابع المشيمة عندى نزلت وكنت مسافرة الساحل
فالدكتورة قالت لى مفيش سفر غير لما الحالة تستقر وفضلت نايمة إسبوعين على ضهرى وبعدها رحتلها إدت لى مثبت حمل وسافرت عادى والحمدلله
وكمان سافرت فى الشهر التاسع دمياط عند أهل جوزى وبعدها أسكندرية عشان أولد عند ماما
والحمدلله كلة عدى تمام
السفر بس مش مرغوب غير للضرورة القصوى فى أول 3 شهور أو لو فى مشاكل
وبرضة أحسن تسألى الدكتورة بتاعتك يا قمر

جبتلكم كلام حلو أوى يا ريتنى عرفتة قبل الولادة
[FRAME="10 70"]

العناية بالثديين

يجب غسل الثديين جيدا بالماء الفاتر ومسحها بفوطه نظيفة وعدم استخدام المواد الكيميائية عليه وترطيبه بزيت

الزيتون وعند الرضاعة يجب غسله قبل أن يرضعه الطفل

من الأغذية التي يجب تجنبها مع الرضاعة الملفوف (لأنه يسبب غازات للطفل) والبصل والثوم

( لأنها يغيران طعم الحليب ) وعدم الإكثار من القهوة والشاي ( لأنها منبهات للطفل وتجعله يقظا )

يجب على الأم المرضع أن تصبر على طفلها لأنه لم يتعود على الرضاعة ويجب عليها أن تكون في وضع

مريح لها عند الرضاعة وتدخل حلمة الثدي وجزء من الهالة التي حولها وليس فقط الحلمة لأنها إذا أدخلت

فقط الحلمة فان ذلك يصبح مؤلما لها أثناء رضاعة الطفل ( خذي وقتك لإرضاع طفلك )

على الأم المرضع أن تعمل مساج لثدييها أثناء اخذ الحمام لان ذلك يساعد على إفراز الحليب

وتجعل حلمة ثدييها بين السبابة والإبهام وتحاول مدها للأمام .



الغذاء والأم

الإكثار من شرب السوائل (ثمانية أكواب ماء على الأقل غير العصير والشوربة ) لان ذلك يساعد على

زيادة الحليب في الثدي ويمنع الإمساك بإذن الله

لا تتأخري عن تناول الفيتامينات والمعادن كل يوم أو كل يوم بعد يوم، وليس المهم أن تكون كمية الفيتامينات

والمعادن عالية، ولكن المهم أن تكون متنوعة وعديدة جداً، وهو الأفضل، وانتبهي فقد تحتاجين إلى الحديد

بشكل خاص تناولي اللحوم، الأسماك، الجبنة، البيض، والحليب لاحتوائه على الكالسيوم.

يجب تناول حبوب الحديد بانتظام لأنك فقدت دم أثناء الولادة ولسرعة امتصاص الحديد يجب شربه

بكاس عصير برتقال أو ليمون.

الإكثار من الألياف والتي هي موجودة في الخضار والفواكه لأنها تمنع الإمساك

تناولي التين، والشمام والقراصيا أو عصير القراصيا(للامساك)

تناولي التفاح وال****يب لتنبيه عضلات الأمعاء

تجنبي الجبن المطبوخ لأنه قد يزيد من الإمساك

لا تتأخري عن الذهاب فورا للحمام عند استلام أي إشارة بذلك وخاصة في الصباح. لان تأخر الإخراج

يعطي فرصة لامتصاص السوائل الموجودة في محتويات القولون فتتصلب ويصعب إخراجها دون

ألم أو تجريح وقد تتسبب في ظهور البواسير

انظري في أية أدوية تتناولينها، فقد تكون سبباً إضافياً للإمساك، مثل الحديد الذي يزيد من حالات الإمساك

لا تقومي بالحزق عند الإخراج لان ذلك من شأنه أن يدفع بجدران المستقيم وما فيه من أوعية دموية إلى

خارج الشرج فتتدلى ثم تلتهب ثم تبدأ مآسي البواسير

اغسلي المنطقة بالماء الدافئ والصابون وادهني الشرج بالفازلين قبل وبعد الإخراج ليقلل من احتكاك الإخراج

وحدوث الآلام.



الدوش

قبل القيام بأعمال المنزل، تحتاجين لحوالي شهر، لذلك فأنت تحتاجين شخصا يعتني بمنزلك وبك لأخذ

حمام داخل البانيو، عليك الانتظار حتى يتوقف السائل النفاسي والافرازات المهبلية . يمكنك اخذ

دوش ماء دافئ، لكن يجب أن لا يزيد عن 10 دقائق في كل مرة .


فترة حيض بعد الولادة

تختلف بداية فترة الطمث من امرأة لأخرى . تقول إحداهن أنها بدأت بعد أسابيع بينما تقول أخرى أنها

تحتاج إلى سنة حتى تبدأ . أكثر من 90 % من الأمهات يبدأن خلال 9 أشهر .أما المرأة التي ترضع

طفلها فيظهر أنها تبدأ أبطأ بكثير من المرأة غير المرضعة . لذلك حتى لو لم تحيضي لمدة 3 أشهر بعد

الولادة، فمن غير الضروري الافتراض انك حامل مرة أخرى، إلا إذا شهدت علامات مبكرة من علامات الحمل

مثل غثيان الصباح .



استئناف النشاط الجنسي من جديد والتخطيط العائلي

لا ينصح بالعودة إلى العلاقات ا لجنسية ( الدخول ) في آخر شهرين من الحمل، حيث أنها تزيد من مخاطر

تمزق غشاء ( كيس ماء الرأس ) أو التهاب في قناة الولادة أو الولادة المبكرة . بعد الولادة، يوجد إفراز

مهبلي كثيف يدعى ( السائل النفاسي ) ، لذا فلن تكون الحالة مناسبة للدخول الجنسي

مع مرور الوقت فان الافرازات تقل، وتندمل الجروح ولن تشعري بالآلام، عندها يمكن أن تحاولي الجماع الأول

بعد حوالي 6 - 8 أسابيع بعد الولادة عندما تشفى الأضرار الداخلية والخارجية تماما . حتى ذلك الحين

حاولي مع زوجك الدعم والتشجيع المشترك بالحب والعناية اللطيفة .



كمية حليب الصدر غير الكافية

إذا كنت تتساءلين فيما إذا كانت كمية الحليب التي تخرج من صدرك كافية لطفلك أم لا، عليك استشارة الطبيب

لكنك تستطيعين تصور ذلك بنفسك إذا قمت بالاختبارات التالية

1) إذا كان طفلك يزداد وزنا بشكل كاف ومستمر

2) إذا كان الطفل يترك حلمتك بسهولة بعد تغذيته

3) إذا دلّ طفلك على وجود حركة أمعاء اعتيادية لديه

4) إذا كان الطفل ينام ساعات طويلة . إذا كنت تشعرين أن حليبك غير كاف، حاولي إطعامه

100 مللتر من تركيبة حليب الأطفال الرضع بعد إرضاعه من صدرك . لإنتاج حليب أكثر، تستطيعين

وضع طفلك على ثدييك مدة 20 دقيقة، ولا تعطي طفلك زجاجة الحليب إذا كنت تخططين لإرضاعه

من صدرك، حاولي الاسترخاء وتناول كمية كافية من الطعام والسوائل

الانقباضات الرحمية

بعد 10أيام من الولادة، يتقهقر الرحم حيث انه يعود إلى تجويف البطن، وبعد 6 أسابيع يتقلص إلى مستوى

ما كان عليه قبل الحمل في الحجم . إذا كنت لا تزالين تشعرين بالرحم بعد أسبوعين من الولادة

عليك استشارة الطبيب .



العناية بالشرج

يعود المهبل بشكل خاص إلى وضعه السابق من خلال شفاء الأنسجة الناعمة والتحام الجروح في خلال 10

أيام إلا إذا حدثت أي نوع من العدوى . تعلمي بنفسك كيف تنظفين المنطقة المهبلية من الممرضات قبل

أن تغادري المستشفى


طرق منع الحمل


يوجد طريقتين لتنظيم منع الحمل

الطريقة المؤقتة والطريقة الأبدية . أما الطريقة المؤقتة فتكون بواسطة استخدام الكبوت الذكري أو بأخذ

الحبوب المانعة للحمل أو عن طريق اللولب الذي يوضع بالرحم أو عن طريق تحميلة المهبل .بالنسبة للطريقة

الدائمة، فتكون عن طريق العمليات بالاستئصال ، فلا يمكن استرجاع ما استؤصل . وما يتعلق بفعالية كل

طريقة، فإن معدل الحمل السنوي للواتي يستخدمن حبوب منع الحمل 1و0 % ونسبة الحمل عند اللواتي

يستخدمن اللوالب 2 4 % ، وتصل النسبة إلى %1 اللواتي يستخدمن تحميلة المهبل و14 % في

حال استخدام الكبوت . إذا اخترت طريقة درجة الحرارة القاعدية بسبب اعتقادك بان الطرق الأخرى غير مناسبة

فاعلمي أنها طريقة غير آمنة لأن الدورة الشهرية للأم لا تكون قد عادت إلى وضعها الطبيعي، تعتبر بعض

الطرق خاطئة ولا تناسب حالة الأم . فعلى سبيل المثال : يجب أن لا تختار الأم المرضع حبوب منع الحمل

لأن هذه الأدوية تحتوي على كمية من الهرمونات ويمكن أن تنتقل من الأم للطفل عن طريق الرضاعة

عليك مراجعة طبيبك قبل استخدام أي وسيلة من هذه الوسائل


التمارين بعد الولادة


تمارين البطن يجب تجنبها لمده أربع أسابيع وبعد أربع أسابيع يمكنك القيام بها لان الجرح الموجود داخل

الرحم مكان المشيمة لا يزال رطب ولم يشفى

أما تمارين التنفس والأرجل تبدئيها بعد الولادة مباشره وهي اخذ نفس طويل وإخراجه أما بالنسبة

للرجل تحريكها وأنتي بوضع جالسه

تجني الطلوع على السلالم في الأربع أسابيع الأولى

حاولي أن ترتاحي وتاذخي قسط من الراحة والنوم وحاولي أن تنامي مع نوم طفلك

نامي على بطنك لمده ساعة يوميا حتى يرجع الرحم لوضعه الطبيعي ولا يسبب انقلاب بالرحم

وباقي نومك اجعليه على الجهة اليسرى ولا تنامي على ظهرك على الأقل في الفترة الأولى بعد الولادة

[/FRAME]

انا عايزه اسال انا حامل فى الخامس لسه داخله فيه بس الحلمات بتوجعنى من دلؤقتى من غير رضاعه طيب اعمل ايه

إدهنى صدرك كلة بزيت زيتون مرتين فى اليوم

شكرآ ياشيرى بقولك ايه ماتكتبى قصة ولادتك علشان نستفيد انا شفت بنات كتير كاتبه القصص وبجد بيبقوا مفيدين وكذلك تجهيزاتك للولاده بالصور

يجماعه حد يشوف الصفحه اللى واسعه اوى دى

الصفحة واسعة علشان شيري حاطة مشاركة فيها صورة كبيرة

هي اللي مكبرة الصفحة

لما تخلص وننقل للصفحة اللي بعدها حجمها هيرجع طبيعي إن شاء الله

ههههههههههههههههههه
حلوة أوى الصفحة الواسعة دى
أنا حاولت أعدلها بس معرفتش معلش بقى

فكرة حلوة بس أنا خايفة لما أكتبها حد يخاف أو يقلق من الولادة
أنا ححكيها بس إللى بيخاف يطلع برة هههههههههه

أنا يوم حملى كان تاريخة 7-1 ودة حساب الدكتورة مع إن زواجى أصلا كان 17-1
محدش يفكر فيا وحش يا جماعة والله ما عملت حاجة قبل الفرح وأصلا جوازى كان صعب أوى هههههه

المهم إنى كنت كل يوم 7 بكمل شهر

و يا جماعة ثبات الحمل دة حاجة بتاعة ربنا لأن أنا حملت من تانى يوم جواز تقريبا ومكنتش أعرف و سافرت ماليزيا وركبت طيارة 14 ساعة رايح و14 ساعة جاى
وكنت كل يوم طوووووول اليوم لف فى الشوارع وبحر وجرى
وكنت شكة وانا هناك فى موضوع الحمل دة عشان البيريود إتأخرت
كلمت أختى قالتلى إنها بتتأخر بعد الجواز عادى
ولما رجعت مصر عرفت إنى حامل من إختبار البيت ورحت للدكتورة إتأكدت إنى حامل
وكتبتلى الفوليك أسيد روحت أخدتة ونمت ومن تانى يوم إبتدت أعراض الحمل

فى الشهر السادس فى يوم نزلت الصبح ورجعت نضفت البيت كلة وطبخت وجالى ضيوف على الساعة 11 لقيت فى دم وإتضح إن المشيمة نزلت عندى
بس طلع عادى مفيش حاجة وناس كتير حصلها كدة وربنا سلم نمت إسبوعين وبقيت كويسة

وعدى 9 شهور ومن 7-9 وأنا مستنية ولادة فى أى لحظة لأن المشيمة نازلة من قبل كدة فالمفروض معاد الحمل يبقى بدرى
لحد يوم 18-9 بليل كنت نايمة وصحيت على طلق وخبط من تحت جامد وفضلت طول الليل مرعوبة ومتخيلة إنى بولد خلاص وتانى يوم رحت للدكتورة كشفت عليا كشف الحمل وقالت دة طلق كاذب حيستمر طول التاسع لحد معاد الولادة
وفعلا فضل يجى لحد ما ولدت
بعدها سافرت أسكندرية أولد عند ماما ولقيت دكتورة رائعة لو حد عايز عنوانها يقوللى
وكشفت عليا وقالتلى لسة عنق الرحم مقفول إمشى كتير عشان نسهل ونسرع الولادة

نزلت تانى يوم(تقريبا كان 24-9) أمشى مع ماما وروحت لقيت دم كلمتها قالتلى تعالى أشوفك كشفت عليا قالتلى فى صباع مفتوح وحساعدك عشان تولدى بسرعة ووسعت عنق الرحم بإيديها
وحتولدى خلال 3 أيام بالكتيييييير وقالتلى أكلمها لو فى حاجة

مشيت تانى وم وتالت يوم ولا حاجة
لحد العيد ما جه نزلت مشيت مشوار رهييييييب مع جوزى لمدة 3 ساعات وبردة ولا فى ولادة ولا حاجة والطلق الكاذب مستمر
لحد يوم 7-10 إللى هوة أول يوم فى العاشر
عملت سويت وطبعا أخدت وقت طويييييل لأنى مش شايفة أى حاجة من بطنى وتقريبا هية دى سبب ولادتى ههههههههه
و صليت الفجر ونمت وصحيت بعد نص ساعة على وجع جامد شوية حسيت ساعتها إنى قربت
لقيت الوجع بيتكرر كل ربع ساعة بالكتير قلت مش حصحى حد وحقضل هادية وأدعى
لحد الساعة 8 الصبح كان الوجع بقى كل 10 دقايق
كنت هادية خالص وأول ما يجى الوجع أحتسب وأعمل تمرين النفس لحد ما يروح
وكلمت الدكتورة قالتلى بس دة مش صوت واحد بتولد هههههه تعلى أكشف عليكى بعد ساعة
رحت قالتلى فعلا قربنا بقى فى صباع ونص مفتوحين وكلمت هية المستشفى حجزتلى
و روحت جبت شنطتى وأخدت دش وصليت الظهر ورحت المستشفى
وكانت ماما قالتلى لازم أعمل حقنة شرجية قبل الولادة بس الدكتورة قالت ملوش لزوم بس صومى من دلوقتى (9 الصبح)
كل دة فى وجع عادى بس متكرر
ولما وصلت دخلت أوضتى وجابولى الهدوم بتاعة العملية وجات دكتورة من المستشفى كشفت تااااااااانى عليا الكشف الفظيع دة وركبولى محاليل
لحد الساعة 4 جات الدكتورة بتاعتى كشفت عليا ومشيت قالتلى لسة شوية وخلت الممرضة تديلى حقنة برم برام عشان مرجعش فى البنج كان الوجع بيزيد شوية شوية مع المدة
وجت تانى الساعة 5 ومعاها الممرضة بتقوللى يا بنتى صوتى شوية حسسى الناس إنك بتولدىو كشفت عليا ولاقيتها بتفتح كيس زى بتاع الحقنا فيه عصايا طويلة ورفيعة
طبعا أنا أتفزعت وقلتلها دى عشانى قالتلى لأ عشان البيبى ودخلتها فيا فتحت الكيس :(
موجعتنيش خالص
بس من ساعتها بقى الطلق حمى جداااا ونزلت منى المية
و خلت الممرضة تديلى طلق صناعى

طبعا بعدها فرجت المستشفى عليا ههههههههه
لقيت ماما بتعيط فى جنب وأختى الكبيرة بتعيط فى الجنب التانى وبابا طلع يعيط برة الأوضة خالص يا عينى
وجوزى قاعد يقرا أدعية تيسير الولادة على بطنى
والله يا بنات الأدعية دى سحر
جوزى يحط إيدة على بطنى ويقراها يهدا الطلق
أول ما يبطل يحمى أوى تانى
لازم تجيبوها من دلوقتى وتقروها عشان فى أدعية منها بتتقال طول الحمل بعد كل صلاه

طبعا جالى تنميل فى كل جسمى و شد عضلى فى رجلى
كل ما حد يروح يقول للدكتورة تقولة مبرووك المدام حامل

بس فضلت كدة بقى لحد ما جتلى تانى الساعة 5 وربع وقالت للممرضة 5 ونص إلا خمسة تكون فى أوضة العمليات

وفعلا جابولى الكرسى ودخلت الأوضة فضلت نايمة على السرير وحاطولى البنج إللى فى التنفس دة حوالى 10 دقايق وأنا صاحية

وقالولى متحزقيش ودى بقى كلمة السر عشان ألاقى نفسى بحزق لا إرادى وبشدة

وبعدها سمعت الدكتورة جاية والناس بتهزر مع بعضها كأنهم بيتمشوا مش فى أوضة عمليات

وكنت خايفة أوى قعدت أقول للدكتورة إنى لسة فايقة

وسمعتها بتقول أهى الراس أهى وحسيت بيها بترفع رجليا على المكان بتاع الرجلين وبتحطلى من تحت بنج عامل زى المية الساقعة
وكانت دى أخر كلمة سمعتها فى أوضة العمليات
فقت بقى الساعة 8 ونص فى أوضتى وكل أهلى حوليا
وبعدها حمونى الممرضات وجابولى عمر أرضعة

وبجد كنت نسيييييييييييت خالص كل وجع أول ما شفت وشه وإيديه الصغيرين والحمدلله

وخارجة من المستشفى وأنا نفسى فى بيبى تانى على خير يا رب

وكان صحيح جوزى نفسة يدخل معايا أوضة العمليات بس الدكتورة رفضت

وبقول الحمدلله لأنه إمبارح حضر طهور عمر وكان حيغمى عليه أمال لو شافنى كدة كان جرالة إيه؟؟؟؟؟؟؟؟

بس يا ستى وعدى 43 يوم والحمدلله بطنى قربت ترجع لشكلها الطبيعى وأنا بعمل تمارين البطن على الأقل 3 مرات فى الأسبوع

أمة الله أنا حماتى جابت الحزام بس كل مكنت بربطة كان بيترفع لفوق فملبستوش خالص
يا رب ميأثرش على بطنى وترجع ممسوحة زى زمان

وأدى حكاية أمنا الغولة خلصت هههههههه