يا حوامل م____ص_____ر....... !!!!!

يا بنات ما ينفعش كيدة انا دخلت اماكن كتير وفى كل مكان ادخلة الاقى تجمع لبنات مصر احنا عاوزين نتلم فى مكتن واحد

طريقة الوصول هندخل على النساء والحمل والولادة وهنلاقية

يا بنات دلوقتى انا لاقيت فية تجمعات كتير لبنات مصر وكل مجموعة مع بعض مجمعين وعاملين موضوع فمينفعش كيدة احن عاوزين نتجمع كلنا علشان نقدر بجد نساعد بعض ذى تجهيزات العروس فيا ريت كلنا نتجمع هنا و يبقى هو موضوع واحد وانا بكتب الكلام دة فى كل المواضيع اللى بتحتوى على حوامل مصر
برجاء الذهاب لهذا الموضوع علشان نتجمع كلنا بجد
http://www.3roos.com/forums/t408650.html

طريقة الوصول هندخل على النساء والحمل والولادة وهنلاقية

يا رنا هنا عشان التغذية و الريااضة للحامل .... هى دى قوانين المنتدى كل ركن المواضيع تكون خاصة بيه ... بلاش اللى انتى بتعمليه عشان ممكن يحذفوا عضويتك الله يكرمك

ياررررررررررررررب ياهدى تنضمى لينا

يا رب يا هدى تكونى معانا فى اقرب وقت وربنا يستجيب لدعائنا ليكى بس حاولى متفكريش فى الموضوع ده كتير

انا عاوزه ادعيه الحمل والولاده

هاااااااااااي حد هنا انا اول مرة اشوف الرابط ده

يا بنات حد يعرف الطريقه دى او يعرف حد جربها انا قريتها فى منتدى بس مش عارفه اعملها ازاى

أحضري إبرة وخيطا وقلم رصاص له ممحاة في رأسه..انظمي الخيط في الابرة لمسافة شبر واحد تقريبا.. ثم قومي بغرز الإبرة في رأس ممحاة القلم ...ودعي القلم يتدلى أمام بطنك مباشرة وأنت واقفة... ستكون حركة القلم عشوائية في البداية..لكنه سيأخذ بعد ذلك حركة منتظمة ... تابعي حركته المنتظمة فإن صار يتحرك بخط أفقي ذهابا وعودة فالمولود ذكر..وإن بدأ يدور حول نفسه مشكلا دائرة فالمولود أنثى والله أعلم.....
وأدق ما تكون النتيجة بعد الشهر السادس...

علما بأن هذه الطريقة تستخدم لتحليل الحمل من عدمه حتى قبل المختبر... تجرب نفس الطريقة لكن على معصم اليد..في موضع الساعة اليدوية جهة راحة اليد ..فإن تحرك القلم بخط أفقي كانت المرأة حاملا..وإن تحرك بخط عمودي مابين اتجاه الأصابع والمرفق فخيرها في غيرها!!!!!!!!!!!

والله أعلم.....

salad;8078009:
يا بنات حد يعرف الطريقه دى او يعرف حد جربها انا قريتها فى منتدى بس مش عارفه اعملها ازاى

أحضري إبرة وخيطا وقلم رصاص له ممحاة في رأسه..انظمي الخيط في الابرة لمسافة شبر واحد تقريبا.. ثم قومي بغرز الإبرة في رأس ممحاة القلم ...ودعي القلم يتدلى أمام بطنك مباشرة وأنت واقفة... ستكون حركة القلم عشوائية في البداية..لكنه سيأخذ بعد ذلك حركة منتظمة ... تابعي حركته المنتظمة فإن صار يتحرك بخط أفقي ذهابا وعودة فالمولود ذكر..وإن بدأ يدور حول نفسه مشكلا دائرة فالمولود أنثى والله أعلم.....
وأدق ما تكون النتيجة بعد الشهر السادس...

علما بأن هذه الطريقة تستخدم لتحليل الحمل من عدمه حتى قبل المختبر... تجرب نفس الطريقة لكن على معصم اليد..في موضع الساعة اليدوية جهة راحة اليد ..فإن تحرك القلم بخط أفقي كانت المرأة حاملا..وإن تحرك بخط عمودي مابين اتجاه الأصابع والمرفق فخيرها في غيرها!!!!!!!!!!!

والله أعلم.....

ماتفكرنيش ياسلاد انا فكرت اجرب الموضوع ده وحصلى صادمه شويه القلم يتحرك بشكل افقى وشويه دائرى قلت شكلى هجيب تؤام بس انا الحمد لله ربنا رزقن ى بطفل واحد مش تؤام معرفش العيب فى الطريقه ولا فى اللى عملتها

ههههههههه والله انا حاسه انى لو عملتها هيحصل معايا كده لكن اكيد العيب فى تنفيذك للطريقه المفروض متحركيش القلم هو يتحرك لوحده بنات جربوها لكن انا حاسه انها مش مجديه مش عارفه مع انهم بيقولوا انها بتعتمد على المجال المغنطيسى اللى حول البيبى

اهلا بيكم انا حامل بس فى الشهر التانى ودى تانى مرة وبنتى عندهاسنة دلوقتى ولو اى حد يحب يستفسر عن اى حاجة يتفضل لانى مريت بالتجربة مسبقا وشكرااا

انا عاوزه اعرف ازاى نحسب فتره الحمل من اول يوم تبويض ولا اخر يوم بريود ولا ايه

أول يوم للبيريود زائد 7 أيام باين أو 9 مش فاكرة وبيحسبوا إن ده أول يوم للحمل

هاى يا بنات
وحشتوونى
حد فيكم نظم البيبى بتاعة؟ عشان مش عارفة أنظمة خاااااااااااااالص
كل يوم مواعيد شكل ومش عارفة أنام ولا أعمل حاجة
لأ وكنت عاملة قلبى جامد وحفصلة فى أوضتة بسرعة واللى حصل إنة ساب سريرة وبينام جمبى
لأنى إكتشفت فى الأيام إللى سافرتها إنة بينام كويس لما بينام معايا فى نفس السرير
أتارى الخبيث بيصحى يبص عليا بليل ولو لقانى جمبة بينام تانى ولو مش جمبة بيعمل فرح لحد ما يشوفنى
أعمل إيه؟

أنا عندي عبدالله منتظم إلى حد ما

بس الانتظام التام مش قبل 3 شهور أو أربعة

وبينام في أوضته لوحده من أول ما اتولد

مين فينا بقى اللي قلبه جامد :)؟؟

ازيكم يا احلي مصريات دي اول مشاركة ليا هنا انا حامل حاليا باول الخامس و الدكتور قالي قبل الشهر الخامس احتمال بنت بنسبة 70 % بس مش أكيد وقالي تعالي بعد 10 ايام اقولك نوع الجنين بنسبة 100 % تفتكروا أكيد بنت ولا ممكن تطلع ولد وحد حصل معاه حاجة شبه كدة

أمةالله;8320869:
أنا عندي عبدالله منتظم إلى حد ما

بس الانتظام التام مش قبل 3 شهور أو أربعة

وبينام في أوضته لوحده من أول ما اتولد

مين فينا بقى اللي قلبه جامد :)؟؟

ما شاءالله عليكى
طيب عرفينى عملتى إيه عشان ينام فى أوضتة؟
مش بيجوع بليل ويعيط؟ وعودتيه فى قد إيه على كدة؟
أنا فضلت شهرين بنيمة فى سريرة بس جمبى كان بيفضل طول الليل صاحى ولو نام يكون قلقان ويصحى منهار من العياط
ولما سافرت بيه فى العيد إضطريت أنيمة جمبى
لاقيتة بينام طول الليل لدرجة إن الناس بقوا بيقولوى ماهو بينام أهو إنتى خايفة من الحسد :eek:
إكتشفت إنة بيحس بيا جمبة فبينام
ومن ساعتها وأنا بنيمة جمبى بس مش عاجبنى الدلع دة
هوة إنهاردة يخاص ال 3 شهور ويبداء الرابع على خير إن شاءالله
قوليلى أعمل إيه عشان أنقلة الأوضة بتاعتة؟

جنة الفيروز
أهلا بيكى وربنا يتمملك الحمل على خير يا رب
بصى إللى أعرفة إن الدكاترة لما يقولوا ولد بيبقى أكيد بنسبة 99% ولد
لكن لما بيقولوا بنت بيبقوا شكين لأن الأعضاء لسة صغيرة أو وضع البيبى مش مبين أوى فبيقولوا بنت وإحتمال تكون ولد
وكل إللى ربنا يجيبة خير إن شاءالله بس ربنا يرزقك بالطفل الصالح سليم ومعافى أمين يا رب

sherrykitty;8345262:
ما شاءالله عليكى
طيب عرفينى عملتى إيه عشان ينام فى أوضتة؟
مش بيجوع بليل ويعيط؟ وعودتيه فى قد إيه على كدة؟
أنا فضلت شهرين بنيمة فى سريرة بس جمبى كان بيفضل طول الليل صاحى ولو نام يكون قلقان ويصحى منهار من العياط
ولما سافرت بيه فى العيد إضطريت أنيمة جمبى
لاقيتة بينام طول الليل لدرجة إن الناس بقوا بيقولوى ماهو بينام أهو إنتى خايفة من الحسد :eek:
إكتشفت إنة بيحس بيا جمبة فبينام
ومن ساعتها وأنا بنيمة جمبى بس مش عاجبنى الدلع دة
هوة إنهاردة يخاص ال 3 شهور ويبداء الرابع على خير إن شاءالله
قوليلى أعمل إيه عشان أنقلة الأوضة بتاعتة؟

نيمته في أوضته من البداية واستحملت أنا تعب إني أقوم له لما يبقى عايز يرضع
الموضوع مش أخد معايا وقت خالص لأنه بينام في أوضته لوحده من أول ما رجعت من عند ماما بعد الولادة
نصيحتي بخصوص الموضوع ده كل ما كان أصغر كل ما كان أسهل ... واحدة صاحبتي ابنها سنة وشوية ولسة بينام جمبها ومش عارفة تفصله

بصي باختصار لازم تستحملي لمدة أسبوع ولا حاجة إنه يعيط وانتي طبعاً نومك هيبقى صعب في الأسبوع ده

لو تأزمت نامي عنده في الأوضة ... بس مش جنبه

بالنسبة للعياط بتاعه مش تخافي عليه ... البيبي بيعيط علشان بينده عليكي ... في حالات كتير أصلا بيبقى لسة نايم

لو قلقانة أوي إنه يعيط من غير ما تحسي بيه ... هاتي حاجة اسمها مونيتور من عند أور كيدز أو لفلي ... ده زي جهاز لاسلكي كده بيبقى واحد في أوضة البيبي والتاني عندك علشان تسمعيه لو صحي بالليل

عبدالله الحمد لله عنده نومة في اليوم لا تقل عن 6 أو 7 ساعات ... بس بينامها للأسف بعد المغرب ... بنحاول بس نأجلها شوية بشوية علشان تبقى من الساعة 11 أو 12 وينام لحد الفجر

ربنا ييسر لك الخير يا جميلة :)