يا حوامل م____ص_____ر....... !!!!!

بنات
أنا خلصت الأربعين والدكتورة قالتلى تركيب اللوب بعد شهرين ونص أو 3 شهور عشان الرحم يكون رجع لوضعة الطبيعى وكتبتلى لبوس منع حمل
بس أنا قلقانة منه
وكل الدكاترة بتركبة بعد الأربعين
إلى تعرف حاجة عن الموضوع دة ترد عليا لو سمحتوا بسرعة عشان خايفة يحصل حمل

ما شاء الله يا شيري قصة ولادتك مش مرعبة للدرجة

سبحان الله تحسي إن الناس لما تشوف واحدة حامل يجيلهم حالة كرم ويشاركوا كلهم بأكتر قصص الولادة رعباً

يعني متلاقيش واحدة تيجي تقول ولادتي كانت سهلة والحمد لله كل حاجة كانت تمام

هرجع أحكي لكم قصة ولادتي بس شوية كده لأن لولي مقريف النهاردة

ماشاء الله عليكى يا شيري

انا بصراحه كنت مرعوبه من الولاده الطبيعي مع انى لما كنت في الكليه والامتياز ولدت بس من اللي كنت بشوفه من العيانين بقيت بخاف جدا
وكنت عايزة وبطلب من الدكتورة انها تولدنى سيذيرين وهيا مكانتش راضيه بس سبحان اللهعمر عمل فينا حركه كده خلتها لازم تولدنى سيزيرين

امة الله
اخبار عبد الله ايه؟
الدكتورة قالتلك ايه؟

سـندريلا;7730528:
ميرسي اوى يا شيري انك بتردى علينا كلنا وبتفيدينا
بس السرير الخشب اللى بتقولى علية دة ينفع بديل للسرير المتنجد اللى بيتحط جنب سرير الام ؟
ولا دة بيتحط في اودة تانية وبيتجاب منين وسعرو كمان بيكون كام

بالنسبة للفوليك اسيد انا بصراحة مش بيعملى دوخة عادى
بس انا اصلا من غري ما اخدو على طول حسة انى دايخة وهبطانة ونفسي رايح
ومش عارفة اعمل اى حاجة في الحياة حسة ان حياتى هتتوقف لمدة 9 شهور :(
تنصحونى باكل معين ولا اية
وكان في بودر او حاجة مكمل غذائي للحامل حد يعرفو او سمع عنو؟؟؟؟

سندريلا انا شفت السرير الخشب اللى بتقول عليه شيرى فى لفلى و كان ب 1600 ... و هوو راااااااائع وشييييك جدا و بياخد البيبى لحد سن 6 سنوات ... و هو بيتحط جنب السرير و لما البيبى بيكبر خااالص بيتحول كنبة بجد حلو قوى و لو ربنا اراد و رزقنى هجيبه ان شاء الله .. ربنا يكملك حملك على خير ياااااااااارب

salad;7759025:
هدى ربنا يخليكى وعقبالك يا رب تكونى حامل الشهر ده ونفرح بيكى قريب اميـــــــــــــــــــــــــــــن

انا الحمد لله اتصلت بالدكتور وقلتله على غممان النفس وادانى ايزادوكسين الحمد لله مريحنى ماعدا انه بيخلينى نايمه على طول مش عارفه هعمل ايه وانا فى الشغل ربنا يستر بقى

سالاد ربنا يكرمك يا حبيبتى ... على فكرة السرير ال Graco اللى كنتى منزلة صورته موجود فى لفلى ب 1775 ... و فيه موسيقى و فايبرشن و حاجات تانية مكنتش مركزة قوى مع الراجل و هو بيشرحلى ... بس الخشب اللى قلت عليه لسندريلا اقيم بكتيييييييييييييييييير و هو موجود هناك ... فى لفلى فرع المعادى

شهيدة

والله لسة مقريف وبيسخن بالليل

الدكتورة طلبت تحليل دم وعملناه طلع مش فيه حاجة بفضل الله بس عنده شوية أنيميا

الله المستعان

إحنا رايحين تاني يوم الأربع إن شاء الله

وبفكر أعرضه على دكتورة تانية برضو

أمةالله;7826176:
ما شاء الله يا شيري قصة ولادتك مش مرعبة للدرجة

سبحان الله تحسي إن الناس لما تشوف واحدة حامل يجيلهم حالة كرم ويشاركوا كلهم بأكتر قصص الولادة رعباً

يعني متلاقيش واحدة تيجي تقول ولادتي كانت سهلة والحمد لله كل حاجة كانت تمام

هرجع أحكي لكم قصة ولادتي بس شوية كده لأن لولي مقريف النهاردة

سلامة عبودى
أنا كمان عملت طهارة عمر ومنمناش طول الليل بيعيط يا حبيب قلبى وأنا قاعدة بعيط جنبة

أنا فعلا سمعت حكاوى تشيب عن الولادة بس مكنتش سمعت ولا واحدة طبيعى وبعدها شفت بعينى محدش قاللى :D

بس أنا بعترف والحمدلله إن ربنا كرمنى جدا
يا جماعة أنا كنت ناوية الولادة الطبيعية وأنا محتسبة الأجر عند ربنا وتغفير الذنوب والحمدلله مندمتش خالص
عقبال ربنا ما ييسر لكم جميعا الولادة ويرزقكم الذرية الصالحة

يلا كل واحدة بقى تحكى ولادتها

شهيدة;7827150:
ماشاء الله عليكى يا شيري

انا بصراحه كنت مرعوبه من الولاده الطبيعي مع انى لما كنت في الكليه والامتياز ولدت بس من اللي كنت بشوفه من العيانين بقيت بخاف جدا
وكنت عايزة وبطلب من الدكتورة انها تولدنى سيذيرين وهيا مكانتش راضيه بس سبحان الله عمر عمل فينا حركه كده خلتها لازم تولدنى سيزيرين

إيه الساسبينس دة؟ عمل إيه عمر؟:D

شفتى الحمدلله ربنا كتبلك إللى كان نفسك فيه
ما شاءالله وحمدالله على السلامة

شهيدة مسمعتيش عن لبوس منع الحمل دة؟

محدش رد عليا ليه؟

والله يا شيري أول مرة أسمع عنه

ازيكم يا حوامل عاملين ايه
عاوزه اشارك معاكم
انا ان شاء الله في الشهر التاسع ادعولي الله يخليكم احسن انا خيفانه خالص ربنا يسهلها يارب ويسرها علي كل الحوامل اللهم امين
ربنايسهل لما اولد اجي احكي لكم قصه ولادتي
اتمني تقبلوني معاكم

أجمل ايام العمر;7827268:
سندريلا انا شفت السرير الخشب اللى بتقول عليه شيرى فى لفلى و كان ب 1600 ... و هوو راااااااائع وشييييك جدا و بياخد البيبى لحد سن 6 سنوات ... و هو بيتحط جنب السرير و لما البيبى بيكبر خااالص بيتحول كنبة بجد حلو قوى و لو ربنا اراد و رزقنى هجيبه ان شاء الله .. ربنا يكملك حملك على خير ياااااااااارب

انا جايبه السريير دة وهو حلو وكنت جايباه من لفلي ب 1050 تقريبا مش فاكرة اوى بس في الحدود دى
زميزته اننا شايله ناحيه منه وحاطاه جنب سريرى وطبعا فيه مستويات
بس مشكلته لو معندكيش مكان في الاوضة

أمةالله;7827803:
شهيدة

والله لسة مقريف وبيسخن بالليل

الدكتورة طلبت تحليل دم وعملناه طلع مش فيه حاجة بفضل الله بس عنده شوية أنيميا

الله المستعان

إحنا رايحين تاني يوم الأربع إن شاء الله

وبفكر أعرضه على دكتورة تانية برضو

الف سلامة عليه شفاه الله وعافاه
ربنا يطمنك عليه وخدى بالك من تغيير الجو لان عمر صدرة بقى صعب اوى مليان بلغم
ربنا يشفيهم ويعافيهم ويحفظهم من كل سوء
السخونيه بتوصل كام؟
نسبة الهيموجلوبين كام؟

sherrykitty;7830463:
إيه الساسبينس دة؟ عمل إيه عمر؟:D

شفتى الحمدلله ربنا كتبلك إللى كان نفسك فيه
ما شاءالله وحمدالله على السلامة

شهيدة مسمعتيش عن لبوس منع الحمل دة؟

محدش رد عليا ليه؟

هوا عمر من اول التامن وكان معيشنا في قلق لان الرراس كبرت اوى وعملت سونار في كذا مكان
وكل مرة يقولولى الراس كبيرة ورحت عملت 3d وبرضو الراس كبيرة بس مفيش سبب ليها الحمد لله
المهم جيت عالاسبوع ال 37 الراس بقت 10 سم يعنى استحاله يتولد طبيعي بالمقاييس بتاعت البشر الا لو عمل مشاكل وفتحات كبيرة
الدكتورة قالتلي مش انتى اللي عايزة تولدى قيصري
عامة كده كده مش هولدك قبل الاسبوع ال 38 وقبل ما اتم ال 38 اسبوع بيومين قعدت اليومين دول مش حاسه بحركة البيبي زى العادى ولو حسيتها تبقى ضعيفه اوى رحت عملت سونار وسمعت قلب البيبي والحمد لله الامور كويسه
بس انا بقى كنت خلصت واعصابي تعبت جدا وبقيت شبه منهارة من التوتر وكمان كان جالي طلق وكنت لوحدى في البيت وخفت لاولد فقلتلها خلاص اول ما اتم 38 اسبوع ولدينى
والحمد لله عدت الولادة على خير بس عمر تعبنا اوى في موضوع الصفرا ودخل حضانه
وفي الاخر الحمد لله

emey_lala;7834843:
ازيكم يا حوامل عاملين ايه
عاوزه اشارك معاكم
انا ان شاء الله في الشهر التاسع ادعولي الله يخليكم احسن انا خيفانه خالص ربنا يسهلها يارب ويسرها علي كل الحوامل اللهم امين
ربنايسهل لما اولد اجي احكي لكم قصه ولادتي
اتمني تقبلوني معاكم

ربنا يقومك بالسلامة وتفرحي بالنونو ان شاء الله
قوليلنا ال cvبتاعتك
وانتى حامل في ولد ولا بنت؟

شهيدة;7835221:
الف سلامة عليه شفاه الله وعافاه
ربنا يطمنك عليه وخدى بالك من تغيير الجو لان عمر صدرة بقى صعب اوى مليان بلغم
ربنا يشفيهم ويعافيهم ويحفظهم من كل سوء
السخونيه بتوصل كام؟
نسبة الهيموجلوبين كام؟

السخونية عادة بتبقى في حدود نص درجة

أعلى رقم شفته كان 38 ونص

ونسبة الهيموجلوبين 10

ميرسي لكل اللى ردوا عليا في موضوع السرير
بس هو تمنة غالى شوية يلا مش مهم هبدا احوشهم :)

شيري حمدالله على سلامتك ولادتك ماشاء الله جميلة وانتى الحمد لله اعصابك كانت هادية
والله وانا بقرا القصة بتاعتك عنيا كانت بتدمع من اللحظة دى
ربنا يسهل ولادتنا جميعا

بنات بليز اللى ولدوا فى الاسكندريه يقولى ولد فين ونظام المستشفى ايه بالظبط

هند انا كنت روحت في مستشفي هناك قبل ما اعرف انى حامل كانت واحدة قريبت جوزى ولدت هناك
مستشي اليكس للولادة في رشدى
المسستشفي تحفة جدا ونضيفة جدا جدا بس اعتقد غالية شوية
هيا اليلة فيها ب 1000
واعتقد الولادة ب 3500

sherrykitty;7820741:
ههههههههههههههههههه
حلوة أوى الصفحة الواسعة دى
أنا حاولت أعدلها بس معرفتش معلش بقى

فكرة حلوة بس أنا خايفة لما أكتبها حد يخاف أو يقلق من الولادة
أنا ححكيها بس إللى بيخاف يطلع برة هههههههههه

أنا يوم حملى كان تاريخة 7-1 ودة حساب الدكتورة مع إن زواجى أصلا كان 17-1
محدش يفكر فيا وحش يا جماعة والله ما عملت حاجة قبل الفرح وأصلا جوازى كان صعب أوى هههههه

المهم إنى كنت كل يوم 7 بكمل شهر

و يا جماعة ثبات الحمل دة حاجة بتاعة ربنا لأن أنا حملت من تانى يوم جواز تقريبا ومكنتش أعرف و سافرت ماليزيا وركبت طيارة 14 ساعة رايح و14 ساعة جاى
وكنت كل يوم طوووووول اليوم لف فى الشوارع وبحر وجرى
وكنت شكة وانا هناك فى موضوع الحمل دة عشان البيريود إتأخرت
كلمت أختى قالتلى إنها بتتأخر بعد الجواز عادى
ولما رجعت مصر عرفت إنى حامل من إختبار البيت ورحت للدكتورة إتأكدت إنى حامل
وكتبتلى الفوليك أسيد روحت أخدتة ونمت ومن تانى يوم إبتدت أعراض الحمل

فى الشهر السادس فى يوم نزلت الصبح ورجعت نضفت البيت كلة وطبخت وجالى ضيوف على الساعة 11 لقيت فى دم وإتضح إن المشيمة نزلت عندى
بس طلع عادى مفيش حاجة وناس كتير حصلها كدة وربنا سلم نمت إسبوعين وبقيت كويسة

وعدى 9 شهور ومن 7-9 وأنا مستنية ولادة فى أى لحظة لأن المشيمة نازلة من قبل كدة فالمفروض معاد الحمل يبقى بدرى
لحد يوم 18-9 بليل كنت نايمة وصحيت على طلق وخبط من تحت جامد وفضلت طول الليل مرعوبة ومتخيلة إنى بولد خلاص وتانى يوم رحت للدكتورة كشفت عليا كشف الحمل وقالت دة طلق كاذب حيستمر طول التاسع لحد معاد الولادة
وفعلا فضل يجى لحد ما ولدت
بعدها سافرت أسكندرية أولد عند ماما ولقيت دكتورة رائعة لو حد عايز عنوانها يقوللى
وكشفت عليا وقالتلى لسة عنق الرحم مقفول إمشى كتير عشان نسهل ونسرع الولادة

نزلت تانى يوم(تقريبا كان 24-9) أمشى مع ماما وروحت لقيت دم كلمتها قالتلى تعالى أشوفك كشفت عليا قالتلى فى صباع مفتوح وحساعدك عشان تولدى بسرعة ووسعت عنق الرحم بإيديها
وحتولدى خلال 3 أيام بالكتيييييير وقالتلى أكلمها لو فى حاجة

مشيت تانى وم وتالت يوم ولا حاجة
لحد العيد ما جه نزلت مشيت مشوار رهييييييب مع جوزى لمدة 3 ساعات وبردة ولا فى ولادة ولا حاجة والطلق الكاذب مستمر
لحد يوم 7-10 إللى هوة أول يوم فى العاشر
عملت سويت وطبعا أخدت وقت طويييييل لأنى مش شايفة أى حاجة من بطنى وتقريبا هية دى سبب ولادتى ههههههههه
و صليت الفجر ونمت وصحيت بعد نص ساعة على وجع جامد شوية حسيت ساعتها إنى قربت
لقيت الوجع بيتكرر كل ربع ساعة بالكتير قلت مش حصحى حد وحقضل هادية وأدعى
لحد الساعة 8 الصبح كان الوجع بقى كل 10 دقايق
كنت هادية خالص وأول ما يجى الوجع أحتسب وأعمل تمرين النفس لحد ما يروح
وكلمت الدكتورة قالتلى بس دة مش صوت واحد بتولد هههههه تعلى أكشف عليكى بعد ساعة
رحت قالتلى فعلا قربنا بقى فى صباع ونص مفتوحين وكلمت هية المستشفى حجزتلى
و روحت جبت شنطتى وأخدت دش وصليت الظهر ورحت المستشفى
وكانت ماما قالتلى لازم أعمل حقنة شرجية قبل الولادة بس الدكتورة قالت ملوش لزوم بس صومى من دلوقتى (9 الصبح)
كل دة فى وجع عادى بس متكرر
ولما وصلت دخلت أوضتى وجابولى الهدوم بتاعة العملية وجات دكتورة من المستشفى كشفت تااااااااانى عليا الكشف الفظيع دة وركبولى محاليل
لحد الساعة 4 جات الدكتورة بتاعتى كشفت عليا ومشيت قالتلى لسة شوية وخلت الممرضة تديلى حقنة برم برام عشان مرجعش فى البنج كان الوجع بيزيد شوية شوية مع المدة
وجت تانى الساعة 5 ومعاها الممرضة بتقوللى يا بنتى صوتى شوية حسسى الناس إنك بتولدىو كشفت عليا ولاقيتها بتفتح كيس زى بتاع الحقنا فيه عصايا طويلة ورفيعة
طبعا أنا أتفزعت وقلتلها دى عشانى قالتلى لأ عشان البيبى ودخلتها فيا فتحت الكيس :(
موجعتنيش خالص
بس من ساعتها بقى الطلق حمى جداااا ونزلت منى المية
و خلت الممرضة تديلى طلق صناعى

طبعا بعدها فرجت المستشفى عليا ههههههههه
لقيت ماما بتعيط فى جنب وأختى الكبيرة بتعيط فى الجنب التانى وبابا طلع يعيط برة الأوضة خالص يا عينى
وجوزى قاعد يقرا أدعية تيسير الولادة على بطنى
والله يا بنات الأدعية دى سحر
جوزى يحط إيدة على بطنى ويقراها يهدا الطلق
أول ما يبطل يحمى أوى تانى
لازم تجيبوها من دلوقتى وتقروها عشان فى أدعية منها بتتقال طول الحمل بعد كل صلاه

طبعا جالى تنميل فى كل جسمى و شد عضلى فى رجلى
كل ما حد يروح يقول للدكتورة تقولة مبرووك المدام حامل

بس فضلت كدة بقى لحد ما جتلى تانى الساعة 5 وربع وقالت للممرضة 5 ونص إلا خمسة تكون فى أوضة العمليات

وفعلا جابولى الكرسى ودخلت الأوضة فضلت نايمة على السرير وحاطولى البنج إللى فى التنفس دة حوالى 10 دقايق وأنا صاحية

وقالولى متحزقيش ودى بقى كلمة السر عشان ألاقى نفسى بحزق لا إرادى وبشدة

وبعدها سمعت الدكتورة جاية والناس بتهزر مع بعضها كأنهم بيتمشوا مش فى أوضة عمليات

وكنت خايفة أوى قعدت أقول للدكتورة إنى لسة فايقة

وسمعتها بتقول أهى الراس أهى وحسيت بيها بترفع رجليا على المكان بتاع الرجلين وبتحطلى من تحت بنج عامل زى المية الساقعة
وكانت دى أخر كلمة سمعتها فى أوضة العمليات
فقت بقى الساعة 8 ونص فى أوضتى وكل أهلى حوليا
وبعدها حمونى الممرضات وجابولى عمر أرضعة

وبجد كنت نسيييييييييييت خالص كل وجع أول ما شفت وشه وإيديه الصغيرين والحمدلله

وخارجة من المستشفى وأنا نفسى فى بيبى تانى على خير يا رب

وكان صحيح جوزى نفسة يدخل معايا أوضة العمليات بس الدكتورة رفضت

وبقول الحمدلله لأنه إمبارح حضر طهور عمر وكان حيغمى عليه أمال لو شافنى كدة كان جرالة إيه؟؟؟؟؟؟؟؟

بس يا ستى وعدى 43 يوم والحمدلله بطنى قربت ترجع لشكلها الطبيعى وأنا بعمل تمارين البطن على الأقل 3 مرات فى الأسبوع

أمة الله أنا حماتى جابت الحزام بس كل مكنت بربطة كان بيترفع لفوق فملبستوش خالص
يا رب ميأثرش على بطنى وترجع ممسوحة زى زمان

وأدى حكاية أمنا الغولة خلصت هههههههه

ايه العسل ده انا كمان خليت ماما تحكيلى قصص ولادتها بينا لاحظت حاجه اننا عندنا فى مصر بيروحوا والدكاتره هما اللى بيفتحوا كيس المايه بس فى البلاد التانيه الاقى كل و احده تقول ان نزل عليها مايه غرقتها فمش عار فه اشمعنا الم صريين بس حلو اوى كده قصتك جميله ويارب يسهل ولادتنا وربنا يخلى عمر ويطلع واد ذى القمر ويتجوزيه وتجى تحكى قصة ولادة مراته