29 مرة نقول يا تري بتعملي الأكله دي ازاي ؟ مبدعات مصر القمرات شهر شوال1432

ازيكم يابنات عاملين ايه
ياريت تفيدونى فى الموضوع دا عندى بواقى بتفور وكدا وجوزى مش راضى ياكله ومش عارفه استفيد بيه ازى ولا ارميه وخلاص

نوووووووووووووووووور ...................مبروك يا ندله الف الف مبروك يا جميل وربنا يرزقك الذريه يارب الصالحه
بنات عندى كورن فليكس ومش عايزه اكله قولولى اعمل بيه ايه؟؟؟؟؟؟؟؟؟؟؟؟؟؟

تميمة
ممكن تعملي بيه ام علي
او تستخدميه بدل البقسماط ف فراخ كنتاكي

نانو .. مش عارفه والله كليه انتي

ازيكم انا اليومين دول عند ماما عشان كده مش مزهاقكوا اسئله

nanoo99;15588523:
اوكى ياعسوله عمر بصلى ياستى
السجق الاسكندرانى
2فص توم وتحطه فى الزيت وبعد كدا تحطى السجق الحلقات كمان فى الزيت ورشه فلفل اسود وتعقدى تلقبى لحد ما يتغير اللون وبعد كدا تحطى الفلفل الاخضر المكعبات وتقلبى لحد ما يدبل بعد كدا الطماطم وتطى ميه عشان كل حاجه تستوى وتطى نقطه خل وصلصه وبسسسس

وممكن بالطريقه دى من غير الخل تحطى السجق على المكرونه او الفول
وفى طريقه تانيه للمكرونه بالسجق
بصل شرائح ونشوحه ونحط معه فصين توم والسجق والفلفل الاسود وشطه ونشوح كله مع بعض ونط طماطم مكعبات وفلفل اخضر ونبشر معاهم جزاريه ونحط معلتين صلصله ونتسبيهم يتسبكوا مع بعض وتحطى فى الاخر مكرونه

انا جربت الطرقيتن مفيش اختلاف كبير بنهم فى الطعم



واى خدعه ياجميل

شكرااااااا ليكى بس هو فى سجق تانى غير الاسكندرانى وهجرب واقولك

نور التقوى;15588524:
عسوله عمرو الاكل ماشاء الله جميل تسلم ايدك ياقمر


نور بنفسها بتسالنى على طريقه الترميسيو

بصى ياحبيبتى انا بعمل كيس ايس كريم شيكولاته

وبجيب شويه لبن وبحط فيهم معلقه نسكافيه كبيره ومعلقه نسكويك

واجيب بسكوت الى هو بتاع الشاى

وابل البسكوت فى اللبن وارص اول طبقه

وبعدين احط شرايح سويسرول بالشيكولاته الى هيا الكيكه الجاهزه

وارش بالمعقله على الكيكه بالمعلقه من اللبن الى عليه نسكافيه

وبعدين احط تانى طبقه بسكوت ونفس الى عملته اول مره

ولوعاوزه تحطى على الوش كزريم شانيته او الى انتى عاوزاه براحتك بس انا بحبه بايس الكريم شيكلاوته

بيبقى تحفه ورشى على الوش شويه نسكويك بودر ولو عندك شيكلاوته خام ابشرى شويه ورشيهم على الوش

واى خدمه ياقمر يارب بس يارب يكون كلامى واضح

ربنا يخليكى حبيبتى وبالنسبه للى سويسرول ده بيتباع فى السوبر ماركت عااادى ولا فيين والبسكوت اى نوع بسكووت؟؟
وما تستغربوش من اسئلتى لانى معرفش اى حااااااااااااجه انا باكل بسسسسسسسسسس:D

مانشي;15590584:
ر

عسولة عمرو

حبيبتي مبرووووك الجواز

لسه شايفة مشاركتك دلوقتي و الله

ربنا يسعدك و يوفقك يا حبيبتي يا رب و يرزقك الذرية الصالحة

انا ميسو كنت معاكم في تجهيزات عرايس مصر :)

فرحت أوي لما لاقيتك اتجوزتي و انضميتي للمطبخ :)

ربنا يوفقك يا هجورة

الله يخليكى حبيبتى انا طبعا فاكراكى عامله ايه ياقمر

ra_tamima;15593147:
نوووووووووووووووووور ...................مبروك يا ندله الف الف مبروك يا جميل وربنا يرزقك الذريه يارب الصالحه
بنات عندى كورن فليكس ومش عايزه اكله قولولى اعمل بيه ايه؟؟؟؟؟؟؟؟؟؟؟؟؟؟

ممكن تحطى عالفيجتار وانتى بتحمرى البانيه بيخليها حلوه

شباب
عاوزة افكار للفطار والعشا

ام ىدم انا عملت مرة العيش ده في البيت و فيه منه نفش و منه لآ علي حسب طريقه الفرد يا قمر و طريقه الخبز

.. Hopes;15594053:
شباب
عاوزة افكار للفطار والعشا

عايزة سامدوتشات و الا أطباق؟

اي حاجه ياام بودي تنفع عشا او فطار
لحسن الواحد زهق من الجبنه والبيض والفول خلاص

.. Hopes;15594053:
شباب
عاوزة افكار للفطار والعشا

بصى هقولك شويه حاجات
1/ممكن بيتزا
2/عجه
3/كيك وشاى
4/جلاش وممكن يتحشي كزا حاجه انا ساعات بحشيه حشوة بيتزا او ساعات بحشيه جبنه بيضا مهروسه بشويه زيت متقطع فيها زيتون اسمر ورشه زعتر بيبقى حلو برده
5/لو تعرفى تعملى قراقيش او قرص مش عارفه بتتسمى ايه ساده وبجبنه حلوة برده الصبح مع الشاى
6/ كورن فليكس
7/ بسطرمه بس لو عملتيها للعشا ياريت زبادى بعدها لانها حاميه
8/ سندوتشات سجق وبرده زبادى وان كنت مبحبش الحاجات الحاميه دى بليل
9/ ممكن يوم بليل تتعشوا فروت سلاط لو متقلين الغدا شويه

لو افتكرت تانى حبيبتى اقولك

nanoo99;15593017:
ازيكم يابنات عاملين ايه
ياريت تفيدونى فى الموضوع دا عندى بواقى بتفور وكدا وجوزى مش راضى ياكله ومش عارفه استفيد بيه ازى ولا ارميه وخلاص

ملهاش حل يا حبيبتي يا تاكليهم يا تشحتيهم
ابعتيهوملي انا نسيت علبة الكحك والبيتيفور بتوعي وسافرت من غيرهم :mad:

ra_tamima;15593147:
نوووووووووووووووووور ...................مبروك يا ندله الف الف مبروك يا جميل وربنا يرزقك الذريه يارب الصالحه
بنات عندى كورن فليكس ومش عايزه اكله قولولى اعمل بيه ايه؟؟؟؟؟؟؟؟؟؟؟؟؟؟

ههههههههههههههههه الله يبارك فيكي يا جميل وربنا يستجيب منك ياااااااارب
والكورن اعمليه زي البنات ما قالولك
او اعملي كرات السنيكرس بيه خطييييييييييير
هتجيبي كام صوبع سنيكرس حوالي 3 كده بس دول على النص كيلو تقريبا وتسيحيهم على حمام بخار وتصبيهم على الكورن وتقلبي لحد ما كله يتجانس وبعدين بمعلقة الشاي اعملي كور كده ورصيها في ورق البيليسيه وزينيها بسوداني مجروش او فسدق او جوز هند هيلزق عليه
لو مفيش سنيكرس سيحي شوكولاتة عادية بس متحطيش عليها كريمة كتيرة يعني حطي مثلا نص معيار الكريمة والنص التاني اعملي صوص كراميل ووزاني المعيار بقى في الشيكولاتة .. مش عارفة فهماني ولا معرفتش اشرح كويس :o
وعلى فكرة هتطلع شيك جداااااااااااااا
ممكن تعملي اي نوع كيك وتصبي عليها صوص وتجرشي الكورن فليكس وترشي بيه وش الكيك تزيني بيه يعني وكل مرة على حسب يا تحطي معاه سنة قرفة يا حبة سكر بودرة كده يعني شكلي

.. Hopes;15594053:
شباب
عاوزة افكار للفطار والعشا

بصي اليومين دول شغالين على سندوتشات جبنة بيضة او تركي في الميكرويف او الفرن واقطع معاها زتون وفلفل رومي بتطلع جميييييييييييلة كاني باكل بيتزا
وممكن تحطي حتت بسطرمة بس انا معنديش بس لو في هاحط

اعملي بليلة ام لبن هاتي الغلة وسويها زي الفول بس تنقعيها من بالليل او 3 ساعات
اعملي حمص شامي وخليها زي سلطة الطحينة انا باحبها سندوتشات عن نفسي يعني
بطاطس محمرة وكاتشب ومايونيز
لحمة مفرومة اعمليها عصاج وسندوتشات وعليها مايونيز طعمها خطيييييييييييييييييير وعصاج بس لوحدها كده بجد هتتوهمي عليها

اعملي فول سادة او بالخلطة بالطحينة او فول بالتومة المتحمرة والطماطم
بيض مقلي مسلوق اومليت عجة بالبسطرمة او اللانشون او البيفي

سندوتشات حلاوة بالقشطة او مربى بالقشطة
اعملي كيكات وحلويات افطري بيهم

ده اللي اقدر افيدك بيه بعد ما عصرت مخي :D

نانو و نور متحرمش منكم يارب وأنا جربت عيش الطاسة حلو فعلا وعجب جوزي اوي.. أم بودي طيب أنتي خبزتيه ازاي في الفرن و المفروض يكون ارتفاع الرغيف قد ايه قبل ما يدخل الفرن؟

نور التقوى معلش ماردتش عليكى بس معلش اعذرينى دماغى ماكانتش فيا ساعتهارحت للدكتوره قدرا عشان اشيك على اللوب قالتلى ايه ده اللوب نازل خالص كان ممكن يحصل حمل:badly::hysterical:سبحان الله كويس انى رحت ونزيف ووجع ظهر اعذرينى ودعواتك انا لسه مركزة ف الردود:I:
وبرده جوزى بيحب الخفايف والبنات وفوا اوىف الافكار سجلى عندك وابقى اعملى
[QUOTE=nanoo99;15586392]معلش يابنات والله ماشفت الردود دى ربنا يكرمكم ياااااااااااااااااارب اصل الصفحه بفتبح كبيره خاااالص فمعظم الردود مش شفتها
وان شاء الله هعمل من الافكار دى

رورو ربنا يباركلك يااااااااارب لان كنت هقول لعسوله عمر على طريقه مشمش ام محمد لان فعلا دى احسن طريقه عملت بيها الكنتاكى
ربنا يجعله فى ميزان حسناتك ياااااااااارب[/QUOTE]

اللهم امين يانانو والبيتفور حطيه ف طبق فلين وغطيه بكيس فيلم ووديه لحد محتاج وانتى بتشترى حاجه منه او معديه عليه مافيش حاجه غير كده لكن ماترميهوش خساااارة

Boody we zady;15586983:
روروووووووووووووو مع ان البنات جاوبوا بس لازم أجاوب انا كمان عشان أنا مستنيه تسألي بقالي فتره هههههههههههه

هاتي الشيش طاووق و تتبيلته موجوده في الموقع عباره عن زبادي و ملح و فلفل و صلصه و بابريكاو بهارات و اعملي في الطاسه مش حيأخد وقت و اعملي الساندويتش شيش طاووق و كاتشاب و فلفل روميو طماطم مكعبات حيطلع واو

هاتي البانيه و تبيله ملح و فلفل و بهارات و صوص صويا و ليمون و هاتي طاسه فيها زبده و شوحيها البانيه لحد ما يستوي ممكن تزويديه ميه و بعد كده تقطعيه بالورب شرايح طويله و تجيبي خس و طماطم شرياح و مايونيز و تعملي ساندوتش جامد جدا

هاتي توست و اعملي club sandwich تدهني أو ل طبقه مايو و بعد كده طماطم و بعد كده بيض و بعد كده جبنة سلايز و بعد كده شريحة خيار و بعد كده توسته و تدهني التوسته مايو تاني و تحطي شريحة جبنه و بعد كده بسطرمة و بعد كده طماطم و كابوتشي و بعد كده توسته تانيه و بس

فيه ساندوتش بطاطس و ماشروم حلو جدا تجيبي بطاطس محمرة و مشروم تشوحيه في الزيت و عليه بقودنس مفروم و اعملي أحلي ساندوتش

لو ليكي في السجق أو الهوت دوج ممكن تقطعي مكعبات بطاطس و تحميريها في الزيت و تقطعي الهوت دوج شرايح و تشوحيه في الزيت و تخلطيهم سوا و تعملي كاتشاب و الخلطة دي في الساندوتش

طبعا غير الهامبرجر و الكفته و لو عايزة تنوعي فلافل و فول و جبن و كده

:adore::adore::o:oربنا يبارك فيكى ام بودى وينفع بيكى اجابتك بجد وافيه وجميله وانا سجلت كل حااااجه جزاكى الله خيرا من هنا ورايح هتلاقينى بسال لغاية مازهقكم منى تانى هههههههه


نووووور جزاكى الله خيرا بس اقلى الفراخ بالساندويتش ازاى ؟؟؟
وشويه وهتتعودى على الجواز ومسئولياته وشويه كده وهتشوفى اخواتك ربنا يكرمك عن قريب وتفرحيهم :adore:


اشرى ماشى هجرب جزاكى الله خيرا والقطايف لو عيزاها طريه بتحشيها وتحطيها ف الفريزر واما تطلعيها سبيها تفك الاول وبعد كده حطيها ف الزيت هتلاقيها طريه انما لو عيزاها مقرمشه طلعيها من الفريزر ع الزيت السخن على طول


بنات كيكة الشوكولاته بتاعت شوشو ام مازززززززن محدش يقول معلش كيكة رورو
كيكة شوشو وهيا دى اللى عامله البسبوسه برده يااشرى بتنشف منك ممكن الشربات قليل عليها او بتطلعيها من الفرن وتحطى الشربات مابتسيبهاش ف الفرن
وابقى غطيها اما تحطيها ف التلاجه واما تطلعى قطعه طلعيها ف طبق قبل التقديم عشان تسيب شويه لان التلاجه بتجمد الطبقه برده

بصي يا أم أدم ميكونش تحين قوي و لا رفيع زي اللبناني يعني يكون حلو كده بصي يومين طيب ان شاء الله و أعمل منه و أفرجك بالصور ماشي

@smsm@;15594282:
بصى هقولك شويه حاجات
1/ممكن بيتزا
2/عجه
3/كيك وشاى
4/جلاش وممكن يتحشي كزا حاجه انا ساعات بحشيه حشوة بيتزا او ساعات بحشيه جبنه بيضا مهروسه بشويه زيت متقطع فيها زيتون اسمر ورشه زعتر بيبقى حلو برده
5/لو تعرفى تعملى قراقيش او قرص مش عارفه بتتسمى ايه ساده وبجبنه حلوة برده الصبح مع الشاى
6/ كورن فليكس
7/ بسطرمه بس لو عملتيها للعشا ياريت زبادى بعدها لانها حاميه
8/ سندوتشات سجق وبرده زبادى وان كنت مبحبش الحاجات الحاميه دى بليل
9/ ممكن يوم بليل تتعشوا فروت سلاط لو متقلين الغدا شويه

لو افتكرت تانى حبيبتى اقولك

تسلمي ياسمسم ربنا يجازيكي خير:L:

بيرق أمل;15594593:

بصي اليومين دول شغالين على سندوتشات جبنة بيضة او تركي في الميكرويف او الفرن واقطع معاها زتون وفلفل رومي بتطلع جميييييييييييلة كاني باكل بيتزا
وممكن تحطي حتت بسطرمة بس انا معنديش بس لو في هاحط

اعملي بليلة ام لبن هاتي الغلة وسويها زي الفول بس تنقعيها من بالليل او 3 ساعات
اعملي حمص شامي وخليها زي سلطة الطحينة انا باحبها سندوتشات عن نفسي يعني
بطاطس محمرة وكاتشب ومايونيز
لحمة مفرومة اعمليها عصاج وسندوتشات وعليها مايونيز طعمها خطيييييييييييييييييير وعصاج بس لوحدها كده بجد هتتوهمي عليها

اعملي فول سادة او بالخلطة بالطحينة او فول بالتومة المتحمرة والطماطم
بيض مقلي مسلوق اومليت عجة بالبسطرمة او اللانشون او البيفي

سندوتشات حلاوة بالقشطة او مربى بالقشطة
اعملي كيكات وحلويات افطري بيهم

ده اللي اقدر افيدك بيه بعد ما عصرت مخي :D

نوور العروسة
ربنا يخليكي ليا ياااااارب دايما مظبطاني F:F:F:

ازيكم يا قمراات

كنت عايزه اعمل الترافيل انا شوفت تميمه كاتبه طريقته وعجبنى قولت اجرب انا عند ماام هجرب فيهم الاول ولو طلع حلو ابقى اعمل فى بيبتى
فا بقولكوا الشيكولاته الخام بتتسيح ازااااااااااى؟؟

وماما قالتى بسيحها بتجمد تانى ده من نوع الشيكولاته بقى ولا طريقة التسييح ياريت الرد بسرعه

كلامك صح يابنات ان شاء الله هديه لاى حد

بنات بالله عليكم ادعولى ربنا فرج كربى وهمى بالله عليكم لان انا ربنا اللى يعلم بيا عامله ازى

ممكن ياعسوله عمرو تبعتلى لينك بتاع الترافيل

ربنا يفرج كربك و يريح بالك يا نانو يا حبيبتي و كلنا ياررب

عسولة عمرو

الشيكولاتة الخام بتتسيح في حمام مائي

يعني بتحطيها في حلة و تحتها حلة اكبر فيها مية و تولعي النار هتلاقيها بتسيح

و بعدين اول ما تطفي عليها تستخدميها على طول و إن شاء الله مش هتجمد

و انا كمان عايزة لينك الترافيل :$

مانشي;15595955:
ربنا يفرج كربك و يريح بالك يا نانو يا حبيبتي و كلنا ياررب

عسولة عمرو

الشيكولاتة الخام بتتسيح في حمام مائي

يعني بتحطيها في حلة و تحتها حلة اكبر فيها مية و تولعي النار هتلاقيها بتسيح

و بعدين اول ما تطفي عليها تستخدميها على طول و إن شاء الله مش هتجمد

و انا كمان عايزة لينك الترافيل :$

شكرااااااااااا ليكى الطريقه هحطها تحت بس مش تستنو شويه لحد ما اجربها واقولك عامل ايه

nanoo99;15595898:
ممكن ياعسوله عمرو تبعتلى لينك بتاع الترافيل

nanoo99;15595892:
كلامك صح يابنات ان شاء الله هديه لاى حد

بنات بالله عليكم ادعولى ربنا فرج كربى وهمى بالله عليكم لان انا ربنا اللى يعلم بيا عامله ازى

ربنا يفك كربك ويفرج همك وييسرلك كل امر عسيرررر ياااااااااارب


الطريقه اهى اللى تميمه كانت كاتباه

مكونات الترافيل
4 بواكى بوريو
شيكولاته خام سايحه
4 معالق لبن نيدو
حليب محلى وعليه معلقه زبده
وبضرب البوريو ف الكابه وبعدين بحمص 4 معالق اللبن النيدو ع النار بسرعه علشان مش تتحرق وبعدين بحط عليها اللبن المحلى والزبده ولو مش عندك ممكن سمنه معلقه مش كتير وبعدين ندخلهم الفريزر ربع ساعه وبعدين نخلط عليهم البوريو وبعدين نعملهم كور ونسقطهم ف الشيكولاته السايحه وبعدين ارش عليهم فورمسيل وبس

رورو ألف سلامة عليكي الحمدلله ان ربنا قدر الزيارة دي للدكتورة الحمدلله.. أم بودي متحرمش منك ياقمر في انتظارك ان شاء الله.. عايزه لينك تورتة شيري وتورتة ناني فيبس واللي يعرف عنها حاجة يطمنا عليها