29 مرة نقول يا تري بتعملي الأكله دي ازاي ؟ مبدعات مصر القمرات شهر شوال1432

ميرسى اوى يا عروسه يا جميله
و كنت عاوزه اقلك انى اى حاجه مستحضرات تجميل عاوزاها هتلاقيها فى اى هايبر ماركت زى كارفور مثلا

بنات عايزة اعرف طريقه كفته الفراخ

هبه انتى خلتنى اعيط من كلامك والله افتكرت جوزى لما سافر السعوديه كانت صعبه اوى
ربنا يهون علكى الغربه بس سيبك انتى استمتعى بحايتك باجمل ايام عمرك مع جوزك والله بعد كدا هتندمى عهلى الايام دى انك ضيتعها كدا ربنا يفرحك يارب
قولى بقى بتعملى الصووص ازى

فراشة الإيمان;15617511:
بنات عايزة اعرف طريقه كفته الفراخ

الطريقه انا جربتها وكانت حلوه اوى
تفرمى بصل ناعم وتصفيه من الميه وتفرمى الفراخ ومعها فلفل اخضر كل دا فى الكبه وتحطى البهارات والليمون والملح وتعجنى كويس وتسيبها فى التلاجه وتصبيعها وتتدخليها الفرن
وفى كمان كفته فراخ بانيه
بس مش جربتها بصراحه
فراخ مسلوقه وبطاطس مسلوق وتوم وبربكيا وزنجبيل وشطه وزيت ولبن بتحطى كله فى الكبه وبعدين تحطيها فى دقيق وبيض وبقسماط

لو سمحتو يابنات عايزة طريقة ام على

وياترى لها رقاق مخصوص ولا بتتعمل برقاق عادى

بنات كنت عايزه اعرف كيلو كريم الشانتيه الخام بكام؟؟؟؟؟؟؟

بيرق أمل;15616526:
الف هنا يا كيتي بس عندي سؤال انتي بتفرمي ازاي اللانشون او المورتاديلا
فرم سكينة تقصدي ولا فرم كبة؟؟


الكرش طلعلي يا بوسي من وانا في مصر وكنت بلف لف ، دي الكنبة كانت بتوحشني :(
بس دلوقتي المنظر زبااااالة :mad: لكن هاعمل اللي قولتي عليه ان شاء الله مش هاسيب فرصة للانحدار اللي انا فيه ده ههههههههههههه


اه عشان كده وحشني قوووووووي خصوصا دودو هادي اخويا الصغير هموووووووووووووووووووت عليه وكل ما اكلمه اعيط وهو لسه صغير مش فاهم حاجة يقعد يقولي هبه انا البس والوح الهرح تاع هبه والقس كده كده (يعني هيلبس ويروح الفرح بتاعي ويقعد يرقص كده كده) بيخليني اعيط من كتر منا مش طايلاه ابوووووسه واحضنه،، ولا اختي اللي تايهة من بعدي مع اننا طول الوقت كنا خناق وكانت تقولي امتى تمشي من وشي انا زهقت منك كرهتيني في عيشتي بس ساعة البعد مقدرناش :'(:'(:'(
يلا خلي اللي في قلبي في قلبي ومنكده على الراجل كل يوم بالليل وغصب عني

صحيح يا رورو انا نسيت ارد عليكي في موضوع التشيز كيك كل ما تطحني البسكويت زودي زبدة ها ماشي اسمعي كلامي انتي بس وهتخسري ههههههههههههههههههه اسكتي انا فاكرة اليوم ده وانتي يا عيني تزودي اكيد بقى بلوظة :lol:
بس انتي ماشاء الله تبارك الرحمن عليكي شاطرة بس قلبك كان ضعيييييييييف هي دي كانت المشكلة بس مش اكتر،، شوفتي بسيطة ازاي :worn_out:

انتي بس استعيني بربك هو اللي يحللك كل مشاكلك ويهون عليكي الصعب F:

ايواااااااااااا هو ده يا نانو بس بتعملي صوص شيكولاتة، انتي كده عرفاها صح ولا اقولك الطريقة

بصي بالنسبة لكرات البوريو نانو الله يباركلها كانت كاتبة الطريقة في كام صفحة فاتت هتلاقيها في مشاركاتها

كرات الكورن فليكس
علبة كورن فليكس وسط + 4 او 6 حبات مارس وسط + شريحة زبدة + 1م.ك عسل حسب الرغبة

هتسيحي الشيكولاتة بملعقة الزبدة على حمام مائي (انتي ممكن تعملي صوص شيكولاتة وتسيحي فيها صوبعين مارس بس يعني عشان التكلفة المادية انا لو هاعملها هاعمل كده) وبعدين لما يسيح تضربي في الخلاط لحد ما تبقى كريمة + العسل
كسري الكورن فليكس شوية وصبي فوقه الخليط وقلبي كويس
شكليها على شكل كرات صغيرة في ورق البيليسيه او في طبق وممكن ترشي عليه جوز هند تزيين بس سادة احلى بكتير من غير اي طعم خارجي

(انا من كام صفحة قولت الوصفة دي لبنوتة ونسيت اقول ان المارس يتضرب في الخلاط سوري انتبهت دلوقتي :o )

سوسيرول البسكويت
علبة بسكويت كبيرة اولكر مكسرة غير مفتتة
10 م.ك سكر + 200 جرام زبدة (ربع كيلو الا معلقة كبيرة مليانة او 3 م.ك مليانة) + 2م.ك كاكاو بودرة + 2م.ك قشطة او نص العلبة حسب العجن + مكسرات مجروشة بندق او عين جمل حسب الرغبة

تحطي الزبدة على النار لحد ما تدوب اوعي تقدح وتكون حلة واسعة حطي السكر واستمري في التقليب لحد ما يذوب كله ميتبقاش ولا ذرة بعدين تحطي الكاكاو وتستمري في التقليب
لما تلاقي الخليط كله اندمج حطي القشطة وقلبي باستمرار عشان ميكلكلعش وطفي عليه
استنيه يهدى بس كده دقيقة او دقيقتين بس يفضل سخن وضيفي البسكويت وقلبي باستمرار لحد ما يمتزج كل الخليط بالبسكويت
هاتي ورق فويل وصبي الخليط ولفيه على هيئة اسطوانة واتحكمي انتي بقى في السمك ، ولفيه بالفويل واقفليه كويس قوي من الجناب وحطيه في صينية مستطيلة عادي ودخليه التلاجة يقعد على الاقل نص يوم او يوم كامل ده افضل ، وطلعيه من التلاجة وقطعيه شرائح
والف هنا :thumbs_up:

شكل كرات المارس دي هتبقى حكايه هجربها ان شاء الله

و سويسرول البسكويت ده انا بعمله من زمااااااااااااااااااااااااااان بس مكنتش اعرف اسمه هههههههههههههههههههههههه

انا جنى قامت من النوم بترجع قلت برررد لقيتها كل ماتاكل حاجه ترجع ارجوكى قليلى اعمل ايه ؟؟؟؟؟لو شربت ميه ترجع كل حاجه ارجوكم فيدونى دلونى ااكلها ايه واشربها ايه واعملها ايه ماعادش على تطعيمها الاايام وياترى سببه ايه؟؟؟؟

ألف سلامة عليها يا رورو بصي لو مش عرفتي تدوديها للدكتور حاولي تديهيا سوايل بس بالتدريج يعني أول حاجة معلقتين و بعدها بربع ساعه 3 ملاعق و تستني كده و تشوفي لو فيه عندكم محلول معالجة الجفاف يكون أفضل ده تعملي فيه كده و لو مفيش تعملي كده مع عصير التفاح


نانوووووو طيقه كفتخ الفراخ دي زي اللي بعملها هههههههههه انتي جايباها من فين ؟

الكيلو ب 29