29 مرة نقول يا تري بتعملي الأكله دي ازاي ؟ مبدعات مصر القمرات شهر شوال1432

والله يارور انا فكرت فعلا فى كدا بس لسه مش محدده هعمل ربنا يسهل يااااار ب

جوجو ميلادها مع جوزى ولا عمر؟؟؟؟؟؟؟؟عدونى عايزه شويه افكار كدا جديده

وياريت يابنات تسا

نانو ماشاء الله تسلم ايدك الحاجه جمييييييييييييييييييييييله وكويس ان الحاجه عجبتك

يابنات مقادير التورته دى مقاير تورته نانى ربنا يرجعها للتجمع على خير يارب مش مقاديرى انا

انا يادوب ليا فيها تكات مش اكتر

فياريت محدش يقول تورته شيرى بلييييييييييييييييييز:(

انسبوا الفضل لاهله;)

رورو وحشانى قوووووووووووووووووووووووووووووووووووى:L:

ام بودى خدينى معاكى هو مينفعش اعمل ريجيم وانا حامل هو انا حاليا مش باكل قوى بسبب الوحم بس انا داخله الحمل بوزن زياده بسبب رمضان والعصاير ودتنى فى داهيه

وعارفه نفسى او ما هادخل الرابع وهافتح على الرابع هههههههههههههههههههه وهاخرج من الحمل ديناصور

انا دلوقتى زياده عن وزنى المثالى 10 كيلو وطبعا ده كله فيل انا البيبى لسه مخدش حاجه مش عارفه على اخر الحمل هابقى عامله ازااااااااااااااى:|

ودعواتكم لاحسن مخنوقه قوى :(:(
جوزو بايت فى اسكندريه النهارده لانه عنده جلسه صباحى

وانا اول مره ابات من غيره فى البيت مش عارفه هايجيلى نوم ازاى:'(:'(:'(

فراشه ربنا يرجعلبك جوزك بالسلامه ياااااااااارب
قولى بقى اقترحات لعيد ميلاد عمر وايه ممكن يتعمل من بليل ومش يجراله حاجه

روجي الاكلير بطريقة فراشة الايمان شيري بجد سهل موت و حلو جدا كوب ماء + ربع كوب زيت علي النار لما يبدأ يغلي حطي عليه كوب دقيق و قلبي بسرعة لحد ما تلم و تبقي حتة واحدة في الحلة كده و سيبيه لما يبرد خالص تحطي عليهم ٣ بيضات واحدة و تقلبي لما العجينة تشربها حطي الثانية و وهكذا و طبعا معاهم فانيليا وشوية خل نونو خالص و تقلبي كله كويس وتحطيهم في كيس الحلواني وتشكليه في صينية مدهونة و يكون الفرن سخن حطيها علي الشبكة لحد ما ينتفخ تفتحي الشواية يادوب وشه يبقي ذهبي طلعيه ولما يبرد افتحيه و أحشيه أنا حشيته كاسترد بس حسيت ايه كان عاوز سكر أكثر { الكاسترد طبعا } و تسيحي شيكولاتة و تزينيه بقي وبالهنا و الشفا.. ادخلي علي مواضيع فراشة الايمان هي شارحه بالصور ربنا يكرمها يارب.. عملتي ايه في عيد ميلاد عمو عايزه اشوف ههههههه

فراشة الإيمان;15611326:

انا دلوقتى زياده عن وزنى المثالى 10 كيلو وطبعا ده كله فيل انا البيبى لسه مخدش حاجه مش عارفه على اخر الحمل هابقى عامله ازااااااااااااااى:|

ودعواتكم لاحسن مخنوقه قوى :(:(
جوزو بايت فى اسكندريه النهارده لانه عنده جلسه صباحى

وانا اول مره ابات من غيره فى البيت مش عارفه هايجيلى نوم ازاى:'(:'(:'(

هو انا اعرف ازاي الوزن المثالي يا شيري، مع العلم اني كذا مرة اعرف الفكرة ومطبقهاش فانساها ، هي حاجة ليها علاقة بالطول مش كده

وانا طلعتلي بطن غريييييييييبة شكلي وحش قوي وطول الوقت ماشية وشافطة بطني بيكون شكلي كويس قريب من زمان بس بانسى نفسي سعات وانا في المطبخ ولا واقفة واسيب نفسي الاقي جوزي يقولي اييييييه ده كله ايه ده كله بتكسف قوي معرفش طلعتلي من ايه دي، بس بدأت تظهر بعد اسبوع من الجواز :(
وان شاء الله يا حبيبتي جوزك يرجعلك بالف سلااااااامة، انا كنت زيك كده امبارح بس هو كان طول اليوم في الشغل جالي على العشا من الساعة 7 الصبح لما كنت هطططططططق

nanoo99;15611358:
فراشه ربنا يرجعلبك جوزك بالسلامه ياااااااااارب
قولى بقى اقترحات لعيد ميلاد عمر وايه ممكن يتعمل من بليل ومش يجراله حاجه

كل الحلويات يا حبيبتي تتعمل من بالليل ومش يجرالها حاجة وخصوصا التورتة طبعا
اعملي كرات البوريو او الاكلير او سينامون أو سويسرول البسكويت جاااااامد
برضه لو تعملي ميني بيتزا ومعجنات اعملي العجينة من بالليل وتجهزي الحشوة وعلى الصبح تعمليها مش هتاخد منك ساعة ان شاء الله
لو هتعملي كرات كورن فليكس بالمارس يبقى برضه من قبلها بيوم
لو هتعملي فروت سالات اعمليها من قبلها بيوم انا عملته امبارح بالليل اكلنا منه وفاض منه دلوقتي جينا نغير ريقنا بيه طلع طعمه جمييييييييل احلى من امبارح عشان الفاكهة كلها شربت من العصير
لو تعملي سويسرول برضه من بالليل انا اكلته عند اخت جوزي ماشاء الله جميييييييييييل واخدت الطريقة لو عيزاها وسهلة مووووووووووت
ممكن تعملي فطيرة ليمون تغير من الطعم بطريقة ام بودي تحفة برضه جداااااا
ممكن باستا فلورا شيك وجبااااااارة طعمها بطريقة بسبس
ممكن تعملي كريم كراميل بطريقة شيري ممتااااازة برضه ان شاء الله بفكر اعملها انهرده

بصي انا هقولك منيو من الاخر بدل ما عمالة اكتب وخلاص هههههههههه
تورتة طبعا دي الاساسية
اعملي كوكيز بقطع الشيكولاتة انا اخدت الطريقة من فتافيت لسه مش جربت بس انا متأكده روعة
اعملي ميني بيتزا او خلية نحل بالجبنة هتبقى حاجة جميلة وحادقة جمب الحلو ده كله
ممكن تعملي بقى سينامون او تعملي السويسرول او تعملي سويسرول البسكويت (المهم حاجة حلقات في طبق)
واعمل كريم كراميل او فروت سالات او متعمليش كفاية قوي اللي فات ممكن تزودي تقللي انتي حرة وراعي بقى الكميات حسب الناس
وكل سنة وهو طيب يا حبيبتي وعقبال العمر كله في طاعة الله

~OM-ADAM~;15608868:
متحرمش منكم ياقمرات معلش اليومين دول النفسية زفت الحمدلله علشان كده مش عارفة اتابع.. أنا عملت الاكلير بتاع شيري ما شاء الله سهل و سريع و جميل جدا حشيته كاسترد بس كان ناقص سكر شوية الحمدلله و مش لقيت شيكولاتة كنت هجيب بس حصلت ظروف بقي الحمدلله

مااااااالك يا حبيبتي ؟؟؟؟ لا يا ام آدم الا انتي والله لا احب اشوفك زعلانة ولا متضايقة
استعيني بالله وادعي كتيييير وربنا يفرج همك يااااااارب

*DONY*;15609028:
تسلميلى يا رورو يا حبيبتى

بصى هوا انا قمت من النوم لقيت نفسى كسلانه جدا و مش قادره اعمل حاجه و بعدين قبلها بيوم كنت طول اليوم فى المطبخ فجوزى اتخنق منى فقولت هجيب تورته جاهزة و اخلص نفسى و فعلا بعت جيبت تورتايه و قولت لاخت جوزى تخبيها عندها تحت
عشان معايا فى نفس البيت و قولت هعمل معاها الفواكه دى و اعمله مفاجاه بالليل
فجاة و بدونن سابق انذار جالنا ضيوف قريب جوزى و مراته و انا مكنش عندى اى حاجه اقدمها غير البيبسى
و طبعا قعدوا و طولو قولت مبدهاش روحت نازله جايبه التورتايه و باظت المفاجاة بقى و لا عملت اى حاجه هههههههههههههههه

ههههههههههههههههههههههه مقلب مفيش بعد كده فعلالالا

أجمل ايام العمر;15609055:
بصوا بقى ... انا كل مرة بدخل ارمى كلمتين و اجرررررررررررررى لانى مش ببقى فاضية ده اولا... و كمان عشان انا فاشلة فى المطبخ جدااااااااااااااااااااااااااااااااااااااااااا

نفسى ابقى شاطرة فى الاكل و اتعلم اعمل اكلات حلوة ... انا على فكرة لما بتعلم بعمل الاكل احلى من اللى علمنى الاكلة و الكل بيقول عليا ما شاء الله نفسى حلو ...

بس انا اصلا مش بحب المطبخ ... بس جوزى بيحب الاكل جدا .. و قررت انى ان شاء الله اتابع معاكم و ابقى شاطرة فى المطبخ و اعمل عزومات و حلويات و اكلات حلوة لانى بجد حبيتكم و حبيت طريقتكم مع بعض

ربنا يخليكم و يكرمكم فى حياتكم

بصي يا جميل الصفحات اللي فاتت ماشاء الله فيها اكل كتيييييييير وحاجات جامدة
انتي برضه بالترتيب كده اسألي وهتلاقي الكل هنا بيجاوبك ان شاء الله وسجلي عندك وهتبقي احسن طباااااااااااخة

Boody we zady;15609229:
عسوله عمر طريقه المحشي بالتفصيل صورة صورة في موقعي يا جميل شوفيها حتعجبك قوي ان شاء الله

انا حأعمل ريجيم تاني ههههههههههههه بجد فكرت اني أعمل مش عارفه بختار الشتا ليه و أعمل ريجيم ههههههه


يا بنات فاكرين بوسي اللي في الصين ؟ محدش يعرف عنها اي أخبااااااااااااااااااااااااار؟

أم بووووووووووووودي تصدقي بالله والله العظيم انا فاتحة دلوقتي الصبح عشان اسال عليها وافتكرتها من نص ساعة وانا باخد شاور وعمالة اقول اسمها بوسي ولا بسبس بس هي في الصين وقولت هاسال عليها دلوقتي والي هتطمني عليها هي ام بوووووووووودي حسيت اني عملت كده لما شوفت سؤالك اللي انا داخلة اكتبه :-o

طيب انا مش عايزة ريجيم انا عايزة حاجة للبطن دي مش حلوة خاااااااااااااالص، وجوزي طلع له كرررررش اخر زرار في البنطلون مش بيزرره بيقفل الحزام عليه وخلاص مش بيبان هههههههههههههههههههههههههه مع انه رفيع بس معرفش الكرش ده طالع بيعمل ايه

بنااااااااات انا طالبة منكم طلب معلش في مشاركة لوحدها بعيد عن الموضوع ضرووووري
انا عايزة لينك تجمع بنات الامارات لو ليهم اصلي بدور مش لاقية ، او لو في بنوتة هنا في الامارات ابو ظبي يا ريت اعرف
لاني محتاجة هنا محلات عطارة وكوافيرة كويسة ومش عارفة مين يدلني، وهو ميعرفش عطارة بيوديني مكان في المولات كله عطارة طبخ بس انا عايزة عطارة اجيب حاجات تجميل لبشرتي وشعري اللي بيقع ده مش عارفة منين :(

بنات ازيكم
انا عملت رولات الفراخ بالموزاريلا بطريقة ام بودي طلعت جميلة اوي وعجبت جوزي
بس انا نقعت البانيه ف التتبيلة عشان يشربها لاننا بنحب الاكل حادق شوية
وبفكر اعملها بشيدر وافرم معاها لانشون او مرتاديلا
لان الشيدر بتبقى حادقه عن الموتزاريلا
هبقى اجربها واقولكم ان شاء الله ههههههه

شيري ل تقلقي لما حملت في زياد كنت 80 كيلو و يوم ملا ولدت زياد كنت 82 ههههههههههه خسيت جامد قوي في زياد عكس بودي كنت تخينة جدا ربنا معاكي يا قمر

نووووووووووووووووووووووور الكرش ده من القعده و اللراحة بجد و الله حاولي تنزلي تلفي حوالين البيت أو اعملي تمارين walking at home

النهارده حاعمل مكرونة بالهوت دوج و ان شاء الله استعيد نشاطي هذا الأسبوع هههههههه

~OM-ADAM~;15608868:
متحرمش منكم ياقمرات معلش اليومين دول النفسية زفت الحمدلله علشان كده مش عارفة اتابع.. أنا عملت الاكلير بتاع شيري ما شاء الله سهل و سريع و جميل جدا حشيته كاسترد بس كان ناقص سكر شوية الحمدلله و مش لقيت شيكولاتة كنت هجيب بس حصلت ظروف بقي الحمدلله

:(:(مالك يابوسى على فكره انا حساااكى من زمان مش اليومين دول بس :-#وكمان تعليقاتك ع الفيس بوك بتخلينى ازعل عليكى بزياده:(انا طبعا مش هكلمك ف اى حاجه لان الكلام هنا خراب بيوت بجد بس احتسبى ان مع العسر يسر ربنا يروق بالك ويسعدك ويهنيكى ويديم بينك وبين زوجك الود والحب وينعم عليكى من فضله يااااااااااااربF:
وبالف هنا الاكلير F:

*DONY*;15609028:
تسلميلى يا رورو يا حبيبتى

بصى هوا انا قمت من النوم لقيت نفسى كسلانه جدا و مش قادره اعمل حاجه و بعدين قبلها بيوم كنت طول اليوم فى المطبخ فجوزى اتخنق منى فقولت هجيب تورته جاهزة و اخلص نفسى و فعلا بعت جيبت تورتايه و قولت لاخت جوزى تخبيها عندها تحت
عشان معايا فى نفس البيت و قولت هعمل معاها الفواكه دى و اعمله مفاجاه بالليل
فجاة و بدونن سابق انذار جالنا ضيوف قريب جوزى و مراته و انا مكنش عندى اى حاجه اقدمها غير البيبسى
و طبعا قعدوا و طولو قولت مبدهاش روحت نازله جايبه التورتايه و باظت المفاجاة بقى و لا عملت اى حاجه هههههههههههههههه

:D:D:lol::lol:معلش خير يارب الامور الوقتى تبقى احسن انا دعيتلك يوميها وواضح ان دعايا جابلك الهنا كللللللله وجابلك الضيوووف:D

أجمل ايام العمر;15609055:
بصوا بقى ... انا كل مرة بدخل ارمى كلمتين و اجرررررررررررررى لانى مش ببقى فاضية ده اولا... و كمان عشان انا فاشلة فى المطبخ جدااااااااااااااااااااااااااااااااااااااااااا

نفسى ابقى شاطرة فى الاكل و اتعلم اعمل اكلات حلوة ... انا على فكرة لما بتعلم بعمل الاكل احلى من اللى علمنى الاكلة و الكل بيقول عليا ما شاء الله نفسى حلو ...

بس انا اصلا مش بحب المطبخ ... بس جوزى بيحب الاكل جدا .. و قررت انى ان شاء الله اتابع معاكم و ابقى شاطرة فى المطبخ و اعمل عزومات و حلويات و اكلات حلوة لانى بجد حبيتكم و حبيت طريقتكم مع بعض

ربنا يخليكم و يكرمكم فى حياتكم

اللهم امين يارب استجب ومنوره ياام بيلا واحنا تحت امركF:

Boody we zady;15609229:
عسوله عمر طريقه المحشي بالتفصيل صورة صورة في موقعي يا جميل شوفيها حتعجبك قوي ان شاء الله

انا حأعمل ريجيم تاني ههههههههههههه بجد فكرت اني أعمل مش عارفه بختار الشتا ليه و أعمل ريجيم ههههههه


يا بنات فاكرين بوسي اللي في الصين ؟ محدش يعرف عنها اي أخبااااااااااااااااااااااااار؟

والله لسه جايه على بالى من يومين انا كمان من يوم مانزلت مصر ماشفتهاش تانى ربنا يطمنا عليها

ra_tamima;15609291:
رورو..............استاذه يابنتى والله ربنا يكرمك
هدى...........دانتى تنورينا يموزه وانتى اصلا استاذه الكيكه اللى قولتى عليها عملتا انا واشرى وطلعت واو بجد

الله يكرمك ياروشا بفضل الله ثم انتم:adore::adore:

عسولة عمرو;15609348:
شكرا انا اخدت كلامك كوبى ولما اجى اعمله هشوف لانى عملت النهارده صينية بطاطس بالفراخ

عايزه بقى طريقةالكريب الناااجح والشاورما وهلى لازم يكون ليها لحمه معينه ولا اى لحمه؟؟؟

بجد ماعنديش فكره ومعرفش افتى يارب حد يفيدك

kitty_kity;15610658:
رورو ازيك
الصوص بتقولي بتحكي فراوله ومعاها شوية سوية؟؟ سوية يعني ايه؟

:lol::lol::lol::lol::lol::lol:فطستينى يامااارو هههههههههههههههههههههههههههه
شوية سكر رررسكر اما رحت شفتها ضحكت ضحك :lol::lol:شويه سكر
ياريت ياام بودى تعدليها :)بعد اذنك

nanoo99;15611316:
والله يارور انا فكرت فعلا فى كدا بس لسه مش محدده هعمل ربنا يسهل يااااار ب

جوجو ميلادها مع جوزى ولا عمر؟؟؟؟؟؟؟؟عدونى عايزه شويه افكار كدا جديده

وياريت يابنات تسا

يوم ميلاد جوزتك متقارب مع يوم ميلاد جوزتى ويوم ميلاد عموره متقااارب مع يوم ميلاد جوجو :Dان شاء الله العمر كله ليهم يارب F:

بيرق أمل;15613099:
بنااااااااات انا طالبة منكم طلب معلش في مشاركة لوحدها بعيد عن الموضوع ضرووووري
انا عايزة لينك تجمع بنات الامارات لو ليهم اصلي بدور مش لاقية ، او لو في بنوتة هنا في الامارات ابو ظبي يا ريت اعرف
لاني محتاجة هنا محلات عطارة وكوافيرة كويسة ومش عارفة مين يدلني، وهو ميعرفش عطارة بيوديني مكان في المولات كله عطارة طبخ بس انا عايزة عطارة اجيب حاجات تجميل لبشرتي وشعري اللي بيقع ده مش عارفة منين :(

نور انتى سافرتى الامارات:-oعشان كده بتقولى اخواتك واحشينك:(ربنا معاكى
بصى خليه يسال واحد صاحبه ف الشغل وكده وياريت حد يدلك واهتمى بشعرك وبشرتك الايام دى عشان بعد كده ف حمل وولاده ورضاعه مش هتلاحقى :)


شيرى وانتى كمااااان وحشاااااااااااااااااااااااااااااانى الله يعزك ويارب جوزك يكون رجعلك بالف خير انا الاسبوع اللى فات الكل على طول مسااافر ويبات:'(وانا بعاااااااااااااانى من الخوف والعياليوم مايسافر بقلبهاله منااااااحة:(

نور و رورو ربنا ما يحرمني منكم والله دموعي نزلت من كلامكم الحمدلله علي كل شئ وربنا يتقبل دعائكم و لكم بالمثل يارب ما يحرمني منكم

فيدونى لو سمحتوا البوفتيك هايجننى ههههههههههههههههه

المرة اللى فاتت كان بيشد وسمعت كلامكوا وتبلته كويس ووطيت عليه النار لما قليته لاقيت الطبقة بتاعته انفصلت عنه ايه السبب انا اتعقدت منه بجد :(

.* اميرة *.;15615077:
فيدونى لو سمحتوا البوفتيك هايجننى ههههههههههههههههه

المرة اللى فاتت كان بيشد وسمعت كلامكوا وتبلته كويس ووطيت عليه النار لما قليته لاقيت الطبقة بتاعته انفصلت عنه ايه السبب انا اتعقدت منه بجد :(

البفتيك يا جميل لازم تكون النار عاليه أول ما يتحط و ثانيتين كدهه توطي النار و لازم تكوني متبلاه بيض و بقسماط كويس و كبسه عليه كده عشان يلزق البقسماط هههههه اه و الله و قبل القلي تحطيه في الفريزر أو التلاجة ساعه كده معايا؟ و كمان مش تفضلي تقلبي فيه كل شويه

.* اميرة *.;15615077:
فيدونى لو سمحتوا البوفتيك هايجننى ههههههههههههههههه

المرة اللى فاتت كان بيشد وسمعت كلامكوا وتبلته كويس ووطيت عليه النار لما قليته لاقيت الطبقة بتاعته انفصلت عنه ايه السبب انا اتعقدت منه بجد :(

البوفتيك و انتى بتسويه حطي معلقتين سمنه مع الزيت ههتلاقيه استوى و بقي جميل جدا :thumbs_up:

بوسي مالك يا قمر ربنا يهدي سرك و ييسر امورك كلها

نور ايه سويسرول البسكويت و كمان ايه كرات البوريو و كرات الكورن فلكس بالمارس

Boody we zady;15615294:
البفتيك يا جميل لازم تكون النار عاليه أول ما يتحط و ثانيتين كدهه توطي النار و لازم تكوني متبلاه بيض و بقسماط كويس و كبسه عليه كده عشان يلزق البقسماط هههههه اه و الله و قبل القلي تحطيه في الفريزر أو التلاجة ساعه كده معايا؟ و كمان مش تفضلي تقلبي فيه كل شويه

sweetyronaaa;15615300:
البوفتيك و انتى بتسويه حطي معلقتين سمنه مع الزيت ههتلاقيه استوى و بقي جميل جدا :thumbs_up:

بوسي مالك يا قمر ربنا يهدي سرك و ييسر امورك كلها

نور ايه سويسرول البسكويت و كمان ايه كرات البوريو و كرات الكورن فلكس بالمارس

ميرسى ليكوا ربنا يخليكوا ليا هاجرب اللى قولتهولى ويارب يطلع مزبوط بقى عقدنى والله:D

بيرق أمل;15613065:
هو كل الحلويات يا حبيبتي تتعمل من بالليل ومش يجرالها حاجة وخصوصا التورتة طبعا
اعملي كرات البوريو او الاكلير او سينامون أو سويسرول البسكويت جاااااامد
برضه لو تعملي ميني بيتزا ومعجنات اعملي العجينة من بالليل وتجهزي الحشوة وعلى الصبح تعمليها مش هتاخد منك ساعة ان شاء الله
لو هتعملي كرات كورن فليكس بالمارس يبقى برضه من قبلها بيوم
لو هتعملي فروت سالات اعمليها من قبلها بيوم انا عملته امبارح بالليل اكلنا منه وفاض منه دلوقتي جينا نغير ريقنا بيه طلع طعمه جمييييييييل احلى من امبارح عشان الفاكهة كلها شربت من العصير
لو تعملي سويسرول برضه من بالليل انا اكلته عند اخت جوزي ماشاء الله جميييييييييييل واخدت الطريقة لو عيزاها وسهلة مووووووووووت
ممكن تعملي فطيرة ليمون تغير من الطعم بطريقة ام بودي تحفة برضه جداااااا
ممكن باستا فلورا شيك وجبااااااارة طعمها بطريقة بسبس
ممكن تعملي كريم كراميل بطريقة شيري ممتااااازة برضه ان شاء الله بفكر اعملها انهرده

بصي انا هقولك منيو من الاخر بدل ما عمالة اكتب وخلاص ههههههههههوياريت طريقه
تورتة طبعا دي الاساسية
اعملي كوكيز بقطع الشيكولاتة انا اخدت الطريقة من فتافيت لسه مش جربت بس انا متأكده روعة
اعملي ميني بيتزا او خلية نحل بالجبنة هتبقى حاجة جميلة وحادقة جمب الحلو ده كله
ممكن تعملي بقى سينامون او تعملي السويسرول او تعملي سويسرول البسكويت (المهم حاجة حلقات في طبق)
واعمل كريم كراميل او فروت سالات او متعمليش كفاية قوي اللي فات ممكن تزودي تقللي انتي حرة وراعي بقى الكميات حسب الناس
وكل سنة وهو طيب يا حبيبتي وعقبال العمر كله في طاعة الله

ربنا يكرمك يانور ياااااااااااااارب انتى بجدافديتنى جداااااااااااا وفعلا المنيو حلو اااااااااااوى البسكويت السويسرول هى دى اللى بنطحن بسكويت وكاكاو نلف فى فويل ولا غرها من الاخر قولى على الطريقه هههههههههههه

بيرق أمل;15613099:
بنااااااااات انا طالبة منكم طلب معلش في مشاركة لوحدها بعيد عن الموضوع ضرووووري
انا عايزة لينك تجمع بنات الامارات لو ليهم اصلي بدور مش لاقية ، او لو في بنوتة هنا في الامارات ابو ظبي يا ريت اعرف
لاني محتاجة هنا محلات عطارة وكوافيرة كويسة ومش عارفة مين يدلني، وهو ميعرفش عطارة بيوديني مكان في المولات كله عطارة طبخ بس انا عايزة عطارة اجيب حاجات تجميل لبشرتي وشعري اللي بيقع ده مش عارفة منين :(

مان نفسى افيدك يانور بس لو تعرفى حد من مرات اصحابه ممكن هى تفيدك اكتر

sweetyronaaa;15615300:
البوفتيك و انتى بتسويه حطي معلقتين سمنه مع الزيت ههتلاقيه استوى و بقي جميل جدا :thumbs_up:

بوسي مالك يا قمر ربنا يهدي سرك و ييسر امورك كلها

نور ايه سويسرول البسكويت و كمان ايه كرات البوريو و كرات الكورن فلكس بالمارس

كرات البوريو كنت عملها من صفحتين والطريقه موجوده

~OM-ADAM~;15608868:
متحرمش منكم ياقمرات معلش اليومين دول النفسية زفت الحمدلله علشان كده مش عارفة اتابع.. أنا عملت الاكلير بتاع شيري ما شاء الله سهل و سريع و جميل جدا حشيته كاسترد بس كان ناقص سكر شوية الحمدلله و مش لقيت شيكولاتة كنت هجيب بس حصلت ظروف بقي الحمدلله

ربنا يفرج كربك يابوسى ياااااااااااارب ادعى ربنا كتير واستغفرى ربنا كتيييييييير ربنا يفرج عنك وعنى ياااااارب

kitty_kity;15613434:
بنات ازيكم
انا عملت رولات الفراخ بالموزاريلا بطريقة ام بودي طلعت جميلة اوي وعجبت جوزي
بس انا نقعت البانيه ف التتبيلة عشان يشربها لاننا بنحب الاكل حادق شوية
وبفكر اعملها بشيدر وافرم معاها لانشون او مرتاديلا
لان الشيدر بتبقى حادقه عن الموتزاريلا
هبقى اجربها واقولكم ان شاء الله ههههههه

الف هنا يا كيتي بس عندي سؤال انتي بتفرمي ازاي اللانشون او المورتاديلا
فرم سكينة تقصدي ولا فرم كبة؟؟

Boody we zady;15613523:

نووووووووووووووووووووووور الكرش ده من القعده و اللراحة بجد و الله حاولي تنزلي تلفي حوالين البيت أو اعملي تمارين walking at home

النهارده حاعمل مكرونة بالهوت دوج و ان شاء الله استعيد نشاطي هذا الأسبوع هههههههه

الكرش طلعلي يا بوسي من وانا في مصر وكنت بلف لف ، دي الكنبة كانت بتوحشني :(
بس دلوقتي المنظر زبااااالة :mad: لكن هاعمل اللي قولتي عليه ان شاء الله مش هاسيب فرصة للانحدار اللي انا فيه ده ههههههههههههه

&pinky tears&;15614215:

نور انتى سافرتى الامارات:-oعشان كده بتقولى اخواتك واحشينك:(ربنا معاكى
بصى خليه يسال واحد صاحبه ف الشغل وكده وياريت حد يدلك واهتمى بشعرك وبشرتك الايام دى عشان بعد كده ف حمل وولاده ورضاعه مش هتلاحقى :)

اه عشان كده وحشني قوووووووي خصوصا دودو هادي اخويا الصغير هموووووووووووووووووووت عليه وكل ما اكلمه اعيط وهو لسه صغير مش فاهم حاجة يقعد يقولي هبه انا البس والوح الهرح تاع هبه والقس كده كده (يعني هيلبس ويروح الفرح بتاعي ويقعد يرقص كده كده) بيخليني اعيط من كتر منا مش طايلاه ابوووووسه واحضنه،، ولا اختي اللي تايهة من بعدي مع اننا طول الوقت كنا خناق وكانت تقولي امتى تمشي من وشي انا زهقت منك كرهتيني في عيشتي بس ساعة البعد مقدرناش :'(:'(:'(
يلا خلي اللي في قلبي في قلبي ومنكده على الراجل كل يوم بالليل وغصب عني

صحيح يا رورو انا نسيت ارد عليكي في موضوع التشيز كيك كل ما تطحني البسكويت زودي زبدة ها ماشي اسمعي كلامي انتي بس وهتخسري ههههههههههههههههههه اسكتي انا فاكرة اليوم ده وانتي يا عيني تزودي اكيد بقى بلوظة :lol:
بس انتي ماشاء الله تبارك الرحمن عليكي شاطرة بس قلبك كان ضعيييييييييف هي دي كانت المشكلة بس مش اكتر،، شوفتي بسيطة ازاي :worn_out:

~OM-ADAM~;15614353:
نور و رورو ربنا ما يحرمني منكم والله دموعي نزلت من كلامكم الحمدلله علي كل شئ وربنا يتقبل دعائكم و لكم بالمثل يارب ما يحرمني منكم

انتي بس استعيني بربك هو اللي يحللك كل مشاكلك ويهون عليكي الصعب F:

nanoo99;15615683:
ربنا يكرمك يانور ياااااااااااااارب انتى بجدافديتنى جداااااااااااا وفعلا المنيو حلو اااااااااااوى البسكويت السويسرول هى دى اللى بنطحن بسكويت وكاكاو نلف فى فويل ولا غرها من الاخر قولى على الطريقه هههههههههههه

مان نفسى افيدك يانور بس لو تعرفى حد من مرات اصحابه ممكن هى تفيدك اكتر

ايواااااااااااا هو ده يا نانو بس بتعملي صوص شيكولاتة، انتي كده عرفاها صح ولا اقولك الطريقة

sweetyronaaa;15615300:


نور ايه سويسرول البسكويت و كمان ايه كرات البوريو و كرات الكورن فلكس بالمارس

بصي بالنسبة لكرات البوريو نانو الله يباركلها كانت كاتبة الطريقة في كام صفحة فاتت هتلاقيها في مشاركاتها

كرات الكورن فليكس
علبة كورن فليكس وسط + 4 او 6 حبات مارس وسط + شريحة زبدة + 1م.ك عسل حسب الرغبة

هتسيحي الشيكولاتة بملعقة الزبدة على حمام مائي (انتي ممكن تعملي صوص شيكولاتة وتسيحي فيها صوبعين مارس بس يعني عشان التكلفة المادية انا لو هاعملها هاعمل كده) وبعدين لما يسيح تضربي في الخلاط لحد ما تبقى كريمة + العسل
كسري الكورن فليكس شوية وصبي فوقه الخليط وقلبي كويس
شكليها على شكل كرات صغيرة في ورق البيليسيه او في طبق وممكن ترشي عليه جوز هند تزيين بس سادة احلى بكتير من غير اي طعم خارجي

(انا من كام صفحة قولت الوصفة دي لبنوتة ونسيت اقول ان المارس يتضرب في الخلاط سوري انتبهت دلوقتي :o )

سوسيرول البسكويت
علبة بسكويت كبيرة اولكر مكسرة غير مفتتة
10 م.ك سكر + 200 جرام زبدة (ربع كيلو الا معلقة كبيرة مليانة او 3 م.ك مليانة) + 2م.ك كاكاو بودرة + 2م.ك قشطة او نص العلبة حسب العجن + مكسرات مجروشة بندق او عين جمل حسب الرغبة

تحطي الزبدة على النار لحد ما تدوب اوعي تقدح وتكون حلة واسعة حطي السكر واستمري في التقليب لحد ما يذوب كله ميتبقاش ولا ذرة بعدين تحطي الكاكاو وتستمري في التقليب
لما تلاقي الخليط كله اندمج حطي القشطة وقلبي باستمرار عشان ميكلكلعش وطفي عليه
استنيه يهدى بس كده دقيقة او دقيقتين بس يفضل سخن وضيفي البسكويت وقلبي باستمرار لحد ما يمتزج كل الخليط بالبسكويت
هاتي ورق فويل وصبي الخليط ولفيه على هيئة اسطوانة واتحكمي انتي بقى في السمك ، ولفيه بالفويل واقفليه كويس قوي من الجناب وحطيه في صينية مستطيلة عادي ودخليه التلاجة يقعد على الاقل نص يوم او يوم كامل ده افضل ، وطلعيه من التلاجة وقطعيه شرائح
والف هنا :thumbs_up:

لا ف الكبة يانور كله مع بعضه يتفرم حتت صغيرة
بس الشيدر لما تسيح بتبقى صوص كدا جميل ..

كنت عاوزه اسألكوا سؤال مهم اوى بالنسبه ليا
انتوا لما بتعملوا كيك اسفنجيه او عاديه فى الفرن الكهربا بتولعوا الفرن من تحت بس ولا فوق و تحت
ياريت تجاوبونى

kitty_kity;15617009:
لا ف الكبة يانور كله مع بعضه يتفرم حتت صغيرة
بس الشيدر لما تسيح بتبقى صوص كدا جميل ..

الف هنا يا كيتي انا لسه معملتهاش اصلا الرولات دي فحجربها ان شاء الله

ftft70;15617143:
كنت عاوزه اسألكوا سؤال مهم اوى بالنسبه ليا
انتوا لما بتعملوا كيك اسفنجيه او عاديه فى الفرن الكهربا بتولعوا الفرن من تحت بس ولا فوق و تحت
ياريت تجاوبونى

من تحت بس التسوية يا جميل