Bossy22;15021909:
معلش يا ام سيموو انا قارفاكى سؤال كمان جودى اكلت الكريم بتاع البامبرز و انا مش واخدة بالى طبعا المهم عندها اسهال فظيييع و تسريب لحد بطنها كلها كده و سائل زى بتاع البيبهات اللى لسة مبياكلوش و فيه كريم وريحته كريم اعمل ايه اوديها للدكتور انا خايفة اوديها لانهم بيعملوولهم التغذيةو المحاليل فى دماغهم اعمل ايه
لا يا حبيبه قلبى متقوليش كده
بصى هيا اخدت كميه كبيرة ولا صغيرة فى الحالتين الاعراض الطبيعيه اللى هتحصل اسهال و ترجيع خفيف و مغص يعنى انتى لاحظيها لو ظهرت اى اعراض تانيه زى السخونيه او الترجيع المستمر وديها مستشفى
غير كده الاسهال طبعا رد فعل طبيعى عشان يخرج الكريم من الجسم اهم حاجه تشربيها لبن و سوايل كتير على قد متقدرى عشان تعوضى الاسهال و اللبن عشان يهدى بطنها شويه
واهم حاجه طبعا انك تبعدى الكريم عنها خالص عشان متعملش كده تانى:)
dandona om jou;15022178:
ام سيمو هوا دلوقتي انا اعرف ازاي ان يوسف عايز يمشي يعني يصلب نفسه وو رجليه و يحاول يسند مثلا و لا لما احطه في االمشاية يحاول يمشي ده كده معناه ايه عشان انتي عارفة الناس كلها كل واحد بتجربة فانا عايزة اعرف منك اعرف ازاي و اشجعه ازاي لو لقيت كده
هتلاقيه وانتى موقفاه بدا يقف كويس و يبقى ماسك نفسه يعنى رجليه مش مهزوزة
sally2007;15023047:
مهى الدكتورة شافته وقلتلى هو اتاخر صحيح بس كويس مش فيه حاجة بس لما حد بيشوفة بيقعد يقوله ازى مقعدشى لحد دلوقتى والدكتورة وقتها كتبت ليه على كالسيوم وقلتى اديلة فيتامين د لحد مايتم التاسع شهور عشان يبقى كده خده 6 شهور بضبط انتى ايه رايك
واللبن الصناعى انا قلت للدكتورة اكتبيلى نوع لبن عشان اعمل بيه عصير او يشربه قلتلى اعملى بلبنك انتى وطبعا انتى عارفة انى صعب اعمل بلبن الرضاعه
طيب الحمد لله استمرى ع الكالسيوم و الفيتامين متقطعيهوش دلوقتى خالص و اهتمى بصفار البيض و الجبنه و الزبادى و حاولى على قد متقدرى تعرضيه للشمس كل يوم و ساعديه على القعاد قعديه و حطى حواليه حاجات تسنده
و اللبن ممكن تعمليه بلبن مخفف النص بالنص بس طبعا الافضل لبن صناعى