كل يوم هنتكلم عن موضوع جديد لصحه طفلك....الجزء التانى

طيب ده ميأثرش على وزنه يا ام سيمو فترة التسنين دي قلة الاكل دي

ما شاء الله اول مرة اشوف الموضوع ده

كان غاايب عنى فيين هتابع معاكو باذن الله

*DONY*;15025826:
الف سلامه عليها يا كاتو الدولفين حلو اوى و هيجيبلها م الاخر بس لو عايزة شرب يبقى megafen sUSP
معلقه صغيرة كل 8 ساعات

ممكن عشان الكدمه اعمليلها كمادات تلج زى مقولت لام معاز ايه حكايه الوقعات انهارده
وطالما كويسه و مفيش اى اعراض مش طبيعيه متقلقي

تسلمى يا دندونة تعبينك معانا
ميرو الناموس مبهدلها وبيعمل ليها حبوب مكان القرص وفى حبايتين كدة فيهم زى مادة صفرا كدة
اديها فينستيل شراب مثلا ولا ادهن اى مرهم للحساسية ولا اسيبهم وهما هيروحوا لوحدهم اصلها بتهرش فيهم جامد وبتعيط مش عارفة اعمل اية ؟

dandona om jou;15033689:
طيب ده ميأثرش على وزنه يا ام سيمو فترة التسنين دي قلة الاكل دي

معلش هيا فترة و هتعدى حاولى على قد متقدرى تعرضى عليه الاكل و ان شاء الله مش هتاثر على وزنه

fulla2010;15036422:
ما شاء الله اول مرة اشوف الموضوع ده

كان غاايب عنى فيين هتابع معاكو باذن الله

تسلمى يا فلهه اهلا بيكى معانا

((K~A~T~O));15036438:
تسلمى يا دندونة تعبينك معانا
ميرو الناموس مبهدلها وبيعمل ليها حبوب مكان القرص وفى حبايتين كدة فيهم زى مادة صفرا كدة
اديها فينستيل شراب مثلا ولا ادهن اى مرهم للحساسية ولا اسيبهم وهما هيروحوا لوحدهم اصلها بتهرش فيهم جامد وبتعيط مش عارفة اعمل اية ؟

لا كفايه يا ايمى تدهنيلها مرهم الحساسيه عشان تقللى الهرش

شفتي يا دندن في دكتور غاظني وفاجاني اوي مع ان بابا بيقولي عليه كويس هو بيجي في قناة الرحمة وتخصصه علاج طبيعي وسمنة ونحافة وكده، المهم واحد سأله علي الاطفال واكلهم والمية وكده، فقاله يستحسن المية تبقي مغلية وتسيبها تبرد افضل من المعدنية عشان بتبقي تقيلة علي معدتهم شوية وكل ما الام تشرب تشرب البيبي ومش تقول ليه ما هو بيرضع مش محتاج من شهرين كده كل ده تمام وحلو اوي، بس اللي قاله بقي غلط او غريب يعني دكتور يقوله كان فيه واحدة بتسأل عن بنتها عندها سنة ونصف وعندها 4 سنات بس وشعرها خفيف فقالها عادي وكله هايطلع مش تقلقي بس اهتمي بالكالسيوم وكده في اكلها وتاخد صفار بيضة يوميا وكبد الفراخ كمان مهمة اوي، طبعا انا سمعت كده بلمممممممت يوميا ازاي بس كده كتير اوي ده كتير علي الكبار اصلا، ايه رأيك في كده حتي بابا مكنش سمع الحلقة دي وانا بقوله فاستغرب بردو اوي

CuTie KaTkOoTa;15048820:
شفتي يا دندن في دكتور غاظني وفاجاني اوي مع ان بابا بيقولي عليه كويس هو بيجي في قناة الرحمة وتخصصه علاج طبيعي وسمنة ونحافة وكده، المهم واحد سأله علي الاطفال واكلهم والمية وكده، فقاله يستحسن المية تبقي مغلية وتسيبها تبرد افضل من المعدنية عشان بتبقي تقيلة علي معدتهم شوية وكل ما الام تشرب تشرب البيبي ومش تقول ليه ما هو بيرضع مش محتاج من شهرين كده كل ده تمام وحلو اوي، بس اللي قاله بقي غلط او غريب يعني دكتور يقوله كان فيه واحدة بتسأل عن بنتها عندها سنة ونصف وعندها 4 سنات بس وشعرها خفيف فقالها عادي وكله هايطلع مش تقلقي بس اهتمي بالكالسيوم وكده في اكلها وتاخد صفار بيضة يوميا وكبد الفراخ كمان مهمة اوي، طبعا انا سمعت كده بلمممممممت يوميا ازاي بس كده كتير اوي ده كتير علي الكبار اصلا، ايه رأيك في كده حتي بابا مكنش سمع الحلقة دي وانا بقوله فاستغرب بردو اوي

والله يا ايمى انا مبقتش استغرب خالص فى اختلاف كلام الدكاترة و خصوصا فى الاكل
نااااااادر اوى لما تلاقى اتنين دكاترة متفقين على حاجه كل واحد براى
و كل واحد ليه مدرسه و طريقه
بس انا فى موضوع البيض ده بالذات قريت كتير و اتاكدت فعلا ان متكتريش منه

خمسة مشاكل في الجلد يعاني منها طفلي ؟








حين يتعلق الأمر بجلد طفلك، يمكنك الايمان بأمر واحد: من المتوقع أن تتحول مشاكل الجلد الى طفح جلدي في العام الأول من حياته.
لماذا؟ يعمل جلد الانسان كحاجز واق ضد كل أنواع العناصر الخارجية من البكتيريا وحتى الشمس، ويتطلب وصول جلد الطفل لتلك المرحلة عاما كاملا للتمكن من العمل بشكل فاعل.
يؤكد مدير قسم الأمراض الجلدية في مستشفى جون هوبكنز، برنارد كوهن، أن المشاكل الجلدية تتزايد نسبتها عند الأطفال الصغار، والذي يكون جلدهم رقيقا، ولا ينظم درجات الحرارة بشكل فاعل كجلد الكبار.
كوني متأكدة أن طفلك لن يستطيع الهرب من طفح الجلد الناجم عن الحفاض. فالمنطقة المحيطة بالحفاض دافئة ولزجة في معظم الأحيان، ، ما يتسبب بتكسير طبقات الجلد الرقيقة تحتها، حيث تعمل عمليات الاخراج المستمرة على تحضير المنطقة لبيئة مثالية لنشوء الطفح الجلدي. ويمكنك التغلب على تلك الحالة من خلال التغيير المستمر لحفاض طفلك، واستخدام الفازلين أو كريم عازل يحتوي على أكسيد الزنك لحماية يومية، مع تهوية المنطقة السفلية بأوقات متقاربة ، لذا قومي بفرد ورقة على الأرض ودعي طفلك يزحف فوقها بحرية مع المراقبة.
ولحماية المنطقة من أي ميكروبات أو بكتيريا أخرى، قومي بغسل المنطقة بالماء والصابون الخفيف المناسب لعمر طفلك، مع تعزيز تلك العملية بدهن الكريمات. حال بلوغ طفلك عمر السنة، تستطيعين أن تكوني أقل قلقا على جلد أطفالك، حيث سيكون الجلد حينها قد أصبح أكثر تماسكا ومقاومة للطفح.


الالتهابات بين ثنيات الجلد
هي أحد أنواع الطفح الجلدي الموجودة بين الطبقات الجلدية، وخاصة في منطقة الرقبة، حيث تظهر عادة لدى الأطفال الرضع من الوزن الزائد تحت سن الستة شهور. وهي عبارة عن طفح أحمر يبدو سيئا داخل شقوق الجلد. وقد لا يلاحظه طفلك بأي شكل من الاشكال، أو قد يتسبب ببعض الألم للطفل، اعتمادا على كمية طبقات الجلد الملامسة لبعضها البعض، حيث تتسبب الرطوبة العالية واللعاب المتراكمين بين طبقات الجلد بزيادة فرص الاصابة. وينصح طبيب الجلدية المتخصص في مستشفى سانتا باربرا دان برينان الأمهات بغسل جسم الأطفال ودهنه بالفازلين أو الكريمات الغنية بأوكسيد الزنك، الى أن يكبر الأطفال الى حد ما وتزيد حركتهم، ما يخفف من احتكاك الطبقات بعضها ببعض، ويزيد من كشفها على الهواء.



الطفح الحراري
والمعروف أيضا باسم الميلاريا. يصيب عادة الوجه، الرقبة، والظهر، أو خلفية الطفل حيث ينتشر على شكر حبوب حمراء صغيرة ، وتنتج عن عدم قدرة الجلد على تنظيم حرارة الجسم، ما يؤدي وبحسب كوهن، الى اصابة الطفل به كلما زادت درجة الحرارة أو كان الجو رطبا، أو تم وضع طبقات من الملابس أو الأقمشة على الطفل، أو وضعهم في جو ساخن داخل السيارة مع ربطهم بالكرسي، حيث تعمل تلك الظروف على اطلاق الطفح الجلدي الحراري. وينصح الخبراء باخراج الطفل من المنطقة ذات الحرارة العالية وتغيير ملابسة الى ملابس فضفاضة أكثر برودة، ملا سيخفف من الطفح الجلدي خلال 30 دقيقة.


التهاب الجلد الزهمي
يظهر هذا النوع من الطفح على فروة الرأس والحاجبين، أو المنطقة المعروفة بمنطقة طاقية المهد، خلف الأذنين، أو على الرقبة، والخدين وحتى الصدر، وينتشر هذا الطفح الأصفر على شكل خط أصفر اللون عند الأطفال تحت سن الستة شهور، حيث تنتشر على الرقبة والصدر، وقد تظهر على شكل بثور على الخدين حيث تميل الى الاحمرار على شكل حبوب. الا أنها وعلى الأرجح لن تضايق طفلك، حيث لا تسبب أي ألم، كما أنها غير مرئية بالضرورة. ان سبب حدوث هذا لنوع من الطفح الجلدي غير معروفن الا أن معالجتها تتم عن طريق فرك جسد الطفل بزيت الزيتون أو زيت الأطفال على القشور ومن ثم ازالتها بشكل لطيف. وينصح كوهن بغسل فروة الرأس ومنطقة خلف الأذنين، وأي منطقة مغطاة بالقشور بشامبو مضاد للقشور .



الأكزيما
تبدأ الأكزيما بالظهور على جلد الطفل منذ الشهور الأولى بدءا بالشهر الثالث والرابع، بالرغم من عدم ارتباط ظهورها بالحفاض، الا أن 20 بالمئة من الأطفال تظهر عليهم تقيحات الأكزيما المرافقة للحكة. وفي حالتها المتوسطة تظهر الأكزيما في مناطق جافة على سطح الجلد، حيث تظهر على شكل قيح خفيف يتحول فيه الجللد الى لون أحمر، مع تزايد القشرة.وقد يحفز ظهرها لدى الأطفال المعرضين للأكزيما عند التعرض لدرجات حرارة عالية، ما يتسبب بالعرق، ما يزعج الجلد، ،في حين يتسبب الطقس بجفاف الجلد، في حين تتسبب بعض أنواع الأقمشة والملابس بتحفيز ظهور الأكزيما والشعور بالضيق وخاصة الصوف. ينصح الخبراء بغسل الجلد بمنظف خال من العطور ، لذا قومي بسؤال طبيبك عن النوع الأصح للاستخدام ودهنه على الجسم مرتين يوميا، أما في الحالات الصعبة، فاسألي طبيبك عن مرهم الستيرويد، والذي من شأنه تخفيف الالتهابات.


الأكزيما الناجمة عن التماس
تنتج هذه الأكزيما كردة فعل لجلد الطفل بسبب اتصاله بشيء ما، كالصابون مثلا أو العشب أو بعض النباتات. حيث تظهر على الجلد فقاعات حمراء مثيرة للحكة، فان انتشر هذا النوع من الأكزيما على كل الجسد، يكون السبب غالبا هو الصابون أو نوع معين من المنظفات الشخصية،، أما ان انتشر في منطقة الرقبة والصدر العلوية اضافة الى اليدين، فقد يكون السبب ارتداء الطفل لصدرية غير مغسولة مثلا. في حين ان اصيب طفلك في رجليه/ رجليها، يكون الأطفال ذو حساسية عالية تتحفز جراء ملامسة العشب أو السجاد.فان كان التقيح جافا قومي بفركه بالكريم المرطب، أما ان لم يزعج طفلك، فقط قومي بازالة المسبب كالسجادة أو أزيلي طفلك عن العشب أو اغسلي ملابسه وججربي صابونة أكثر ملائمة أو ملابس قطنية أكثر نعومة وخفة ، أما ان كانت الأكزيما تسبب الحكة للطفل بشكل قوي، فخذي نصيحة طبيب الأطفال بشأن استخدام كريم يحتوي على الهيدروكورتيزون، أو مضادات حيوية.

دينا لو سمحتي
انا بدي اياد رضعة بيبي درينك قبل النوم ومريحاني اوي بحسه بينام وقت اطول وبيدي فرصه للبن يتجمع ف صدري لانه بييجي ع الليل بيكون فضي خالص :(
المهم امبارح جوزي لف عليه في كذا صيدليه ومش لاقيه وجاب بيبي كالم
هو مكتوب عليه الكيس على 150مل طب ازاي وبيبي درينك كان على 50مل بس
انا دقته ودقت بيبي درينك وحاسه ان البيبي كالم ميه خالص ومالوش طعم واياد مش رضي ياخده خااااااااااالص ومش بينام كويس وانا صدري حاساه فضي

هو انا بستخدم البيبي كالم كده صح ولا ايه

ايمى انا اميرة مش حبة البيبى كالم خالص يمكن عشان مش مسكر زى البيبى درينك جربى معاة ميلوبا كنت بديها لميرو قبل النوم وكانت مريحانى فعلا
معلش يا دندونة انى رديت قولت بس اقولها اللى اعرفة لغاية ما تدخلى وتفيديها

ايمى كتكوته : مشاركتك جميله مفيده اوى تسلمى يا حبى

ايمى ام معاز: اكتر الاطفال مش بيتقبلو البيبى كالم انا برده لما اديته لسما محبتهوش خالص و لسه عندى العلبه بحالها من ساعتها
جربى الميلوبا زى ما كاتو قالتلك هترتاحى معاه اوى او اديه كراويه على ينسون على نعناع

كاتو: اخص عليكى ازعل ازاى احنا كلنا هنا بنفيد بعض

*DONY*;15049117:
والله يا ايمى انا مبقتش استغرب خالص فى اختلاف كلام الدكاترة و خصوصا فى الاكل
نااااااادر اوى لما تلاقى اتنين دكاترة متفقين على حاجه كل واحد براى
و كل واحد ليه مدرسه و طريقه
بس انا فى موضوع البيض ده بالذات قريت كتير و اتاكدت فعلا ان متكتريش منه

اه بجد كل دكتور كلمة بس لغاية دلوقتي كل اللي بسمعه انه غلط عشان كده استغربت انه واحد يطلع يقول كده واتضايقت

*Om Mo3az & Eyad*;15053780:
هو انا بستخدم البيبي كالم كده صح ولا ايه

كنت سالت الدكتور بردو قبل كده علي الفرق ده عشان استغربت زيك ساعتها قاللي عادي بتبقي اختلاف تركيز ومكونات ، فامشي حسب الطريقة المكتوبة وخلاص، وممكن تحليه بنقطة عسل ابيض مش كتير يعني، وفعلا غالبية البيبيهات للاسف مش بيحبوا طعم بيبي كالم خالص، كله يا بيبي درينك يا ميلوبا، لما تلاقيه ويرجع ينزل تاني في الصيدلية هاتي اتنين او تلاتة حسب استخدامك وحسب الصلاحية طبعا عشاتن هو بيعمل كده كل فترة يختف ويرجع تاني

((K~A~T~O));15053830:
ايمى انا اميرة مش حبة البيبى كالم خالص يمكن عشان مش مسكر زى البيبى درينك جربى معاة ميلوبا كنت بديها لميرو قبل النوم وكانت مريحانى فعلا
معلش يا دندونة انى رديت قولت بس اقولها اللى اعرفة لغاية ما تدخلى وتفيديها

تسلمي يا ايمي جزاكي الله خيرا
هجرب ميلوبا ان شاء الله لو مالقاش بيبي درينك

*DONY*;15054044:
ايمى كتكوته : مشاركتك جميله مفيده اوى تسلمى يا حبى

ايمى ام معاز: اكتر الاطفال مش بيتقبلو البيبى كالم انا برده لما اديته لسما محبتهوش خالص و لسه عندى العلبه بحالها من ساعتها
جربى الميلوبا زى ما كاتو قالتلك هترتاحى معاه اوى او اديه كراويه على ينسون على نعناع

كاتو: اخص عليكى ازعل ازاى احنا كلنا هنا بنفيد بعض

جزاكي الله خيرا يا دينا
المشكله اني مش عندي اي اعشاب خالص ف البيت مش عارفه ازاي كان دايما بيبقى عندي نعناع وينسون بس لما رحت اولد قعدت فتره عند ماما جيت لقيت معظم الحاجات باظت

CuTie KaTkOoTa;15054058:
اه بجد كل دكتور كلمة بس لغاية دلوقتي كل اللي بسمعه انه غلط عشان كده استغربت انه واحد يطلع يقول كده واتضايقت


كنت سالت الدكتور بردو قبل كده علي الفرق ده عشان استغربت زيك ساعتها قاللي عادي بتبقي اختلاف تركيز ومكونات ، فامشي حسب الطريقة المكتوبة وخلاص، وممكن تحليه بنقطة عسل ابيض مش كتير يعني، وفعلا غالبية البيبيهات للاسف مش بيحبوا طعم بيبي كالم خالص، كله يا بيبي درينك يا ميلوبا، لما تلاقيه ويرجع ينزل تاني في الصيدلية هاتي اتنين او تلاتة حسب استخدامك وحسب الصلاحية طبعا عشاتن هو بيعمل كده كل فترة يختف ويرجع تاني

جزاكي الله خيرا يا ايمي
اكيد الاقبال عليه كتير عشان كده بيخلص
الله المستعان

ام سيمو ازيك يا جميلين

كنت عاوزة اسئلك هوا الفرق بين ظهور السنة و التانية بيكون اد اييييييييييية؟

انا خلاص هنهار محمد قارفنى جداااااااااا و زن زن زن زن تعبت
بس يلا كلو يهون علشان سنان الباشا

m@hy;15054478:
ام سيمو ازيك يا جميلين

كنت عاوزة اسئلك هوا الفرق بين ظهور السنة و التانية بيكون اد اييييييييييية؟

انا خلاص هنهار محمد قارفنى جداااااااااا و زن زن زن زن تعبت
بس يلا كلو يهون علشان سنان الباشا

بصى يا ماهى يا حبيبتى محمد عشان اتاخر شويه فى التسنين هتلاقه يطلعهم الاربعه ورا بعض فعشان كده يا حبيبى بيتعب اوى فى الفترة دى
دايما اللى بيتاخر فى التسنين بتلاقيهم طلعو ورا بعض فاستحملى الفترة دى معلش

طيب كمان مش بياكل خالث ممكن الفطار بس و غير كدا لا
و بيشرب لبن بس ف الببرونة:(

رغم انى بديلة بيريافيت فاتح شهية مرة ف اليوم بس برضة مش بياكل

أزيك يا دندونه قوليلي هيا حقن الكالسيوم دي كام حقنه وبتتاخد فين وبين كل حقنه والتانيه أد ايه أصل تقريبا كده أظن ان جود عندها نقص كالسيوم فا بفكر أوديها للدكتور يديهالها لأني عايزاها تمشي قبل ما أولد وهيا لغايه دلوقتي مافيش اي بوادر تسنين ولا وقوف ولا أي حاجه في الدنيا

marioum27;15057705:
أزيك يا دندونه قوليلي هيا حقن الكالسيوم دي كام حقنه وبتتاخد فين وبين كل حقنه والتانيه أد ايه أصل تقريبا كده أظن ان جود عندها نقص كالسيوم فا بفكر أوديها للدكتور يديهالها لأني عايزاها تمشي قبل ما أولد وهيا لغايه دلوقتي مافيش اي بوادر تسنين ولا وقوف ولا أي حاجه في الدنيا

اولا يا مريومه بالنسبه للمشى متقدريش تقولى عليها متاخرة غير بعد سنه و نص
و التسنين برضه ممكن عادى تقعد لحد سنه و اكتر
بالنسبه لحقن الكالسيوم العدد و الكميه بتختلف على حسب نقص الكالسيوم
ثانيا انا مش بشجع خالص الحقن لانها تقيله اوى ع الطفل و ليها اضراراها ملهاش لازمه خالص تستعجلى و تديهالها يا حبيبتى خللى كل حاجه طبيعيه احلى
و كفايه اوى الكالسيوم الشرب مع الاهتمام بالكالسيوم فى الاكل و تعريض الطفل للشمس

m@hy;15057115:
طيب كمان مش بياكل خالث ممكن الفطار بس و غير كدا لا
و بيشرب لبن بس ف الببرونة:(

رغم انى بديلة بيريافيت فاتح شهية مرة ف اليوم بس برضة مش بياكل

طبيعى يا ماهى فى فترة التسنين دى بتقل شهيته للاكا انتى حاولى كل شويه اعرضى عليه الاكل و لو هو زى مبتقولى مش بيحب غير اللبن زوديله عليه حاجه تانيه زى الموز و حليه بالعسل عشان تزودى قيمته الغذائيه
و ربنا يعدى الفترة دى يا حبيبتى

ازيك يا دندن و ازى سيمو
وحشانى اوى

بقلك انا هطعم ادهم بكره تطعيم الاربع شهور بتاع الصحه
مش عارفه بقي جرعه السيتال تبقي اد ايه

دندن يا قمر
هو المفروض اياد دلوقتي ياخد البيبي درينك 100 مل بدل ال50 ولا افضل على ال50 زي ما انا هتشبعه ؟

sweetyronaaa;15070440:
ازيك يا دندن و ازى سيمو
وحشانى اوى

بقلك انا هطعم ادهم بكره تطعيم الاربع شهور بتاع الصحه
مش عارفه بقي جرعه السيتال تبقي اد ايه

الحمد لله يا رونا ازيك انتى و دومى
جرعه السيتال هتبقى 10 نقط كل 6 ساعات
و كل تطعيم و هو طيب انا كمان هطعم سما بكرة تطعيم السنه ان شاء الله

*Om Mo3az & Eyad*;15070459:
دندن يا قمر
هو المفروض اياد دلوقتي ياخد البيبي درينك 100 مل بدل ال50 ولا افضل على ال50 زي ما انا هتشبعه ؟

لا كفايه ال50 مللى يا ايمى هى غالبا رضعه الاعشاب مش بتشبع اوى
بس بتهدى البطن